ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಷೋಡಶಸ್ಸರ್ಗಃ ।
ಸುನಿವಿಷ್ಟಂಹಿತಂವಾಕ್ಯಮುಕ್ತವಂತಂವಿಭೀಷಣಮ್ ।
ಅಬ್ರವೀತ್ಪರುಷಂವಾಕ್ಯಂರಾವಣಃಕಾಲಚೋದಿತಃ ॥ 1 ॥
ವಸೇತ್ಸಹಸಪತ್ನೇನಕ್ರುದ್ಧೇಽನಾಶೀವಿಷೇಣವಾ ।
ನತುಮಿತ್ರಪ್ರವಾದೇನಸಂವಸೇಚ್ಛತ್ರುಸೇವಿನಾ ॥ 2 ॥
ಜಾನಾಮಿಶೀಲಂಜ್ಞಾತೀನಾಂಸರ್ವಲೋಕೇಷುರಾಕ್ಷಸಃ ।
ಹೃಷ್ಯಂತಿವ್ಯಸನೇಷ್ವೇತೇಜ್ಞಾತೀನಾಜ್ಞಾತಯಸ್ಸದಾ ॥ 3 ॥
ಪ್ರಥಾನಂಸಾಧನಂವೈದ್ಯಂಧರ್ಮಶೀಲಂಚರಾಕ್ಷಸಃ ।
ಜ್ಞಾತಯೋಹ್ಯವಮನ್ಯಂತೇಶೂರಂಪರಿಭವಂತಿಚ ॥ 4 ॥
ನಿತ್ಯಮನ್ಯೋನ್ಯಸಮ್ಹೃಷ್ಟಾವ್ಯಸನೇಷ್ವಾತತಾಯಿನಃ ।
ಪ್ರಚ್ಛನ್ನಹೃದಯಾಘೋರಾಜ್ಞಾತಯಸ್ತುಭಯಾವಹಾಃ ॥ 5 ॥
ಶ್ರೂಯಂತೇಹಸ್ತಿಭಿರ್ಗೀತಾಶ್ಶ್ಲೋಕಾಃಪದ್ಮವನೇಕ್ವಚಿತ್ ।
ಪಾಶಹಸ್ತಾನ್ನರಾಂದ್ರುಷ್ಟವಾಶೃಣುತಾನ್ಗದತೋಮಮ ॥ 6 ॥
ನಾಗ್ನಿರ್ನಾನ್ಯಾನಿಶಸ್ತ್ರಾಣಿನನಃಪಾಶಾಭಯಾವಹಾಃ ।
ಘೋರಾಸ್ಸ್ವಾರ್ಥಪ್ರಯುಕ್ತಾಸ್ತುಜ್ಞಾತಯೋನೋಭಯಾವಹಾಃ ॥ 7 ॥
ಉಪಾಯಮೇತೇವಕ್ಷ್ಯಂತಿಗ್ರಹಣೇನಾತ್ರಸಂಶಯಃ ।
ಕೃತ್ಸ್ನಾದ್ಭಯಾದ್ ಜ್ಞಾತಿಭಯಂಸುಕಷ್ಟಂವಿದಿತಂಚನ ॥ 8 ॥
ವಿದ್ಯತೇಗೋಷುಸಂಪನ್ನಂವಿದ್ಯತೇಬ್ರಾಹ್ಮಣೇದಮಃ ।
ವಿದ್ಯತೇಸ್ತ್ರೀಷುಚಾಪಲ್ಯಂವಿದ್ಯತೇಜ್ಞಾತಿತೋಭಯಮ್ ॥ 9 ॥
ತತೋನೇಷ್ಟಮಿದಂಸೌಮ್ಯಯದಹಂಲೋಕಸತ್ಕೃತಃ ।
ಐಶ್ವರ್ಯಮಭಿಜಾತಶ್ಚಜ್ಞಾತೀನಾಂಮೂರ್ಧ್ನ್ಯವಸ್ಥಿತಃ ॥ 10 ॥
ಯಥಾಪುಷ್ಕರಪತ್ರೇಷುಪತಿತಾಸ್ತೋಯಬಿಂದವಃ ।
ನಶ್ಲೇಷಮಭಿಗಚ್ಛಂತಿತಥಾಽನಾರ್ಯೇಷುಸಂಗತಮ್ ॥ 11 ॥
ಯಥಾಮಧುಕರಸ್ತರ್ಷಾದ್ರಸಂವಿಂದನ್ನವಿದ್ಯತೇ ।
ತಥಾತ್ವಮಪಿತತ್ರೈವತಥಾನಾರ್ಯೇಷುಸೌಹೃದಮ್ ॥ 12 ॥
ಯಥಾಪೂರ್ವಂಗಜಸ್ಸ್ನಾತ್ವಾಗೃಹ್ಯಹಸ್ತೇನವೈರಜಃ ।
ದೂಷಯತ್ಯಾತ್ಮನೋದೇಹಂತಥಾನಾರ್ಯೇಷುಸಂಗತಮ್ ॥ 13 ॥
ಯಥಾಶರದಿಮೇಘಾನಾಂಸಿಂಚತಾಮಪಿಗರ್ಜತಾಮ್ ।
ನಭವತ್ಯಂಬುಸಂಕ್ಲೇದಸ್ತಥಾಽನಾರ್ಯೇಷುಸೌಹೃದಮ್ ॥ 14 ॥
ಯಥಾಮಧುಕರಸ್ತರ್ಷಾತ್ಕಾಶಪುಷ್ಪಂಪಿಬನ್ನಪಿ ।
ರಸಮತ್ರನವಿಂದೇತತಥಾನಾರ್ವೇಷುಸೌಹೃದಮ್ ॥ 15 ॥
ಅನ್ಯಸ್ತ್ವೇವಂವಿಧಂಬ್ರೂಯಾದ್ವಾಕ್ಯಮೇತನ್ನಿಶಾಚರಃ ।
ಅಸ್ಮಿನ್ಮುಹೂರ್ತೇನಭವೇತ್ತ್ವಾಂತುಧಿಕ್ಕುಲಪಾಂಸನ ॥ 16 ॥
ಅಬ್ರವೀಚ್ಚತದಾವಾಕ್ಯಂಜಾತಕ್ರೋಧೋವಿಭೀಷಣಃ ।
ಅಂತರಿಕ್ಷಗತ್ಶೀಮಾನ್ಭ್ರಾತರಂರಾಕ್ಷಸಾಧಿಪಮ್ ॥ 17 ॥
ಸತ್ವಂಭ್ರಾತಾಽಸಿಮೇರಾಜನ್ಬ್ರೂಹಿಮಾಂಯದ್ಯದಿಚ್ಛಸಿ ।
ಜ್ಯೇಷ್ಟೋಮಾನ್ಯಃಪಿತೃಸಮೋನಚಧರ್ಮಪಥೇಸ್ಥಿತಃ ॥ 18 ॥
ಇದಂತುಪರುಷಂವಾಕ್ಯಂನಕ್ಷಮಾಮ್ಯಗ್ರಜಸ್ಯತೇ ।
ಸುನೀತಂಹಿತಕಾಮೇನವಾಕ್ಯಮುಕ್ತಂದಶಾನನಃ ।
ನಗೃಹ್ಣಂತ್ಯಕೃತಾತ್ಮಾನಃಕಾಲಸ್ಯವಶಮಾಗತಾಃ ॥ 19 ॥
ಸುಲಭಾಃಪುರುಷರಾಜನ್ ಸತತಂಪ್ರಿಯವಾದಿನಃ ।
ಅಪ್ರಿಯಸ್ಯಚಪಥ್ಯಸ್ಯವಕ್ತಾಶ್ರೋತಾಚದುರ್ಲಭಃ ॥ 20 ॥
ಬದ್ಧಂಕಾಲಸ್ಯಪಾಶೇನಸರ್ವಭೂತಾಪಹಾರಿಣಾ ।
ನನಶ್ಯಂತಮುಪೇಕ್ಷೇತ್ವಾಂಪ್ರದೀಪ್ತಂಶರಣಂಯಥಾ ॥ 21 ॥
ದೀಪ್ತಪಾವಕಸಂಕಾಶೈಶ್ಶಿತೈಃಕಾಂಚನಭೂಷಣೈಃ ।
ನತ್ವಾಮಿಚ್ಛಾಮ್ಯಹಂದ್ರಷ್ಟುಂರಾಮೇಣನಿಹತಂಶರೈಃ ॥ 22 ॥
ಶೂರಾಶ್ಚಬಲವಂತಶ್ಚಕೃತಾಸ್ತ್ರಾಶ್ಚರಣಾಜಿರೇ ।
ಕಾಲಾಭಿಪನ್ನಾಸ್ಸೀದಂತಿಯಥಾವಾಲುಕಸೇತವ ॥ 23 ॥
ತನ್ಮರ್ಷಯತುಯಚ್ಚೋಕ್ತಂಗುರುತ್ವಾದ್ಧಿತಮಿಚ್ಛತಾ ॥ 24 ॥
ಅತ್ಮಾನಂಸರ್ವಥಾರಕ್ಷಪುರೀಂಚೇಮಾಂಸರಾಕ್ಷಸಾಮ್ ।
ಸ್ವಸ್ತಿತೇಽಸ್ತುಗಮಿಷ್ಯಾಮಿಸುಖೀಭವಮಯಾವಿನಾ ॥ 25 ॥
ನಿವಾರ್ಯಮಾಣಸ್ಯಮಯಾಹಿತೈಷಿಣಾನರೋಚತೇತೇವಚನಂನಿಶಾಚರಃ ।
ಪರೀತಕಾಲಾಹಿಗತಾಯುಷೋನರಾಹಿತಂನಗೃಹ್ಣಂತಿಸುಹೃದ್ಭಿರೀರಿತಮ್ ॥ 26 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಷೋಡಶಸ್ಸರ್ಗಃ ॥
