ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ತ್ರಯೋವಿಂಶತ್ಯಧಿಕಶತತಮಸ್ಸರ್ಗಃ ।
ಪ್ರತಿಪ್ರಯಾತೇಕಾಕುತ್ಸ್ಥೇಮಹೇಂದ್ರಃಪಾಕಶಾಸನಃ ।
ಅಬ್ರವೀತ್ಪರಮಪ್ರೀತೋರಾಘವಂಪ್ರಾಂಜಲಿಂಸ್ಥಿತಮ್ ॥ 1 ॥
ಅಮೋಘಂದರ್ಶನಂರಾಮ ತವಾಸ್ಮಾಕಂನರರ್ಷಭ ।
ಪ್ರೀತಿಯುಕ್ತಾಃಸ್ಮತೇನತ್ವಂಬ್ರೂಹಿಯನ್ಮನಸೇಪ್ಸಿತಮ್ ॥ 2 ॥
ಏವಮುಕ್ತೋಮಹೇಂದ್ರೇಣಪ್ರಸನ್ನೇನಮಹಾತ್ಮನಾ ।
ಸುಪ್ರಸನ್ನಮನಾಹೃಷ್ಟೋವಚನಂಪ್ರಾಹರಾಘವಃ ॥ 3 ॥
ಯದಿಪ್ರೀತಿಸ್ಸಮುತ್ಪನ್ನಾಮಯಿತೇವಿಬುಧೇಶ್ವರ ।
ವಕ್ಷ್ಯಾಮಿಕುರುಮೇಸತ್ಯಂವಚನಂವದತಾಂವರ ॥ 4 ॥
ಮಮಹೇತೋಃಪರಾಕ್ರಾಂತಾಯೇಗತಾಯಮಸಾದನಮ್ ।
ತೇಸರ್ವೇಜೀವಿತಂಪ್ರಾಪ್ಯಸಮುತತಿಷ್ಠಂತುವಾನರಾಃ ॥ 5 ॥
ಮತ್ಕೃತೇವಿಪ್ರಯುಕ್ತಾಯೇಪುತ್ರೈರ್ದಾರೈಶ್ಚವಾನರಾಃ ।
ತಾನ್ಪ್ರೀತಮನಸಃಸರ್ವಾಂದ್ರಷ್ಟುಮಿಚ್ಛಾಮಿಮಾನದ ॥ 6 ॥
ವಿಕ್ರಾಂತಾಶ್ಚಾಪಿಶೂರಾಶ್ಚ ನ ಮೃತ್ಯುಂಗಣಯಂತಿ ಚ ।
ಕೃತಯತ್ನಾವಿಪನ್ನಾಶ್ಚಜೀವಯೈನಾನ್ ಪುರಂದರ ॥ 7 ॥
ಮತ್ಪ್ರಿಯೇಷ್ವಭಿರಕ್ತಾಶ್ಚ ನ ಮೃತ್ಯುಂಗಣಯಂತಿಯೇ ।
ತ್ವತ್ಪ್ರಸಾದಾತ್ಸಮೇಯುಸ್ತೇವರಮೇತಮಹಂವೃಣೇ ॥ 8 ॥
ನೀರುಜೋನಿರ್ವ್ರಣಾಂಶ್ಚೈವಸಂಪನ್ನಬಲಪೌರುಷಾನ್ ।
ಗೋಲಾಂಗೂಲಾಂಸ್ತಥೈವರ್ಕ್ಷಾಂಂದ್ರಷ್ಟುಮಿಚ್ಛಾಮಿಮಾನದ ॥ 9 ॥
ಅಕಾಲೇಚಾಪಿಪುಷ್ಪಾಣಿಮೂಲಾನಿ ಚ ಫಲಾನಿ ಚ ।
ನದ್ಯಶ್ಚವಿಮಲಾಸ್ತತ್ರತಿಷ್ಠೇಯುರ್ಯತ್ರವಾನರಾಃ ॥ 10 ॥
ಶ್ರುತ್ವಾತುವಚನಂತಸ್ಯರಾಘವಸ್ಯಮಹಾತ್ಮನಃ ।
ಮಹೇಂದ್ರಃಪ್ರತ್ಯುವಾಚೇದಂವಚನಂಪ್ರೀತಿಸಂಯುತಮ್ ॥ 11 ॥
ಮಹಾನಯಂವರಸ್ತಾತಯಸ್ತ್ವಯೋಕ್ತೋರಘೂತ್ತಮ ।
ವದಿರ್ಮಯಾನೋಕ್ತಪೂರ್ವಂ ಚ ತಸ್ಮಾದೇತದ್ಭವಿಷ್ಯತಿ ॥ 12 ॥
ಸಮುತ್ತಿಷ್ಠಂತುತೇಸರ್ವೇಹತಾಯೇಯುಧಿರಾಕ್ಷಸೈಃ ।
ಋಕ್ಷಾಶ್ಚಸಹಗೋಪುಚ್ಛೈರ್ನಿಕೃತ್ತಾನನಬಾಹವಃ ॥ 13 ॥
ನೀರುಜೋನಿರ್ವ್ರಣಾಶ್ಚೈವಸಂಪನ್ನಬಲಪೌರುಷಾಃ ।
ಸಮುತ್ಥಾಸ್ಯಂತಿಹರಯಸ್ಸುಪ್ತಾನಿದ್ರಾಕ್ಷ್ಯೇಯಥಾ ॥ 14 ॥
ಸುಹೃದ್ಭಿರ್ಬಾಂಧವೈಶ್ಚೈವಜ್ಞಾತಿಭಿಃಸ್ವಜನೇನ ಚ ।
ಸರ್ವಏವಸಮೇಷ್ಯಂತಿಸಮ್ಯುಕ್ತಾಃಪರಯಾಮುದಾ ॥ 15 ॥
ಅಕಾಲೇಪುಷ್ಪಶಬಲಾಃಫಲವಂತಶ್ಚಪಾದಪಾಃ ।
ಭವಿಷ್ಯಂತಿಮಹೇಷ್ವಾಸ ನದ್ಯಶ್ಚಸಲಿಲಾಯುತಾಃ ॥ 16 ॥
ಸವ್ರಣೈಃಪ್ರಥಮಂಗಾತ್ರೈರಿದಾನೀಂನಿರ್ವ್ರಣೈಸ್ಸಮೈಃ ।
ತತಸ್ಸಮುತ್ಥಿತಾಸ್ಸರ್ವೇಸುಪ್ತ್ವೇವಹರಿಯೂಥಪಾಃ ॥ 17 ॥
ಬಭೂವುರ್ವಾನರಾಸ್ಸರ್ವೇಕಿಂನ್ವೇತದಿತಿವಿಸ್ಮಿತಾಃ ।
ಕಾಕುತ್ಸ್ಥಂಪರಿಪೂರ್ಣಾರ್ಥಂದೃಷ್ಟವಾಸರ್ವೇಸುರೋತ್ತಮಾಃ ॥ 18 ॥
ಅಬ್ರುವನ್ಪರಮಪ್ರೀತಾಸ್ಸ್ತುತ್ವಾರಾಮಂಸಲಕ್ಷ್ಮಣಮ್ ।
ಗಚ್ಛಾಯೋಧ್ಯಾಮಿತೋರಾಜನ್ವಿಸರ್ಜಯ ಚ ವಾನರಾನ್ ॥ 19 ॥
ಮೈಥಿಲೀಂಸಾಂತ್ವಯಸ್ವೈನಾಮನುರಕ್ತಾಂಯಶಸ್ವಿನೀಮ್ ।
ಭ್ರಾರಾತರಂಭರತಂಪಶ್ಯತ್ವಚ್ಛೋಕಾದ್ವ್ರತಚಾರಿಣಮ್ ॥ 20 ॥
ಶತ್ರುಘ್ನಂ ಚ ಮಹಾತ್ಮಾನಂಮಾತ್ರೂಃಸರ್ವಾಃಪರಂತಪ ।
ಅಭಿಷೇಚಯಚಾತ್ಮಾನಂಪೌರಾನ್ಗತ್ವಾಪ್ರಹರ್ಷಯ ॥ 21 ॥
ಏವಮುಕ್ತ್ವಾಸಹಸ್ರಾಕ್ಷೋರಾಮಂಸೌಮಿತ್ರಿಣಾಸಹ ।
ವಿಮಾನೈಃಸೂರ್ಯಸಂಕಾಶೈರ್ಯಯೌಹೃಷ್ಟಃಸುರೈಃಸಹ ॥ 22 ॥
ಅಭಿವಾದ್ಯ ಚ ಕಾಕುತ್ಸ್ಥಃ ಸರ್ವಾಂಸ್ತಾಂಸ್ತ್ರಿದಶೋತ್ತಮಾನ್ ।
ಲಕ್ಷ್ಮಣೇನಸಹಭ್ರಾತ್ರಾವಾಸಮಾಜ್ಞಾಪಯತ್ತದಾ ॥ 23 ॥
ತತಸ್ತುಸಾಲಕ್ಷ್ಮಣರಾಮಪಾಲಿತಾಮಹಾಚಮೂರ್ಹೃಷ್ಟಜನಾಯಶಸ್ವಿನೀ ।
ಶ್ರಿಯಾಜ್ವಲಂತೀವಿರರಾಜಸರ್ವತೋನಿಶಾಪ್ರಣೀತೇವಹಿಶೀತರಶ್ಮಿನಾ ॥ 24 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ತ್ರಯೋವಿಂಶತ್ಯಧಿಕಶತತಮಸ್ಸರ್ಗಃ ॥
