ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಚತುಶ್ಚತ್ವಾರಿಂಶಸ್ಸರ್ಗಃ ।
ಯುಧ್ಯತಾಮೇನತೇಷಾಂತುತದಾವಾನರರಾಕ್ಷಸಾಮ್ ।
ರವಿರಸ್ತಂಗತೋರಾತ್ರಿಃಪ್ರವೃತ್ತಾಪ್ರಾಣಹಾರಿಣೀ ॥ 1 ॥
ಅನ್ಯೋನ್ಯಂಬದ್ಧವೈರಾಣಾಂಘೋರಾಣಾಂಜಯಮಿಚ್ಛತಾಮ್ ।
ಸಂಪ್ರವೃತ್ತಂನಿಶಾಯುದ್ಧಂತದಾವಾನರರಕ್ಷಸಾಮ್ ॥ 2 ॥
ರಾಕ್ಷಸೋಽಸೀತಿಹರಯೋಹರಿಶ್ಚಾಽಸೀತಿರಾಕ್ಷಸಾಃ ।
ಅನ್ಯೋನ್ಯಂಸಮರೇಜಘ್ನುಸ್ತಸ್ಮಿಂಸ್ತಮಸಿದಾರುಣೇ ॥ 3 ॥
ಜಹಿದಾರಯಚೈಹೀತಿಕಥಂವಿದ್ರವಸೀತಿಚ ।
ಏವಂಸುತುಮುಲಶ್ಶಬ್ದಸ್ತಸ್ಮಿಂಸ್ತಮಸಿಶುಶ್ರುವೇ ॥ 4 ॥
ಕಾಲಾಃಕಾಂಚನಸನ್ನಾಹಾಸ್ತಸ್ಮಿಂಸ್ತಮಸಿರಾಕ್ಷಸಾಃ ।
ಸಂಪ್ರದೃಶ್ಯಂತಶೈಲೇಂದ್ರಾದೀಪ್ತೌಷಧಿವನಾಇವ ॥ 5 ॥
ತಸ್ಮಿಂಸ್ತಮಸಿದುಷ್ಪಾರೇರಾಕ್ಷಸಾಃಕ್ರೋಧಮೂರ್ಛಿತಾಃ ।
ಪರಿಪೇತುರ್ಮಹಾವೇಗಾಭಕ್ಷಯಂತಃಪ್ಲವಂಗಮಾನ್ ॥ 6 ॥
ತೇಹಯಾನ್ ಕಾಂಚನಾಪೀಡಾನ್ ಧ್ವಜಾಂಶ್ಚಾಶೀವಿಷೋಪಮಾನ್ ।
ಆಪ್ಲುತ್ಯದಶನೈಸ್ತೀಕ್ಷ್ಣೈರ್ಭೀಮಕೋಪಾವ್ಯದಾರಯನ್ ॥ 7 ॥
ವಾನರಾಬಲಿನೋಯುದ್ಧೇಽಕ್ಷೋಭಯನ್ ರಾಕ್ಷಸೀಂಚಮೂಮ್ ।
ಕುಂಜರಾನ್ ಕುಂಜರಾರೋಹಾನ್ ಪತಾಕಾಧ್ವಜಿನೋರಥಾನ್ ॥ 8 ॥
ಕರ್ಷುಶ್ಚದದಂಶುಶ್ಚದಶನೈಃಕ್ರೋಧಮೂರ್ಛಿತಾಃ ।
ಲಕ್ಷ್ಮಣಶ್ಚಾಪಿರಾಮಶ್ಚಶರೈರಾಶೀವಿಷೋಪಮೈಃ ॥ 9 ॥
ದೃಶ್ಯಾದೃಶ್ಯಾನಿರಕ್ಷಾಂಸಿಪ್ರವರಾಣಿನಿಜಘ್ನತುಃ ।
ತುರಂಗಖುರವಿಧ್ವಸ್ತಂರಥನೇಮಿಸಮುತ್ಥಿತಮ್ ॥ 10 ॥
ರುರೋಧಕರ್ಣನೇತ್ರಾಣಿಯುಧ್ಯತಾಂಧರಣೀರಜಃ ।
ವರ್ತಮಾನೇತಥಾಘೋರೇಸಂಗ್ರಾಮೇರೋಮಹರ್ಷಣೇ ॥ 11 ॥
ರುಧಿರೋಧಾಮಹಾಘೋರಾನದ್ಯಸ್ತತ್ರಪ್ರಸುಸ್ರುವುಃ ।
ತತೋಭೇರೀಮೃದಂಗಾನಾಂಪಣವಾನಾಂಚನಿಸ್ಸ್ವನಃ ॥ 12 ॥
ಶಂಖವೇಣುಸ್ವನೋನ್ಮಿಶ್ರಸ್ಸಂಭೂವಾದ್ಭುತೋಪಮಃ ।
ಹತಾನಾಂಸ್ತನಮಾನಾನಾಂರಾಕ್ಷಸಾನಾಂಚನಿಃಸ್ವನಃ ॥ 13 ॥
ಶಸ್ತಾನಾಂವಾನರಾಣಾಂಚಸಂಬಭೂವಾತಿದಾರುಣಃ ।
ಹತೈರ್ವಾನರವೀರೈಶ್ಚಶಕ್ತಿಶೂಲಪರಶ್ವಧೈಃ ॥ 14 ॥
ನಿಹತೈಃಪರ್ವತಾಕಾರೈರಾಕ್ಷಸೈಃಕಾಮರೂಪಿಭಿಃ ।
ಶಸ್ತ್ರಪುಷ್ಪೋಪಹಾರಾಚತತ್ರಾಸೀದ್ಯುದ್ಧಮೇದಿನೀ ॥ 15 ॥
ದುರ್ ಜ್ಞೇಯಾದುರ್ನಿವೇಶಾಚಶೋಣಿತಾಸ್ರಾವಕರ್ದಮಾ ।
ಸಾಬಭೂವನಿಶಾಘೋರಾಹರಿರಾಕ್ಷಸಹಾರಿಣೀ ॥ 16 ॥
ಕಾಲರಾತ್ರೀವಭೂತಾನಾಂಸರ್ವೇಷಾಂದುರತಿಕ್ರಮಾ ।
ತತಸ್ತೇರಾಕ್ಷಸಾಸ್ತತ್ರತಸ್ಮಿಂಸ್ತಮಸಿದಾರುಣೇ ॥ 17 ॥
ರಾಮಮೇವಾಭ್ಯವರ್ತಂತಸಮ್ಹೃಷ್ಟಾಶ್ಶರವೃಷ್ಟಿಭಿಃ ।
ತೇಷಾಮಾಪತತಾಂಶಬ್ದಃಕ್ರುದ್ಧಾನಾಮಪಿಗರ್ಜತಾಮ್ ॥ 18 ॥
ಉದ್ವರ್ತ;ಇವ ಸಪ್ತಾನಾಂ ಸಮುದ್ರಾಣಾಂ ಅಭೂತ್ ಸ್ವನಃ ।
ತೇಷಾಂ ರಾಮಹ್ ಶಾರೈಹ್ ಷಡ್ಭಿಹ್ ಷಡ್ ಜಘಾನ ನಿಶಾಅ ಚರಾನ್ ॥ 19 ॥
ನಿಮೇಷಾಂತರಮಾತ್ರೇಣಶಿತೈರಗ್ನಿಶಿಖೋಪಮೈಃ ।
ಯಮಶತ್ರುಶ್ಚದುರ್ಧರ್ಷೋಮಹಾಪಾರ್ಶ್ವಮಹೋದರೌ ॥ 20 ॥
ವಜ್ರದಂಷ್ಟ್ರೋಮಹಾಕಾಯಸ್ತೌಚೋಭೌಶುಕಸಾರಣೌ ।
ತೇತುರಾಮೇಣಬಾಣೌಘೈಸ್ಸರ್ವೇಮರ್ಮಸುತಾಡಿತಾಃ ॥ 21 ॥
ಯುದ್ಧಾದಪಸೃತಾಸ್ತತ್ರಸಾವಶೇಷಾಯುಷೋಽಭವನ್ ।
ತತ್ರಕಾಂಚನಚಿತ್ರಾಂಗೈಶ್ಶರೈರಗ್ನಿಶಿಖೋಪಮೈಃ ॥ 22 ॥
ದಿಶಶ್ಚಕಾರವಿಮಲಾಃಪ್ರದಿಶಶ್ಚಮಹಾರಥಃ ।
ಯೇತ್ವನ್ಯೇರಾಕ್ಷಸಾಭೀಮಾರಾಮಸ್ಯಾಭಿಮುಖೇಸ್ಥಿತಾಃ ॥ 23 ॥
ತೇಽಪಿನಷ್ಟಾಃಸಮಾಸಾದ್ಯಪತಂಗಾಇವಪಾವಕಮ್ ।
ಸುವರ್ಣಪುಂಖೈರ್ವಿಶಿಖೈಸ್ಸಪತದ್ಭಿಸ್ಸಹಸ್ರಶಃ ॥ 24 ॥
ಬಭೂವರಜನೀಚಿತ್ರಾಖದ್ಯೋತೈರಿವಶಾರದೀ ।
ರಾಕ್ಷಸಾನಾಂಚನಿನದೈರ್ಹರೀಣಾಂಚಾಪಿನಿಸ್ಸ್ವನೈಃ ॥ 25 ॥
ಸಾಬಭೂವನಿಶಾಘೋರಾಭೂಯೋಘೋರತರಾತದಾ ।
ತೇನಶಬ್ದೇನಮಹತಾಪ್ರವೃದ್ಧೇನಸಮಂತತಃ ॥ 26 ॥
ತ್ರಿಕೂಟಃಕಂದರಾಕೀರ್ಣಃಪ್ರವ್ಯಾಹರದಿವಾಚಲಃ ।
ಗೋಲಾಂಗೂಲಾಮಹಾಕಾಯಾಸ್ತಮಸಾತುಲ್ಯವರ್ಚಸಃ ॥ 27 ॥
ಸಂಪರಿಷ್ವಜ್ಯಬಾಹುಭ್ಯಾಂಭಕ್ಷಯನ್ರಜನೀಚರಾನ್ ।
ಅಂಗದಸ್ತುರಣೇಶತ್ರೂನನಿಹಂತುಂಸಮುಪಸ್ಥಿತಃ ॥ 28 ॥
ರಾವಣಿಂನಿಜಘಾನಾಶುಸಾರಥಿಂಚಹಯಾನಪಿ ।
ವರ್ತಮಾನೇತದಾಘೋರೇಸಂಗ್ರಾಮೇಭೃಶದಾರುಣೇ ॥ 29 ॥
ಇಂದ್ರಜಿತ್ತುರಥಂತ್ಯಕ್ತ್ವಾಹತಾಶ್ವೋಹತಸಾರಥಿಃ ।
ಅಂಗದೇನಮಹಾಮಾಯಸ್ತತ್ರೈವಾಂತರಧೀಯತ ॥ 30 ॥
ತತ್ಕರ್ಮವಾಲಿಪುತ್ರಸ್ಯಸರ್ವೇದೇವಾಸ್ಸಹರ್ಷಿಭಿಃ ।
ತುಷ್ಟುವುಃಪೂಜನಾರ್ಹಸ್ಯತೌಚೋಭೌರಾಮಲಕ್ಷ್ಮಣೌ ॥ 31 ॥
ಪ್ರಭಾವಂಸರ್ವಭೂತಾನಿವಿದುರಿಂದ್ರಜಿತೋಯುಧಿ ।
ತೇನತೇತಂಮಹಾತ್ಮಾನಂತುಷ್ಟಾಃದೃಷ್ಟವಾಪ್ರಧರ್ಷಿತಮ್ ॥ 32 ॥
ತತಃಪ್ರಹೃಷ್ಟಾಃಕಪಯಸ್ಸಸುಗ್ರೀವವಿಭೀಷಣಾಃ ।
ಸಾಧುಸಾಧ್ವಿತಿನೇದುಶ್ಚದೃಷ್ಟವಾಶತ್ರುಂಪ್ರಧರ್ಷಿತಮ್ ॥ 33 ॥
ಇಂದ್ರಜಿತ್ತುತದಾತೇನನಿರ್ಜಿತೋಭೀಮಕರ್ಮಣಾ ।
ಸಂಯುಗೇವಾಲಿಪುತ್ರೇಣಕ್ರೋಧಂಚಕ್ರೇಸುದಾರುಣಮ್ ॥ 34 ॥
ಸೋಽಂತರ್ಧಾನಗತಃಪಾಪೋರಾವಣೀರಣಕರ್ಕಶಃ ।
ಅದೃಶ್ಯೋನಿಶಿತಾನ್ಬಾಣಾನ್ಮುಮೋಚಾಶನಿವರ್ಚಸಃ ॥ 35 ॥
ಸರಾಮಂಲಕ್ಷ್ಮಣಂಚೈವಘೋರೈರ್ನಾಗಮಯೈಶ್ಶರೈಃ ।
ಬಿಭೇದಸಮರೇಕ್ರುದ್ಧಃಸರ್ವಗಾತ್ರೇಷುರಾಕ್ಷಸಃ ॥ 36 ॥
ಮಾಯಯಾಸಮ್ವೃತಸ್ತತ್ರಮೋಹಯನ್ರಾಘವೌಯುಧಿ ।
ಅದೃಶ್ಯಸ್ಸರ್ವಭೂತಾನಾಂಕೂಟಯೋಧೀನಿಶಾಚರಃ ॥ 37 ॥
ಬಬಂಧಶರಬಂಧೇನಭ್ರಾತರೌರಾಮಲಕ್ಷ್ಮಣೌ ।
ತೇನತೌಪುರುಷವ್ಯಾಘ್ರೌಕ್ರುದ್ಧೇನಾಶೀವಿಷೈಶ್ಶರೈಃ ॥ 38 ॥
ಸಹಸಾನಿಹತೌವೀರೌತದಾಪ್ರೈಕ್ಷಂತವಾನರಾಃ ।
ಪ್ರಕಾಶರೂಪಸ್ತುತದಾನಶಕ್ತಸ್ತೌಬಾಧಿತುಂರಾಕ್ಷಸರಾಜಪುತ್ರಃ ।
ಮಾಯಾಂಪ್ರಯೋಕ್ತುಂಸಮುಪಾಜಗಾಮಬಬಂಧತೌರಾಜಸುತೌದುರಾತ್ಮಾ ॥ 39 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಚತುಶ್ಚತ್ವಾರಿಂಶಸ್ಸರ್ಗಃ ॥
