ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಪಂಚಾಶೀತಿತಮಸ್ಸರ್ಗಃ ।
ತ್ತಸ್ಯತದ್ವಚನಂಶ್ರುತ್ವಾರಾಘವಶ್ಶೋಕಕರ್ಶಿತಃ ।
ನೋಪಧಾರಯತೇವ್ಯಕ್ತಂಯದುಕ್ತಂತೇನರಕ್ಷಸಾ ॥ 1 ॥
ತತೋಧೈರ್ಯಮವಷ್ಟಭ್ಯರಾಮಃಪರಪುರಂಜಯಃ ।
ವಿಭೀಷಣಮುಪಾಸೀನಮುವಾಚಕಪಿಸನ್ನಿಧೌ ॥ 2 ॥
ನೈರೃತಾಧಿಪತೇವಾಕ್ಯಂಯದುಕ್ತಂತೇವಿಭೀಷಣ ।
ಭೂಯಸ್ತಚ್ಛ್ರೋತುಮಿಚ್ಛಾಮಿಬ್ರೂಹಿಯತ್ತೇವಿವಕ್ಷಿತಮ್ ॥ 3 ॥
ರಾಘವಸ್ಯವಚಃಶ್ರುತ್ವಾವಾಕ್ಯಂವಾಕ್ಯವಿಶಾರದ. ।
ಯತ್ತತ್ಪುನರಿದಂವಾಕ್ಯಂಬಭಾಷೇ ಸ ವಿಭೀಷಣಃ ॥ 4 ॥
ಯಥಾಜ್ಞಪ್ತಂಮಹಾಬಾಹೋತ್ವಯಾಗುಲ್ಮನಿವೇಶನಮ್ ।
ತತ್ತಥಾಽನುಷ್ಠಿತಂವೀರತ್ವದ್ವಾಕ್ಯಸಮನಂತರಮ್ ॥ 5 ॥
ತಾನ್ಯನೀಕಾನಿಸರ್ವಾಣಿವಿಭಗ್ನಾನಿಸಮಂತತಃ ।
ವಿನ್ಯಸ್ತಾಯೂಥಪಾಶ್ಚೈವಯಥಾನ್ಯಾಯಂವಿಭಾಗಶಃ ॥ 6 ॥
ಭೂಯಸ್ತುಮಮವಿಜ್ಞಾಪ್ಯಂತಚ್ಛ್ರುಣುಷ್ವಮಹಾಯಶಃ ।
ತ್ವಯ್ಯಕಾರಣಸಂತಪ್ತೇಸಂತಪ್ತಹೃದಯಾವಯಮ್ ॥ 7 ॥
ತ್ಯಜರಾಜನ್ನಿಮಂಶೋಕಂಮಿಥ್ಯಾಸಂತಾಪಮಾಗತಮ್ ।
ತದಿಯಂತ್ಯಜ್ಯತಾಂಚಿಂತಾಶತ್ರುಹರ್ಷವಿವರ್ಧಿನೀ ॥ 8 ॥
ಉದ್ಯಮಃಕ್ರಿಯತಾಂವೀರಹರ್ಷಃಸಮುಪಸೇವ್ಯತಾಮ್ ।
ಪ್ರಾಪ್ತವ್ಯಾಯದಿತೇಸೀತಾಹಂತವ್ಯಾಶ್ಚನಿಶಾಚರಾಃ ॥ 9 ॥
ರಘುನಂದನವಕ್ಷ್ಯಾಮಿಶ್ರೂಯತಾಂಮೇಹಿತಂವಚಃ ।
ಸಾಧ್ವಯಂಯಾತುಸೌಮಿತ್ರಿರ್ಬಲೇನಮಹತಾವೃತಃ ॥ 10 ॥
ನಿಕುಂಭಿಲಾಯಾಂಸಂಪ್ರಾಪ್ಯಹಂತುಂರಾವಣಿಮಾಹವೇ ।
ಧನುರ್ಮಂಡಲನಿರ್ಮುಕ್ತೈರಾಶೀವಿಷವಿಷೋಪಮೈಃ ॥ 11 ॥
ತೇನವೀರೇಣತಪಸಾವರದಾನಾತ್ಸ್ವಯಂಭುವಃ ।
ಅಸ್ತ್ರಂಬ್ರಹ್ಮಶಿರಃಪ್ರಾಪ್ತಂಕಾಮಗಾಶ್ಚತುರಂಗಮಾಃ ॥ 12 ॥
ಸ ಏಷಸಹಸೈನ್ಯೇನಪ್ರಾಪ್ತಃಕಿಲನಿಕುಂಭಿಲಾಮ್ ।
ಯದ್ಯುತತಿಷ್ಠೇತ್ಕೃತಂಕರ್ಮಹತಾನ್ಸರ್ವಾಂಶ್ಚವಿದ್ಧಿನಃ ॥ 13 ॥
ನಿಕುಂಭಿಲಾಮಸಂಪ್ರಾಪ್ತಮಹುತಾಗ್ನಿಂ ಚ ಯೋರಿಪುಃ ।
ತ್ವಾಮಾತಾಯಿನಂಹನ್ಯಾದಿಂದ್ರಶತ್ರೋಸ್ಸತೇವಧಃ ॥ 14 ॥
ವರೋದತ್ತೋಮಹಾಬಾಹೋ ಸರ್ವಲೋಕೇಶ್ವರೇಣವೈ ।
ಇತ್ಯೇವಂವಿಹಿತೋರಾಜನ್ವಧಸ್ತಸ್ಯೈಷಧೀಮತಃ ॥ 15 ॥
ವಧಾಯೇಂದ್ರಜಿತೋರಾಮಸಂದಿಶಸ್ವಮಹಾಬಲ ।
ಹತೇತಸ್ಮಿನ್ಹತಂವಿದ್ಧಿರಾವಣಂಸಸುಹೃಜ್ಜನಮ್ ॥ 16 ॥
ವಿಭೀಷಣವಚ್ಶ್ರುತ್ವಾರಾಮೋವಾಕ್ಯಮಥಾಬ್ರವೀತ್ ।
ಜಾನಾಮಿತಸ್ಯರೌದ್ರಸ್ಯಮಾಯಾಂಸತ್ಯಪರಾಕ್ರಮಃ ॥ 17 ॥
ಸ ಹಿಬ್ರಹ್ಮಾಸ್ತ್ರವಿತ್ಪ್ರಾಜ್ಞೋಮಹಾಮಾಯೋಮಹಾಬಲ. ।
ಕರೋತ್ಯಸಂಜ್ಞಾನ್ ಸಂಗ್ರಾಮೇದೇವಾನ್ಸವರುಣಾನಪಿ ॥ 18 ॥
ತಸ್ಯಾಂತರಿಕ್ಷೇಚರತಃಸರಥಸ್ಯಮಹಾಯಶಃ ।
ನ ಗತಿರ್ಜ್ಞಾಯತೇವೀರಸೂರ್ಯಸ್ಯೇವಾಭ್ರಸಮ್ಲ್ಪವೇ ॥ 19 ॥
ರಾಘವಸ್ತುರಿಪೋರ್ಜ್ಞಾತ್ವಾಮಾಯಾವೀರ್ಯಂದುರಾತ್ಮನಃ ।
ಲಕ್ಷ್ಮಣಂಕೀರ್ತಿಸಂಪನ್ನಮಿದಂವಚನಮಬ್ರವೀತ್ ॥ 20 ॥
ಯದ್ವಾನರೇಂದ್ರಸ್ಯಬಲಂತೇನಸರ್ವೇಣಸಮ್ವೃತಃ ।
ಹನೂಮತ್ಪ್ರಮುಖೈಶ್ಚವಯೂಥಪೈಸ್ಸಹಲಕ್ಷ್ಮಣ ॥ 21 ॥
ಜಾಂಬವೇನಾರ್ಕ್ಷಪತಿನಾಸಹಸೈನ್ಯೇನಸಮ್ವೃತಃ ।
ಜಹಿತಂರಾಕ್ಷಸಸುತಂಮಾಯಾಬಲವಿಶಾರದಮ್ ॥ 22 ॥
ಅಯಂತ್ವಾಂಸಚಿವೈಃಸಾರ್ಥಂಮಹಾತ್ಮಾರಜನೀಚರಃ ।
ಅಭಿಜ್ಞಸ್ತಸ್ಯಮಾಯಾನಾಂಪೃಷ್ಠತೋಽನುಗಮಿಷ್ಯತಿ ॥ 23 ॥
ರಾಘವಸ್ಯವಚ್ಶ್ರುತ್ವಾಲಕ್ಷ್ಮಣಸ್ಸವಿಭೀಷಣಃ ।
ಜಗ್ರಾಹಕಾರ್ಮುಕಶ್ರೇಷ್ಠಮತ್ಯದ್ಭುತಪರಾಕ್ರಮಃ ॥ 24 ॥
ಸನ್ನದ್ಧಃಕವಚೀಖಂಗೀಸಶರೋವಾಮಚಾಪಭೃತ್ ।
ರಾಮಪಾದಾವುಪಸ್ಪೃಶ್ಯಹೃಷ್ಟಃಸೌಮಿತ್ರಿರಬ್ರವೀತ್ ॥ 25 ॥
ಅದ್ಯಮತ್ಕಾರ್ಮುಕೋನ್ಮುಕ್ತಾಶ್ಶರಾನಿರ್ಭಿದ್ಯರಾವಣಿಮ್ ।
ಲಂಕಾಮಭಿತಿಷ್ಯಂತಿಹಂಸಾಃಪುಷ್ಕರಿಣೀಮಿವ ॥ 26 ॥
ಅದ್ಯೈವತಸ್ಯರೌದ್ರಸ್ಯಶರೀರಂಮಾಮಕಾಶ್ಶರಾಃ ।
ವಿಧಮಿಷ್ಯಂತಿಭಿತ್ತ್ವಾತಂಮಹಾಚಾಪಗುಣಚ್ಯುತಾಃ ॥ 27 ॥
ಏವಮುಕ್ತ್ವಾ ಸ ದ್ಯುತಿಮಾನ್ ವಚನಂಭ್ರಾತುರಗ್ರತಃ ।
ಸ ರಾವಣಿವಧಾಕಾಂಕ್ಷೀಲಕ್ಷ್ಮಣಸ್ತ್ವರಿತೋಯಯೌ ॥ 28 ॥
ಸೋಽಭಿವಾದ್ಯಗುರೋಃಪಾದೌಕೃತ್ವಾಚಾಪಿಪ್ರದಕ್ಷಿಣಮ್ ।
ನಿಕುಂಭಿಲಾಮಭಿಯಯೌಚೈತ್ಯಂರಾವಣಿಪಾಲಿತಮ್ ॥ 29 ॥
ವಿಭೀಷಣೇನಸಹಿತೋರಾಜಪುತ್ರಃಪ್ರತಾಪವಾನ್ ।
ಕೃತಸ್ವಸ್ತ್ಯಯನೋಭ್ರಾತ್ರಾಲಕ್ಷ್ಮಣಸ್ತ್ವರಿತೋಯಯೌ ॥ 30 ॥
ವಾನರಾಣಾಂಸಹಸ್ರೈಸ್ತುಹನೂಮಾನ್ ಬಹುಭಿರ್ವೃತಃ ।
ವಿಭೀಷಣಶ್ಚಸಾಮಾತ್ಯೋತದಾಲಕ್ಷ್ಮಣಮನ್ವಗಾತ್ ॥ 31 ॥
ಮಹತಾಹರಿಸೈನ್ಯೇನಸವೇಗಮಭಿಸಂವೃತಃ ।
ಋಕ್ಷರಾಜಬಲಂಚೈವದದರ್ಶಪಥಿವಿಷ್ಠಿತಮ್ ॥ 32 ॥
ಸ ಗತ್ವಾದೂರಮಧ್ವಾನಂಸೌಮಿತ್ರಿರ್ಮಿತ್ರನಂದನಃ ।
ರಾಕ್ಷಸೇಂದ್ರಬಲಂದೂರಾದಪಶ್ಯದ್ವ್ಯೂಹಮಾಶ್ರಿತಮ್ ॥ 33 ॥
ಸ ತಂಪ್ರಾಪ್ಯಧನುಷ್ಪಾಣಿರ್ಮಾಯಾಯೋಗಮರಿಂದಮಃ ।
ತಸ್ಥೌಬ್ರಹ್ಮವಿಧಾನೇನವಿಜೇತುಂರಘುನಂದನಃ ॥ 34 ॥
ಭೀಷಣೇನಸಹಿತೋರಾಜಪುತ್ರಃಪ್ರತಾಪವಾನ್ ।
ಅಂಗದೇನ ಚ ವೀರೇಣತಥಾನಿಲಸುತೇನ ಚ ॥ 35 ॥
ವಿವಿಧಮಮಲಶಸ್ತ್ರಭಾಸ್ವರಂ ತ ದ್ಧ್ವಜಗಹನಂವಿಪುಲಂಮಹಾರಥೈಶ್ಚ ।
ಪ್ರತಿಭಯತಮಮಪ್ರಮೇಯವೇಗಂತಿಮಿರಮಿವದ್ವಿಷತಾಂಬಲಂವಿವೇಶ ॥ 36 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಪಂಚಾಶೀತಿತಮಸ್ಸರ್ಗಃ ॥
