ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ದ್ವಿಸಪ್ತತಿತಮಸ್ಸರ್ಗಃ ।
ಅತಿಕಾಯಂಹತಂಶ್ರುತ್ವಾಲಕ್ಷ್ಮಣೇನಮಹೌಜಸಾ ।
ಉದ್ವೇಗಮಗಮದ್ರಾಜಾವಚನಂಚೇದಮಬ್ರವೀತ್ ॥ 1 ॥
ಧೂಮ್ರಾಕ್ಷಃಪರಮಾಮರ್ಷೀಧನ್ವೀಶಸ್ತ್ರಭೃತಾಂವರಃ ।
ಅಕಂಪನಃಪ್ರಹಸ್ತಶ್ಚಕುಂಭುಕರ್ಣಸ್ತಥೈವ ಚ ॥ 2 ॥
ಏತೇಮಹಾಬಲಾವೀರಾರಾಕ್ಷಸಾಯುದ್ಧಕಾಂಕ್ಷಿಣಃ ।
ಜೇತಾರಃಪರಸೈನ್ಯಾನಾಂಪರೈರ್ನಿತ್ಯಾಪರಾಜಿತಾಃ ॥ 3 ॥
ನಿಹತಾಸ್ತೇಮಹಾವೀರ್ಯಾರಾಮೇಣಾಕ್ಲಿಷ್ಟಕರ್ಮಣಾ ।
ರಾಕ್ಷಸಾಸ್ಸುಮಹಾಕಾಯಾನಾನಾಶಸ್ತ್ರವಿಶಾರದಾಃ ॥ 4 ॥
ಅನ್ಯೇ ಚ ಬಹವಶ್ಶೂರಾಮಹಾತ್ಮಾನೋನಿಪಾತಿತಾಃ ।
ಪ್ರಖ್ಯಾತಬಲವೀರ್ಯೇಣಪುತ್ರೇಣೇಂದ್ರಜಿತಾಮಮ ॥ 5 ॥
ಯೌಹಿತೌಭ್ರಾತರೌತದಾವೀರೌಬದ್ಧೌದತ್ತವರೈಶ್ಶರೈಃ ।
ಯನ್ನಶಕ್ಯಂಸುರೈಸ್ಸರ್ವೈರಸುರೈರ್ವಾಮಹಾಬಲೈಃ ॥ 6 ॥
ಮೋಕ್ತುಂತದ್ಬಂಧನಂಘೋರಂಯಕ್ಷಗಂಧರ್ವಕಿನ್ನರೈಃ ।
ತನ್ನಜಾನೇಪ್ರಭಾವೈರ್ವಾಮಾಯಯಾಮೋಹನೇನವಾ ॥ 7 ॥
ಶರಬಂಧಾದ್ವಿಮುಕ್ತೌತೌಭ್ರಾತರೌರಾಮಲಕ್ಷ್ಮಣೌ ।
ಯೇಯೋಧಾನಿರ್ಗತಾಶ್ಶೂರಾರಾಕ್ಷಸಾಮಮಶಾಸನಾತ್ ॥ 8 ॥
ತೇಸರ್ವೇನಿಹತಾಯುದ್ಧೇವಾನರೈಸ್ಸುಮಹಾಬಲೈಃ ।
ತಮ್ನಪಶ್ಯಾಮ್ಯಹಂಯುದ್ಧೇಯೋಽದ್ಯರಾಮಂಸಲಕ್ಷ್ಮಣಮ್ ॥ 9 ॥
ಶಾಸಯೇತ್ಸಬಲಂವೀರಂಸಸುಗ್ರೀವವಿಭೀಷಣಮ್ ।
ಅಹೋಸುಬಲವಾನ್ ರಾಮೋಮಹದಸ್ತ್ರಬಲಂ ಚ ವೈ ॥ 10 ॥
ಯಸ್ಯವಿಕ್ರಮಮಾಸಾದ್ಯರಾಕ್ಷಸಾನಿಧನಂಗತಾಃ ।
ಅಪ್ರಮತ್ಸೈಶ್ಚಸರ್ವತ್ರಗುಪ್ಸೈರಕ್ಷ್ಯಾಪುರೀವತಿಯಮ್ ॥ 11 ॥
ಅಶೋಕವನಿಕಾಯಾಂಚಯತ್ರಸೀತಾಽಭಿರಕ್ಷ್ಯತೇ ।
ನಿಷ್ಕ್ರಾಮೋವಾಪ್ರವೇಶೋವಾಜ್ಞಾತವ್ಯಸ್ಸರ್ವದೈವನಃ ॥ 12 ॥
ಯತ್ರಯತ್ರಭವೇದ್ಗುಲ್ಮಸ್ತತ್ರತತ್ರಪುನಃಪುನಃ ।
ಸರ್ವತಶ್ಚಾಪಿತಿಷ್ಠಧ್ವಂಸ್ಸ್ವೈಃ ಪರಿವೃತಾಬಲೈಃ ॥ 13 ॥
ದ್ರಷ್ಟವ್ಯಂ ಚ ಪದಂತೇಷಾಂವಾನರಾಣಾಂನಿಶಾಚರಾಃ ।
ಪ್ರದೋಷೇವಾರ್ಧರಾತ್ರೇವಾಪ್ರತ್ಯೂಷೇವಾಪಿಸರ್ವತ ॥ 14 ॥
ನಾವಜ್ಞಾತೇಷುಕರ್ತವ್ಯಾವಾನರೇಷುಕದಾಚನ ।
ದ್ವಿಷತಾಂಬಲಮುದ್ಯುಕ್ತಮಾಪತಕತಿಂಸ್ಥಿತಂಸದಾ ॥ 15 ॥
ತತಸ್ತೇರಾಕ್ಷಸಾಸ್ಸರ್ವೇಶ್ರುತ್ವಾಲಂಕಾಧಿಪಸ್ಯತತ್ ।
ವಚನಂಸರ್ವಮಾತಿಷ್ಠನ್ ಯಥಾವತ್ತುಮಹಾಬಲಾಃ ॥ 16 ॥
ಸ ತಾನ್ ಸರ್ವಾನ್ ಹಿಸಂದಿಶ್ಯರಾವಣೋರಾಕ್ಷಸಾಧಿಪಃ ।
ಮನ್ಯುಶಲ್ಯಂವಹನ್ ದೀನಃಪ್ರವಿವೇಶಸ್ವಮಾಲಯಮ್ ॥ 17 ॥
ತತಸ್ಸಸಂದೀಪಿತಕೋಪಹ್ನಿರ್ನಿಶಾಚರಾಣಾಮಧಿಪೋಮಹಾಬಲಃ ।
ತದೇವಪುತ್ರವ್ಯಸನಂವಿಚಿಂತಯನ್ಮುಹುರ್ಮುಹುಶ್ಚೈವತದಾವ್ಯನಿಶ್ಶ್ವಸತ್ ॥ 18 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ದ್ವಿಸಪ್ತತಿತಮಸ್ಸರ್ಗಃ ॥
