ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಸಪ್ತಚತ್ವಾರಿಂಶಸ್ಸರ್ಗಃ ।
ಪ್ರತಿಪ್ರವಿಷ್ಟೇಲಂಕಾಯಾಂಕೃತಾರ್ಥೇರಾವಣಾತ್ಮಜೇ ।
ರಾಘವಂಪರಿವಾರ್ಯಾರ್ತುರಕ್ಷುರ್ವಾನರರ್ಷಭಾಃ ॥ 1 ॥
ಹನುಮಾನಂಗದೋನೀಲಃಸುಷೇಣಃಕುಮುದೋನಲಃ ।
ಗಜೋಗವಾಕ್ಷೋಗವಯಶ್ಶರಭೋಗಂಧಮಾದನಃ ॥ 2 ॥
ಜಾಂಬವಾನೃಷಭಃಸುಂದೋರಂಭಃಶತವಲಿಃಪೃಥುಃ ।
ವ್ಯೂಢಾನೀಕಾಶ್ಚಯತ್ತಾಶ್ಚದ್ರುಮಾನಾದಾಯಸರ್ವತಃ ॥ 3 ॥
ವೀಕ್ಷಮಾಣಾದಿಶಸ್ಸರ್ವಾಸ್ತಿರ್ಯಗೂರ್ಧ್ವಂಚವಾನರಾಃ ।
ತೃಣೇಷ್ವಪಿಚಚೇಷ್ಟತ್ಸುರಾಕ್ಷಸಾಇತಿಮೇನಿರೇ ॥ 4 ॥
ರಾವಣಶ್ಚಾಪಿಸಮ್ಹೃಷ್ಟೋವಿಸೃಜ್ಯೇಂದ್ರಜಿತಂಸುತಮ್ ।
ಅಜುಹಾವತತಸ್ಸೀತಾಕ್ಷಿಣೀರಾಕ್ಷಸೀಸ್ತದಾ ॥ 5 ॥
ರಾಕ್ಷಸ್ಯಸ್ತ್ರಿಜಟಾಚೈವಶಾಸನಾತ್ಸಮುಪಸ್ಥಿತಾಃ ।
ತಾಉವಾಚತತೋಹೃಷ್ಟೋರಾಕ್ಷಸೀರಾಕ್ಷಸಾಧಮಃ ॥ 6 ॥
ಹತಾವಿಂದ್ರಜಿತಾಖ್ಯಾತವೈದೇಹ್ಯಾರಾಮಲಕ್ಷ್ಮಣೌ ।
ಪುಷ್ಪಕಂತತ್ಸಮಾರೋಪ್ಯದರ್ಶಯಧ್ವಂಹತೌರಣೇ ॥ 7 ॥
ಯದಾಶ್ರಯಾದವಷ್ಟಬ್ಧಾಮಾಮುಪತಿಷ್ಠತಿ ।
ಸೋಽಸ್ಯಾಭರ್ತಾಸಹಭ್ರಾತ್ರಾನಿಹತೋರಣಮೂರ್ಧನಿ ॥ 8 ॥
ನಿರ್ವಿಶಂಕಾನಿರುದ್ವಿಗ್ನಾನಿರಪೇಕ್ಷಾಚಮೈಥಿಲೀ ।
ಮಾಮುಪಸ್ಥಾಸ್ಯತೇಸೀತಾಸರ್ವಾಭರಣಭೂಷಿತಾ ॥ 9 ॥
ಅದ್ಯಕಾಲವಶಂಪ್ರಾಪ್ತಂರಣೇರಾಮಂಸಲಕ್ಷ್ಮಣಮ್ ।
ಅವೇಕ್ಷ್ಯವಿನಿವೃತ್ತಾಸಾಚಾನ್ಯಾಂಗತಿಮಪಶ್ಯತೀ ॥ 10 ॥
ನಿರಪೇಕ್ಷಾವಿಶಾಲಾಕ್ಷೀಮಾಮುಪಸ್ಥಾಸ್ಯತೇಸ್ವಯಮ್ ।
ತಸ್ಯತದ್ವಚನಂಶ್ರುತ್ವಾರಾವಣಸ್ಯದುರಾತ್ಮನಃ ॥ 11 ॥
ರಾಕ್ಷಸ್ಯಸ್ತಾಸ್ತಥೇತ್ಯುಕ್ತ್ವಾಜಗ್ಮುರ್ವೈಯತ್ರಪುಷ್ಪಕಮ್ ।
ತತಃಪುಷ್ಪಕಮಾದಾಯರಾಕ್ಷಸ್ಯೋರಾವಣಾಜ್ಞಯಾ ॥ 12 ॥
ಅಶೋಕವನಿಕಾಸ್ಥಾಂತಾಂಮೈಥಿಲೀಂಸಮುಪಾನಯನ್ ।
ತಾಮಾದಾಯತುರಾಕ್ಷಸ್ಯೋಭರ್ತೃಶೋಕಪರಾಜಿತಾಮ್ ॥ 13 ॥
ಸೀತಾಮಾರೋಪಯಾಮಾಸುರ್ವಿಮಾನಂಪುಷ್ಪಕಂತದಾ ।
ತತಃಪುಷ್ಪಕಮಾರೋಪ್ಯಸೀತಾಂತ್ರಿಜಟಯಾಸಹ ॥ 14 ॥
ಜಗ್ಮುರ್ದರ್ಶಯಿತುಂತಸ್ಯೈರಾಕ್ಷಸ್ಯೋರಾಮಲಕ್ಷ್ಮಣೌ ।
ರಾವಣೋಽಕಾರಯಲ್ಲಂಕಾಂಪತಾಕಾಧ್ವಜಮಾಲಿನೀಮ್ ॥ 15 ॥
ಪ್ರಾಘೋಷಯತಹೃಷ್ಟಶ್ಚಲಂಕಾಯಾಂರಾಕ್ಷಸೇಶ್ವರಃ ।
ರಾಘವೋಲಕ್ಷ್ಮಣಶ್ಚೈವಹತಾವಿಂದ್ರಜಿತಾರಣೇ ॥ 16 ॥
ವಿಮಾನೇನಾಪಿಗತ್ವಾತುಸೀತಾತ್ರಿಜಟಯಾಸಹ ।
ದದರ್ಶವಾನರಾಣಾಂತುಸರ್ವಂಸೈನ್ಯಂನಿಪಾತಿತಮ್ ॥ 17 ॥
ಪ್ರಹೃಷ್ಟಮನಸಶ್ಚಾಪಿದದರ್ಶಪಿಶಿತಾಶನಾನ್ ।
ವಾನರಾಂಶ್ಚಾತಿದುಃಖಾರ್ತಾನ್ರಾಮಲಕ್ಷ್ಮಣಪಾರ್ಶ್ವತಃ ॥ 18 ॥
ತತಸ್ಸೀತಾದದರ್ಶೋಭೌಶಯಾನೌಶರತಲ್ಪಗೌ ।
ಲಕ್ಷ್ಮಣಂಚಾಪಿರಾಮಂಚವಿಸಂಜ್ಞೌಶರಪೀಡಿತೌ ॥ 19 ॥
ವಿಧ್ವಸ್ತಕವಚೌವೀರೌವಿಪ್ರವಿದ್ಧಶರಾಸನೌ ।
ಸಾಯಕೈಚಶಿನ್ನಸರ್ವಾಂಗೌಶರಸ್ತಂಬಮಯೌಕ್ಷಿತೌ ॥ 20 ॥
ತೌದೃಷ್ಟವಾಭ್ರಾತರೌತತ್ರಪ್ರವೀರೌಪುರುಷರ್ಷಭೌ ।
ಶಯಾನೌಪುಂಡರೀಕಾಕ್ಷೌಕುಮಾರಾವಿವಪಾವಕೀ ॥ 21 ॥
ಶರತಲ್ಪಗತೌವೀರೌತಥಾಭೂತಾನರರ್ಷಭೌ ।
ದುಃಖಾರ್ತಾಕರುಣಂಸೀತಾಸುಭೃಶಂವಿಲಲಾಪಹ ॥ 22 ॥
ಭರ್ತಾರಮನವದ್ಯಾಂಗೀಲಕ್ಷ್ಮಣಂಚಾಸಿತೇಕ್ಷಣಾ ।
ಪ್ರೇಕ್ಷ್ಯಪಾಂಸುಷುಚೇಷ್ಟಂತೌರುರೋದಜನಕಾತ್ಮಜಾ ॥ 23 ॥
ಸಬಾಷ್ಪಶೋಕಾಭಿಹತಾಸಮೀಕ್ಷ್ಯತೌಭ್ರಾತರೌದೇವಸಮಪ್ರಭಾವೌ ।
ವಿತರ್ಕಯಂತೀನಿಧನಂತಯೋಸ್ಸಾದುಃಖಾನ್ವಿತಾವಾಕ್ಯಮಿದಂಜಗಾದ ॥ 24 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಸಪ್ತಚತ್ವಾರಿಂಶಸ್ಸರ್ಗಃ ॥
