ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಸಪ್ತವಿಂಶಸ್ಸರ್ಗಃ ।
ತಾಂಸ್ತುತೇಽಹಂಪ್ರವಕ್ಷ್ಯಾಮಿಪ್ರೇಕ್ಷಮಾಣಸ್ಯಯೂಥಪಾನ್ ।
ರಾಘವಾರ್ಥೇಪರಾಕ್ರಾಂತಾಯೇನರಕ್ಷಂತಿಜೀವಿತಮ್ ॥ 1 ॥
ಸ್ನಿಗ್ಧಾಯಸ್ಯಬಹುವ್ಯಾಮಾವಾಲಾಲಾಂಗೂಲಮಾಶ್ರಿತಾಃ ।
ತಾಮ್ರಾಃಪೀತಾಸ್ಸಿತಾಶ್ಶ್ವೇತಾಃಪ್ರಕೀರ್ಣಾಘೋರಕರ್ಮಣಃ ॥ 2 ॥
ಪ್ರಗೃಹೀತಾಃಪ್ರಕಾಶಂತೇಸೂರ್ಯಸ್ಯೇವಮರೀಚಯಃ ।
ಪೃಥಿವ್ಯಾಂಚಾನುಕೃಷ್ಯಂತೇಹರೋನಾಮೈಷಯೂಥಪಃ ॥ 3 ॥
ಯಂಪೃಷ್ಠತೋಽನುಗಚ್ಛಂತಿಶತಶೋಽಥಸಹಸ್ರಶಃ ।
ದ್ರುಮಾನುದ್ಯಮ್ಯಸಹಸಾಲಂಕಾರೋಹಣತತ್ಪರಾಃ ॥ 4 ॥
ಯೂಥಪಾಹರಿರಾಜಸ್ಯಕಿಂಕರಾಸ್ಸಮುಪಸ್ಥಿತಾಃ ।
ನೀಲಾನಿವಮಹಾಮೇಘಾಂಸ್ತಿಷ್ಠತೋಯಾಂಸ್ತುಪಶ್ಯಸಿ ॥ 5 ॥
ಅಸಿತಾಂಜನಸಂಕಾಶಾನ್ ಯುದ್ಧೇಸತ್ಯಪರಾಕ್ರಮಾನ್ ।
ಅಸಙ್ ಖ್ಯೇಯಾನನಿರ್ದೇಶ್ಯಾನ್ಪರಂಪಾರಮಿವೋದಧೇಃ ॥ 6 ॥
ಪರ್ವತೇಷುಚಯೇಕೇಚಿದ್ವಿಷಮೇಷುನದೀಷುಚ ।
ಏತೇತ್ವಾಮಭಿವರ್ತಂತೇರಾಜನ್ನೃಕ್ಷಾಸ್ಸುದಾರುಣಾಃ ॥ 7 ॥
ಏಷಾಂ ಮಧ್ಯೇ ಸ್ಥಿತೋ ರಾಜನ್ ಭೀಮ ಅಕ್ಷೋ ಭೀಮ ದರ್ಶನಃ ।
ಪರ್ಜನ್ಯ ಇವ ಜೀಮೂತೈಃ ಸಮಂತಾತ್ ಪರಿವಾರಿತಃ ॥ 8 ॥
ಋಕ್ಷವಂತಂಗಿರಿಶ್ರೇಷ್ಠಮಧ್ಯಾಸ್ತೇನರ್ಮದಾಂಪಿಬನ್ ।
ಸರ್ವಋಕ್ಷಾಣಾಮಧಿಪತಿರ್ಧೂಮ್ರೋನಾಮೈಷಯೂಥಪಃ ॥ 9 ॥
ಯವೀಯಾನಸ್ಯತುಭ್ರಾತಾಪಶ್ಯೈನಂಪರ್ವತೋಪಮಮ್ ।
ಭ್ರಾತ್ರಾಸಮಾನೋರೂಪೇಣವಿಶಿಷ್ಟಸ್ತುಪರಾಕ್ರಮೈಃ ॥ 10 ॥
ಸಏಷಜಾಂಬವಾನ್ನಾಮಮಹಾಯೂಥಪಯೂಥಪಃ ।
ಪ್ರಕ್ರಾಂತೋಗುರುವರ್ತೀಚಸಂಪ್ರಹಾರೇಷ್ವಮರ್ಷಣ ॥ 11 ॥
ಏತೇನಸಾಹ್ಯಂಸುಮಹತ್ಕೃತಂಶಕ್ರಸ್ಯಧೀಮತಾ ।
ದೇವಾಸುರೇಜಾಂಬವತಾಲಬ್ಧಾಶ್ಚಬಹವೋವರಾಃ ॥ 12 ॥
ಆರುಹ್ಯಪರ್ವತಾಗ್ರೇಭ್ಯೋಮಹಾಭ್ರವಿಪುಲಾಃ ಶಿಲಾಃ ।
ಮುಂಚಂತಿವಿಪುಲಾಕಾರಾನಮೃತ್ಯೋರುದ್ವಿಜಂತಿಚ ॥ 13 ॥
ರಾಕ್ಷಸಾನಾಂಚಸದೃಶಾಃಪಿಶಾಚಾನಾಂಚರೋಮಶಾಃ ।
ಏತಸ್ಯಸೈನ್ಯಾಬಹವೋವಿಚರಂತ್ಯಗ್ನಿತೇಜಸಃ ॥ 14 ॥
ಯಂತ್ವೇನಮಭಿಸಮ್ರಬ್ಧಂಪ್ಲವಮಾನಮಿವಸ್ಥಿತಮ್ ।
ಪ್ರೇಕ್ಷಂತೇವಾನರಾಸ್ಸರ್ವೇಸ್ಥಿತಾಯೂಥಪಯೂಥಪಮ್ ॥ 15 ॥
ಏಷರಾಜನ್ ಸಹಸ್ರಾಕ್ಷಂಪರ್ಯುಪಾಸ್ತೇಹರೀಶ್ವರಃ ।
ಬಲೇನಬಲಸಂಪನ್ನೋದಂಭೋನಾಮೈಷಯೂಥಪಃ ॥ 16 ॥
ಯಃಸ್ಥಿತಂಯೋಜನೇಶೈಲಂಗಚ್ಛನ್ಪಾರ್ಶ್ವೇನಸೇವತೇ ।
ಊರ್ಧ್ವಂತಥೈವಕಾಯೇನಗತಃಪ್ರಾಪ್ನೋತಿಯೋಜನಮ್ ॥ 17 ॥
ಯಸ್ಮಾನ್ನಪರಮಂರೂಪಂಚತುಷ್ಪಾದೇಷುವಿದ್ಯತೇ ।
ಶ್ರುತಸ್ಸಂನ್ನಾದನೋನಾಮವಾನರಾಣಾಂಪಿತಾಮಹಾಃ ॥ 18 ॥
ಯೇನಯುದ್ಧಂಪುರಾದತ್ತಂರಣೇಶಕ್ರಸ್ಯಧೀಮತಾ ।
ಪರಾಜಯಶ್ಚನಪ್ರಾಪ್ತಸ್ಸೋಽಯಂಯೂಥಪಯೂಥಪಃ ॥ 19 ॥
ಯಸ್ಯವಿಕ್ರಮಮಾಣಸ್ಯಶಕ್ರಸ್ಯೇವಪರಾಕ್ರಮಃ ।
ಏಷಗಂಧರ್ವಕನ್ಯಾಯಾಮುತ್ಪನ್ನಃಕೃಷ್ಣವರ್ತ್ಮನಃ ॥ 20 ॥
ತದಾದೇವಾಸುರೇಯುದ್ಧೇಸಾಹ್ಯಾರ್ಥಂತ್ರಿದಿವೌಕಸಾಂ ಯಸ್ಯವೈಶ್ರವಣೋರಾಜಾಜಂಬೂಮುಪನಿಷೇವತೇ ॥ 21 ॥
ಯೋರಾಜಾಪರ್ವತೇಂದ್ರಾಣಾಂಬಹುಕಿನ್ನರಸೇವಿನಾಮ್ ।
ವಿಹಾರಸುಖದೋನಿತ್ಯಂಭ್ರಾತುಸ್ತೇರಾಕ್ಷಸಾಧಿಪ ॥ 22 ॥
ತತ್ರೈಷವಸತಿಶ್ರೀಮಾನ್ಬಲವಾನ್ವಾನರರ್ಷಭಃ ।
ಯುದ್ಧೇಷ್ವಕತ್ಥನೋನಿತ್ಯಂಕ್ರೋಧನೋನಾಮಯೂಥಪಃ ॥ 23 ॥
ವೃತಃಕೋಟಿಸಹಸ್ರೇಣಹರೀಣಾಂಸಮುಪಸ್ಥಿತಃ ।
ಏಷೈವಾಶಂಸತೇಲಂಕಾಂಸ್ವೇನಾನೀಕೇನಮರ್ದಿತುಮ್ ॥ 24 ॥
ಯೋಗಂಗಾಮನುಪರ್ಯೇತಿತ್ರಾಸಯನ್ಗಜಯೂಥಪಾನ್ ।
ಹಸ್ತಿನಾಂವಾನರಾಣಾಂಚಪೂರ್ವವೈರಮನುಸ್ಮರನ್ ॥ 25 ॥
ಏಷಯೂಥಪತಿರ್ನೇತಾಗಚ್ಛನ್ ಗಿರಿಗುಹಾಶಯಃ ।
ಗಜಾನ್ಯೋಧಯತೇವನ್ಯಾನ್ಗಿರೀಂಶ್ಚೈವಮಹೀರುಹಾನ್ ॥ 26 ॥
ಹರೀಣಾಂವಾಹಿನೀಮುಖ್ಯೋನದೀಂಹೈಮವತೀಮನು ।
ಉಶೀರಬೀಜಮಾಶ್ರಿತ್ಯಪರ್ವತಂಮಂದರೋಪಮಮ್ ॥ 27 ॥
ರಮತೇ ವಾನರ ಶ್ರೇಷ್ಠೋ ದಿವಿ ಶಕ್ರ ಇವ ಸ್ವಯಮ್ ।
ಏನಂ ಶತ ಸಹಸ್ರಾಣಾಂ ಸಹಸ್ರಂ ಅಭಿವರ್ತತೇ ॥ 28 ॥
ಸಏಷನೇತಾಚೈತೇಷಾಂವಾನರಾಣಾಂಮಹಾತ್ಮನಾಮ್ ।
ಸಏಷದುರ್ಧರೋರಾಜನ್ಪ್ರಮಾಥೀನಾಮಯೂಥಪಃ ॥ 29 ॥
ವಾತೇನೇವೋದ್ಧತಂಮೇಘಂಯಮೇನಮನುಪಶ್ಯಸಿ ।
ಅನೀಕಮಭಿಸಂರಬ್ಧಂವಾನರಾಣಾಂತರಸ್ವಿನಾಮ್ ॥ 30 ॥
ಅನೀಕಮಪಿ ಸಮ್ರಬ್ಧಂ ವಾನರಾಣಾಂ ತರಸ್ವಿನಾಮ್ ।
ಉದ್ಧೂತಮರುಣಾಭಾಸಂ ಪವನೇನ ಸಮಂತತಃ ॥ 31 ॥
ಏತೇಽಸಿತಮುಖಾಘೋರಾಗೋಲಾಂಗೂಲಾಮಹಾಬಲಾಃ ।
ಶತಂಶತಹಸ್ರಾಣಿದೃಷ್ಟ್ವಾವೈಸೇತುಬಂಧನಮ್ ॥ 32 ॥
ಗೋಲಾಂಗೂಲಂಮಹಾವೇಗಂಗವಾಕ್ಷಂನಾಮಯೂಧಪಮ್ ।
ಪರಿವಾರ್ಯಾಭಿವರ್ತಂತೇಲಂಕಾಂಮರ್ದಿತುಮೋಜಸಾ ॥ 33 ॥
ಭ್ರಮರಾಚರಿತಾಯತ್ರಸರ್ವಕಾಲಫಲದ್ರುಮಾಃ ॥ 34 ॥
ಯಂಸೂರ್ಯಸ್ತುಲ್ಯಪರ್ಣಾಭಮನುಪರ್ಯೇತಿಪರ್ವತಮ್ ।
ಯಸ್ಯಭಾಸಾಸದಾಭಾಂತಿತದ್ವರ್ಣಾಮೃಗಪಕ್ಷಿಣಃ ॥ 35 ॥
ಯಸ್ಯಪ್ರಸ್ಥಂಮಹಾತ್ಮಾನೋನತ್ಯಜಂತಿಮಹರ್ಷಯಃ ।
ಸರ್ವಕಾಲಫಲಾವೃಕ್ಷಾಸ್ಸದಾಫಲಸಮನ್ವಿತಾಃ ॥ 36 ॥
ಮಧೂನಿಚಮಹಾರ್ಹಾಣಿಯಸ್ಮಿನ್ಪರ್ವತಸತ್ತಮೇ ।
ತತ್ರೈವರಮತೇರಾಜನ್ರಮ್ಯೇಕಾಂಚನಪರ್ವತೇ ॥ 37 ॥
ಮುಖ್ಯೋವಾನರಮುಖ್ಯಾನಾಂಕೇಸರೀನಾಮಯೂಥಪಃ ।
ಷಷ್ಟಿರ್ಗಿರಿಸಹಸ್ರಾಣಾಂರಮ್ಯಾಃಕಾಂಚನಪರ್ವತಾ ॥ 38 ॥
ತೇಷಾಂಮಧ್ಯೇಗಿರಿವರಸ್ತ್ವಮಿವಾನಘರಕ್ಷಸಾಮ್ ।
ತತ್ರೈತೇಕಪಿಲಾಶ್ಶ್ವೇತಾಸ್ತಾಮ್ರಾಸ್ಯಾಮಧುಪಿಂಗಲಾಃ ॥ 39 ॥
ನಿವಸಂತ್ಯುತ್ತಮಗಿರೌತೀಕ್ಷ್ಣದಂಷ್ಟ್ರಾನಖಾಯುಧಾಃ ।
ಸಿಂಹಾಇವಚತುರ್ದಂಷ್ಟ್ರಾವ್ಯಾಘ್ರಾಇವದುರಾಸದಾಃ ॥ 40 ॥
ಸರ್ವೇವೈಶ್ವಾನರಸಮಾಜ್ವಲಿತಾಶೀವಿಷೋಪಮಾಃ ।
ಸುದೀರ್ಘಾಂಚಿತಲಾಂಗೂಲಾಮತ್ತಮಾತಂಗಸನ್ನಿಭಾಃ ॥ 41 ॥
ಮಹಾಪರ್ವತಸಂಕಾಶಾಮಹಾಜೀಮೂತನಿಸ್ಸ್ವನಾಃ ।
ವೃತ್ತಪಿಂಗಲರಕ್ತಾಕ್ಷಾಭೀಮಾಭೀಮಗತಿಸ್ವರಾಃ ॥ 42 ॥
ಮರ್ದಯಂತೀವತೇಸರ್ವೇತಸ್ಥುರ್ಲಙಕಾಸಮೀಕ್ಷ್ಯತೇ ।
ಏಷಚೈಷಾಮಧಿಪತಿರ್ಮಧ್ಯೇತಿಷ್ಠತಿವೀರ್ಯವಾನ್ ॥ 43 ॥
ಜಯಾರ್ಥೀನಿತ್ಯಮಾದಿತ್ಯಮುಪತಿಷ್ಠತಿಬುದ್ಧಿಮಾನ್ ।
ನಾಮ್ನಾಪೃಥಿವ್ಯಾಂವಿಖ್ಯಾತೋರಾಜನ್ ಶತಬಲೀತಿಯಃ ॥ 44 ॥
ಏಷೈವಾಶಂಸತೇಲಂಕಾಂಸ್ವೇನಾನೀಕೇನಮರ್ದಿತುಮ್ ।
ವಿಕ್ರಾಂತೋಬಲವಾನ್ ಶೂರಃಪೌರುಷೇಸ್ವೇವ್ಯವಸ್ಥಿತಃ ।
ರಾಮಪ್ರಿಯಾರ್ಥಂಪ್ರಾಣಾನಾಂದಯಾಂನಕುರುತೇಹರಿಃ ॥ 45 ॥
ಗಜೋಗವಾಕ್ಷೋಗವಯೋನಲೋನೀಲಶ್ಚವಾನರಃ ।
ಏಕೈಕಏವಯೋಧಾನಾಂಕೋಟೀಭಿರ್ದಶಭಿರ್ವೃತಃ ॥ 46 ॥
ತಥಾಽಽನ್ಯೇವಾನರಶ್ರೇಷ್ಠಾವಿಂಧ್ಯಪರ್ವತವಾಸಿನಃ ।
ನಶಕ್ಯಂತೇಬಹುತ್ವಾತ್ತುಸಙ್ ಖ್ಯಾತುಂಲಘುವಿಕ್ರಮಾಃ ॥ 47 ॥
ಸರ್ವೇಮಹಾರಾಜಮಹಾಪ್ರಭಾವಾಸ್ಸರ್ವೇಮಹಾಶೈಲನಿಕಾಶಕಾಯಾಃ ।
ಸರ್ವೇಸಮರ್ಥಾಪೃಥಿವೀಂಕ್ಷಣೇನಕರ್ತುಂಪ್ರವಿಧ್ವಸ್ತವಿಕೀರ್ಣಶೈಲಾಮ್ ॥ 48 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಸಪ್ತವಿಂಶಸ್ಸರ್ಗಃ ॥
