ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಚತ್ವಾರಿಂಶಸ್ಸರ್ಗಃ ।
ತತೋರಾಮಸ್ಸುವೇಲಾಗ್ರಂಯೋಜನದ್ವಯಮಂಡಲಮ್ ।
ಅರುರೋಹಸಸುಗ್ರೀವೋಹರಿಯೂಧಪಸಮ್ವೃತಃ ॥ 1 ॥
ಸ್ಥಿತ್ವಾಮುಹೂರ್ತಂತತ್ರೈವದಿಶೋದಶವಿಲೋಕಯನ್ ।
ತ್ರಿಕೂಟಶಿಖರೇರಮ್ಯೇನಿರ್ಮಿತಾಂವಿಶ್ವಕರ್ಮಣಾ ॥ 2 ॥
ದದರ್ಶಲಂಕಾಂಸುನ್ಯಸ್ತಾಂರಮ್ಯಕಾನನಶೋಭಿತಾಮ್ ।
ತಸ್ಯಾಂಗೋಪುರಶೃಂಗಸ್ಥಂರಾಕ್ಷಸೇಂದ್ರಂದುರಾಸದಮ್ ॥ 3 ॥
ಶ್ವೇತಚಾಮರಪರ್ಯಂತಂವಿಜಯಚ್ಛತ್ರಶೋಭಿತಮ್ ।
ರಕ್ತಚಂದನಸಂಲಿಪ್ತಂರತ್ನಾಭರಣಭೂಷಿತಮ್ ॥ 4 ॥
ನೀಲಜೀಮೂತಸಂಕಾಶಂಹೇಮಸಂಛಾದಿತಾಂಬರಮ್ ।
ಐರಾವತವಿಷಾಣಾಗ್ರೈರುತ್ಕೃಷ್ಟಕಿಣವಕ್ಷಸಮ್ ॥ 5 ॥
ಶಶಲೋಹಿತರಾಗೇಣಸಂವೀತಂರಕ್ತವಾಸಸಾ ।
ಸಂಧ್ಯಾತಪೇನಸಂವೀತಂಮೇಘರಾಶಿಮಿವಾಂಬರೇ ॥ 6 ॥
ಪಶ್ಯತಾಂವಾನರೇಂದ್ರಾಣಾಂರಾಘವಸ್ಯಾಪಿಪಶ್ಯತಃ ।
ದರ್ಶನಾದ್ರಾಕ್ಷಸೇಂದ್ರಸ್ಯಸುಗ್ರೀವಸ್ಸಹಸೋತ್ಥಿತಃ ॥ 7 ॥
ಕ್ರೋಧವೇಗೇನಸಂಯುಕ್ತಸ್ಸತ್ತ್ವೇನಚಬಲೇನಚ ।
ಅಚಲಾಗ್ರಾದಥೋತ್ಥಾಯಪುಪ್ಲುವೇಗೋಪುರಸ್ಥಲೇ ॥ 8 ॥
ಸ್ಥಿತ್ವಾಮುಹೂರ್ತಂಸಂಪ್ರೇಕ್ಷ್ಯನಿರ್ಭಯೇನಾಂತರಾತ್ಮನಾ ।
ತೃಣೀಕೃತ್ಯಚತದ್ರಕ್ಷಸ್ಸೋಽಬ್ರವೀತ್ಪರುಷಂವಚಃ ॥ 9 ॥
ಲೋಕನಾಥಸ್ಯರಾಮಸ್ಯಸಖಾದಾಸೋಽಸ್ಮಿರಾಕ್ಷಸ ।
ನಮಯಾಮೋಕ್ಷ್ಯಸೇಽದ್ಯತ್ವಂಪಾರ್ಥಿವೇಂದ್ರಸ್ಯತೇಜಸಾ ॥ 10 ॥
ಇತ್ಯುಕ್ತ್ವಾಸಹಸೋತ್ಪತ್ಯಪುಪ್ಲುವೇತಸ್ಯಚೋಪರಿ ।
ಆಕೃಷ್ಯಮುಕುಟಂಚಿತ್ರಂಪಾತಯಿತ್ವಾಽಪತದ್ಭುವಿ ॥ 11 ॥
ಸಮೀಕ್ಷ್ಯತೂರ್ಣಮಾಯಾಂತಮಬಭಾಷೇನಿಶಾಚರಃ ।
ಸುಗ್ರೀವಸ್ತ್ವಪರೋಕ್ಷಂ ಮೇಹೀನಗ್ರೀವೋಭವಿಷ್ಯಸಿ ॥ 12 ॥
ಇತ್ಯುಕ್ತ್ವೋತ್ಥಾಯತಂಕ್ಷಿಪ್ರಂಬಾಹುಭ್ಯಾಮಾಕ್ಷಿಪತ್ತಲೇ ।
ಕಂತುವತ್ತಂಸಮುತ್ಥಾಯಬಾಹುಭ್ಯಾಮಾಕ್ಷಿಪದ್ಧರಿ ॥ 13 ॥
ಪರಸ್ಪರಂಸ್ವೇದವಿದಗ್ಧಗಾತ್ರೌಪರಸ್ಪರಂಶೋಣಿತದಿಗ್ಧದೇಹೌ ।
ಪರಸ್ಪರಂಲಶಿಷ್ಟನಿರುದ್ಧಚೇಷ್ಟೌಪರಸ್ಪರಂಶಾಲ್ಮಲಿಕಿಂಶುಕೌಯಧಾ ॥ 14 ॥
ಮುಷ್ಟಿಪ್ರಹಾರೈಶ್ಚತಲಪ್ರಹಾರೈರರತ್ನಿಘಾತೈಶ್ಚಕರಾಗ್ರಘಾತೈಃ ।
ತೌಚಕ್ರತುರ್ಯುದ್ಧಮಸಹ್ಯರೂಪಂಮಹಾಬಲೌರಾಕ್ಷಸವಾನರೇಂದ್ರೌ ॥ 15 ॥
ಕೃತ್ವಾನಿಯುದ್ಧಂಭೃಶಮುಗ್ರವೇಗೌಕಾಲಂಚಿರ, ಗೋಪುರವೇದಿಮಧ್ಯೇ ।
ಉತ್ಕ್ಷಿಪ್ಯಚೋತ್ಕ್ಷಿಪ್ಯವಿನಮ್ಯದೇಹೌಪಾದಕ್ರಮಾದ್ಗೋಪುರವೇದಿಲಗ್ನೌ ॥ 16 ॥
ಅನ್ಯೋನ್ಯಮಾವಿಧ್ಯವೇದಿಲಗ್ನೌತೌಪೇತತುಸ್ಸಾಲನಿಖಾತಮಧ್ಯೇ ।
ಉತ್ಪೇತತುರ್ಭೂತಲಮಸ್ಪೃಶಂತೌಸ್ಥಿತ್ವಾಮುಹೂರ್ತಂತ್ವಭಿನಿಶ್ಶ್ವಸಂತೌ ॥ 17 ॥
ಆಲಿಙ್ ಗ್ಯಚಾಲಿಙ್ ಗ್ಯಚಬಾಹುಯೋಕ್ಸ್ರೈಸ್ಸಂಯೋಜಯಾಮಾಸತುರಾಹವೇತೌ ।
ಸಮ್ರಂಭಶಿಕ್ಷಾಬಲಸಂಪ್ರಯುಕ್ತೌಸಂಚೇರತುಸ್ಸಂಪ್ರತಿಯುದ್ಧಮಾರ್ಗೈಃ ॥ 18 ॥
ಶಾರ್ದೂರಸಿಂಹಾವಿವಜಾತದರ್ಪೌಗಜೇಂದ್ರಪೋತಾವಿವಸಂಪ್ರಯುಕ್ತೌ ।
ಸಂಹತ್ಯಚಾಪೀಡ್ಯಚತಾವುರೋಭ್ಯಾಂನಿಪೇತತುರ್ವೈಯುಗಪದ್ಧರಣ್ಯಾಮ್ ॥ 19 ॥
ಉದ್ಯಮ್ಯಚಾನ್ಯೋನ್ಯಮಧಿಕ್ಷಿಪಂತೌಸಂಚಕ್ರಮಾತೇಬಹುಯುದ್ಧಮಾರ್ಗೇಃ ।
ವ್ಯಾಯಾಮಶಿಕ್ಷಾಬಲಸಂಪ್ರಯುಕ್ತೌಕ್ಲಮಂನತೌಜಗ್ಮತುರಾಶುವೀರೌ ॥ 20 ॥
ಬಾಹೂತ್ತಮೈರ್ವಾರಣವಾರಣಾಭೈರ್ನಿವಾರಯಂತೌವರವಾರಣಾಭೌ ।
ಚಿರೇಣಕಾಲೇನತುಸಂಪ್ರಯುಕ್ತೌಸಂಚೇರತುರ್ಮಂಡಲಮಾರ್ಗಮಾಶು ॥ 21 ॥
ತೌಪರಸ್ಪರಮಾಸಾದ್ಯಯತ್ತಾವನ್ಯೋನ್ಯಸೂದನೇ ।
ಮಾರ್ಜಾರಾವಿವಭಕ್ಷ್ಯಾರ್ಥೇಽವಿತಸ್ಥಾತೇಮುಹುರ್ಮುಹುಃ ॥ 22 ॥
ಮಂಡಲಾನಿವಿಚಿತ್ರಾಣಿಸ್ಥಾನಾನಿವಿವಿಧಾನಿಚ ।
ಮೂತ್ರಕಾಣಿಚಿತ್ರಾಣಿಗತಪ್ರತ್ಯಾಗತಾನಿಚ ॥ 23 ॥
ತಿರಚ್ಶೀನಗತಾನ್ಯೇವತಥಾವಕ್ರಗತಾನಿಚ ।
ಪರಿಮೋಕ್ಷಂಪ್ರಹಾರಾಣಾಂವರ್ಜನಂಪರಿಧಾವನಮ್ ॥ 24 ॥
ಅಭಿದ್ರವಣಮಾಪ್ಲಾವಮಾವಸ್ಥಾನಂಸವಿಗ್ರಹಮ್ ।
ಪರಾವೃತ್ತಮಪಾವೃತ್ತಮಪದ್ರುತಮವಪ್ಲುತಮ್ ॥ 25 ॥
ಉಪನ್ಯಸ್ತಪಮನ್ಯಸ್ತಂಯುದ್ಧಮಾರ್ಗವಿಶಾರದೌ ।
ತೌಸಂಚೇಚೇರತುರನ್ಯೋನ್ಯಂವಾನರೇಂದ್ರಶ್ಚರಾವಣಃ ॥ 26 ॥
ಏತಸ್ಮಿನ್ನಂತರೇರಕ್ಷೋಮಾಯಾಬಲಮಥಾತ್ಮನಃ ।
ಆರಬ್ಧುಮುಪಸಂಪೇದೇಜ್ಞಾತ್ವಾತಂವಾನರಾಧಿಪಃ ॥ 27 ॥
ಉತ್ಪಪಾತತದಾಕಾಶಂಜಿತಕಾಶೀಜಿತಕ್ಲಮಃ ।
ರಾವಣಃಸ್ಥಿತಏವಾತ್ರಹರಿರಾಜೇವವಂಚಿತಃ ॥ 28 ॥
ಅಥಹರಿವರನಾಥಃಪ್ರಾಪ್ಯಸಂಗ್ರಾಮಕೀರ್ತಿಂನಿಶಿಚರಪತಿಮಾಜೌಯೋಜಯಿತ್ವಾಶ್ರಮೇಣ ।
ಗಗನಮತಿವಿಶಾಲಂಲಂಘಯಿತ್ವಾರ್ಕಸೂನುರ್ಹರಿಗಣಮಧ್ಯೇರಾಮಪಾರ್ಶ್ವಂಜಗಾಮ ॥ 29 ॥
ಇತಿಸಸವಿತೃಸೂನುಸ್ತತ್ರತತ್ಕರ್ಮಕೃತ್ವಾಪವನಗತಿರನೀಕಂಪ್ರಾವಿಶತ್ಸಸಂಪ್ರಹೃಷ್ಟಃ ।
ರಘುವರನೃಪಸೂನೋದ್ವರ್ಧಯನ್ಯುದ್ಧಹರ್ಷಂತರುಮೃಗಗಣಮುಖ್ಯೈಃಪೂಜ್ಯಮಾನೋಹರೀಂದ್ರಃ ॥ 30 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಚತ್ವಾರಿಂಶಸ್ಸರ್ಗಃ ॥
