ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ವಿಂಶಸ್ಸರ್ಗಃ ।
ತತೋನಿವಿಷ್ಟಾಂಧ್ವಜಿನೀಂಸುಗ್ರೀವೇಣಾಭಿಪಾಲಿತಾಮ್ ।
ದದರ್ಶರಾಕ್ಷಸೋಽಭ್ಯೇತ್ಯಶಾರ್ದೂಲೋನಾಮವೀರ್ಯವಾನ್ ॥ 1 ॥
ಚಾರೋರಾಕ್ಷಸರಾಜಸ್ಯರಾವಣಸ್ಯದುರಾತ್ಮನಃ ।
ತಾಂದೃಷ್ಟ್ವಾಸರ್ವತೋವ್ಯಗ್ರಂಪ್ರತಿಗಮ್ಯಸರಾಕ್ಷಸಃ ॥ 2 ॥
ಆವಿಶ್ಯ ಲಂಕಾಂ ವೇಗೇನ ರಾಜಾನಮಿದಮಬ್ರವೀತ್ ।
ಏಷ ವೈ ವಾನರರ್ಕ್ಷಘೋ ಲಂಕಾಂ ಸಮಭಿವರ್ತತೇ ॥ 3 ॥
ಪುತ್ರೌದಶರಥಸ್ಯೇಮೌಭ್ರಾತರೌರಾಮಲಕ್ಷ್ಮಣೌ ॥ 4 ॥
ಉತ್ತಮೌರೂಪಸಂಪನ್ನೌಸೀತಾಯಾಃಪದಮಾಗತೌ ।
ಏತೌಸಾಗರಮಾಸಾದ್ಯಸನ್ನಿವಿಷ್ಟೌಮಹಾದ್ಯುತೀ ॥ 5 ॥
ಬಲಂಚಾಮಾಕಾಶಮಾವೃತ್ಯಸರ್ವತೋದಶಯೋಜನಮ್ ।
ತತ್ತ್ವಭೂತಂಮಹಾರಾಜ ಕ್ಷಿಪ್ರಂವೇದಿತುಮರ್ಹಸಿ ॥ 6 ॥
ತವದೂತಾಮಹಾರಾಜಕ್ಷಿಪ್ರಮರ್ಹಂತ್ಯವೇಕ್ಷಿತುಮ್ ।
ಉಪಪ್ರದಾನಂಸಾಂತ್ವಂವಾಭೇದೋವಾತ್ರಪ್ರಯುಜ್ಯತಾಮ್ ॥ 7 ॥
ಶಾರ್ದೂಲಸ್ಯವಚಶ್ಶ್ರುತ್ವಾರಾವಣೋರಾಕ್ಷಸೇಶ್ವರಃ ।
ಉವಾಚಸಹಸಾವ್ಯಗ್ರಸ್ಸಂಪ್ರಧಾರ್ಯಾರ್ಥಮಾತ್ಮನಃ ॥ 8 ॥
ಶುಕಂನಾಮತದಾರಕ್ಷೋವಾಕ್ಯಮರ್ಥವಿದಾಂವರಮ್ ।
ಸುಗ್ರೀವಂಬ್ರೂಹಿಗತ್ವಾಶುರಾಜಾನಂವಚನಾನ್ಮಮ ।
ಯಥಾಸಂದೇಶಮಕ್ಲೀಬಂಶ್ಲಕ್ಷ್ಣಯಾಪರಯಾಗಿರಾ ॥ 9 ॥
ತ್ವಂವೈಮಹಾರಾಜಕುಲಪ್ರಸೂತೋಮಹಾಬಲಶ್ಚರ್ ಕ್ಷರಜಸ್ಸುತಶ್ಚ ।
ನಕಶ್ಚಿದಾರ್ಥಸ್ತವನಾಸ್ತ್ಯನರ್ಥಸ್ತಥಾಹಿಮೇಭ್ರಾತೃಸಮೋಹರೀಶ ॥ 10 ॥
ಅಹಂಯದ್ಯಹರಂಭಾರ್ಯಾಂರಾಜಪುತ್ರಸ್ಯಧೀಮತಃ ।
ಕಿಂತತ್ರತವಸುಗ್ರೀವಃ ಕಿಷ್ಕಿಂಧಾಂಪ್ರತಿಗಮ್ಯತಾಮ್ ॥ 11 ॥
ನಹೀಯಂಹರಿಭಿರ್ಲಂಕಾಶಕ್ಯಾಪ್ರಾಪ್ತುಂಕಥಂಚನ ।
ದೇವೈರಪಿಸಗಂಧರ್ವೈಃಕಿಂಪುನರ್ನರವಾನರೈಃ ॥ 12 ॥
ಸತಥಾರಾಕ್ಷಸೇಂದ್ರೇಣಸಂದಿಷ್ಟೋರಜನೀಚರಃ ।
ಶುಕೋವಿಹಂಗಮೋಭೂತ್ವಾತೂರ್ಣಮಾಪ್ಲುತ್ಯಚಾಂಬರಮ್ ॥ 13 ॥
ಸಗತ್ವಾದೂರಮಧ್ವಾನಮುಪರ್ಯುಪರಿಸಾಗರಮ್ ।
ಸಂಸ್ಥಿತೋಹ್ಯಂಬರೇವಾಕ್ಯಂಸುಗ್ರೀವಮಿದಮಬ್ರವೀತ್ ॥ 14 ॥
ಸರ್ವಮುಕ್ತಂಯಥಾದಿಷ್ಟಂರಾವಣೇನದುರಾತ್ಮನಾ ।
ತಂಪ್ರಾಪಯಂತಂವಚನಂತೂರ್ಣಮಾಪ್ಲುತ್ಯವಾನರಾಃ ॥ 15 ॥
ಪ್ರಾಪದ್ಯಂತದಿವಂಕ್ಷಿಪ್ರಂಲೋಪ್ತುಂಹಂತುಂಚಮುಷ್ಟಿಭಿಃ ।
ಸತೈಃಪ್ಲವಂಗೈಃಪ್ರಸಭಂನಿಗೃಹೀತೋನಿಶಾಚರಃ ।
ಗಗನಾದ್ಭೂತಲೇಚಾಶುಪರಿಗೃಹ್ಯನಿಪಾತಿತಃ ॥ 16 ॥
ವಾನರೈಃಪೀಡ್ಯಮಾನಸ್ತುಶುಕೋವಚನಮಬ್ರವೀತ್ ।
ನದೂತಾನ್ಘ್ನಂತಿಕಾಕುತ್ಸ್ಥ ವಾರ್ಯಂತಾಂಸಾಧುವಾನರಾಃ ॥ 17 ॥
ಯಸ್ತುಹಿತ್ವಾಮತಂಭರ್ತುಸ್ಸ್ವಮತಂಸಂಪ್ರಭಾಷತೇ ।
ಅನುಕ್ತವಾದೀದೂತಸ್ಸನ್ ಸದೂತೋವಧಮರ್ಹತಿ ॥ 18 ॥
ಶುಕಸ್ಯವಚನಂಶ್ರುತ್ವಾರಾಮಸ್ತುಪರಿದೇವಿತಮ್ ।
ಉವಾಚಮಾವಧಿಷ್ಟೇತಿಘ್ನತಶ್ಶಾಖಾಮೃಗರ್ಷಭಾನ್ ॥ 19 ॥
ಸಚಪತ್ರಲಘುರ್ಭೂತ್ವಾಹರಿಭಿರ್ದರ್ಶಿತೇಭಯೇ ।
ಅಂತರಿಕ್ಷೇಸ್ಥಿತೋಭೂತ್ವಾಪುನರ್ವಚನಮಬ್ರವೀತ್ ॥ 20 ॥
ಸುಗ್ರೀವಃಸ ತ್ತ್ವಸಂಪನ್ನಃ ಮಹಾಬಲಪರಾಕ್ರಮಃ ।
ಕಿಂಮಯಾಖಲುವಕ್ತವ್ಯೋರಾವಣೋಲೋಕರಾವಣಃ ॥ 21 ॥
ಸಏವಮುಕ್ತಃಪ್ಲವಗಾಧಿಪಸ್ತದಾಪ್ಲವಂಗಮಾನಾಮೃಷಭೋಮಹಾಬಲಃ ।
ಉವಾಚವಾಕ್ಯಂರಜನೀಚರಸ್ಯಚಾರಂಶುಕಂತೂರ್ಣಮದೀನಸತ್ತ್ವಃ ॥ 22 ॥
ನಮೇಽಸಿಮಿತ್ರಂನತಥಾನುಕಂಪ್ಯೋನಚೋಪಕರ್ತಾಪಿನಮೇಪ್ರಿಯೋಽಸಿ ।
ಅರಿಶ್ಚರಾಮಸ್ಯಸಹಾನುಬಂಧಸ್ತತೋಽಸಿವಾಲೀವವಧಾರ್ಹವಧ್ಯಃ ॥ 23 ॥
ನಿಹ್ನನ್ಮ್ಯಹಂತ್ವಾಂಸಸುತಂಸಬಂಧುಂಸಜ್ಞಾತಿವರ್ಗರಜನೀಚರೇಶ ।
ಲಂಕಾಂಚಸರ್ವಾಂಮಹತಾಬಲೇನಕ್ಷಿಪ್ರಂಕರಿಷ್ಯಾಮಿಸಮೇತ್ಯಭಸ್ಮ ॥ 24 ॥
ನಮೋಕ್ಷಯಸೇರಾವಣಃ ರಾಘವಸ್ಯಸುರೈಸ್ಸಹೇಂದ್ರೈದಪಿಮೂಢಗುಪ್ತಃ ।
ಅಂತರ್ಹಿತಸ್ಸೂರ್ಯಪಥಂಗತೋಽವಾ ।
ತಥೈವಪಾತಾಲಮನುಪ್ರವಿಷ್ಟಃ ॥ 25 ॥
ಗಿರೀಶಪಾದಂಬುಜಸಂಗತೋವಾಹತೋಽಸಿರಾಮೇಣಸಹಾನುಜಸ್ತ್ವಮ್ ॥ 26 ॥
ತಸ್ಯತೇತ್ರಿಷುಲೋಕೇಷುನಪಿಶಾಚಂನರಾಕ್ಷಸಮ್ ।
ತ್ರಾತಾರಮನುಪಶ್ಯಾಮಿನಗಂಧರ್ವಂನಚಾಸುರಮ್ ॥ 27 ॥
ಅವಧೀರ್ಯಜರಾವೃದ್ದಂಗೃಧ್ರರಾಜಂಜಟಾಯುಷಮ್ ।
ಕಿಂನುತೇರಾಮಸಾನ್ನಿಧ್ಯೇಸಕಾಶೇಲಕ್ಷ್ಮಣಸ್ಯವಾ ॥ 28 ॥
ಹೃತಾಸೀತಾವಿಶಾಲಾಕ್ಷೀಯಾಂತ್ವಂಗೃಹ್ಯನಬುಧ್ಯಸೇ ।
ಮಹಾಬಲಂಮಹಾತ್ಮಾನಂದುರ್ಧರ್ಷಮಮರೈರಪಿ ।
ನಬುಧ್ಯಸೇರಘುಶ್ರೇಷ್ಠಂಯಸ್ತೇಪ್ರಾಣಾನ್ಹರಿಷ್ಯತಿ ॥ 29 ॥
ತತೋಽಬ್ರವೀದ್ವಾಲಿಸುತಸ್ತ್ವಂಗದೋಹರಿಸತ್ತಮಃ ।
ನಾಯಂದೂತೋಮಹಾರಾಜಚಾರಿಕಃಪ್ರತಿಭಾತಿಮೇ ॥ 30 ॥
ತುಲಿತಂಹಿಬಲಂಸರ್ವಮನೇನಾತ್ರೈವತಿಷ್ಠತಾ ।
ಗೃಹ್ಯತಾಂಮಾಗಮಲ್ಲಂಕಾಮೇತದ್ದಿಮಮರೋಚತೇ ॥ 31 ॥
ತತೋರಾಜ್ಞಾಸಮಾದಿಷ್ಟಾಸ್ಸಮುತ್ಪತ್ಯವಲೀಮುಖಾಃ ।
ಜಗೃಹುಶ್ಚಬಬಂಧುಶ್ಚವಿಲಪಂತಮನಾಥವತ್ ॥ 32 ॥
ಶುಕಸ್ತುವಾನರೈಶ್ಚಂಡೈಸ್ತತ್ರತೈಸ್ಸಂಪ್ರಪೀಡಿತಃ ।
ವ್ಯಾಚುಕ್ರೋಶಮಹಾತ್ಮಾನಂರಾಮಂದಶರಥಾತ್ಮಜಮ್ ॥ 33 ॥
ಲುಪ್ಯೇತೇಮೇಬಲಾತ್ಪಕ್ಷೌಭಿದ್ಯೇತೇಮೇತಥಾಽಕ್ಷಿಣೀ ॥ 34 ॥
ಯಾಂಚರಾತ್ರಿಂಮರಿಷ್ಯಾಮಿಜಾಯೇರಾತ್ರಿಂಚಯಾಮಹಮ್ ।
ಏತಸ್ಮಿನ್ನಂತರೇಕಾಲೇಯನ್ಮಯಾಹ್ಯಶುಭಂಕೃತಮ್ ॥ 35 ॥
ಸರ್ವಂತ್ವಮುಪಪದ್ಯೇಧಾಜಹ್ಯಾಂಚೇದ್ಯದಿಜೀವಿತಮ್ ।
ನಾಘಾತಯತ್ತದಾರಾಮಶ್ಶ್ರುತ್ವಾತತ್ಪರಿದೇವನಮ್ ।
ವಾನರಾನಬ್ರವೀದ್ರಾಮೋಮುಚ್ಯತಾಂದೂತಆಗತಃ ॥ 36 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ವಿಂಶಸ್ಸರ್ಗಃ ॥
