ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಅಷ್ಟಷಷ್ಟಿತಮಸ್ಸರ್ಗಃ ।
ಕುಂಭಕರ್ಣಂಹತಂದೃಷ್ಟವಾರಾಘವೇಣಮಹಾತ್ಮನಾ ।
ರಾಕ್ಷಸಾರಾಕ್ಷಸೇಂದ್ರಾಯರಾವಣಾಯನ್ಯವೇದಯನ್ ॥ 1 ॥
ರಾಜನ್ ಸ ಕಾಲಸಂಕಾಶಸ್ಸಂಯುಕ್ತಃಕಾಲಕರ್ಮಣಾ ।
ವಿದ್ರಾವ್ಯವಾನರೀಂಸೇನಾಂಭಕ್ಷಯಿತ್ವಾ ಚ ವಾನರಾನ್ ॥ 2 ॥
ಪ್ರತಪಿತ್ವಾ ಮುಹೂರ್ತಂತುಪ್ರಶಾಂತೋರಾಮತೇಜಸಾ ।
ಕಾಯೇನಾರ್ಥಪ್ರವಿಷ್ಟೇನಸಮುದ್ರಂಭೀಮದರ್ಶನಮ್ ॥ 3 ॥
ನಿಕೃತ್ತಕಂಠೋರುಭುಜೋವಿಕ್ಷರನ್ರುಧಿರಂಬಹು ।
ರುದ್ಧ್ವಾದ್ವಾರಂಶರೀರೇಣಲಂಕಾಯಾಃಪರ್ವತೋಪಮಃ ॥ 4 ॥
ಕುಂಭಕರ್ಣಸ್ತವ ಭ್ರಾತಾ ಕಾಕುತ್ಥ್ಸಶರಪೀಡಿತಃ ।
ಲಗಂಡಭೂತೋ ವಿಕೃತೋ ದಾವದಗ್ಧ ಇವ ದ್ರುಮಃ ॥ 5 ॥
ತಂಶ್ರುತ್ವಾವಿನಿಹತಂಸಂಖ್ಯೇಕುಂಭಕರ್ಣಂಮಹಾಬಲಮ್ ।
ರಾವಣಶ್ಶೋಕಸಂತಪ್ತೋಮುಮೋಹ ಚ ಪಪಾತ ಚ ॥ 6 ॥
ಪಿತೃವ್ಯಂನಿಹತಂಶ್ರುತ್ವಾದೇವಾಂತಕನರಾಂತಕೌ ।
ತ್ರಿಶಿರಾಶ್ಚಾತಿಕಾಯಶ್ಚರುರುದುಶ್ಶೋಕಪೀಡಿತಾಃ ॥ 7 ॥
ಭ್ರಾತರಂನಿಹತಂಶ್ರುತ್ವಾರಾಮೇಣಾಕ್ಲಿಷ್ಟಕರ್ಮಣಾ ।
ಮಹೋದರಮಹಾಪಾರ್ಶ್ವೌಶೋಕಾಕ್ರಾಂತೌಬಭೂವತುಃ ॥ 8 ॥
ತತಃಕೃಚ್ಛ್ರಾತ್ಸಮಾಸಾದ್ಯಸಂಜ್ಞಾಂರಾಕ್ಷಸಪುಂಗವಃ ।
ಕುಂಭಕರ್ಣವಧಾದ್ದೀನೋವಿಲಲಾಪಕುಲೇಂದ್ರಿಯಃ ॥ 9 ॥
ಹಾವೀರ ರಿಪುದರ್ಪಘ್ನ ಕುಂಭಕರ್ಣ ಮಹಾಬಲ ।
ತ್ವಂಮಾಂವಿಹಾಯವೈದೈವಾದ್ಯಾತೋಽಸಿಯಮಸಾದನಮ್ ॥ 10 ॥
ಮಮಶಲ್ಯಮನುದ್ಧೃತ್ಯಬಾಂಧವಾನಾಂಮಹಾಬಲ ।
ಶತ್ರುಸೈನ್ಯಂಪ್ರತಾಪ್ಯೈಕಸ್ತ್ವಂಮಾಂಸಂತ್ಯಜ್ಯಗಚ್ಛಸಿ ॥ 11 ॥
ಇದಾನೀಂಖಲ್ವಹಂನಾಸ್ಮಿಯಸ್ಯಮೇದಕ್ಷಿಣೋಭುಜಃ ।
ಪತಿತೋಯಂಸಮಾಶ್ರಿತ್ಯ ನ ಬಿಭೇಮಿಸುರಾಸುರಾನ್ ॥ 12 ॥
ಕಥಮೇವಂವಿಧೋವೀರೋದೇವದಾನವದರ್ಪಹಾ ।
ಕಾಲಾಗ್ನಿರುದ್ರಾಪ್ರತಿಮೋರಣೇರಾಘವೇಣವೈಹತಃ ॥ 13 ॥
ಯಸ್ಯತೇವಜ್ರನಿಷ್ಪೇಷೋ ನ ಕುರ್ವಾದ್ವ್ಯಸನಂಸದಾ ।
ಸ ಕಥಂರಾಮಬಾಣಾರ್ತಂಪ್ರಸುಪ್ತೋಽಸಿಮಹೀತಲೇ ॥ 14 ॥
ಏತೇದೇವಗಣಾಸ್ಸಾರ್ಥಮೃಷಿಭಿರ್ಗಗನೇಸ್ಥಿತಾಃ ।
ನಿಹತಂತ್ವಾಂರಣೇದೃಷ್ಟವಾನಿನದಂತಿಪ್ರಹರ್ಷಿತಾಃ ॥ 15 ॥
ಧ್ರುವಮದ್ಯೈವಸಂಹೃಷ್ಟಾಲಬ್ಧಲಕ್ಷಾಃಪ್ಲವಂಗಮಾಃ ।
ಆರೋಕ್ಷ್ಯಂತೀಹದುರ್ಗಾಣಿಲಂಕಾದ್ವಾರಾಣಿಸರ್ವಶಃ ॥ 16 ॥
ರಾಜ್ಯೇನನಾಸ್ತಿಮೇಕಾರ್ಯಂಕಿಂಕರಿಷ್ಯಾಮಿಸೀತಯಾ ।
ಕುಂಭಕರ್ಣವಿಹೀನಸ್ಯಜೀವಿತೇನಾಸ್ತಿಮೇಮತಿಃ ॥ 17 ॥
ಯದ್ಯಹಂಭ್ರಾತೃಹಂತಾರಂ ನ ಹನ್ಮಿಯುಧಿರಾಘವಮ್ ।
ನನುಮೇಮರಣಂಶ್ರೇಯೋ ನ ಚೇದಂವ್ಯರ್ಥಜೀವಿತಮ್ ॥ 18 ॥
ಅದ್ಯೈವತಂಗಮಿಷ್ಯಾಮಿದೇಶಂಯತ್ರಾನುಜೋಮಮ ।
ನ ಹಿಭ್ರಾತೃನ್ ಸಮುತ್ಸೃಜ್ಯಕ್ಷಣಂಜೀವಿತಮುತ್ಸಹೇ ॥ 19 ॥
ದೇವಾಹಿಮಾಂಹಸಿಷ್ಯಂತಿದೃಷ್ಟವಾಪೂರ್ವಾಪಕಾರಿಣಮ್ ।
ಕಥಮಿಂದ್ರಂಜಯಿಷ್ಯಾಮಿಕುಂಭಕರ್ಣ ಹತೇತ್ವಯಿ ॥ 20 ॥
ತದಿದಂಮಾಮನುಪ್ರಾಪ್ತಂವಿಭೀಷಣವಚಶ್ಶುಭಮ್ ।
ಯದಜ್ಞಾನಾನ್ಮಯಾತಸ್ಯ ನ ಗೃಹೀತಂಮಹಾತ್ಮನಃ ॥ 21 ॥
ವಿಭೀಷಣವಚೋಯಾವತ್ಕುಂಭಕರ್ಣಪ್ರಹಸ್ತಯೋಃ ।
ವಿನಾಶೋಽಯಂಸಮುತ್ಪನ್ನೋಮಾಂವ್ರೀಡಯತಿದಾರುಣಃ ॥ 22 ॥
ತಸ್ಯಾಯಂಕರ್ಮಣಃಪ್ರಾಪ್ತೋವಿಪಾಕೋಮಮಶೋಕದಃ ।
ಯನ್ಮಯಾಧಾರ್ಮಿಕಶ್ಶಮಾನ್ ಸ ನಿರಸ್ತೋವಿಭೀಷಣಃ ॥ 23 ॥
ಇತಿಬಹುವಿಧಮಾಕುಲಾಂತರಾತ್ಮಾಕೃಪಣಮತೀವವಿಲಪ್ಯಕುಂಭಕರ್ಣಮ್ ।
ನ್ಯಪದಥದಶಾನನೋಭೃಶಾರ್ತಸ್ತಮನುಜಮಿಂದ್ರರಿಪುಂಹತಂವಿದಿತ್ವಾ ॥ 24 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಅಷ್ಟಷಷ್ಟಿತಮಸ್ಸರ್ಗಃ ॥
