ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಷಟ್ತ್ರಿಂಶಸ್ಸರ್ಗಃ ।
ತತ್ತುಮಾಲ್ಯವತೋವಾಕ್ಯಂಹಿತಮುಕ್ತಂದಶಾನನಃ ।
ನಮರ್ಷಯತಿದುಷ್ಟಾತ್ಮಾಕಾಲಸ್ಯವಶಮಾಗತಃ ॥ 1 ॥
ನಬದ್ ಧ್ವಾಭ್ರುಕುಟೀಂವಕ್ತ್ರೇಕ್ರೋಧಸ್ಯವಶಮಾಗತಃ ।
ಅಮರ್ಷಾತ್ಪರಿವೃತ್ತಾಕ್ಷೋಮಾಲ್ಯವಂತಮಥಾಬ್ರವೀತ್ ॥ 2 ॥
ಹಿತಬುಧ್ಯಾಯದಹಿತಂವಚಃಪರುಷಮುಚ್ಯತೇ ।
ಪರಪಕ್ಷಂಪ್ರನಿಶ್ಯೈವನೈತಚ್ಚ್ರೋತ್ರಗತಂಮಮ ॥ 3 ॥
ಮಾನುಷಂಕೃಪಣಂರಾಮಮೇಕಂಶಾಖಾಮೃಗಾಶ್ರಯಮ್ ।
ಸಮರ್ಥಂಮನ್ಯಸೇಕೇನತ್ಯಕ್ತಂಪಿತ್ರಾವನಾಲಯಮ್ ॥ 4 ॥
ರಕ್ಷಸಾಮೀಶ್ವರಂಮಾಂಚದೇವಾನಾಂಚಭಯಂಕರಮ್ ।
ಹೀನಂಮಾಂಮನ್ಯಸೇಕೇನಹ್ಯಹೀನಂಸರ್ವವಿಕ್ರಮೈಃ ॥ 5 ॥
ವೀರದ್ವೇಷೇಣವಾಶಂಕೇಪಕ್ಷಪಾತೇನವಾರಿಪೋಃ ।
ತ್ವಯಾಹಂಪರುಷಾಣ್ಯುಕ್ತಃಪರಪ್ರೋತ್ಸಾಹನೇನವಾ ॥ 6 ॥
ಪ್ರಭವಂತಂಪದಸ್ಥಂಹಿಪರುಷಂಕೋಽಭಿಭಾಷತೇ ।
ಪಂಡಿತಶ್ಶಾಸ್ತ್ರತತ್ತ್ವಜ್ಞೋವಿನಾಪ್ರೋತ್ಸಾಹನಾದ್ರಿಪೋಃ ॥ 7 ॥
ಆನೀಯಚವನಾಸತೀತಾಂಪದ್ಮಹೀನಾಮಿವಶ್ರಿಯಮ್ ।
ಕಿಮರ್ಥಂಪ್ರತಿದಾಸ್ಯಾಮಿರಾಘವಸ್ಯಭಯಾದಹಮ್ ॥ 8 ॥
ವೃತಂವಾನರಕೋಟೀಭಿಸ್ಸಸುಗ್ರೀವಂಸಲಕ್ಷ್ಮಣಮ್ ।
ಪಶ್ಯಕೈಶ್ಚಿದಹೋಭಿಸ್ತ್ವಂರಾಘವಂನಿಹತಂಮಯಾ ॥ 9 ॥
ದ್ವಂದ್ವೇಯಸ್ಯನತಿಷ್ಠಂತಿದೈವತಾನ್ಯಪಿಸಂಯುಗೇ ।
ಸಕಸ್ಮಾದ್ರಾವಣೋಯುದ್ಧೇಭಯಮಾಹಾರಯಿಷ್ಯತಿ ॥ 10 ॥
ದ್ವಿಧಾಭಜ್ಯೇಯಮಪ್ಯೇವಂನನಮೇಯಂತುಕಸ್ಯಚಿತ್ ।
ಏಷಮೇಸಹಜೋದೋಷಸ್ಸ್ವಭಾವೋದುರತಿಕ್ರಮಃ ॥ 11 ॥
ಯದಿತಾವತ್ಸಮುದ್ರೇತುಸೇತುರ್ಬದ್ಧೋಯದೃಚ್ಛಯಾ ।
ರಾಮೇಣವಿಸ್ಮಯಃಕೋಽತ್ರಯೇವಮೇಭಯಮಾಗತಮ್ ॥ 12 ॥
ಸತುತೀರ್ತ್ವಾರ್ಣವಂರಾಮಸ್ಸಹವಾನರಸೇನಯಾ ।
ಪ್ರತಿಜಾನಾಮಿತೇಸತ್ಯಂನಜೀವನ್ಪ್ರತಿಯಾಸ್ಯತಿ ॥ 13 ॥
ಏವಂ ಬ್ರುವಾಣಂ ಸಮ್ರಬ್ಧಂ ರುಷ್ಟಂ ವಿಜ್ನಾಯ ರಾವಣಮ್ ।
ವ್ರೀಡಿತೋ ಮಾಲ್ಯವಾನ್ ವಾಕ್ಯಂ ನ ಉತ್ತರಂ ಪ್ರತ್ಯಪದ್ಯತ ॥ 14 ॥
ಜಯಾಶಿಷಾಚರಾಜಾನಂವರ್ಧಯಿತ್ವಾಯಥೋಚಿತಮ್ ।
ಮಾಲ್ಯವಾನಭ್ಯನುಜ್ಞಾತೋಜಗಾಮಸ್ವಂನಿವೇಶನಮ್ ॥ 15 ॥
ರಾವಣಸ್ತುಸಹಾಮಾತ್ಯೋಮಂತ್ರಯಿತ್ವಾವಿಮೃಶ್ಯಚ ।
ಲಂಕಾಯಾಮತುಲಾಂಗುಪ್ತಿಂಕಾರಯಾಮಾಸರಾಕ್ಷಸಃ ॥ 16 ॥
ವ್ಯಾದಿದೇಶಸಪೂರ್ವಸ್ಯಾಂಪ್ರಹಸ್ತಂದ್ವಾರಿರಾಕ್ಷಸಮ್ ।
ದಕ್ಷಿಣಸ್ಯಾಂಮಹಾವೀರ್ಯೌಮಹಾಪಾರ್ಶ್ವಮಹಾದರೌ ॥ 17 ॥
ಪಶ್ಚಿಮಾಯಾಮಥೋದ್ವಾರಿಪುತ್ರಮಿಂದ್ರಜಿತಂತದಾ ।
ವ್ಯಾದಿದೇಶಮಯಾಮಾಯಂಬಹೂಭೀರಾಕ್ಷಸೈರ್ಭಹುಭಿರ್ವೃತಮ್ ॥ 18 ॥
ಉತರಸ್ಯಾಂಪುರದ್ವಾರಿವ್ಯಾದಿಶ್ಯಶುಕಸಾರಣೌ ।
ಸ್ವಯಂಚಾತ್ರಗಮಿಷ್ಯಾಮಿಮಂತ್ರಿಣಸ್ತಾನುವಾಚಹ ॥ 19 ॥
ರಾಕ್ಷಸಾಂತುವಿರೂಪಾಕ್ಷಂಮಹಾವೀರ್ಯಪರಾಕ್ರಮಮ್ ।
ಮಧ್ಯಮೇಽಸ್ಥಾಪಯದ್ಗುಲ್ಮೇಬಹುಭಿಸ್ಸಹರಾಕ್ಷಸೈಃ ॥ 20 ॥
ಏವಂವಿಧಾನಂಲಂಕಾಯಾಂಕೃತ್ವಾರಾಕ್ಷಸಪುಂಗವಃ ।
ಕೃತಕೃತ್ಯಮಿವಾತ್ಮಾನಂಮನ್ಯತೇಕಾಲಚೋದಿತಃ ॥ 21 ॥
ವಿಸರ್ಜಯಾಮಾಸತತಸ್ಸಮಂತ್ರಿಣೋವಿಧಾನಮಾಜ್ಞಾಪ್ಯಪುರಸ್ಯಪುಷ್ಕಲಮ್ ।
ಜಯಾಶಿಷಾಮಂತ್ರಿಗಣೇನಪೂಜಿತೋವಿವೇಶಚಾಽಂತಃಪುರಮೃದ್ಧಿಮನ್ಮಹತ್ ॥ 22 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಷಟ್ತ್ರಿಂಶಸ್ಸರ್ಗಃ ॥
