ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಚತುರ್ದಶಾಧಿಕಶತತಮಸ್ಸರ್ಗಃ ।
ತಾಸಾಂವಿಲಪಮಾನಾನಾಂತದಾರಾಕ್ಷಸಯೋಷಿತಾಮ್ ।
ಜ್ಯೇಷ್ಠಾಪತ್ನೀಪ್ರಿಯಾಜೀನಾಭರ್ತಾರಂಸಮುದೈಕ್ಷತ ॥ 1 ॥
ದಶಗ್ರೀವಂಹತಂದೃಷ್ಟವಾರಾಮೇಣಾಚಿಂತ್ಯಕರ್ಮಣಾ ।
ಪತಿಂಮಂಡೋದರೀತತ್ರಕೃಪಣಾಪರ್ಯದೇವಯತ್ ॥ 2 ॥
ನನುನಾಮಮಹಾಬಾಹೋತವವೈಶ್ರವಣಾನುಜ ।
ಕ್ರುದ್ಧಸ್ಯಪ್ರಮುಖೇಸ್ಥಾತುಂತ್ರಸ್ಯತ್ಯಪಿಪುರಂದರಃ ॥ 3 ॥
ಋಷಯಶ್ಚಮಹಾಂತೋಽಪಿಗಂಧರ್ವಾಶ್ಚಯಶಸ್ವಿನಃ ।
ನನುನಾಮತವೋದ್ವೇಗಾಚ್ಚಾರಣಾಶ್ಚದಿಶೋಗತಾಃ ॥ 4 ॥
ಸ ತ್ವಂಮಾನುಷಮಾತ್ರೇಣರಾಮೇಣಯುಧಿನಿರ್ಜಿತಃ ।
ನ ವ್ಯಪತ್ರಪಸೇರಾಜನ್ ಕಿಮಿದಂರಾಕ್ಷಸೇಶ್ವರ ॥ 5 ॥
ಕಥಂತ್ರೈಲೋಕ್ಯಮಾಕ್ರಮ್ಯಶ್ರಿಯಾವೀರ್ಯೇಣಚಾನ್ವಿತಮ್ ।
ಅವಿಷಹ್ಯಂಜಘಾನತ್ವಾಂಮಾನುಷೋವನಗೋಚರಃ ॥ 6 ॥
ಮಾನುಷಾಣಾಮವಿಷಯೇಚರತಃಕಾಮರೂಪಿಣಃ ।
ವಿನಾಶಸ್ತವರಾಮೇಣಸಮ್ಯುಗೇನೋಪಪದ್ಯತೇ ॥ 7 ॥
ನ ಚೈತತ್ಕರ್ಮರಾಮಸ್ಯಶ್ರದ್ಧಧಾಮಿಚಮೂಮುಖೇ ।
ಸರ್ವತಸ್ಸಮುಪೇತಸ್ಯತವತೇನಾಭಿಮರ್ಷಣಮ್ ॥ 8 ॥
ಯದೈವ ಚ ಜನಸ್ಥಾನೇರಾಕ್ಷಸೈರ್ಭಹುನಿರ್ವವೃತಃ ।
ಖರಸ್ತವಹತೋಭ್ರಾತಾತದೈವಾಸೌ ನ ಮಾನುಷಃ ॥ 9 ॥
ಯದೈವನಗರೀಂಲಂಕಾಂದುಷ್ಪ್ರವೇಶಾಂಸುರೈರಪಿ ।
ಪ್ರವಿಷ್ಟೋಹನುಮಾನ್ವೀರ್ಯಾತ್ತದೈವವ್ಯಥಿತಾವಯಮ್ ॥ 10 ॥
ಯದೈವವಾನರೈರ್ಘೋರೈರ್ಬದ್ಧಸ್ಸೇತುರ್ಮಹಾರ್ಣವೇ ।
ತದೈವಹೃದಯೇನಾಹಂಶಂಕೇರಾಮಮಮಾನುಷಮ್ ॥ 11 ॥
ಅಥವಾರಾಮರೂಪೇಣಕೃತಾಂತಸ್ಸ್ವಯಮಾಗತಃ ।
ಮಾಯಾಂತವವಿನಾಶಾಯವಿಧಾಯಾಪ್ರತಿತರ್ಕಿತಾಮ್ ॥ 12 ॥
ಅಥವಾವಾಸವೇನತ್ವಂಧರ್ಷಿತೋಽಪಿಮಹಾಬಲ ।
ವಾಸವಸ್ಯತುಕಾಶಕ್ತಿಸ್ತ್ವಾಂದ್ರಷ್ಟುಮಪಿಸಂಯುಗೇ ॥ 13 ॥
ವ್ಯಕ್ತಮೇಷಮಹಾಯೋಗೀಪರಮಾತ್ಮಾಸನಾತನಃ ।
ಅನಾದಿಮಧ್ಯನಿಧನೋಮಹತಂಪರಮೋಮಹಾನ್ ॥ 14 ॥
ತಮಸಃಪರಮೋಧಾತಾಶಂಖಚಕ್ರಗದಾಧರಃ ।
ಶ್ರೀವತ್ಸವಕ್ಷಾನಿತ್ಯಶ್ರೀರಜಯ್ಯಶ್ಶಾಶ್ವತೋಧ್ರುವಃ ॥ 15 ॥
ಮಾನುಷಂರೂಪಮಾಸ್ಥಾಯವಿಷ್ಣುಸ್ಸತ್ಯಪರಾಕ್ರಮಃ ।
ಸರ್ವೈಃಪರಿವೃತೋದೇವೈರ್ವಾನರತ್ವಮುಪಾಗತೈಃ ॥ 16 ॥
ಸರ್ವಲೋಕೇಶ್ವರ್ಶ್ರೀಮಾನ್ಲೋಕಾನಾಂಹಿತಕಾಮ್ಯಯಾ ।
ಸರಾಕ್ಷಸರಪರೀವಾರಂಹತವಾಂಸ್ತ್ವಾಂಮಹಾದ್ಯುತಿಃ ॥ 17 ॥
ಇಂದ್ರಿಯಾಣಿಪುರಾಜಿತ್ವಾಜಿತಂತ್ರಿಭುವನಂತ್ವಯಾ ।
ಸ್ಮರದ್ಭಿರಿವತದ್ವೈರಮಿಂದ್ರಿಯೈರೇವನಿರ್ಜಿತಃ ॥ 18 ॥
ಯದೈವಹಿಜನಸ್ಥಾನೇರಾಕ್ಷಸೈರ್ಭಹುಭಿರ್ವೃತಃ ।
ಖರಸ್ತುನಿಹತೋಭ್ರಾತಾತದಾರಾಮೋ ನ ಮಾನುಷಃ ॥ 19 ॥
ಯದೈವನಗರೀಂಲಂಕಾಂದುಷ್ಪ್ರವೇಶಾಂಸುರೈರಪಿ ।
ಪ್ರವಿಷ್ಟೋಹನುಮಾನ್ವೀರ್ಯಾತ್ತದೈವವ್ಯಥಿತಾವಯಮ್ ॥ 20 ॥
ಕ್ರಿಯತಾಮವಿರೋಧಶ್ಚರಾಘವೇಣೇತಿಯನ್ಮಯಾ ।
ಉಚ್ಯಮಾನಂ ನ ಗೃಹ್ಣಾಸಿತಸ್ಯೇಯಂವ್ಯುಷ್ಟಿರಾಗತಾ ॥ 21 ॥
ಅಕಸ್ಮಾಚ್ಛಾಭಿಕಾಮೋಽಸಿಸೀತಾಂರಾಕ್ಷಸಪುಂಗವಃ ।
ಐಶ್ವರ್ಯಸ್ಯವಿನಾಶಾಯದೇಹಸ್ಯಸ್ವಜನಸ್ಯ ಚ ॥ 22 ॥
ಅರುಂಧತ್ಯಾವಿಶಿಷ್ಟಾಂತಾಂರೋಹಿಣ್ಯಾಶ್ಚಾಪಿದುರ್ಮತೇ ।
ಸೀತಾಂಧರ್ಷಯತಾಮಾನ್ಯಾಂತ್ವಯಾಹ್ಯಸದೃಶಂಕೃತಮ್ ॥ 23 ॥
ವಸುಧಾಯಾಹಿವಸುಧಾಂಶ್ರಿಯಃಶ್ರೀಂಭರ್ತೃವತ್ಸಲಾಮ್ ।
ಸೀತಾಂಸರ್ವಾನವದ್ಯಾಂಗೀಮರಣ್ಯೇವಿಜನೇಶುಭಾಮ್ ॥ 24 ॥
ಆನಯಿತ್ವಾತುತಾಂದೀನಾಂಛದ್ಮನಾತ್ಮಸ್ವದೂಷಣ ।
ಅಪ್ರಾಪ್ಯತಂಚೈವಕಾಮಂಮೈಥಿಲೀಸಂಗಮೇಕೃತಮ್ ॥ 25 ॥
ಪತಿವ್ರತಾಯಾಸ್ತಪಸಾನೂನಂದಗ್ಧೋಽಸಿಮೇಪ್ರಭೋ ।
ತದೈವಯನ್ನದಗ್ಧಗದ್ಧಸ್ತ್ವಂಧರ್ಷಯಂಸ್ತನುಮಮಧ್ಯಮಾಮ್ ।
ದೇವಾಭಿಭ್ಯತೇತೇಸರ್ವೇಸೇಂದ್ರಾಃಸಾನಾಗ್ನೀಪುರೋಗಮಾಃ ॥ 26 ॥
ಅವಶ್ಯಮೇವಲಭತೇಫಲಂಪಾಪಸ್ಯಕರ್ಮಣಃ ।
ಘೋರಂಪರ್ಯಾಗತೇಕಾಲೇಕರ್ತಾನಾಸ್ತ್ಯತ್ರಸಂಶಯಃ ॥ 27 ॥
ನ ಕುಲೇನ ನ ರೂಪೇಣ ನ ದಾಕ್ಷಿಣ್ಯೇನಮೈಥಿಲೀ ।
ಮಯಾಧಿಕಾವಾತುಲ್ಯಾವಾತತ್ತ್ವಂಮೋಹಾನ್ನಬುಧ್ಯಸೇ ॥ 28 ॥
ಸರ್ವದಾಸರ್ವಭೂತಾನಾಂನಾಸ್ತಿಮುತ್ಯುರಲಕ್ಷಣಃ ।
ತವತಾವದಯಂಮೃತ್ಯುರ್ಮೈಥಿಲೀಕೃತಲಕ್ಷಣಃ ॥ 29 ॥
ಸೀತಾನಿಮಿತ್ತಜೋಮೃತ್ಯುಸ್ತ್ವಯಾದೂರಾದುಪಾಹೃತಃ ।
ಮೈಥಿಲೀಸಹರಾಮೇಣವಿಶೋಕಾವಿಹರಿಷ್ಯತಿ ॥ 30 ॥
ಅಲ್ಪಪುಣ್ಯಾತ್ವಹಂಘೋರೇಪತಿತಾಶೋಕಸಾಗರೇ ।
ಕೈಲಾಸೇಮಂದರೇಮೇರೌತಥಾಚೈತ್ರರಥೇವನೇ ॥ 31 ॥
ದೇವೋದ್ಯಾನೇಷುಸರ್ವೇಷುವಿಹೃತ್ಯಸಹಿತಾತ್ವಯಾ ।
ವಿಮಾನೇನಾನುರೂಪೇಣಯಾಯಾಮ್ಯತುಲಯಾಶ್ರಿಯಾ ॥ 32 ॥
ಪಶ್ಯಂತಿವಿವಿಧಾಂದೇಶಾಂಸ್ತಾಂಸ್ತಾಂಶ್ಚಿತ್ರಸ್ರಗಂಬರಾ ।
ಭ್ರಮ್ಶಿತಾಕಾಮಭೋಗೇಭ್ಯಃಸಾಸ್ಮಿವೀರವಧಾತ್ತವ ॥ 33 ॥
ಸೈವಾನ್ಯೇವಾಸ್ಮಿಸಮ್ವೃತ್ತಾಧಿಗ್ರಾಜ್ಞಾಂಚಂಚಲಾಃಶ್ರಿಯಃ ।
ಹಾರಾಜನ್ ಸುಕುಮಾರಂತೇಸುಭ್ರುಸುತ್ವಕ್ಸಮುನ್ನಸಮ್ ॥ 34 ॥
ಕಾಂತಿಶ್ರೀದ್ಯುತಿಭಿಸ್ತುಲ್ಯಮಿಂದುಪದ್ಮದಿವಾಕರೈಃ ।
ಕಿರೀಟಕೂಟೋಜ್ಜ್ವಲಿತಂತಾಮ್ರಾಸ್ಯಂದೀಪ್ತಕುಂಡಲಮ್ ॥ 35 ॥
ಮದವ್ಯಾಕುಲಲೋಲಾಕ್ಷಂಭೂತ್ವಾಯತ್ಪಾನಭೂಮಿಷು ।
ವಿವಿಧಸ್ರಗ್ಧರಂಚಾರುವಲ್ಗುಸ್ಮಿತಕಥಂಶುಭಮ್ ॥ 36 ॥
ತದೇವಾದ್ಯತವೈವಂಹಿವಕ್ತ್ರಂ ನ ಭ್ರಾಜತೇಪ್ರಭೋ ।
ರಾಮಸಾಯಕನಿರ್ಭಿನ್ನಂರಕ್ತಂರುಧಿರವಿಸ್ರವೈಃ ॥ 37 ॥
ವೀಶೀರ್ಣಮೇದೋಮಸ್ತಿಷ್ಕಂರೂಕ್ಷಸ್ಯಂದನರೇಣುಭಿಃ ।
ಹಾಪಶ್ಚಿಮಾಮೇಸಂಪ್ರಾಪ್ತಾದಶಾವೈಧವ್ಯದಾಯಿನೀ ॥ 38 ॥
ಯಾಮಯಾಸೀನ್ನಸುಂಬದ್ಧಾಕದಾಚಿದಪಿಮಂದಯಾ ।
ಪತಾದಾನವರಾಜೋಮೇಭರ್ತಾಮೇರಾಕ್ಷಸೇಶ್ವರಃ ॥ 39 ॥
ಪುತ್ರೋಮೇಶಕ್ರನಿರ್ಜೇತಾಇತ್ಯಹಂಗರ್ವಿತಾಭೃಶಮ್ ।
ದೃಪ್ತಾಮರ್ದನಾಃಶೂರಾಃಪ್ರಖ್ಯಾತಬಲಪೌರುಷಾಃ ॥ 40 ॥
ಅಕುತಶ್ಚಿದ್ಭಯಾನಾಥಾಮಮೇತ್ಯಾಸೀನ್ಮತಿರ್ದೃಢಾ ।
ತೇಷಾಮೇವಂಪ್ರಭಾವಾಣಾಂಯುಷ್ಮಾಕಂರಾಕ್ಷಸರ್ಷಭಾಃ ॥ 41 ॥
ಕಥಂಭಯಮಸಂಬುದ್ಧಂಮಾನುಷಾದಿದಮಾಗತಮ್ ।
ಸ್ನಿಗ್ಧೇಂದ್ರನೀಲನೀಲಂತುಪ್ರಾಂಶುಶೈಲೋಪಮಂಮಹತ್ ॥ 42 ॥
ಕೇಯೂರಾಂಗದವೈಡೂರ್ಯಮುಕ್ತಾಹಾರಸ್ರಗುಜ್ಜ್ವಲಮ್ ।
ಕಾಂತಂವಿಹಾರೇಷ್ವಧಿಕಂದೀಪ್ತಾಂಸಂಗ್ರಾಮಭೂಮಿಷು ॥ 43 ॥
ಭಾತ್ಯಾಭರಣಭಾಭಿರ್ಯದ್ವಿದ್ಯುದ್ಭಿರಿವತೋಯದಃ ।
ತದೇವಾದ್ಯಶರೀರಂತೇತೀಕ್ಷ್ಣೈರ್ನೈಕಶರೈಶ್ಚಿತಮ್ ॥ 44 ॥
ಪುನರ್ದುರ್ಲಭಸಂಪರ್ಶಂಪರಿಷ್ವಕ್ತುಂ ನ ಶಕ್ಯತೇ ।
ಶ್ವಾವಿಧಃಶಲಕೈರ್ಯದ್ವದ್ಭಾಣೈರ್ಲಗ್ನೈರ್ನಿರಂತರಮ್ ॥ 45 ॥
ಸ್ವರ್ಪಿತೈರ್ಮರ್ಮಸುಭೃಶಂಸಂಛಿನ್ನಸ್ನಾಯುಬಂಧನಮ್ ।
ಕ್ಷಿತೌನಿಪತಿತಂರಾಜನ್ ಶ್ಯಾಮಂವೈರುಧಿರಚ್ಛವಿ ॥ 46 ॥
ವಜ್ರಪ್ರಹಾರಾಭಿಹತೋವಿಕೀರ್ಣೈವಪರ್ವತಃ ।
ಹಾಸ್ವಪ್ನಸ್ಸತ್ಯಮೇವೇದಂತ್ವಂರಾಮೇಣಕಥಂಹತಃ ॥ 47 ॥
ತ್ವಂಮೃತ್ಯೋರಪಿಮೃತ್ಯುಸ್ಸ್ಯಾಃಕಥಂಮೃತ್ಯುವಶಂಗತಃ ತ್ರೈಲೋಕ್ಯವಸುಭೋಕ್ತಾರಂತ್ರೈಲೋಕ್ಯೋದ್ವೇಗದಂಮಹತ್ ॥ 48 ॥
ಜೇತಾರಂಲೋಕಪಾಲಾನಾಂಕ್ಷೇಪ್ತಾರಾಂಶಂಕರಸ್ಯ ಚ ।
ದೃಪ್ತಾನಾಂನಿಗ್ರಹೀತಾರಮಾವಿಷ್ಕೃತಪರಾಕ್ರಮಮ್ ॥ 49 ॥
ಲೋಕಕ್ಷೋಭಯಿತಾರಂ ಚ ನಾದೈರ್ಭೂತವಿರಾವಿಣಮ್ ।
ಓಜಸಾದೃಪ್ತವಾಕ್ಯಾನಾಂವಕ್ತಾರಂರಿಪುಸನ್ನಿಧೌ ॥ 50 ॥
ಸ್ವಯೂಥಭೃತ್ಯಗೋಪ್ತಾರಂಹಂತಾರಂಭೀಮಕರ್ಮಣಾಮ್ ।
ಹಂತಾರಂದಾನವೇಂದ್ರಾಣಾಂಯಕ್ಷಾಣಾಂ ಚ ಸಹಸ್ರಶಃ ॥ 51 ॥
ನಿವಾತಕವಚಾನಾಂ ಚ ಸಂಗ್ರಹೀತಾರಮಾಹವೇ ।
ನೈಕಯಜ್ಞವಿಲೋಪ್ತಾರಂತ್ರಾತಾರಂಸ್ವಜನಸ್ಯ ಚ ॥ 52 ॥
ಧರ್ಮವ್ಯವಸ್ಥಾಭೇತ್ತಾರಂಮಾಯಾಸ್ರಷ್ಟಾರಮಾಹವೇ ।
ದೇವಾಸುರನೃಕನ್ಯಾನಾಮಾಹರ್ತಾರಂತತಸ್ತತಃ ॥ 53 ॥
ಶತ್ರುಸ್ತ್ರೀಶೋಕದಾತಾರಂ ನೇತಾರಂ ಸ್ವಜನಸ್ಯ ಚ ।
ಲಂಕಾದ್ವೀಪಸ್ಯಗೋಪ್ತಾರಂಕರ್ತಾರಂಭೀಮಕರ್ಮಣಾಮ್ ॥ 54 ॥
ಅಸ್ಮಾಕಂಕಾಮಭೋಗಾನಾಂದಾತಾರಂರಥಿನಾಂವರಮ್ ।
ಏವಂಪ್ರಭಾವಂಭರ್ತಾರಂದೃಷ್ಟವಾರಾಮೇಣಪಾತಿತಮ್ ॥ 55 ॥
ಸ್ಥಿರಾಸ್ಮಿಯಾದೇಹಮಿಮಂಧಾರಯಾಮಿಹತಪ್ರಿಯಾ ।
ಶಯನೇಷುಮಹಾರ್ಹೇಷುಶಯಿತ್ವಾರಾಕ್ಷಸೇಶ್ವರ ॥ 56 ॥
ಇಹಕರ್ಮಾತ್ಪ್ರಸುಪ್ತೋಽಸಿಧರಣ್ಯಾಂರೇಣುಗುಂಠಿತಃ ।
ಯದಾತೇತನಯಶ್ಶಸ್ತೋಲಕ್ಷ್ಮಣೇನೇಂದ್ರಜಿದ್ಯುಧಿ ॥ 57 ॥
ತದಾತ್ವಭಿಹತಾತೀವ್ರಮದ್ಯತ್ವಸ್ಮಿನಿಪಾತಿತಾ ।
ಸಾಹಂಬಂಧುಜನೈರ್ಹೀನಾಹೀನಾನಾಥೇನ ಚ ತ್ವಯಾ ॥ 58 ॥
ವಿಹೀನಾಕಾಮಭೋಗೈಶ್ಚಶೋಚಿಷ್ಯೇಶಾಶ್ವತೀಸ್ಸಮಾಃ ।
ಪ್ರಪನ್ನೋದೀರ್ಘಮಧ್ವಾನಂರಾಜನ್ನದ್ಯಸುದುರ್ಗಮಮ್ ॥ 59 ॥
ನಯಮಾಮಪಿದುಃಖಾರ್ತಾಂ ನ ವರ್ತಿಷ್ಯೇತ್ವಯಾವಿನಾ ।
ಕಸ್ಮಾತ್ತ್ವಂಮಾಂವಿಹಾಯೇಹಕೃಪಣಾಂಗಂತುಮಿಚ್ಛಸಿ ॥ 60 ॥
ದೀನಾಂವಿಲಪತೀಂಮಂದಾಂಕಿಂವಾಮಾಂನಾಭಿಭಾಷಸೇ ।
ದೃಷ್ಟವಾ ನ ಖಲ್ವಭಿಕ್ರುದ್ಧೋಮಾಮಿಹಾನವಕುಂಠಿತಾಮ್ ॥ 61 ॥
ನಿರ್ಗತಾಂನಗರದ್ವಾರಾತ್ಪದ್ಭ್ಯಾಮೇವಾಗತಾಂಪ್ರಭೋ ।
ಪಶ್ಯೇಷ್ಟದಾರದಾರಾಂಸ್ತೇಭ್ರಷ್ಟಲಜ್ಜಾವಕುಂಠಿತಾನ್ ॥ 62 ॥
ಬಹಿರ್ನಿಷ್ಪತಿತಾನ್ಸರ್ವಾನ್ಕಥಂದೃಷ್ಟವಾ ನ ಕುಪ್ಯಸಿ ।
ಅಯಂಕ್ರೀಡಾಸಹಾಯಸ್ತೇಽನಾಥೇಲಾಲಪ್ಯತೇಜನಃ ॥ 63 ॥
ನ ಚೈವಮಾಶ್ವಾಸಯಸಿಕಿಂವಾ ನ ಬಹುಮನ್ಯಸೇ ।
ಯಾಃಸ್ತ್ವಯಾವಿಧವಾರಾಜನ್ಕೃತಾನೈಕಾಃಕುಲಸ್ತ್ರಿಯಃ ॥ 64 ॥
ಪತಿವ್ರತಾಧರ್ಮರತಾಗುರುಶುಶ್ರೂಷಣೇರತಾಃ ।
ತಾಭಿಶ್ಶೋಕಾಭಿತಪ್ತಾಭಿಶ್ಶಪ್ತಃಪರವಶಂಗತಃ ॥ 65 ॥
ತ್ವಯಾವಿಪ್ರಕೃತಾಭಿರ್ಯತ್ತದಾಶಪ್ತಂತದಾಗತಮ್ ।
ಪ್ರವಾದಸ್ಸತ್ಯಏವಾಯಂತ್ವಾಂಪ್ರತಿಪ್ರಾಯಶೋನೃಪ ॥ 66 ॥
ಪ್ರತಿವ್ರತಾನಾಂನಾಕಸ್ಮಾತ್ಸಪತ್ನತ್ಯಶ್ರೂಣಿಭೂತಲೇ ।
ಕಥಂ ಚ ನಾಮತೇರಾಜನ್ ಲೋಕಾನಾಕ್ರಮ್ಯತೇಜಸಾ ॥ 67 ॥
ನಾರೀಚೌರ್ಯಮಿದಂಕ್ಷುದ್ರಂಕೃತಂಶೌಂಡೀರ್ಯಮಾನಿನಾ ।
ಅಪನೀಯಾಶ್ರಮಾದ್ರಾಮಂಯನ್ಮೃಗಚ್ಛದ್ಮನಾತ್ವಯಾ ॥ 68 ॥
ಆನೀತಾರಾಮಪನತೀಸಾತತ್ತೇಕಾತರ್ಯಲಕ್ಷಣಮ್ ।
ಕಾತರ್ಯಂ ನ ಚ ತೇಯುದ್ಧೇಕದಾಚಿತ್ಸಂಸ್ಮರಾಮ್ಯಹಮ್ ॥ 69 ॥
ತತ್ತುಭಾಗ್ಯವಿಪರ್ಯಾಸಾನ್ನೂನಂತೇಪಕ್ವಲಕ್ಷಣಮ್ ।
ಅತೀತಾನಾಗತಾರ್ಥಜ್ಞೋವರ್ತಮಾನವಿಚಕ್ಷಣಃ ॥ 70 ॥
ಮೈಥಿಲೀಮಾಹೃತಾಂದೃಷ್ಟವಾಧ್ಯಾತ್ವಾನಿಃಶ್ವಸ್ಯಚಾಯತಮ್ ।
ಸತ್ಯವಾಕ್ಯಮಹಾಬಾಹೋ ದೇವರೋಮೇಯದಬ್ರವೀತ್ ॥ 71 ॥
ಅಯಂರಾಕ್ಷಸಮುಖ್ಯಾನಾಂವಿನಾಶಃಪರ್ಯುಪಸ್ಥಿತಃ ।
ಕಾಮಕ್ರೋಧಸಮುತ್ಥೇನವ್ಯಸನೇನಪ್ರಸಂಗಿನಾ ॥ 72 ॥
ನಿರ್ವೃತ್ತಸ್ತ್ವತ್ಕೃತೇಽನರ್ಥಃಸೋಽಯಂಮೂಲಹರೋಮಹಾನ್ ।
ತ್ವಯಾಕೃತಮಿದಂಸರ್ವಮನಾಧಂರಾಕ್ಷಸಂಕುಲಮ್ ॥ 73 ॥
ಹಿತ್ವಂಶೋಚಿತವ್ಯೋಮೇಪ್ರಖ್ಯಾತಬಲಪೌರುಷಃ ।
ಸ್ತ್ರೀಸ್ವಭಾವಾತ್ತುಮೇಬುದ್ಧಿಃಕಾರುಣ್ಯೇಪರಿವರ್ತತೇ ॥ 74 ॥
ಸುಕೃತಂದುಷ್ಕೃತಂ ಚ ತ್ವಂಗೃಹೀತ್ವಾಸ್ವಾಂಗತಿಂಗತಃ ।
ಆತ್ಮಾನಮನುಶೋಚಾಮಿತ್ವದ್ವಿನಾಶೇನದುಃಖಿತಾಮ್ ॥ 75 ॥
ಸುಹೃದಾಂಹಿತಕಾಮಾನಾಂ ನ ಶ್ರುತಂವಚನಂತ್ವಯಾ ।
ಭ್ರಾತ್ರೂಣಾಂಚೈವಕಾರ್ತ್ನ್ಸನಹಿತಮುಕ್ತಂದಶಾನನ ॥ 76 ॥
ಹೇತ್ವರ್ಥಯುಕ್ತಂವಿಧಿವಚ್ಛ್ರೇಯಸ್ಕರಮದಾರುಣಮ್ ।
ವಿಭೀಷಣೇನಾಭಿಹಿತಂ ನ ಕೃತಂಹೇತುಮತ್ತ್ವಯಾ ॥ 77 ॥
ಮಾರೀಚಕುಂಭಕರ್ಣಾಭ್ಯಾಂವಾಕ್ಯಂಮಮಪಿತುಸ್ತಥಾ ।
ನ ಶ್ರುತಂವೀರ್ಯಮತ್ತೇನತಸ್ಯೇದಂಫಲಮೀದೃಶಮ್ ॥ 78 ॥
ನೀಲಜೀಮೂತಸಂಕಾಶ ಪೀತಾಂಬರಶುಭಾಂಗದ ।
ಸ್ವಗಾತ್ರಾಣಿವಿನಿಕ್ಷಿಪ್ಯಕಿಂಶೇಷೇರುಧಿರಾಪ್ಲುತಃ ॥ 79 ॥
ಪ್ರಸುಪ್ತೈವಶೋಕಾರ್ತಾಂಕಿಂಮಾಂ ನ ಪ್ರತಿಭಾಷಸೇ ।
ಮಹಾವೀರ್ಯಸ್ಯದಕ್ಷಸ್ಯಸಮ್ಯುಗೇಷ್ವಪಲಾಯಿನಃ ॥ 80 ॥
ಯಾತುಧಾನಸ್ಯದೌಹಿತ್ರೀಂಕಿಂಮಾಂ ನ ಪ್ರತಿಭಾಷಸೇ ।
ಉತ್ತಿಷ್ಠೋತ್ತಿಷ್ಠಕಿಂಶೇಷೇನವೇಪರಿಭವೇಕೃತೇ ॥ 81 ॥
ಅದ್ಯವೈನಿರ್ಭಯಾಲಂಕಾಂಪ್ರವಿಷ್ಟಾಂಸೂರ್ಯರಶ್ಮಯಃ ।
ಯೇನಸೂದಯಸೇಶತ್ರೂನ್ ಸಮರೇಸೂರ್ಯವರ್ಚಸಾ ॥ 82 ॥
ವಜ್ರಂವಜ್ರಧರಸ್ಯೇವಸೋಽಯಂತೇಸತತಾರ್ಚಿತಃ ।
ರಣೇಬಹುಪ್ರಹರಣೋಹೇಮಜಾಪರಿಷ್ಕೃತಃ ॥ 83 ॥
ಪರಿಘೋವ್ಯವಕೀರ್ಣಸ್ತೇಬಾಣೈಶ್ಚಿನ್ನೈಃಸಹಸ್ರಧಾ ।
ಅಪ್ರಿಯಾಮಿವೋಪಸಂಗೃಹ್ಯಕಿಂಶೇಷೇರಣಮೇದಿನೀಮ್ ॥ 84 ॥
ಅಪ್ರಿಯಾಮಿವಕಸ್ಮಾಚ್ಛಮಾಂನೇಚ್ಛಸ್ಯಭಿಭಾಷಿತುಮ್ ।
ಧಿಗಸ್ತುಹೃದಯಂಯಸ್ಯಾಮಮೇದಂ ನ ಸಹಸ್ರಧಾ ॥ 85 ॥
ತ್ವಯಿಪಂಚತ್ವಮಾಪನ್ನೇಫಲತೇಶೋಕಪೀಡಿತಮ್ ।
ಇತ್ಯೇವಂವಿಲಪಂತಿಸಾಬಾಷ್ಪಪರ್ಯಾಕುಲೇಕ್ಷಣಾ ॥ 86 ॥
ಸ್ನೇಹೋಪಸ್ಕನ್ನಹೃದಯಾ ತದಾ ಮೋಹಾಮುಪಾಗಮತ್ ।
ಕಶ್ಮಲಾಭಿಹತಾಸನ್ನಾಬಭೌಸಾರಾವಣೋರಸಿ ॥ 87 ॥
ಸ್ನಧ್ಯಾನುರಕ್ತೇಜಲದೇದೀಪ್ತಾವಿದ್ಯುದಿವೋಜ್ಜ್ವಲಾ ।
ತಥಾಗತಂಸಮುತ್ಥಾಪ್ಯಸಪತ್ನಯಸ್ತಾಂಭೃಶಾತುರಾಃ ॥ 88 ॥
ಪರ್ಯವಸ್ಥಾಪಯಾಮಾಸೂರುದಂತ್ಯೋರುದತೀಂಭೃಶಮ್ ।
ನ ತೇಸುವಿದಿತಾದೇವಿಲೋಕಾನಾಂಸ್ಥಿತಿರಧ್ರುವಾ ॥ 89 ॥
ದಶಾವಿಭಾಗಪರ್ಯಾಯೇರಾಜ್ಞಾಂವೈಚಂಚಲಾಃಶ್ರಿಯಃ ।
ಇತ್ಯೇವಮುಚ್ಯಮಾನಾಸಾಸಶಬ್ದಂಪ್ರರುರೋದ ಹ ॥ 90 ॥
ಸ್ನಾಪಯಂತೀತದಾಸ್ರೇಣಸ್ತನೌವಕ್ರಂಸುನಿರ್ಮಲಮ್ ।
ಏತಸ್ಮಿನ್ನಂತರೇರಾಮೋವಿಭೀಷಣಮುವಾಚ ಹ ॥ 91 ॥
ಸಂಸ್ಕಾರಃಕ್ರಿಯತಾಂಭ್ರಾತುಃಸ್ತ್ರೀಗಣಃಪರಿಸಾಂತ್ವ್ಯತಾಮ್ ।
ತಮುವಾಚತತೋಧೀಮಾನ್ ವಿಭೀಷಣೈದಂವಚಃ ॥ 92 ॥
ವಿಮೃಶ್ಯಬುದ್ಧ್ಯಾಧರ್ಮಜ್ಞೋಧರ್ಮಾರ್ಥಸಹಿತಂಹಿತಮ್ ।
ತ್ಯಕ್ತಧರ್ಮವ್ರತಂಶೂರಂನೃಶಂಸಮನೃತಂತಥಾ ॥ 93 ॥
ನಾಹಮರ್ಹೋಽಸ್ಮಿಸಂಸ್ಕರ್ತುಂಪರದಾರಾಭಿಮರ್ಶಿನಮ್ ।
ಭ್ರಾತೃರೂಪಃಹಿಮೇಶತ್ರುರೇಷಸರ್ವಾಹಿತೇರತಃ ॥ 94 ॥
ರಾವಣೋನಾರ್ಹತೇಪೂಜಾಂಪೂಜ್ಯೋಽಪಿಗುರುಗೌರವಾತ್ ।
ನೃಶಂಸೈತಿಮಾಂರಾಮ ವಕ್ಷ್ಯಂತಿಮನುಜಾಭುವಿ ॥ 95 ॥
ಶ್ರುತ್ವಾತಸ್ಯಾಗುಣಾನ್ಸರ್ವೇವಕ್ಷ್ಯಂತಿಸುಕೃತಂಪುನಃ ।
ತಚ್ಛ್ರುತ್ವಾಪರಮಪ್ರೀತೋರಾಮೋಧರ್ಮಭೃತಾಂವರಃ ॥ 96 ॥
ವಿಭೀಷಣಮುವಾಚೇದಂವಾಕ್ಯಜ್ಞಂವಾಕ್ಯಕೋವಿದಃ ।
ತವಾಪಿಮೇಪ್ರಿಯಂಕಾರ್ಯಂತ್ವತ್ಪ್ರಭಾವಾನ್ಮಯಾಜಿತಮ್ ॥ 97 ॥
ಅವಶ್ಯಂತುಕ್ಷಮಂವಾಚ್ಯೋಮಯಾತ್ವಾಂರಾಕ್ಷಸೇಶ್ವರ ।
ಅಧರ್ಮಾನೃತಸಂಯುಕ್ತಃಕಾಮಂತ್ವೇಷನಿಶಾಚರಃ ॥ 98 ॥
ತೇಜಸ್ವೀಬಲವಾನ್ ಶೂರಃಸಂಗ್ರಾಮೇಷು ಚ ನಿತ್ಯಶಃ ।
ಶತಕ್ರತುಮುಖೈರ್ವೀರೈಃಶ್ರೂಯತೇ ನ ಪರಾಜಿತಃ ॥ 99 ॥
ಮಹಾತ್ಮಾಬಲಸಂಪನ್ನೋರಾವಣೋಲೋಕರಾವಣಃ ।
ಮರಣಾನಾಂತಿವೈರಾಣಿನಿರ್ವೃತ್ತಂನಃಪ್ರಯೋಜನಮ್ ॥ 100 ॥
ಕ್ರಿಯತಾಮಸ್ಯಸಂಸ್ಕಾರೋಮಮಾಪ್ಯೇಷಯಥಾತವ ।
ತ್ವತ್ಸತ್ಸಕಾಶಾದ್ಧಶಗ್ರೀವಸ್ಸಂಸ್ಕಾರಂವಿಧಿಪೂರ್ವಕಮ್ ॥ 101 ॥
ಕ್ಷಿಪ್ರಮರ್ಹತಿಧರ್ಮೇಣತ್ವಂಯಶೋಭಾಗ್ಭವಿಷ್ಯಸಿ ।
ರಾಘವಸ್ಯವಚ್ಶ್ರುತ್ವಾತ್ವರಮಾಣೋವಿಭೀಷಣಃ ॥ 102 ॥
ಸಂಸ್ಕಾರಯಿತುಮಾರೇಭೇಭ್ರಾತರಂರಾವಣಂಹತಮ್ ।
ಸಪ್ರವಿಶ್ಯಪುರೀಂಲಂಕಾಂರಾಕ್ಷಸೇಂದ್ರೋವಿಭೀಷಣಃ ॥ 103 ॥
ರಾವಣಸ್ಯಾಅಗ್ನಿಹೋತ್ರಂತುನಿರ್ಯಾಪಯತಿಸತ್ವರಮ್ ।
ಶಕಟಾನ್ ದಾರುರೂಪಾಣಿಅಗ್ನೀನವೈಯಾಜಕಾಂಸ್ತಥಾ ॥ 104 ॥
ತಥಾಚಂದನಕಾಷ್ಠಾನಿಕಾಷ್ಠಾನಿವಿವಿಧಾನಿ ಚ ।
ಅಗರೂಣಿಸುಗಧನೀನಿಗಂಧಾಂಶ್ಚಸುರಭೀಂಸ್ತಥಾ ॥ 105 ॥
ಮಣಿಮುಕ್ತಾಪ್ರವಾಳಾನಿನಿರ್ಯಾಪಯತಿರಾಕ್ಷಸಃ ।
ಆಜಗಾಮಮುಹೂರ್ತೇನರಾಕ್ಷಸೈಃಪರಿವಾರಿತಃ ॥ 106 ॥
ತತೋಮಾಲ್ಯವತಾಸಾರ್ಥಂಕ್ರಿಯಾಮೇವಚಕಾರಸಃ ।
ಸೌವರ್ಣೀಂಶಿಬಿಕಾಂದಿವ್ಯಾಮಾರೋಪ್ಯಕ್ಷೌಮವಾಸನಮ್ ॥ 107 ॥
ರಾವಣಂರಾಕ್ಷಸಾಧೀಶಮಶ್ರುಪೂರ್ಯಮುಖಾದ್ವಿಜಾಃ ।
ತೂರ್ಯಘೋಷೈಶ್ಚವಿವಿಧೈಸ್ಸ್ತುವದ್ಭಿಶ್ಚಾಭಿನಂದಿತಮ್ ॥ 108 ॥
ಪ್ತಾಕಾಭಿಶ್ಚಚಿತ್ರಾಭಿಸ್ಸುಮನೋಭಿಶ್ಚಚಿತ್ರಿತಾಮ್ ।
ಉತ್ಕ್ಷಿಪ್ಯಶಿಬಿಕಾಂತಾಂತುವಿಭೀಷಣಪುರೋಗಮಾಃ ॥ 109 ॥
ದಕ್ಷಿಣಾಭಿಮುಖಾಸ್ಸರ್ವೇಗೃಹ್ಯಕಾಷ್ಠಾನಿಭೇಜಿರೇ ।
ಅಗ್ನಯೋದೀಪ್ಯಮಾನಾಸ್ತೇತದಾಧ್ವರ್ಯುಸಮೀರಿತಾಃ ॥ 110 ॥
ಶರಣಾಭಿಗತಾಃಸರ್ವೇಪುರಸ್ತಾತ್ತಸ್ಯತೇಯಯುಃ ।
ಅಂತಃಪುರಾಣಿಸರ್ವಾಣಿರುದಮಾನಾನಿಸತ್ವರಮ್ ॥ 111 ॥
ಪೃಷ್ಠತೋಽನುಯಯುಸ್ತಾನಿಪ್ಲವಮಾನಾನಿಸರ್ವತಃ ।
ರಾವಣಂಪ್ರಯತೇದೇಶೇಸ್ಥಾಪ್ಯತೇಭೃಶದುಃಖಿತಾಃ ॥ 112 ॥
ಚಿತಾಂಚಂದನಕಾಷ್ಠೈಶ್ಚಪದ್ಮಕೋಶೀಸಂವೃತಾಮ್ ।
ಬ್ರಾಹ್ಮ್ಯಾಸಮ್ವರ್ತಯಾಮಾಸೂರಾಂಕವಾಸ್ತರಣಾವೃತಾಮ್ ॥ 113 ॥
ವರ್ತತೇವೇದವಿಹಿತೋರಾಜ್ಞೋವೈಪಶ್ಚಿಮಃಕ್ರತುಃ ।
ಪ್ರಚಕ್ರುಃರಾಕ್ಷಸೇಂದ್ರಸ್ಯಪಿತೃಮೇಧಮನುಕ್ರಮಮ್ ॥ 114 ॥
ವೇದಿಂ ಚ ದಕ್ಷಿಣಪ್ರಾಚ್ಯಾಂಯಥಾಸ್ಥಾನಂ ಚ ಪಾವಕಮ್ ।
ಪೃಷದಾಜ್ಯೇನಸಂಪೂರ್ಣಂಸ್ರುವಂಸರ್ವೇಪ್ರಚಿಕ್ಷಿಪುಃ ॥ 115 ॥
ಪಾದಯೋಶ್ಶಕಟಂಪ್ರಾದುರಂತರೂರ್ವೋರುಲೂಖಲಂತದಾ ।
ದಾರುಪಾತ್ರಾಣಿಸರ್ವಾಣಿಆರಣಿಂಚೋತ್ತಾರಾರಣಿಮ್ ॥ 116 ॥
ದತ್ತ್ವಾತುಮುಸಲಂಚಾನ್ಯಥಾಸ್ಥಾನಂವಿಚಕ್ಷಣಾಃ ।
ಶಾಸ್ತ್ರಾದೃಷ್ಟೇನವಿಧಿನಾಮಹರ್ಷಿವಿಹಿತೇನ ಚ ॥ 117 ॥
ತತ್ರಮೇಧ್ಯಂಪಶುಂಹತ್ವಾರಾಕ್ಷಸೇಂದ್ರಸ್ಯರಾಕ್ಷಸಾಃ ।
ಪರಿಸ್ತರಣಿಕಾಂರಾಜ್ಞೋಘೃತಾಕ್ತಾಂಸಮವೇಶಯನ್ ॥ 118 ॥
ಗಂಧೈರ್ಮಾಲ್ಯೈರಲಂಕೃತ್ಯರಾವಣಂದೀನಮಾನಸಾಃ ॥ 119 ॥
ವಿಭೀಷಣಸಹಾಯಾಸ್ತೇವಸ್ತ್ರೈಶ್ಚವಿವಿಧೈರಪಿ ।
ಲಾಜೈರಶ್ಚಾವಕಿರಂತಿಸ್ಮಬಾಷ್ಪಪೂರ್ಣಮುಖಾಸ್ತದಾ ॥ 120 ॥
ದದೌ ಚ ಪಾವಕಂತಸ್ಯವಿಧಿಯುಕ್ತಂವಿಭೀಷಣಃ ।
ಸ್ನಾತ್ವಾಚೈವಾರ್ದ್ರವಸ್ತ್ರೇಣತಿಲಾಂದೂರ್ವಾಭಿಮಿಶ್ರಿತಾನ್ ॥ 121 ॥
ಉದಕೇನ ಚ ಸಮ್ಮಿಶ್ರಾನ್ಪ್ರದಾಯವಿಧಿಪೂರ್ವಕಮ್ ।
ಪ್ರದಾಯಚೋದಕಂತಸ್ಮೈಮೂರ್ಧ್ನಾಚೈನಂನಮಸ್ಯ ಚ ॥ 122 ॥
ತಾಃಸ್ತ್ರಿಯೋಽನುನಯಾಮಾಸಸಾಂತಮುಕ್ತ್ವಾಪುನಃಪುನಃ ।
ಗಮ್ಯತಾಮಿತಿತಾಸ್ಸರ್ವಾವಿವಿಶುರ್ನಗರೀತದಾ ॥ 123 ॥
ಪ್ರವಿಷ್ಟಾಸುಸರ್ವಾಸುರಾಕ್ಷಸೀಷುವಿಭೀಷಣಃ ।
ರಾಮಪಾರ್ಶ್ವಮುಪಾಗಮ್ಯತದಾತಿಷ್ಠದ್ವಿನೀತವತ್ ॥ 124 ॥
ರಾಮೋಽಪಿಸಹಸೈನ್ಯೇನಸಸುಗ್ರೀವಸ್ಸಲಕ್ಷ್ಮಣಃ ।
ಹರ್ಷಂಲೇಭೇರಿಪುಂಹತ್ವಾಯಥಾವೃತ್ರಂಶತಕ್ರತುಃ ॥ 125 ॥
ತತೋವಿಮುಕ್ತ್ವಾಸಶರಂಶರಾಸನಂಮಹೇಂದ್ರದತ್ತಂಕವಚಂ ಚ ತನ್ಮಹತ್ ।
ವಿಮ್ಯುಚರೋಷಂರಿಪುನಿಗ್ರಹಾತ್ತತೋರಾಮಃಸುಸೌಮ್ಯತ್ವಮುಪಾಗತೋಽರಿಹಾ ॥ 126 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಚತುರ್ದಶಾಧಿಕಶತತಮಸ್ಸರ್ಗಃ ॥
