ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ತ್ರಿಂಶಸ್ಸರ್ಗಃ ।
ತತಸ್ತಮಕ್ಷೋಭ್ಯಬಲಂಲಂಕಾಧಿಪತಯೇಚರಾಃ ।
ಸುವೇಲೇರಾಘವಂಶೈಲೇನಿವಿಷ್ಟಂಪ್ರತ್ಯವೇದಯನ್ ॥ 1 ॥
ಚಾರಾಣಾಂರಾವಣಶ್ಶ್ರುತ್ವಾಪ್ರಾಪ್ತಂರಾಮಂಮಹಾಬಲಮ್ ।
ಜಾತೋದ್ವೇಗೋಽಭವತ್ಕಿಂಚಿಚ್ಛಾರ್ದೂಲಂವಾಕ್ಯಮಬ್ರವೀತ್ ॥ 2 ॥
ಅಯಥಾವಚ್ಚತೇವರ್ಣೋದೀನಶ್ಚಾಸಿನಿಶಾಚರ ।
ನಾಸಿಕಚ್ಚಿದಮಿತ್ರಾಣಾಂಕ್ರುದ್ಧಾನಾಂವಶಮಾಗತಃ ॥ 3 ॥
ಇತಿತೇನಾನುಶಿಷ್ಟಸ್ತುವಾಚಂಮಂದಮುದೀರಯತ್ ।
ತದಾರಾಕ್ಷಸಶಾರ್ದೂಲಂಶಾರ್ದೂಲೋಭಯವಿಹ್ವಲಃ ॥ 4 ॥
ನತೇಚಾರಯಿತುಂಶಕ್ಯಾರಾಜನ್ವಾನರಪುಂಗವಾಃ ।
ವಿಕ್ರಾಂತಾಬಲವಂತಶ್ಚರಾಘವೇಣಚರಕ್ಷಿತಾಃ ॥ 5 ॥
ನಾಪಿಸಂಭಾಷಿತುಂಶಕ್ಯಾಸ್ಸಂಪ್ರಶ್ನೋಽತ್ರನಲಭ್ಯತೇ ।
ಸರ್ವತೋರಕ್ಷ್ಯತೇಪಂಥಾವಾನರೈಃಪರ್ವತೋಪಮೈ ॥ 6 ॥
ಪ್ರವಿಷ್ಟಮಾತ್ರೇಜ್ಞಾತೋಽಹಂಬಲೇತಸ್ಮಿನ್ನಚಾರಿತೇ ।
ಬಲಾದ್ಗೃಹೀತೋರಕ್ಷೋಭಿರ್ಬಹುಧಾಽಸ್ಮಿವಿಚಾಲಿತಃ ॥ 7 ॥
ಜಾನುಭಿರ್ಮುಷ್ಟಿಭಿರ್ದಂತೇಸ್ತಲೈಶ್ಚಾಭಿಹತೋಭೃಶಮ್ ।
ಪರಿಣೀತೋಽಸ್ಮಿಹರಿಭಿರ್ಬಲವದ್ಭಿರಮರ್ಷಣೈಃ ॥ 8 ॥
ಪರಿಣೀಯಚಸರ್ವತ್ರನೀತೋಽಹಂರಾಮಸಂಸದಮ್ ।
ರುಧಿರಾದಿಗ್ಧಸರ್ವಾಂಗೋವಿಹ್ವಲಶ್ಚಲಿತೇಂದ್ರಿಯಃ ॥ 9 ॥
ಹರಿಭಿರ್ವಧ್ಯಮಾನಶ್ಚಯಾಚಮಾನಃಕೃತಾಂಜಲಿಃ ।
ರಾಘವೇಣಪರಿತ್ರಾತೋಜೀವಾಮೀತಿಯದೃಚ್ಛಯಾ ॥ 10 ॥
ಏಷಶೈಲೈಶ್ಶಿಲಾಭಿಶ್ಚಪೂರಯಿತ್ವಾಮಹಾರ್ಣವಮ್ ।
ದ್ವಾರಮಾಶ್ರಿತ್ಯಲಂಕಾಯಾರಾಮಸ್ತಿಷ್ಠತಿಸಾಯುಧಃ ॥ 11 ॥
ಗರುಡವ್ಯೂಹಮಾಸ್ಥಾಯಸರ್ವತೋಹರಿಭಿರ್ವೃತಃ ।
ಮಾಂವಿಸೃಜ್ಯಮಹಾತೇಜಾಲಂಕಾಮೇವಾಭಿವರ್ತತೇ ॥ 12 ॥
ಪುರಾಪ್ರಾಕಾರಮಾಯಾತಿಕ್ಷಿಪ್ರಮೇಕತರಂಕುರು ।
ಸೀತಾಂವಾಸ್ಮೈಪ್ರಯಚ್ಛಾಶುಯುದ್ಧಂವಾಪ್ರದೀಯತಾಮ್ ॥ 13 ॥
ಮನಸಾತಂತದಾಪ್ರೇಕ್ಷ್ಯತಚ್ಛ್ರುತ್ವಾರಾಕ್ಷಸಾಧಿಪಃ ।
ಶಾರ್ದೂಲಂಸುಮಹದ್ವಾಕ್ಯಮಥೋವಾಚಸರಾವಣಃ ॥ 14 ॥
ಯದಿಮಾಂಪ್ರತಿಯುಧ್ಯೇರಂದೇವಗಂಧರ್ವದಾನವಾಃ ।
ನೈವಸೀತಾಂಪ್ರದಾಸ್ಯಾಮಿಸರ್ವಲೋಕಭಯಾದಪಿ ॥ 15 ॥
ಏವಮುಕ್ತ್ವಾಮಹಾತೇಜಾರಾವಣಃಪುನರಬ್ರವೀತ್ ।
ಚರಿತಾಭವತಾಸೇನಾಕೇಽತ್ರಶೂರಾಃಪ್ಲವಂಗಮಾಃ ॥ 16 ॥
ಕೀದೃಶಾಃ ಕಿಂಪ್ರಭಾಃ ಸೌಮ್ಯವಾನರಾಯೇದುರಾಸದಾಃ ।
ಕಸ್ಯಪುತ್ರಾಶ್ಚಪೌತ್ರಾಶ್ಚತತ್ತ್ವಮಾಖ್ಯಾಹಿರಾಕ್ಷಸಃ ॥ 17 ॥
ತಥಾತ್ರಪ್ರತಿಪತ್ಸ್ಯಾಮಿಜ್ಞಾತ್ವಾತೇಷಾಂಬಲಾಬಲಮ್ ।
ಅವಶ್ಯಂಬಲಸಙ್ ಖ್ಯಾನಂಕರ್ತವ್ಯಂಯುದ್ಧಮಿಚ್ಛತಾಮ್ ॥ 18 ॥
ಅಥೈವಮುಕ್ತಶ್ಶಾರ್ದೂಲೋರಾವಣೇನೋತ್ತಮಶ್ಚರಃ ।
ಇದಂವಚನಮಾರೇಭೇವಕ್ತುಂರಾವಣಸನ್ನಿಧೌ ॥ 19 ॥
ಅಥರ್ಕ್ಷರಜಸಃಪುತ್ರೋಯುಧಿರಾಜಾಸುದುರ್ಜಯಃ ।
ಗದ್ಗದಸ್ಯಾಥಪುತ್ತ್ರೋಽತ್ರಜಾಂಬವಾನಿತಿವಿಶ್ರುತಃ ॥ 20 ॥
ಗದ್ಗದಸ್ಯೈವಪುತ್ತ್ರೋಽನ್ಯೋಗುರುಪುತ್ರಃ ಶತಕ್ರತೋಃ ।
ಕದನಂಯಸ್ಯಪುತ್ರೇಣಕೃತಮೇಕೇನರಕ್ಷಸಾಮ್ ॥ 21 ॥
ಸುಷೇಣಶ್ಚಾಪಿಧರ್ಮಾತ್ಮಾಪುತ್ರೋಧರ್ಮಸ್ಯವೀರ್ಯವಾನ್ ।
ಸೌಮ್ಯಸ್ಸೋಮಾತ್ಮಜಶ್ಚಾತ್ರರಾಜನ್ ದಧಿಮುಖಃಕಪಿಃ ॥ 22 ॥
ಸುಮುಖೋದುರ್ಮುಖಶ್ಚಾತ್ರವೇಗದರ್ಶೀಚವಾನರಃ ।
ಮೃತ್ಯುರ್ವಾನರರೂಪೇಣನೂನಂಸೃಷ್ಟಸ್ಸ್ವಯಂಭುವಾ ॥ 23 ॥
ಪುತ್ತ್ರೋಹುತವಹಸ್ಯಾಥನೀಲಸ್ಸೇನಾಪತಿಸ್ಸ್ವಯಮ್ ।
ಅನಿಲಸ್ಯಚಪುತ್ತ್ರೋಽತ್ರಹನೂಮಾನಿತಿವಿಶ್ರುತಃ ॥ 24 ॥
ನಪ್ತಾಶಕ್ರಸ್ಯದುರ್ಧರ್ಷೋಬಲವಾನಂಗದೋಯುವಾ ।
ಮೈಂದಶ್ಚದ್ವಿವಿದಶ್ಚೋಭೌಬಲಿನಾವಶ್ವಿಸಂಭವೌ ॥ 25 ॥
ಪುತ್ತ್ರಾವೈವಸ್ವತಸ್ಯಾತ್ರಪಂಚಕಾಲಾಂತಕೋಪಮಾಃ ।
ಗಜೋಗವಾಕ್ಷೋಗವಯಶ್ಶರಭೋಗಂಧಮಾದನಃ ॥ 26 ॥
ದಶವಾನರಕೋಟ್ಯಶ್ಚಶೂರಾಣಾಂಯುದ್ಧಕಾಂಕ್ಷಿಣಾಮ್ ।
ಶ್ರೀಮತಾಂದೇವಪುತ್ತ್ರಾಣಾಂಶೇಷಂನಾಖ್ಯಾತುಮುತ್ಸಹೇ ॥ 27 ॥
ಪುತ್ತ್ರೋದಶರಥಸ್ಯೈಷಸಿಂಹಸಂಹನೋಯುವಾ ।
ದೂಷಣೋನಿಹತೋಯೇನಖರಶ್ಚತ್ರಿಶಿರಾಸ್ತಥಾ ॥ 28 ॥
ನಾಸ್ತಿರಾಮಸ್ಯಸದೃಶೋವಿಕ್ರಮೇಭುವಿಕಶ್ಚನ ।
ವಿರಾಧೋನಿಹತೋಯೇನಕಬಂಧಶ್ಚಾಂತಕೋಪಮಃ ॥ 29 ॥
ವಕ್ತುಂನಶಕ್ತೋರಾಮಸ್ಯನರಃಕಶ್ಚಿದ್ಗುಣಾನ್ ಕ್ಷಿತೌ ।
ಜನಸ್ಥಾನಗತಾಯೇನಯಾವಂತೋರಾಕ್ಷಸಾಹತಾಃ ॥ 30 ॥
ಲಕ್ಷ್ಮಣಶ್ಚಾತ್ರಧರ್ಮಾತ್ಮಾಮಾತಂಗಾನಾಮಿವರ್ಷಭಃ ।
ಯಸ್ಯಬಾಣಪಥಂಪ್ರಾಪ್ಯನಜೀವೇದಪಿವಾಸವಃ ॥ 31 ॥
ಶ್ವೇತೋಜ್ಯೋತಿರ್ಮುಖಶ್ಚಾತ್ರಭಾಸ್ಕರಸ್ಯಾತ್ಮಸಂಭವೌ ।
ವರುಣಸ್ಯಚಪುತ್ತ್ರೋಽನ್ಯೋಃಹೇಮಕೂಟಃಪ್ಲವಂಗಮಃ ॥ 32 ॥
ವಿಶ್ವಕರ್ಮಸುತೋವೀರೋನಲಃಪ್ಲವಗಸತ್ತಮಃ ।
ವಿಕ್ರಾಂತೋಬಲವಾನತ್ರವಸುಪುತ್ರಸ್ಸದುರ್ಧರಃ ॥ 33 ॥
ರಾಕ್ಷಸಾನಾಂವರಿಷ್ಠಶ್ಚತವಭ್ರಾತಾವೀಭೀಷಣಃ ।
ಪ್ರತಿಗೃಹ್ಯಪುರೀಂಲಂಕಾಂರಾಘವಸ್ಯಹಿತೇರತಃ ॥ 34 ॥
ಇತಿಸರ್ವಂಸಮಾಖ್ಯಾತಂತವೇದಂವಾನರಂಬಲಮ್ ।
ಸುವೇಲೇಽಧಿಷ್ಠಿತಂಶೈಲೇಶೇಷಕಾರ್ಯೇಭವಾನ್ಗತಿಃ ॥ 35 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ತ್ರಿಂಶಸ್ಸರ್ಗಃ ॥
