ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಸಪ್ತವಿಂಶತ್ಯಧಿಕಶತತಮಸ್ಸರ್ಗಃ ।
ಪೂರ್ಣೇಚತುರ್ದಶೇವರ್ಷೇಪಂಚಮ್ಯಾಂಲಕ್ಷ್ಮಣಾಗ್ರಜಃ ।
ಭರದ್ವಾಜಾಶ್ರಮಂಪ್ರಾಪ್ಯವವಂದೇನಿಯತೋಮುನಿಮ್ ॥ 1 ॥
ಸೋಽಪೃಚ್ಛದಭಿವಾದ್ಯೈನಂಭರದ್ವಾಜಂತಪೋಧನಮ್ ।
ಶೃಣೋಷಿಕಚ್ಚಿದ್ಭಗವನ್ಸುಭಿಕ್ಷಾನಾಯಮಂಪುರೇ ॥ 2 ॥
ಕಚ್ಚಿತ್ಸಯುಕ್ತೋಭರತೋಜೀವಂತ್ಯಪಿ ಚ ಮಾತರಃ ।
ಏವಮುಕ್ತಸ್ತುರಾಮೇಣಭರದ್ವಾಜೋಮಹಾಮುನಿಃ ॥ 3 ॥
ಪ್ರತ್ಯುವಾಚರಘುಶ್ರೇಷ್ಠಂಸ್ಮಿತಪೂರ್ವಂಪ್ರಹೃಷ್ಟವತ್ ।
ಪಂಕದಿಗ್ಧಸ್ತುಭರತೋಜಟಿಲಸ್ತ್ವಾಂಪ್ರತೀಕ್ಷತೇ ॥ 4 ॥
ಪಾದುಕತೇಪುರಸ್ಕೃತ್ಯಸರ್ವಂ ಚ ಕುಶಲಂಗೃಹೇ ।
ತ್ವಾಂಪುರಾಚೀರವಸನಂಪ್ರವಿಶಂತಂಮಹಾವನಮ್ ॥ 5 ॥
ಸ್ತ್ರೀತೃತೀಯಂಚ್ಯುತಂರಾಜ್ಯಾದ್ಧರ್ಮಕಾಮಂ ಚ ಕೇವಲಮ್ ।
ಪದಾತಿಂತ್ಯಕ್ತಸರ್ವಸ್ವಂಪಿತುರ್ವಚನಕಾರಿಣಮ್ ॥ 6 ॥
ಸರ್ವಭೋಗೈಃಪರಿತ್ಯಕ್ತಂಸ್ವರ್ಗಚ್ಯುತಮಿವಾಮರಮ್ ।
ದೃಷ್ಟಾತುಕರುಣಾಪೂರ್ವಂಮಮಾಸೀತ್ಸಮಿತಿಂಜಯಃ ॥ 7 ॥
ಕೈಕೇಯೀವಚನೇಯುಕ್ತಂವನ್ಯಮೂಲಫಲಾಶಿನಮ್ ।
ಸಾಂಪ್ರತಂತುಸಮೃದ್ಧಾರ್ಥಂಸಮಿತ್ರಗಣಬಾಂಧವಮ್ ॥ 8 ॥
ಸಮೀಕ್ಷ್ಯವಿಜಿತಾರಿಂ ಚ ಸಮಾಭೂಪ್ರತೀತಿರುತ್ತಮಾ ।
ಸರ್ವಂ ಚ ಸುಖದುಃಖಂತೇವಿದಿತಂಮಮರಾಘವ ।
ಯತ್ತ್ವಯಾವಿಪುಲಂಪ್ರಾಪ್ತಂಜನಸ್ಥಾನ್ನವಧಾದಿಕಮ್ ॥ 9 ॥
ಬ್ರಾಹ್ಮಣಾರ್ಥೇನಿಯುಕ್ತಸ್ಯರಕ್ಷತಃಸರ್ವತಾಪಸಾನ್ ।
ರಾವಣೇನಹೃತಾಭಾರ್ಯಾಬಭೂವೇಯಮನಿತಾ ॥ 10 ॥
ಮಾರೀಚದರ್ಶನಂಚೈವಸೀತೋನ್ಮಧನಮೇವ ಚ ।
ಕಬಂಧದರ್ಶನಂಚೈವಸಂಪಾಭಿಗಮನಂತಥಾ ॥ 11 ॥
ಸುಗ್ರೀವೇಣ ಚ ತೇಸಖ್ಯಂಯಥಾವಾಲೀಹತಸ್ತ್ವಯಾ ।
ಮಾರ್ಗಣಂಚೈವವೈದೇಹ್ಯಾಃಕರ್ಮವಾತಾತ್ಮಜಸ್ಯ ಚ ॥ 12 ॥
ವಿದಿತಾಯಾಂ ಚ ಸೀತಾಯಾಂನಲಸೇತುರ್ಯಥಾಕೃತಃ ।
ಯಥಾಚಾದೀಪಿತಾಲಂಕಾಪ್ರಹೃಷ್ಟೈರ್ಹರಿಯೂಥಪೈಃ ॥ 13 ॥
ಸಪುತ್ರಬಾಂದವಾಮಾತ್ಯಃಸಬಲಃಸಹಾವಾಹನಃ ।
ಯಥಾ ಚ ನಿಹತಃಸಂಖ್ಯೇರಾವಣೋಬಲದರ್ಪಿತಃ ॥ 14 ॥
ಯಥಾ ಚ ನಿಹತೇತಸ್ಮಿನ್ ರಾವಣೇದೇವಕಂಟಕೇ ।
ಸಮಾಗಮಶ್ಚತ್ರಿದಶೈರ್ಯಥಾದತ್ತಶ್ಚತೇವರಃ ॥ 15 ॥
ಸರ್ವಂಮಮೈತದ್ವಿದಿತಂತಪಸಾಧರ್ಮವತ್ಸಲ ।
ಸಂಪತಂತಿ ಚ ಮೇಶಿಷ್ಯಾಃಪ್ರವೃತ್ತಾಖ್ಯಾಃಪುರೀಮಿತಃ ॥ 16 ॥
ಅಹಮಪ್ಯದ್ಯತೇದದ್ಮಿವರಂಶಸ್ತ್ರಭೃತಾಂವರ ।
ಅರ್ಘ್ಯಂಪ್ರತಿಗೃಹಾಣೇದಮಯೋಧ್ಯಾಂಶ್ವೋಗಮಿಷ್ಯಸಿ ॥ 17 ॥
ತಸ್ಯತಚ್ಛಿರಸಾವಾಕ್ಯಂಪ್ರತಿಗೃಹ್ಯನೃಪಾತ್ಮಜಃ ।
ಬಾಢಮಿತ್ಯೇವಸಮ್ಹೃಷ್ಟಃಶ್ರೀಮಾನ್ವರಮಯಾಚತ ॥ 18 ॥
ಅಕಾಲಫಲಿನೋವೃಕ್ಷಾಸ್ಸರ್ವೇಚಾಪಿಮಧುಸ್ರವಾಃ ।
ಫಲಾನ್ಯಮೃತಗಂಧೀನಿಬಹೂನಿವಿವಿಧಾನಿ ಚ ॥ 19 ॥
ಭವಂತುಮಾರ್ಗೇಭಗವನ್ನಯೋಧ್ಯಾಂಪ್ರತಿಗಚ್ಛತಃ ।
ತಥೇತಿ ಚ ಪ್ರತಿಜ್ಞಾತೇವಚನಾತ್ಸಮನಂತರಮ್ ॥ 20 ॥
ಅಭವನ್ಪಾದಪಾಸ್ತತ್ರಸ್ವರ್ಗಪಾದಪಸನ್ನಿಭಾಃ ।
ಪುಷ್ಫಲಾಃಫಲಿನಶ್ಚಾಸವನಿಪುಷ್ಪಾಃಪುಷ್ಪಶಾಲಿನಃ ॥ 21 ॥
ಶುಷ್ಕಾಸ್ಸಮಗ್ರಪತ್ರಾಸ್ತೇನಗಾಶ್ಚೈವಮಧುಸ್ರವಾಃ ।
ಸರ್ವತೋಯೋಜನಾಸ್ತ್ರಿಸ್ರೋಗಚ್ಛತಾಮಭವಂಸ್ತದಾ ॥ 22 ॥
ತತಃಪ್ರಹೃಷ್ಟಾಃಪ್ಲವಗರ್ಷಭಾಸ್ತೇಬಹೂನಿದಿವ್ಯಾನಿಫಲಾನಿಚೈವ ।
ಕಾಮಾದುಪಾಶ್ನಂತಿಸಹಸ್ರಶಸ್ತೇಮುದಾವನಿತಾಸ್ಸ್ವರ್ಗಜಿತೋಮುದೇವ ॥ 23 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಸಪ್ತವಿಂಶತ್ಯಧಿಕಶತತಮಸ್ಸರ್ಗಃ ॥
