ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ದ್ವಾದಶಸ್ಸರ್ಗಃ ।
ಸತಾಂಪರಿಷದಂಕೃತ್ಸ್ನಾಂಸಮೀಕ್ಷ್ಯಸಮಿತಿಂಜಯಃ ।
ಪ್ರಚೋದಯಾಮಾಸತದಾಪ್ರಹಸ್ತಂವಾಹಿನೀಪತಿಮ್ ॥ 1 ॥
ಸೇನಾಪತೇಯಥಾತೇಸ್ಯುಃಕೃತವಿದ್ಯಾಶ್ಚತುರ್ವಿಧಾಃ ।
ಯೋಧಾನಗರರಕ್ಷಾಯಾಂತಥಾವ್ಯಾದೇಷ್ಟುಮರ್ಹಸಿ ॥ 2 ॥
ಸಪ್ರಹಸ್ತಃಪ್ರಣೀತಾತ್ಮಾಚಿಕೀರ್ಷನ್ ರಾಜಶಾಸನಮ್ ।
ವಿನಿಕ್ಷಿಪದ್ಬಲಂಸರ್ವಂಬಹಿರಂತಶ್ಚಮಂದಿರೇ ॥ 3 ॥
ತತೋವಿನಿಕ್ಷಿಪ್ಯಬಲಂಸರ್ವನಗರಗುಪ್ತಯೇ ।
ಪ್ರಹಸ್ತಃಪ್ರಮುಖೇರಾಜ್ಞೋನಿಷಸಾದಜಗಾದಚ ॥ 4 ॥
ವಿಹಿತಂಬಹಿರಂತಶ್ಚಬಲಂಬಲವತಸ್ತವ ।
ಕುರುಷ್ಯಾವಿಮನಾಃಕ್ಷಿಪ್ರಂಯದಭಿಪ್ರೇತಮಸ್ತುತೇ ॥ 5 ॥
ಪ್ರಹಸ್ತಸ್ಯವಚಶ್ಶ್ರುತ್ವಾರಾಜಾರಾಜ್ಯಹಿತೈಷಿಣಃ ।
ಸುಖೇಪ್ಸುಸ್ಸುಹೃದಾಂಮಧ್ಯೇವ್ಯಾಜಹಾರಸರಾವಣಃ ॥ 6 ॥
ಪ್ರಿಯಾಪ್ರಿಯೇಸುಖಂದುಃಖಂಲಾಭಾಲಾಭೇಹಿತಾಹಿತೇ ।
ಧರ್ಮಕಾಮಾರ್ಥಕೃಚ್ಛ್ರೇಷುಯೂಯಮರ್ಹಥವೇದಿತುಮ್ ॥ 7 ॥
ಸರ್ವಕೃತ್ಯಾನಿಯುಷ್ಮಾಭಿಸ್ಸಮಾರಬ್ಧಾನಿಸರ್ವಥಾ ।
ಮಂತ್ರಕರ್ಮನಿಯುಕ್ತಾನಿನಜಾತುವಿಫಲಾನಿಮೇ ॥ 8 ॥
ಸಸೋಮಗ್ರಹನಕ್ಷತ್ರೈರ್ಮರುದ್ಭಿರಿವವಾಸವಃ ।
ಭವದ್ಭಿರಹಮತ್ಯರ್ಥಂವೃತಶ್ರಿಯಮವಾಪ್ನುಯಾಮ್ ॥ 9 ॥
ಅಹಂತುಖಲುಸರ್ವಾನ್ವಸ್ಸಮರ್ಥಯಿತುಮುದ್ಯತಃ ।
ಕುಂಭಕರ್ಣಸ್ಯತುಸ್ವಪ್ನಾನ್ನೇಮಮರ್ಥಮಚೋದಯಮ್ ॥ 10 ॥
ಇಯಂ ಚ ದಂಡಕಾರಣ್ಯಾದ್ರಾಮಸ್ಯ ಮಹಿಷೀ ಪ್ರಿಯಾ ।
ರಕ್ಷೋಭಿಶ್ಚರಿತೋದ್ದೇಶಾದಾನೀತಾ ಜನಕಾತ್ಮಜಾ ॥ 11 ॥
ಇಯಂಚದಂಡಕಾರಣ್ಯಾದ್ರಾಮಸ್ಯಮಹಿಷೀಮಯಾ ।
ರಕ್ಷೋಭಿಶ್ಚರಿತೋದ್ದೇಶಾದಾನೀತಾಜನಕಾತ್ಮಜಾ ॥ 12 ॥
ಸಾಮೇವಶಯ್ಯಾಮಾರೋಢುಮಿಚ್ಛತ್ಯಲಸಗಾಮಿನೀ ।
ತ್ರಿಷುಲೋಕೇಷುಚಾನ್ಯಾಮೇನಸೀತಾಸದೃಶೀಮತಾ ॥ 13 ॥
ತನುಮಧ್ಯಾಪೃಥುಶ್ರೋಣೀಶರದಿಂದುನಿಭಾನನಾ ।
ಹೇಮಬಿಂಬನಿಭಾಸೌಮ್ಯಾಮಾಯೇವಮಯನಿರ್ಮಿತಾ ॥ 14 ॥
ಸುಲೋಹಿತತಲೌಶ್ಲಕ್ಷ್ ಣೌಚರಣೌಸುಪ್ರತಿಷ್ಠಿತೌ ।
ದೃಷ್ಟ್ವಾತಾಮ್ರನಖೌತಸ್ಯಾದೀಪ್ಯತೇಮೇಶರೀರಜಃ ॥ 15 ॥
ಹುತಾಗ್ನಿರರ್ಚಿಸ್ಸಂಕಾಶಾಮೇನಾಂಸೌರೀಮಿವಪ್ರಭಾಮ್ ।
ಉನ್ನಸಂವಿಮಲಂವಲ್ಗುವಿಪುಲಾಂಚಾರುಲೋಚನಮ್ ॥ 16 ॥
ಪಶ್ಯಂಸ್ತದವಶಸ್ತಸ್ಯಾಃಕಾಮಸ್ಯವಶಮೇಯಿವಾನ್ ।
ಕ್ರೋಧಹರ್ಷಸಮಾನೇನದುರ್ವರ್ಣಕರಣೇನಚ ॥ 17 ॥
ಶೋಕಸಂತಾಪನಿತ್ಯೇನಕಾಮೇನಕಲುಷೀಕೃತಃ ।
ಸಾತುಸಂವತ್ಸರಂಕಾಲಂಮಾಮಯಾಚತಭಾಮಿನೀ ॥ 18 ॥
ಪ್ರತೀಕ್ಷಮಾಣಾಭರ್ತಾರಂರಾಮಮಾಯತಲೋಚನಾ ।
ತನ್ಮಯಾಚಾರುನೇತ್ರಾಯಃಪ್ರತಿಜ್ಞಾತಂವಚಶ್ಶುಭಮ್ ॥ 19 ॥
ಬಹುಸತ್ತ್ವಸಮಾಕೀರ್ಣಂ ತೌ ವಾ ದಶರಥಾತ್ಮಜೌ ।
ಅಥವಾ ಕಪಿನೈಕೇನ ಕೃತಂ ನಃ ಕದನಂ ಮಹತ್ ॥ 20 ॥
ಬಹುಸತ್ತ್ವಸಮಾಕೀರ್ಣಂತೌವಾದಶರಥಾತ್ಮಜೌ ।
ಅಥವಾಕಪಿನೈಕೇನಕೃತಂನಃಕದನಂಮಹತ್ ॥ 21 ॥
ದುರ್ ಜ್ಞೇಯಾಃಕಾರ್ಯಗತಯೋಬ್ರೂತಯಸ್ಯಯಥಾಮತಿ ।
ಮಾನುಷ್ಯಾನ್ನೋಭಯಂನಾಸ್ತಿತಥಾಪಿತುವಿಮೃಶ್ಯತಾಮ್ ॥ 22 ॥
ತದಾದೇವಾಸುರೇಯುದ್ಧೇಯುಷ್ಮಾಭಿಸ್ಸಹಿತೋಽಜಯಮ್ ।
ತೇಮೇಭವಂತಶ್ಚತಥಾಸುಗ್ರೀವಪ್ರಮುಖಾನ್ಹರೀನ್ ॥ 23 ॥
ಪರೇಪಾರೇಸಮುದ್ರಸ್ಯಪುರಸ್ಕೃತ್ಯನೃಪಾತ್ಮಜೌ ।
ಸೀತಾಯಾಃಪದವೀಂಪ್ರಾಪ್ಯಸಂಪ್ರಾಪ್ತೌವರುಣಾಲಯಾಮ್ ॥ 24 ॥
ಅದೇಯಾಚಯಥಾಸೀತಾವಧ್ಯೌದಶರಥಾತ್ಮಜೌ ।
ಭವದ್ಭಿರ್ಮಂತ್ರ್ಯತಾಂಮಂತ್ರಸ್ಸುನೀತಂಚಾಭಿಧೀಯತಾಮ್ ॥ 25 ॥
ನಹಿಶಕ್ತಿಂಪ್ರಪಶ್ಯಾಮಿಜಗತ್ಯನ್ಯಸ್ಯಕಸ್ಯಚಿತ್ ।
ಸಾಗರಂವಾನರೈಸ್ತೀರ್ವಾನಿಶ್ಚಯೇನಜಯೋಮಮ ॥ 26 ॥
ತಸ್ಯಕಾಮಪರೀತಸ್ಯನಿಶಮ್ಯಪರಿದೇವಿತಮ್ ।
ಕುಂಭಕರ್ಣಃಪ್ರಚುಕ್ರೋಧವಚನಂಚೇದಮಬ್ರವೀತ್ ॥ 27 ॥
ಯದಾತುರಾಮಸ್ಯಸಲಕ್ಷ್ಮಣಸ್ಯಪ್ರಸಹ್ಯಸೀತಾಖಲುಸಾಇಹಾಽಹೃತಾ ।
ಸಕೃತ್ಸಮೀಕ್ಷ್ಯೈವಸುನಿಶ್ಚಿತಂತದಾಭಜೇತಚಿತ್ತಂಯಮುನೇವಯಾಮುನಮ್ ॥ 28 ॥
ಸರ್ವಮೇತನ್ಮಹಾರಾಜಕೃತಮಪ್ರತಿಮಂತವ ।
ವಿಧೀಯೇತಸಹಾಸ್ಮಾಭಿರಾದಾವೇವಾಸ್ಯಕರ್ಮಣಃ ॥ 29 ॥
ನ್ಯಾಯೇನರಾಜಕಾರ್ಯಾಣಿಯಃಕರೋತಿದಶಾನನಃ ।
ನಸಸಂತಪ್ಯತೇಪಶ್ಚಾನ್ನಿಶ್ಚಿತಾರ್ಥಮತಿರ್ನೃಪಃ ॥ 30 ॥
ಅನುಪಾಯೇನಕರ್ಮಾಣಿವಿಪರೀತಾನಿಯಾನಿಚ ।
ಕ್ರಿಯಮಾಣಾನಿದುಷ್ಯಂತಿಹವೀಂಷ್ಯಪ್ರಯತೇಷ್ವಿವ ॥ 31 ॥
ಯಃಪಶ್ಚಾತ್ಪೂರ್ವಕಾರ್ಯಾಣಿಕರ್ಮಾಣ್ಯಭಿಚಿಕೀರ್ಷತಿ ।
ಪೂರ್ವಂಚಾಪರಕಾರ್ಯಾಣಿನಸವೇದನಯಾನಯೌ ॥ 32 ॥
ಚಪಲಸ್ಯತುಕೃತ್ಯೇಷುಪ್ರಸಮೀಕ್ಷ್ಯಾಧಿಕಂಬಲಮ್ ।
ಕ್ಷಿಪ್ರಮನ್ಯೇಪ್ರಪದ್ಯಂತೇಕ್ರೌಂಚಸ್ಯಖಮಿವದ್ವಿಜಾಃ ॥ 33 ॥
ತ್ವಯೇದಂಮಹಾದಾರಬ್ಧಂಕಾರ್ಯಮಪ್ರತಿಚಿಂತಿತಮ್ ।
ದಿಷ್ಟ್ಯಾತ್ವಾಂನಾವಧೀದ್ರಾಮೋವಿಷಮಿಶ್ರಮಿವಾಮಿಷಮ್ ॥ 34 ॥
ತಸ್ಮಾತ್ತ್ವಯಾಸಮಾರಬ್ಧಂಕರ್ಮಹ್ಯಪ್ರತಿಮಂಪರೈಃ ।
ಅಹಂಸಮೀಕರಿಷ್ಯಾಮಿಹತ್ವಾಶತ್ರೂಂಸ್ತವಾನಘ ॥ 35 ॥
ಅಹಮುತ್ಸಾದಯಿಷ್ಯಾಮಿಶತ್ರೂಂಸ್ತವನಿಶಾಚರ ।
ಯದಿಶಕ್ರವಿವಸ್ವಂತೌಯದಿಪಾವಕಮಾರುತೌ ॥ 36 ॥
ತಾವಹಂಯೋಧಯಿಷ್ಯಾಮಿಕುಬೇರವರುಣಾವಪಿ ।
ಗಿರಿಮಾತ್ರಶರೀರಸ್ಯಮಹಾಪರಿಘಯೋಧಿನಃ ।
ನರ್ದತಸ್ತೀಕ್ಷ್ಣದಂಷ್ಟ್ರಸ್ಯಬಿಭೀಯಾದ್ವೈಪುರಂದರಃ ॥ 37 ॥
ಪುನರ್ಮಾಂಸದ್ವಿತೀಯೇನಶರೇಣನಿಹನಿಷ್ಯತಿ ।
ತತೋಽಹಂತಸ್ಯಪಾಸ್ಯಾಮಿರುಧಿರಂಕಾಮಮಾಶ್ವಸ ॥ 38 ॥
ವಧೇನವೈದಾಶರಥೇಸ್ಸುಖಾವಹಂಜಯಂತವಾಹರ್ತುಮಹಂಯತಿಷ್ಯೇ ।
ಹತ್ವಾಚರಾಮಂಸಹಲಕ್ಷ್ಮಣೇನಖಾದಾಮಿಸರ್ವಾನ್ಹರಿಯೂಥಮುಖ್ಯಾನ್ ॥ 39 ॥
ರಮಸ್ವಕಾಮಂ ಪಿಬಚಾಗ್ಯ್ರವಾರುಣೀಂಕುರಷ್ವಕಾರ್ಯಾಣಿಹಿತಾನಿವಿಜ್ವರಃ ।
ಮಯಾತುರಾಮೇಗಮಿತೇಯಮಕ್ಷಯಂಚಿರಾಯಸೀತಾವಶಗಾಭವಿಷ್ಯತಿ ॥ 40 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ದ್ವಾದಶಸ್ಸರ್ಗಃ ॥
