ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಷಷ್ಟಿತಮಸ್ಸರ್ಗಃ ।
ಸಪ್ರವಿಶ್ಯಪುರೀಂಲಂಕಾಂರಾಮಬಾಣಭಯಾರ್ಧಿತಃ ।
ಭಗ್ನದರ್ಪಸ್ತದಾರಾಜಾಬಭೂವವ್ಯಥಿತೇಂದ್ರಿಯಃ ॥ 1 ॥
ಮಾತಂಗ ಇವ ಸಿಮ್ಹೇನ ಗರುಡೇನೇವ ಪನ್ನಗಃ ।
ಅಭಿಭೂತೋಽಭವದ್ರಾಜಾ ರಾಘವೇಣ ಮಹಾತ್ಮನಾ ॥ 2 ॥
ಬ್ರಹ್ಮದಂಡಪ್ರತೀಕಾನಾಂವಿದ್ಯುತ್ಸದೃಶವರ್ಚಸಾಮ್ ।
ಸ್ಮರನ್ರಾಘವಬಾಣಾನಾಂವಿವ್ಯಥೇರಾಕ್ಷಸೇಶ್ವರಃ ॥ 3 ॥
ನಕಾಂಚನಮಯಂದಿವ್ಯಮಾಶ್ರಿತ್ಯಪರಮಾಸನಮ್ ।
ವಿಪ್ರೇಕ್ಷಮಾಣೋರಕ್ಷಾಂಸಿರಾವಣೋವಾಕ್ಯಮಬ್ರವೀತ್ ॥ 4 ॥
ಸರ್ವಂತತ್ಖಲುಮೇಮೋಘಂಯತ್ತಪ್ತಂಪರಮಂತಪಃ ।
ಯತ್ಸಮಾನೋಮಹೇಂದ್ರೇಣಮಾನುಷೇಣಾಸ್ಮಿರ್ಜಿತಃ ॥ 5 ॥
ಇದಂತದ್ಬ್ರಹ್ಮಣೋಘೋರಂವಾಕ್ಯಂಮಾಮಭ್ಯುಪಸ್ಥಿತಮ್ ।
ಮಾನುಷೇಭ್ಯೋವಿಜಾನೀಹಿಭಯಂತ್ವಮಿತಿತತ್ತಥಾ ॥ 6 ॥
ದೇವದಾನವಗಂಧರ್ವೈರ್ಯಕ್ಷರಾಕ್ಷಸಪನ್ನಗೈಃ ।
ಅವಧ್ಯತ್ವಂಮಯಾಪ್ರಾಪ್ತಂಮಾನುಷೇಭ್ಯೋನಯಾಚಿತಮ್ ॥ 7 ॥
ವಿದಿತಂ ಮಾನುಷಂ ಮನ್ಯೇ ರಾಮಂ ದಶರಥಾತ್ಮಜಮ್ ।
ಇಕ್ಷ್ವಾಕುಕುಲಜಾತೇನ ಅನರ್ಣ್ಯೇನ ಯತ್ ಪುರಾ ॥ 8 ॥
ಉತ್ಪತ್ಸ್ಯತೇಹಿಮದ್ವಂಶೇಪುರುಷೋರಾಕ್ಷಸಾಧನು ।
ಯಸ್ತ್ವಾಂಸಪುತ್ರಂಸಾಮಾತ್ಯಂಸಬಲಂಸಾಶ್ವಸಾರಥಿಮ್ ॥ 9 ॥
ನಿಹನಿಷ್ಯತಿಸಂಗ್ರಾಮೇತ್ವಾಂಕುಲಾಧಮ ದುರ್ಮತೇ ।
ಶಪ್ತೋಽಹಂವೇದವತ್ಯಾಚಯದಾಸಾಧರ್ಷಿತಾಪುರಾ ॥ 10 ॥
ಸೇಯಂಸೀತಾಮಹಾಭಾಗಾಜಾತಾಜನಕನಂದಿನೀ ।
ಉಮಾನಂದೀಶ್ವರಶ್ಚಾಪಿರಂಭಾವರುಣಕನ್ಯಕಾ ॥ 11 ॥
ಯಥೋಕ್ತಾಸ್ತನ್ಮಯಾಪ್ರಾಪ್ತಂನಮಿಥ್ಯಾಋಷಿಭಾಷಿತಂ ಏತದೇವಾಭ್ಯುಪಾಗಮ್ಯಯತ್ನಂಕರ್ತುಮಹಾರ್ಹಥ ॥ 12 ॥
ರಾಕ್ಷಸಾಶ್ಚಾಪಿತಿಷ್ಠಂತುಚರ್ಯಾಗೋಪುರಮೂರ್ಥಸು ।
ಸಚಾಪ್ರತಿಮಗಾಂಭೀರ್ಯೋದೇವದಾನವದರ್ಪಹಾ ॥ 13 ॥
ಬ್ರಹ್ಮಶಾಪಾಭಿಭೂತಸ್ತುಕುಂಭಕರ್ಣೋವಿಬೋಧ್ಯತಾಮ್ ।
ಸಪರಾಜಿತಮಾತ್ಮಾನಂಪ್ರಹಸ್ತಂಚನಿಷೂದಿತಮ್ ॥ 14 ॥
ಜ್ಞಾತ್ವಾರಕ್ಷೋಬಲಂಭೀಮಮಾದಿದೇಶಮಹಾಬಲಃ ।
ದ್ವಾರೇಷುಯತ್ನಃಕ್ರಿಯತಾಂಪ್ರಾಕಾರಶ್ಚಾಧಿರುಹ್ಯತಾಮ್ ॥ 15 ॥
ನಿದ್ರಾವಶಸಮಾವಿಷ್ಟಃಕುಂಭಕರ್ಣೋವಿಬೋದ್ಯತಾಮ್ ।
ಸುಖಂಸ್ವಪಿತಿನಿಶ್ಚಿಂತಃಕಾಲೋಪಹತಚೇತನಃ ॥ 16 ॥
ನವಷಟ್ ಸಪ್ತಚಾಷ್ಟೌಚಮಾಸಾನ್ ಸ್ವಪಿತಿರಾಕ್ಷಸಃ ।
ಮಂತ್ರಯಿತ್ವಾಪ್ರಸುಪ್ತೋಽಯಮಿತಸ್ತುನವಮೇಽಹನಿ ॥ 17 ॥
ತಂತುಬೋಧಯತಕ್ಷಿಪ್ರಂಕುಂಭಕರ್ಣಂಮಹಾಬಲಮ್ ।
ಸತುಸಙ್ ಖ್ಯೇಮಹಾಬಾಹುಃಕಕುದಸ್ಸರ್ವರಕ್ಷಸಾಮ್ ॥ 18 ॥
ವಾನರಾನ್ ರಾಜಪುತ್ರೌಚಕ್ಷಿಪ್ರಮೇವಹನಿಷ್ಯತಿ ಏಷಃಕೇತುಃಪರಂಸಙ್ ಖ್ಯೇಮುಖ್ಯೋವೈಸರ್ವರಕ್ಷಸಾಮ್ ॥ 19 ॥
ಕುಂಭಕರ್ಣಃಸದಾಶೇತೇಮೂಢೋಗ್ರಾಮ್ಯಸುಖೇರತಃ ।
ರಾಮೇಣಹಿನಿರಸ್ತಸ್ಯಸಂಗ್ರಾಮೇಽಸ್ಮಿನ್ ಸುದಾರುಣೇ ॥ 20 ॥
ಭವಿಷ್ಯತಿನಮೇಶೋಕಃಕುಂಭಕರ್ಣೇವಿಬೋಧಿತೇ ।
ಕಿಂಕರಿಷ್ಯಾಮ್ಯಹಂತೇನಶಕ್ರತುಲ್ಯಬಲೇನಹಿ ॥ 21 ॥
ಈದೃಶೇವ್ಯಸನೇಘೋರೇಯೋನಸಾಹ್ಯಾಯಕಲ್ಪತೇ ।
ತೇತುತದ್ವಚನಂಶ್ರುತ್ವಾರಾಕ್ಷಸೇಂದ್ರಸ್ಯರಾಕ್ಷಸಾಃ ॥ 22 ॥
ಜಗ್ಮುಃಪರಮಸಂಭ್ರಾಂತಾಃಕುಂಭಕರ್ಣನಿವೇಶನಮ್ ।
ತಾಂಪ್ರವಿಶ್ಯಮಹಾದ್ವಾರಂಸರ್ವತೋಯೋಜನಾಯತಾಮ್ ॥ 23 ॥
ಕುಂಭಕರ್ಣಗುಹಾಂರಮ್ಯಾಂಸರ್ವಗಂಧಪ್ರವಾಹಿನೀಮ್ ।
ಕುಂಭಕರ್ಣಸ್ಯನಿಃಶ್ವಾಸಾದವಧೂತಾಮಹಾಬಲಾಃ ॥ 24 ॥
ಪ್ರತಿಷ್ಠಮಾನಾಃಕೃಚ್ಛ್ರೇಣಯತ್ನಾತ್ಪ್ರವಿವಿಶುರ್ಗುಹಾಮ್ ।
ತಾಂಪ್ರವಿಶ್ಯಗುಹಾಂರಮ್ಯಾಂಶುಭಾಂಕಾಂಚನಕುಟ್ಟಿಮಾಮ್ ॥ 25 ॥
ದದೃಶುರ್ನೈರೃತವ್ಯಾಘ್ರಂಶಯಾನಂಭೀಮವಿದರ್ಶನಮ್ ।
ತೇತುತಂವಿಕೃತಂಸುಪ್ತಂವಿಕೀರ್ಣಮಿವಪರ್ವತಮ್ ॥ 26 ॥
ಕುಂಭಕರ್ಣಂಮಹಾನಿದ್ರಂಸಹಿತಾಃಪ್ರತ್ಯಬೋಧಯನ್ ।
ಊರ್ಧ್ವರೋಮಾಂಚಿತತನುಂಶ್ವಸಂತಮಿವಪನ್ನಗಮ್ ।
ಭ್ರಾಮಯಂತಂ ನ್ವಿಶ್ಶ್ವಸೈಃಶಯಾನಂ ಭೀಮವಿದರ್ಶಮಮ್ ॥ 27 ॥
ಭೀಮನಾಸಾಪುಟಂತಂತುಪಾತಾಲೋವಿಪುಲಾನನಮ್ ।
ಶಯನೇನ್ಯಸ್ತಸರ್ವಾಂಗಂಮೇದೋರುಧಿರಗಂಧಿನಮ್ ॥ 28 ॥
ಕಾಂಚನಾಂಗದನದ್ಧಾಂಗಂಕಿರೀಟಿನಮರಿಂದಮಮ್ ।
ದದೃಶುರ್ನೈರೃತವ್ಯಾಘ್ರಂಕುಂಭಕರ್ಣಮರಿಂದಮಮ್ ॥ 29 ॥
ತತಶ್ಚಕ್ರುರ್ಮಹಾತ್ಮಾನಂಕುಂಭಕರ್ಣಾಗ್ರತಸ್ತದಾಚಾಗ್ರತಃ ॥ 30 ॥
ಮಾಂಸಾನಾಂಮೇರುಸಂಕಾಶಂರಾಶಿಂಪರಮತರ್ಪಣಮ್ ।
ಮೃಗಾಣಾಂಮಹಿಷಾಣಾಂಚವರಾಹಾಣಾಂಚಸಂಚಯಾನ್ ॥ 31 ॥
ಚಕ್ರುರ್ನೈರೃತಶಾರ್ದೂಲಾರಾಶಿಮನ್ನಸ್ಯಚಾದ್ಭುತಮ್ ।
ತತಶ್ಶೋಣಿತಕುಂಭಾಂಶ್ಚಮದ್ಯಾನಿವಿವಿಧಾನಿಚ ॥ 32 ॥
ಪುರಸ್ತಾತ್ಕುಂಭಕರ್ಣಸ್ಯಚಕ್ರುಸ್ತ್ರಿದಶಶತ್ರವಃ ।
ಲಿಲಿಪುಶ್ಚಪರಾರ್ಧ್ಯೇನಚಂದನೇನಪರಂತಪಮ್ ॥ 33 ॥
ದಿವ್ಯೈರಾಶ್ವಾಸಯಾಮಾಮಾಸುರ್ಮಾಲ್ಯೈರ್ಗಂಧೈಸ್ಸುಗಂಧಿಭಿಃ ।
ಧೂಪಂಸುಗಂಧಾಂಶ್ಚಸಸೃಜುಸ್ತುಷ್ಟವುಶ್ಚಪರಂತತಮ್ ॥ 34 ॥
ಜಲದಾಇವಚಾನೇದುರ್ಯಾತುಧಾನಾಸ್ತತಸ್ತತಃ ।
ಶಂಖಾಂನಾಪೂರಯಾಮಾಸುಶ್ಶಶಾಂಕಸದೃಶಪ್ರಭಾನ್ ॥ 35 ॥
ತುಮುಲಂಯುಗಪಚ್ಛಾಪಿವಿನೇದುಶ್ಚಾಪ್ಯಮರ್ಷಿತಾಃ ।
ನೇದುರಾಸ್ಫೋಟಯಾಮಾಸುಶ್ಚಿಕ್ಷಿಪುಸ್ತೇನಿಶಾಚರಾಃ ॥ 36 ॥
ಕುಂಭಕರ್ಣವಿಬೋಧಾರ್ಥಂ ಚಕ್ರುಸ್ತೇವಿಪುಲಂ ಸ್ವನಮ್ ।
ಸಶಂಖಭೇರೀಪಣವಪ್ರಣಾದ ।
ಮಾಸ್ಫೋಟಿತಕ್ಷ್ವೇಲಿತಸಿಮ್ಹನಾದಮ್ ।
ದಿಶೋ ದ್ರವಂತಸ್ತ್ರಿದಿವಂ ಕಿರಂತಃ ।
ಶ್ರುತ್ವಾ ವಿಹಮ್ಗಾಃ ಸಹಸಾ ನಿಪೇತುಃ ॥ 37 ॥
ಯದಾಭೃಶಂತೈರ್ನಿನದೈರ್ಮಹಾತ್ಮಾನಕುಂಬಕರ್ಣೋಬುಬುಧೇಪ್ರಸುಪ್ತಃ ।
ತತೋಮುಸುಂಠೀರ್ಮುಸಲಾನಿಸರ್ವೇರಕ್ಷೋಗಣಾಸ್ತೇಜಗೃಹುರ್ಗದಾಶ್ಚ ॥ 38 ॥
ತಂಶೈಲಶೃಂಗೈರ್ಮುಸಲೈರ್ಗದಾಭಿರ್ವೃಕ್ಷೈಸ್ತರೈರ್ಮುದ್ಗರಮುಷ್ಟಿಭಿಶ್ಚ ।
ಸುಖಪ್ರಸುಪ್ತಂಭುವಿಕುಂಭಕರ್ಣಂರಕ್ಷಾಂಸ್ಯುದಗ್ರಾಣಿತದಾನಿಜಘ್ನುಃ ॥ 39 ॥
ತಸ್ಯನಿಃಶ್ವಾಸವಾತೇನಕುಂಭಕರ್ಣಸ್ಯರಕ್ಷಸಃ ।
ರಾಕ್ಷಸಾಬಲವಂತೋಽಪಿಸ್ಥಾತುನಾಶಕ್ನುವನ್ಪುರಃ ॥ 40 ॥
ತತಃಪರಿಹಿತಾಗಾಢಂರಾಕ್ಷಸಾಭೀಮವಿಕ್ರಮಾಃ ।
ಮೃದಂಗಪಣವಾನ್ ಭೇರೀಶ್ಶಂಖಕುಂಭಗಣಾಂಸ್ತಥಾ ॥ 41 ॥
ದಶರಾಕ್ಷಸಸಾಹಸ್ರಂಯುಗಪತ್ಪರ್ಯವಾರಯನ್ ।
ನೀಲಾಂಜನಚಯಾಕಾರಂತೇತುತಂಪ್ರತ್ಯಬೋಧಯನ್ ॥ 42 ॥
ಅಭಿಘ್ನಂತೋನದಂತಶ್ಚನೈವಸಂವಿವಿದೇತುಸಃ ।
ಯದಾಚೈನಂನಶೇಕುಸ್ತೇಪ್ರತಿಬೋಧಯಿತುಂತದಾ ॥ 43 ॥
ತತೋಗುರುತರಂಯತ್ನಂದಾರುಣಂಸಮುಪಾಕ್ರಮನ್ ।
ಆಶ್ವಾನುಷ್ಟ್ರಾನ್ ಖರನ್ನಾಗಾನ್ ಜಘ್ನುರ್ದಂಡಕಶಾಂಕುಶೈಃ ॥ 44 ॥
ಭೇರೀಶಂಖಮೃದಂಗಾಂಶ್ಚಸರ್ವಪ್ರಾಣೈರವಾದಯನ್ ।
ನಿಜಘ್ನುಶ್ಚಾಸ್ಯಗಾತ್ರಾಣಿಮಹಾಕಾಷ್ಠಕಂಕರೈಃ ॥ 45 ॥
ಮುದ್ಗರೈರ್ಮುಸಲೈಶ್ಚಾಪಿಸರ್ವಪ್ರಾಣಸಮುದ್ಯತೈಃ ।
ತೇನನಾದೇವಮಹತಾಲಂಕಾಸಮಭಿಪೂರಿತಾ ॥ 46 ॥
ಸಪರ್ವತವನಾಸರ್ವಾಸೋಽಪಿನೈವಪ್ರಬುಧ್ಯತೇ ।
ತತಸ್ಸಹಸ್ರಂಭೇರೀಣಾಂಯುಗಸತ್ಸಮಹನ್ಯತ ॥ 47 ॥
ಮೃಷ್ಟಕಾಂಚನಕೋಣಾನಾಮಾಸಕ್ತಾನಾಂಸಮಂತತಃ ।
ಏವಮಪ್ಯಂತಿದ್ರಿಸ್ತುಯದಾನೈವಪ್ರಬುಧ್ಯತ ॥ 48 ॥
ಶಾಪಸ್ಯವಶಮಾಪನ್ನಸ್ತತಃಕ್ರುದ್ಧಾನಿಶಾಚರಾಃ ।
ಮಹಾಕ್ರೋಧಸಮಾವಿಷ್ಟಾಸ್ಸರ್ವೇಭೀಮಪರಾಕ್ರಮಾಃ ॥ 49 ॥
ತದ್ರಕ್ಷೋಬೋಧಯಿಷ್ಯಂತಶ್ಚಕ್ರುರನ್ಯೇಪರಾಕ್ರಮಮ್ ।
ಅನ್ಯೇಭೇರೀಸ್ಸಮಾಜಘ್ನುರನ್ಯೇಚಕ್ರುರ್ಮಹಾಸ್ವನಮ್ ॥ 50 ॥
ಕೇಶಾನನ್ಯೇಪ್ರಲುಲುಪುಃಕರ್ಣಾವನ್ಯೇದಶಂತಿಚ ।
ಉದಕುಂಬಶತಾನ್ಯನ್ಯೇಸಮಸಿಂಚಂತಕರ್ಣಯೋಃ ॥ 51 ॥
ನಕುಂಭಕರ್ಣಃಪಸ್ಪಂದೇಮಹಾನಿದ್ರಾವಶಂಗತಃ ।
ಅನ್ಯೇಚಬಲಿನಸ್ತಸ್ಯಕೂಟಮುದ್ಗರಪಾಣಯಃ ॥ 52 ॥
ಮೂರ್ಧ್ನಿವಕ್ಷಸಿಗಾತ್ರೇಷುಪಾತನ್ ಕೂಟಮುದ್ಗರಾನ್ ।
ರಜ್ಜುಬಂಧನಬದ್ಧಾಭಿಶ್ಶತಘ್ನೀಭಿಶ್ಚಸರ್ವಶಃ ॥ 53 ॥
ವಧ್ಯಮಾನೋಮಹಾಕಾಯೋನಪ್ರಾಬುಧ್ಯತರಾಕ್ಷಸಃ ।
ವಾರಣಾನಾಂಸಹಸ್ರಂಚಶರೀರೇಽಸ್ಯಪ್ರಧಾವಿತಮ್ ॥ 54 ॥
ಕುಂಬಕರ್ಣಸ್ತದಾಬುದ್ ಧ್ವಾಸ್ಪರ್ಶಂಪರಮಬುಧ್ಯತ ।
ಸಪಾತ್ಯಮಾನೈರ್ಗಿರಿಶೃಂಗವೃಕ್ಷೈರಚಿಂತಯಂಸ್ತಾನ್ವಿಪುಲಾನ್ ಪ್ರಹಾರಾನ್ ।
ನಿದ್ರಾಕ್ಷ್ಯಾತ್ ಕ್ಷುದ್ಭಯಪೀಡಿತಶ್ಚವಿಜೃಂಭಮಾಣಸ್ಸಹಸೋತ್ಪಪಾಪ ॥ 55 ॥
ಸನಾಗಭೋಗಾಚಲಶೃಂಗಕಲ್ಪೌವಿಕ್ಷಿಪ್ಯಬಾಹೂಗಿರಶೃಂಗಸಾರೌ ।
ನಿವೃತ್ಯವಕ್ತ್ರಂವಡವಾಮುಖಾಭಂನಿಶಾಚರೋಽಸೌವಿಕೃತಂಜಜೃಂಭೇ ॥ 56 ॥
ತಸ್ಯ ಜಾಜೃಂಭಮಾಣಸ್ಯ ವಕ್ತ್ರಂ ಪಾತಾಲಸಮ್ನಿಭಮ್ ।
ದದ್Rಉಶೇ ಮೇರುಶೃಂಗಾಗ್ರೇ ದಿವಾಕರ ಇವೋದಿತಃ ॥ 57 ॥
ಸಜೃಂಭಮಾಣೋಽತಿಬಲಃಪ್ರದ್ಧೋನಿಶಾಚರಃ ।
ನಿಃಶ್ವಾಸಶ್ಚಾಸ್ಯಸಂಜಜ್ಞೇಪರ್ವತಾದಿವಮಾರುತಃ ॥ 58 ॥
ರೂಪಮುತ್ತಿಷ್ಠತಸ್ತಸ್ಯಕುಂಭಕರ್ಣಸ್ಯತದ್ಬಭೌ ।
ತಪಾಂತೇಸಬಲಾಕಸ್ಯಮೇಘಸ್ಯೇವವಿವರ್ಷತಃ ॥ 59 ॥
ತಸ್ಯದೀಪ್ತಾಗ್ನಿಸದೃಶೇವಿದ್ಯುತ್ಸದೃಶವರ್ಚಸೀ ।
ದದೃಶಾತೇಮಹಾನೇತ್ರೇದೀಪ್ತಾವಿವಮಹಾಗ್ರಹೌ ॥ 60 ॥
ತತಸ್ತ್ವದರ್ಶಯನ್ ಸರ್ವಾನ್ಭಕ್ಷ್ಯಾಂಶ್ಚವಿವಿಧಾನ್ ಬಹೂನ್ ।
ವರಾಹಾನ್ಮಹಿಷಾಂಶ್ಚೈವಬಭಕ್ಷಸಮಹಾಬಲಃ ॥ 61 ॥
ಆದದುನ್ಭುಕ್ಷಿತೋಮಾಂಸಂಶೋಣಿತಂತೃಷಿತಃಪಿಬನ್ ।
ಮೇದಃಕುಂಭಾಂಶ್ಚಮದ್ಯಾಂಶ್ಚಪಪೌಶಕ್ರರಿಪುಸ್ತದಾ ॥ 62 ॥
ತತಸ್ತೃಪ್ತ ಇತಿ ಜ್ಞಾತ್ವಾ ಸಮುತ್ಪೇರುರ್ನಿಶಾಚರಾಃ ।
ಶಿರೋಭಿಶ್ಚ ಪ್ರಣಮ್ಯೈನಂ ಸರ್ವತಃ ಪರ್ಯವಾರಯನ್ ॥ 63 ॥
ನಿದ್ರಾವಿಶದನೇತ್ರಸ್ತುಕಲುಷೀಕೃತಲೋಚನಃ ।
ಚಾರಯನ್ ಸರ್ವತೋದೃಷ್ಟಿಂತಾನ್ ದದರ್ಶನಿಶಾಚರಾನ್ ॥ 64 ॥
ಸಸರ್ವಾನ್ ಸಾಂತ್ವಯಾಮಾಸನೈರೃತಾನ್ ನೈರೃತರ್ಷಭಃ ।
ಬೋಧನಾದ್ವಿಸ್ಮಿತಶ್ಚಾಪಿರಾಕ್ಷಸಾನಿದಮಬ್ರವೀತ್ ॥ 65 ॥
ಕಿಮರ್ಥಮಹಮಾದೃತ್ಯಭವದ್ಭಿಃಪ್ರತಿಬೋಧಿತಃ ।
ಕಚ್ಛಿತ್ಸುಕುಶಲಂರಾಜ್ಞೋಭಯಂವಾನೇಷನಕಿಮ್ ॥ 66 ॥
ಅಥವಾಧ್ರುವಮನ್ಯೇಭ್ಯೋಭಯಂಪರಮುಪಸ್ಥಿತಮ್ ।
ಯದರ್ಥಮೇವತ್ವರಿತೈರ್ಭವದ್ಭಿಃಪ್ರತಿಬೋಧಿತಃ ॥ 67 ॥
ಅದ್ಯರಾಕ್ಷಸರಾಜಸ್ಯಭಯಮುತ್ಪಾಟಯಾಮ್ಯಹಮ್ ।
ದಾರಯಿಷ್ಯೇಮಹೇಂದ್ರಂವಾಶಾತಯಿಷ್ಯೇತಥಾನಲಮ್ ॥ 68 ॥
ನಹ್ಯಲ್ಪಕಾರಣೇಸುಪ್ತಂಬೋಧಯಿಷ್ಯತಿಮಾಂಗುರುಃ ।
ತದಾಖ್ಯಾತಾರ್ಥತತ್ತ್ವೇನಮತ್ಪ್ರಬೋಧನಕಾರಣಮ್ ॥ 69 ॥
ಏವಂಬ್ರುವಾಣಂಸಮ್ರಬ್ಧಂಕುಂಭಕರ್ಣಮರಿಂದಮಮ್ ।
ಯೂಪಾಕ್ಷಃಸಚಿವೋರಾಜ್ಞಃಕೃತಾಂಜಲಿರಭಾಷತ ॥ 70 ॥
ನನೋದೇವಕೃತಂಕಿಂಚಿದ್ಭಯಮಸ್ತಿಕದಾಚನ ।
ಮಾನುಷಾನ್ನೋಭಯಂರಾಜಂಸ್ತುಮುಲಂಸಂಪ್ರಬಾಧತೇ ॥ 71 ॥
ನದೈತ್ಯದಾನವೇಭ್ಯೋವಾಭಯಮಸ್ತಿಹಿತಾದೃಶಮ್ ।
ಯಾದೃಶಂಮಾನುಷಂರಾಜನ್ ಭಯಮಸ್ಮಾನುಪಸ್ಥಿತಮ್ ॥ 72 ॥
ವಾನರೈಃಪರ್ವತಾಕಾರೈರ್ಲಂಕೇಯಂಪರಿವಾರಿತಾ ।
ಸೀತಾಹರಣಸಂತಪ್ತಾದ್ರಾಮಾನ್ನಸ್ತುಮುಲಂಭಯಮ್ ॥ 73 ॥
ಏಕೇನವಾನರೇಣೇಯಂಪೂರ್ವಂದಗ್ಧಾಮಹಾಪುರೀ ।
ಕುಮಾರೋನಿಹತಶ್ಚಾಕ್ಷಸ್ಸಾನುಯಾತ್ರಃಸಕುಂಜರಃ ॥ 74 ॥
ಸ್ವಯಂರಕ್ಷೋಧಿಪಶ್ಚಾಪಿಪೌಲಸ್ತ್ಯೋದೇವಕಂಟಕಃ ।
ಮೃತೇತಿಸಂಯುಗೇಮುಕ್ತೋರಾಮೇಣಾದಿತ್ಯತೇಜಸಾ ॥ 75 ॥
ಯನ್ನ ದೇವೈಃ ಕೃತೋ ರಾಜಾ ನಾಪಿ ದೈತ್ಯೈರ್ನ ದಾನವೈಃ ।
ಕೃತಃ ಸ ಇಹ ರಾಮೇಣ ವಿಮುಕ್ತಃ ಪ್ರಾಣಸಂಶಯಾತ್ ॥ 76 ॥
ಸಯೂಪಾಕ್ಷ್ವಚಶ್ಶ್ರುತ್ವಾಭ್ರಾತುರ್ಯುಧಿಪರಾಭವಮ್ ।
ಕುಂಭಕರ್ಣೋವಿವೃತ್ತಾಕ್ಷೋಯೂಪಾಕ್ಷಮಿದಮಬ್ರವೀತ್ ॥ 77 ॥
ಸರ್ವಮದ್ಯೈವಯೂಪಾಕ್ಷಹರಿಸೈನ್ಯಂಸಲಕ್ಷ್ಮಣಮ್ ।
ರಾಘವಂಚರಣೇಜಿತ್ವಾತತೋದ್ರಕ್ಷ್ಯಾಮಿರಾವಣಮ್ ॥ 78 ॥
ರಾಕ್ಷಸಾಂಸ್ತರ್ಪಯಿಷ್ಯಾಮಿಹರೀಣಾಂಮಾಂಸಶೋಣಿತೈಃ ।
ರಾಮಲಕ್ಷ್ಮಣಯೋಶ್ಚಾಪಿಸ್ವಯಂಪಾಸ್ಯಾಮಿಶೋಣಿತಮ್ ॥ 79 ॥
ತತ್ತಸ್ಯವಾಕ್ಯಂಬ್ರುವತೋನಿಶಮ್ಯಸಗರ್ವಿತಂರೋಷವಿವೃದ್ಧದೋಷಮ್ ।
ಮಹೋದರೋನೈರೃತಯೋಧಮುಖ್ಯಃಕೃತಾಂಜಲಿರ್ವಾಕ್ಯಮಿದಂಬಭಾಷೇ ॥ 80 ॥
ರಾವಣಸ್ಯವಚಃಶ್ರುತ್ವಾಗುಣದೋಷೌವಿಮೃಶ್ಯಚ ।
ಪಶ್ಚಾದಪಿಮಹಾಬಾಹೋ ಶತ್ರೂನ್ಯುಧಿವಿಜೇಷ್ಯಸಿ ॥ 81 ॥
ಮಹೋದರವಚಶ್ಶ್ರುತ್ವಾರಾಕ್ಷಸೈಃಪರಿವಾರಿತಃ ।
ಕುಂಭಕರ್ಣೋಮಹಾತೇಜಾಸ್ಸಂಪ್ರತಸ್ಥೇಮಹಾಬಲಃ ॥ 82 ॥
ಸುಪ್ತಮುತ್ಥಾಪ್ಯಭೀಮಾಕ್ಷಂಭೀಮರೂಪಪರಾಕ್ರಮಮ್ ।
ರಾಕ್ಷಸಾಸ್ತ್ವರಿತಾಜುಗ್ಮರ್ದಶಗ್ರೀನ್ವಿವೇಶನಮ್ ॥ 83 ॥
ತತೋಗತ್ವಾದಶಗ್ರೀವಮಾಸೀನಂಪರಮಾಸನೇ ।
ಊಚುರ್ಬದ್ಧಾಂಜಲಿಪುಟಾಸ್ಸರ್ವಏವನಿಶಾಚರಾಃ ॥ 84 ॥
ಪ್ರಬುದ್ಧೋಽಯಂಕುಂಭಕರ್ಣಭ್ರಾತಾತೇರಾಕ್ಷಸೇಶ್ವರ ।
ಕಥಂತತ್ರೈವನಿರ್ಯಾತುದ್ರಕ್ಷ್ಯಸೇತಮಿಹಾಗತಮ್ ॥ 85 ॥
ರಾವಣಸ್ತ್ವಬ್ರವೀದ್ಧೃಷ್ಟೋರಾಕ್ಷಸಾಂಸ್ತಾನುಪಸ್ಥಿತಾನ್ ।
ದ್ರಷ್ಟುಮೇನಮಿಹೇಚ್ಛಾಮಿಯಥಾನ್ಯಾಯಂಚಪೂಜ್ಯತಾಮ್ ॥ 86 ॥
ತಥೇತ್ಯುಕ್ತ್ವಾತುತೇಸರ್ವೇಪುನರಾಗಮ್ಯರಾಕ್ಷಸಾಃ ।
ಕುಂಭಕರ್ಣಮಿದಂವಾಕ್ಯಮೂಚೂರಾವಣಚೋದಿತಾಃ ॥ 87 ॥
ದ್ರಷ್ಟುಂತ್ವಾಂಕಾಂಕ್ಷತೇರಾಜಾಸರ್ವರಾಕ್ಷಸಪುಂಗವಃ ।
ಗಮನೇಕ್ರಿಯತಾಂಬುದ್ಧಿರ್ಭ್ರಾತರಂಸಂಪ್ರಹರ್ಷಯಃ ॥ 88 ॥
ಕುಂಭಕರ್ಣಸ್ತುದುರ್ಧರ್ಷೋಭ್ರಾತುರಾಜ್ಞಾಯಶಾಸನಮ್ ।
ತಥೇತ್ಯುಕ್ತ್ವಾಮಹಾವೀರ್ಯಶ್ಶಯನಾದುತ್ಪಪಾತಹ ॥ 89 ॥
ಪ್ರಕ್ಷಾಲ್ಯ ವದನಂ ಹ್Rಷ್ಟಃ ಸ್ನಾತಃ ಪರಮಭೂಷಿತಃ ।
ಪಿಪಾಸುಸ್ತ್ವರಯಾಮಾಸ ಪಾನಂ ಬಲಸಮೀರಣಮ್ ॥ 90 ॥
ತತಸ್ತೇತ್ವರಿತಾಸ್ತತ್ರರಾಕ್ಷಸಾರಾವಣಾಜ್ಞಯಾ ।
ಮದ್ಯಕುಂಭಾಂಶ್ಚವಿವಿಧಾನ್ ಕ್ಷಿಪ್ರಮೇವೋಪಹಾರಯನ್ ॥ 91 ॥
ಪೀತ್ವಾಘಟಸಹಸ್ರೇದ್ವೇಗಮನಾಯೋಪಚಕ್ರಮೇ ।
ಈಷತ್ಸಮುತ್ಕಟೋಮತ್ತಸ್ತೇಜೋಬಲಸಮನ್ವಿತಃ ॥ 92 ॥
ಕುಂಭಕರ್ಣೋಬಭೌಹೃಷ್ಟಃಕಾಲಾಂತಕಯಮೋಪಮಃ ।
ಭ್ರಾತುಸ್ಸಭವನಂಗಚ್ಛನ್ರಕ್ಷೋಬಲಸಮನ್ವಿತಃ ॥ 93 ॥
ಕುಂಭಕರ್ಣಃ ಪದನ್ಯಾಸೈರಕಂಪಯತ ಮೇದಿನೀಮ್ ।
ಸ ರಾಜಮಾರ್ಗಂ ವಪುಷಾ ಪ್ರಕಾಶಯನ್ ।
ಸಹಸ್ರರಸ್ಮಿರ್ಧರಣೀಮಿವಾಂಶುಭಿಃ ।
ಜಗಾಮ ತತ್ರಾಂಜಲಿಮಾಲಯಾ ವೃತಃ ।
ಶತಕ್ರತುರ್ಗೇಹಮಿವ ಸ್ವಯಂಭುವಃ ॥ 94 ॥
ತಂರಾಜಮಾರ್ಗಸ್ಥಮಮಿತ್ರಘಾತಿನಂವನೌಕಸಸ್ತೇಸಹಸಾಬಹಿಸ್ಸ್ಥಿತಾಃ ।
ದೃಷ್ಟವಾಽಪ್ರಮೇಯಂಗಿರಿಶೃಂಗಕಲ್ಪಂವಿತತ್ರಸುಸ್ತೇಹರಿಯೂಥಪಾಲಾಃ ॥ 95 ॥
ಕೇಚಿಚ್ಛರಣ್ಯಂಶರಣಂಸ್ಮರಾಮಂವ್ರಜಂತಿಕೇಚಿದ್ ವ್ಯಥಿತಾಃಪತಂತಿ ।
ಕೇಚಿದ್ಧಶಸ್ಮವ್ಯಥಿತಾಃಪತಂತಿಕೇಚಿದ್ಭಯಾರ್ತಾಭುವಿಶೇರತೇಸ್ಮ ॥ 96 ॥
ತಮದ್ರಿಶೃಂಗಪ್ರತಿಮಂಕಿರೀಟಿನಂಸ್ಪೃಶಂತಮಾದಿತ್ಯಮಿವಾಽತ್ಮತೇಜಸಾ ।
ವನೌಕಸಃಪ್ರೇಕ್ಷ್ಯವಿವೃದ್ಧಮದ್ಭುತಂ 3 ಭಯಾರ್ಧಿತಾದುದ್ರುವಿರೇತತಸ್ತತಃ ॥ 97 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಷಷ್ಟಿತಮಸ್ಸರ್ಗಃ ॥
