ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಷಡ್ವಿಂಶಸ್ಸರ್ಗಃ ।
ತದ್ವಚಃಪಥ್ಯಮಕ್ಲೀಬಂಸಾರಣೇನಾಭಿಭಾಷಿತಮ್ ।
ನಿಶಮ್ಯರಾವಣೋರಾಜಾಪ್ರತ್ಯಭಾಷತಸಾರಣಮ್ ॥ 1 ॥
ಯದಿಮಾಮಭಿಯುಂಜೀರಂದೇವಗಂಧರ್ವದಾನವಾಃ ।
ನೈವಸೀತಾಂಪ್ರದಾಸ್ಯಾಮಿಸರ್ವಲೋಕಭಯಾದಪಿ ॥ 2 ॥
ತ್ವಂತುಸೌಮ್ಯಪರಿತ್ರಸ್ತೋಹರಿಭಿರ್ನಿರ್ಜಿತೋಭೃಶಮ್ ।
ಪ್ರತಿಪ್ರದಾನಮದ್ಯೈವಸೀತಾಯಾಸ್ಸಾಧುಮನ್ಯಸೇ ॥ 3 ॥
ಕೋಹಿನಾಮಸಪತ್ನೋಮಾಂಸಮರೇಜೇತುಮರ್ಹತಿ ।
ಇತ್ಯುಕ್ತ್ವಾಪರುಷಂವಾಕ್ಯಂರಾವಣೋರಾಕ್ಷಸಾಧಿಪಃ ॥ 4 ॥
ಆರುರೋಹತತಶ್ರಶೀಮಾನ್ ಪ್ರಾಸಾದಂಹಿಮಪಾಂಡುರಮ್ ।
ಬಹುತಾಲಸಮುತ್ಸೇಧಂರಾವಣೋಽಥದಿದೃಕ್ಷ್ಯಾ ॥ 5 ॥
ತಾಭ್ಯಾಂಚರಾಭ್ಯಾಂಸಹಿತೋರಾವಣಃಕ್ರೋಧಮೂರ್ಛಿತಃ ।
ಪಶ್ಯಮಾನಸ್ಸಮುದ್ರಂಚಪರ್ವತಾಂಶ್ಚವನಾನಿಚ ॥ 6 ॥
ದದರ್ಶಪೃಥಿವೀದೇಶಂಸುಸಂಪೂರ್ಣಂಪ್ಲವಂಗಮೈಃ ।
ತದಪಾರಮಸಂಖ್ಖ್ಯೇಯಂವಾನರಾಣಾಂಮಹದ್ಬಲಮ್ ।
ಅಲೋಕ್ಯರಾವಣೋರಾಜಾಪರಿಪಪ್ರಚ್ಛಸಾರಣಮ್ ॥ 7 ॥
ಏಷಾಂವಾನರಮುಖ್ಯಾನಾಂಕೇಶೂರಾಃಕೇಮಹಾಬಲಾಃ ।
ಕೇಪೂರ್ವಮಭಿವರ್ತಂತೇಮಹೋತ್ಸಾಹಾಸ್ಸಮಂತತಃ ॥ 8 ॥
ಕೇಷಾಂಶೃಣೋತಿಸುಗ್ರೀವಃಕೇವಾಯೂಥಪಯೂಥಪಾಃ ।
ಸಾರಣಾಚಕ್ಷ್ವತತ್ತ್ವೇನಕೇಪ್ರಧಾನಾಃಪ್ಲವಂಗಮಾಃ ॥ 9 ॥
ಸಾರಣೋರಾಕ್ಷಸೇಂದ್ರಸ್ಯವಚನಂಪರಿಪೃಚ್ಛತಃ ।
ಆಚಚಕ್ಷೇಽಥಮುಖ್ಯಜ್ಞೋಮುಖ್ಯಾಂಸ್ತಾಂಸ್ತುವನೌಕಸಃ ॥ 10 ॥
ಏಷಯೋಽಭಿಮುಖೋಲಂಕಾಂನರ್ದಂಸ್ತಿಷ್ಠತಿವಾನರಃ ।
ಯೂಥಪಾನಾಂಸಹಸ್ರಾಣಾಂಶತೇನಪರಿವಾರಿತಃ ॥ 11 ॥
ಯಸ್ಯಘೋಷೇಣಮಹತಾಸಪ್ರಾಕಾರಾಸತೋರಣಾ ।
ಲಂಕಾಪ್ರವೇಪತೇಸರ್ವಾಸಶೈಲವನಕಾನನಾ ॥ 12 ॥
ಸರ್ವಶಾಖಾಮೃಗೇಂದ್ರಸ್ಯಸುಗ್ರೀವಸ್ಯಮಹಾತ್ಮನಃ ।
ಬಲಾಗ್ರೇತಿಷ್ಠತೇವೀರೋನೀಲೋನಾಮೈಷಯೂಥಪಃ ॥ 13 ॥
ಬಾಹೂಪ್ರಗೃಹ್ಯಯಃಪದ್ ಭ್ಯಾಂಮಹೀಂಗಚ್ಛತಿವೀರ್ಯವಾನ್ ।
ಲಂಕಾಮಭಿಮುಖಃಕ್ರೋಧಾದಭೀಕ್ಷ್ಣಂಚವಿಜೃಂಭತೇ ॥ 14 ॥
ಗಿರಿಶೃಂಗಪ್ರತೀಕಾಶಃಪದ್ಮಕಿಂಜಲ್ಕಸನ್ನಿಭಃ ।
ಸ್ಪೋಟಯತ್ಯಭಿಸಂರಬ್ಧೋಲಾಂಗೂಲಂಚಪುನಃಪುನಃ ॥ 15 ॥
ಯಸ್ಯಲಾಂಗೂಲಶಬ್ದೇನಸ್ವನಂತಿಪ್ರದಿಶೋದಶ ।
ಏಷವಾನರರಾಜೇನಸುಗ್ರೀವೇಣಾಭಿಷೇಚಿತಃ ॥ 16 ॥
ಯೌವರಾಜ್ಯೇಽಂಗದೋನಾಮತ್ವಾಮಾಹ್ವಯತಿಸಂಯುಗೇ ॥ 17 ॥
ವಾಲಿನಸ್ಸದೃಶಃಪುತ್ರಸ್ಸುಗ್ರೀವಸ್ಯಸದಾಪ್ರಿಯಃ ।
ರಾಘವಾರ್ಥೇಪರಾಕ್ರಾಂತಶ್ಶಕ್ರಾರ್ಥೇವರುಣೋಯಥಾ ॥ 18 ॥
ಏತಸ್ಯಸಾಮತಿಸ್ಸರ್ವಾಯದ್ದೃಷ್ಟಾಜನಕಾತ್ಮಜಾ ।
ಹನೂಮತಾವೇಗವತಾರಾಘವಸ್ಯಹಿತೈಷಿಣಾ ॥ 19 ॥
ಬಹೂನಿವಾನರೇಂದ್ರಾಣಾಮೇಷಯೂಥಾನಿವೀರ್ಯವಾನ್ ।
ಪರಿಗೃಹ್ಯಾಭಿಯಾತಿತ್ವಾಂಸ್ವೇನಾನೀಕೇನಮರ್ದಿತುಮ್ ॥ 20 ॥
ಅನುವಾಲಿಸುತಸ್ಯಾಪಿಬಲೇನಮಹತಾಽವೃತಃ ।
ವೀರಸ್ತಿಷ್ಠತಿಸಂಗ್ರಾಮೇಸೇತುಹೇತುರಯಂನಲಃ ॥ 21 ॥
ಯೇತುವಿಷ್ಟಭ್ಯಗಾತ್ರಾಣಿಕ್ಷ್ವೇಲಯಂತಿನದಂತಿಚ ।
ಉತ್ಥಾಯಚವಿಜೃಂಭಂತೇಕ್ರೋಧೇನಹರಿಪುಂಗವಾಃ ॥ 22 ॥
ಏತೇದುಷ್ಪ್ರಸಹಾಘೋರಾಶ್ಚಂಡಾಶ್ಚಂಡಪರಾಕ್ರಮಾಃ ।
ಅಷ್ಟೌಶತಸಹಸ್ರಾಣಿದಶಕೋಟಿಶತಾನಿಚ ॥ 23 ॥
ಯಏನಮನುಗಚ್ಛಂತಿವೀರಾಶ್ಚಂದನವಾಸಿನಃ ।
ಏಷೈವಾಶಂಸತೇಲಂಕಾಂಸ್ವೇನಾನೀಕೇನಮರ್ದಿತುಮ್ ॥ 24 ॥
ಶ್ವೇತೋರಜತಸಂಕಾಶಶ್ಚಪಲೋಭೀಮವಿಕ್ರಮಃ ।
ಬುದ್ಧಿಮಾನ್ವಾನರಶ್ಶೂರಸ್ತ್ರಿಷುಲೋಕೇಷುವಿಶ್ರುತಃ ॥ 25 ॥
ತೂರ್ಣಂಸುಗ್ರೀವಮಾಗಮ್ಯಪುನರ್ಗಚ್ಛತಿಸತ್ವರಃ ।
ವಿಭಜನ್ವಾನರೀಂಸೇನಾಮನೀಕಾನಿಪ್ರಹರ್ಷಯನ್ ॥ 26 ॥
ಯಃಪುರಾಗೋಮತೀತೀರೇರಮ್ಯಂಪರ್ಯೇತಿಪರ್ವತಮ್ ।
ನಾಮ್ನಾಸಂಕೋಚನೋನಾಮನಾನಾನಗಯುತೋಗಿರಿಃ ॥ 27 ॥
ತತ್ರರಾಜ್ಯಂಪ್ರಶಾಸ್ತ್ಯೇಷಕುಮುದೋನಾಮಯೂಥಪಃ ।
ಯೋಽಸೌಶತಸಹಸ್ರಾಣಿಸಹಸ್ರಂಪರಿಕರ್ಷತಿ ॥ 28 ॥
ಯಸ್ಯವಾಲಾಬಹುವ್ಯಾಮಾದೀರ್ಘಲಾಂಗೂಲಮಾಶ್ರಿತಾ ।
ತಾಮ್ರಾಪೀತಾಸ್ಸೀತಾಶ್ಶ್ವೇತಾಃಪ್ರಕೀರ್ಣಾಘೋರದರ್ಶನಾ ॥ 29 ॥
ಅದೀನೋರೋಷಣಶ್ಚಂಡಸ್ಸಂಗ್ರಾಮಮಭಿಕಾಙ್ ಕ್ಷತಿ ।
ಏಷೋಽಪ್ಯಾಶಂಸತೇಲಂಕಾಂಸ್ವೇನಾನೀಕೇನಮರ್ದಿತುಮ್ ॥ 30 ॥
ಯಸ್ತ್ವೇಷಸಿಂಹಸಂಕಾಶಃಕಪಿಲೋದೀರ್ಘಲೋಚನಃ ।
ನಿಭೃತಃಪ್ರೇಕ್ಷತೇಲಂಕಾಂದಿಧಕ್ಷನ್ನಿವಚಕ್ಷುಷಾ ॥ 31 ॥
ವಿಂಧ್ಯಂಕೃಷ್ಣಗಿರಿಂಸಹ್ಯಂಪರ್ವತಂಚಸುದರ್ಶನಮ್ ।
ರಾಜನ್ಸತತಮಧ್ಯಾಸ್ತೇರಂಭೋನಾಮಯೂಥಪಃ ॥ 32 ॥
ಶತಂಶತಸಹಾಸ್ರಾಣಾಂತ್ರಿಂಶಚ್ಚಹರಿಪುಂಗವಾಃ ।
ಯಮೇತೇವಾನರಾಶ್ಶೂರಾಶ್ಚಂಡಾಶ್ಚಂಡಪರಾಕ್ರಮಾಃ ॥ 33 ॥
ಪರಿವಾರ್ಯಾನುಗಚ್ಛಂತಿಲಂಕಾಂಮರ್ದಿತುಮೋಜಸಾ ।
ಯಸ್ತುಕರ್ಣೌವಿವೃಣುತೇಜೃಂಬತೇಚಪುನಃಪುನಃ ।
ನಚಸಂವಿಜತೇಮೃತ್ಯೋರ್ನಚಯುದ್ಧಾದ್ವಿಧಾವತಿ ॥ 34 ॥
ನ ಚ ಸಮ್ವಿಜತೇ ಮೃತ್ಯೋರ್ ನ ಚ ಯೂಥಾದ್ ವಿಧಾವತಿ ।
ಪ್ರಕಂಪತೇ ಚ ರೋಷೇನ ತಿರ್ಯಕ್ಚ ಪುನರೀಕ್ಷತೇ ॥ 35 ॥
ಮಹಾಜವೋವೀತಭಯೋರಮ್ಯಂಸಾಲ್ವೇಯಪರ್ವತಮ್ ।
ರಾಜನ್ಸತತಮಧ್ಯಾಸ್ತೇಶರಭೋನಾಮಯೂಥಪಃ ॥ 36 ॥
ಏತಸ್ಯಬಲಿನಸ್ಸರ್ವೇವಿಹಾರಾನಾಮಯೂಥಪಾಃ ।
ರಾಜನ್ ಶತಸಹಸ್ರಾಣಿಚತ್ವಾರಿಂಶಸ್ತಥೈವಚ ॥ 37 ॥
ರಾಜನ್ ಶತ ಸಹಸ್ರಾಣಿ ಚತ್ವಾರಿಂಶತ್ ತಥೈವ ಚ ।
ಯಸ್ ತು ಮೇಘ ಇವ ಆಕಾಶಂ ಮಹಾನ್ ಆವೃತ್ಯ ತಿಷ್ಠತಿ ॥ 38 ॥
ಭೇರೀಣಾಮಿವಸನ್ನಾದೋಯಸ್ಯೈಷಶ್ರೂಯತೇಮಹಾನ್ ।
ಘೋಷಶ್ಶಾಖಾಮೃಗೇಂದ್ರಾಣಾಂಸಂಗ್ರಾಮಮಭಿಕಾಂಕ್ಷಿತಾಮ್ ॥ 39 ॥
ಏಷಪರ್ವತಮಧ್ಯಾಸ್ತೇಪಾರಿಯಾತ್ರಮನುತ್ತಮಮ್ ।
ಯುದ್ಧೇದುಷ್ಪ್ರಸಹೋನಿತ್ಯಂಪನಸೋನಾಮಯೂಥಪಃ ॥ 40 ॥
ಏನಂಶತಸಹಸ್ರಾಣಾಂಶತಾರ್ಧಂಪರ್ಯುಪಾಸತೇ ।
ಯೂಥಪಾಯೂಥಪಶ್ರೇಷ್ಠಂಯೇಷಾಂಯೂಥಾನಿಭಾಗಶಃ ॥ 41 ॥
ಯೂಥಪಾ ಯೂಥಪ ಶ್ರೇಷ್ಠಂ ಯೇಷಾಂ ಯೂಥಾನಿ ಭಾಗಶಃ ।
ಯಸ್ ತು ಭೀಮಾಂ ಪ್ರವಲ್ಗಂತೀಂ ಚಮೂಂ ತಿಷ್ಠತಿ ಶೋಭಯನ್ ॥ 42 ॥
ಏಷದರ್ದರಸಂಕಾಶೋವಿನತೋನಾಮಯೂಥಪಃ ।
ಪಿಬಂಶ್ಚರತಿಪರ್ಣಾಸಾಂನದೀನಾಮುತ್ತಮಾಂನದೀಮ್ ॥ 43 ॥
ಷಷ್ಟಿಶ್ಶತಸಹಸ್ರಾಣಿಬಲಮಸ್ಯಪ್ಲವಂಗಮಾಃ ॥ 44 ॥
ತ್ವಾಮಾಹ್ವಯತಿಯುದ್ಧಾಯಕ್ರೋಧನೋನಾಮಯೂಧಪಃ ।
ವಿಕ್ರಾಂತಾಬಲವಂತಶ್ಚಯಥಾಯೂಥಾನಿಭಾಗಶಃ ॥ 45 ॥
ಯಸ್ತುಗೈರಿಕವರ್ಣಾಭಂವಪುಃಪುಷ್ಯತಿವಾನರಃ ।
ಅವಮತ್ಯಸದಾಸರ್ವಾನ್ವಾನರಾನ್ಬಲದರ್ಪಿತಾನ್ ॥ 46 ॥
ಗವಯೋನಾಮತೇಜಸ್ವೀತ್ವಾಂಕ್ರೋಧಾದಭಿವರ್ತತೇ ।
ಏನಂಶತಸಹಸ್ರಾಣಿಸಪ್ತತಿಃಪರ್ಯುಪಾಸತೇ ।
ಏಷೈವಾಶಂಸತೇಲಂಕಾಂಸ್ವೇನಾನೀಕೇನಮರ್ದಿತುಮ್ ॥ 47 ॥
ಏತೇದುಷ್ಪ್ರಸಹಾಘೋರಾಬಲಿನಃಕಾಮರೂಪಿಣಃ ।
ಯೂಥಪಾಯೂಥಪಶ್ರೇಷ್ಠಾಮೇಷಾಂಯೂಥಾನಿಭಾಗಶಃ ॥ 48 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಷಡ್ವಿಂಶಸ್ಸರ್ಗಃ ॥
