ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಸಪ್ತಸಪ್ತತಿತಮಸ್ಸರ್ಗಃ ।
ನಿಕುಂಭೋಭ್ರಾತರಂದೃಷ್ಟವಾಸುಗ್ರೀವೇಣನಿಪಾತಿತಮ್ ।
ಪ್ರದಹನ್ನಿವಕೋಪೇನವಾನರೇಂದ್ರಮವೈಕ್ಷತ ॥ 1 ॥
ತತಸ್ಸ್ರಗ್ದಾಮಸನ್ನದ್ಧಂದತ್ತಪಂಚಾಂಗುಲಂಶುಭಮ್ ।
ಆದದೇಪರಿಘಂವೀರೋಮಹೇಂದ್ರಶಿಖರೋಪಮಮ್ ॥ 2 ॥
ಹೇಮಪಟ್ಟಪರಿಕ್ಷಿಪ್ತಂವಜ್ರವಿದ್ರುಮಭೂಷಿತಮ್ ।
ಯಮದಂಡೋಪಮಂಭೀಮಂರಕ್ಷಸಾಂಭಯನಾಶನಮ್ ॥ 3 ॥
ತಮಾವಿಧ್ಯಮಹಾತೇಜಾಶ್ಶಕ್ರಧ್ವಜಸಮಂತದಾ ।
ನಿನನಾದವಿವೃತ್ತಾಸ್ಯೋನಿಕುಂಭೋಭೀಮವಿಕ್ರಮಃ ॥ 4 ॥
ಉರೋಗತೇನನಿಷ್ಕೇಣಭುಜಸ್ಥೈರಂಗದೈರಪಿ ।
ಕುಂಡಲಾಭ್ಯಾಂ ಚ ಚಿತ್ರಾಭ್ಯಾಂಮಾಲಯಾ ಚ ವಿಚಿತ್ರಯಾ ॥ 5 ॥
ನಿಕುಂಭೋಭೂಷಣೈರ್ಭಾತಿತೇನಸ್ಮಪರಿಘೇಣ ಚ ।
ಯಥೇಂದ್ರಧನುಷಾಮೇಘಸ್ಸವಿದ್ಯುತ್ಸ್ತನಯಿತ್ನುಮಾನ್ ॥ 6 ॥
ಪರಿಘಾಗ್ರೇಣ ಪುಸ್ಫೋಟ ವಾತಗ್ರಂಥಿರ್ಮಹಾತ್ಮನಃ ।
ಪ್ರಜಜ್ವಾಲ ಸಘೋಷಶ್ಚ ವಿಧೂಮ ಇವ ಪಾವಕಃ ॥ 7 ॥
ನಗರ್ಯಾವಿಟಪಾವತ್ಯಾಗಂಧರ್ವಭವನೋತ್ತಮೈಃ ।
ಸತಾರಗ್ರಹನಕ್ಷತ್ರಂಸಚಂದ್ರಂಸಮಹಾಗ್ರಹಮ್ ॥ 8 ॥
ನಿಕುಂಭಪರಿಘಾಘೂರ್ಣಂಭ್ರಮತೀವನಭಸ್ಥ್ಸಲಮ್ ।
ದುರಾಸದಶ್ಚಸಂಜಜ್ಞೇಪರಿಘಾಭರಣಪ್ರಭಃ ॥ 9 ॥
ಕಪೀನಾಂಸನಿಕುಂಭಾಗ್ನಿರ್ಯುಗಾಂತಾಗ್ನಿರಿವೋತ್ಥಿತಃ ।
ರಾಕ್ಷಸಾವಾನರಾಶ್ಚಾಪಿ ನ ಶೇಕುಸ್ಸ್ಪಂದಿತುಂಭಯಾತ್ ॥ 10 ॥
ಹನೂಮಾಂಸ್ತುವಿವೃತ್ಯೋರಸ್ತಸ್ಥೌತಸ್ಯಾಗ್ರತೋಬಲೀ ।
ಪರಿಘೋಪಮಬಾಹುಸ್ತುಪರಿಘಂಭಾಸ್ಕರಪ್ರಭಮ್ ॥ 11 ॥
ಬಲೀಬಲವತಸ್ತಸ್ಯಪಾತಯಾಮಾಸವಕ್ಷಸಿ ।
ಸ್ಥಿರೇತಸ್ಯೋರಸಿವ್ಯೂಢೇಪರಿಘಶ್ಶತಧಾಕೃತಃ ॥ 12 ॥
ವಿಕೀರ್ಯಮಾಣಸ್ಸಹಸಾಉಲ್ಕಾಶತಮಿವಾಂಬರೇ ।
ಸ ತುತೇನಪ್ರಹಾರೇಣವಿಚಚಾಲಮಹಾಕಪಿಃ ॥ 13 ॥
ಪರಿಘೇಣಸಮಾಧೂತೋಯಥಾಭೂಮಿಚಲೇಽಚಲಃ ।
ತಥಾಭಿಹತಸ್ತೇನಹನುಮಾನ್ ಪ್ಲವಗೋತ್ತಮಃ ॥ 14 ॥
ಮುಷ್ಟಿಂಸಮ್ವರ್ತಯಾಮಾಸಬಲೇನಾತಿಮಹಾಬಲಃ ।
ತಮುದ್ಯಮ್ಯಮಹಾತೇಜಾನಿಕುಂಭೋರಸಿವೀರ್ಯವಾನ್ ॥ 15 ॥
ಅಭಿಚಿಕ್ಷೇಪವೇಗೇನವೇಗವಾನ್ ವಾಯುವಿಕ್ರಮಃ ।
ತತಃಪುಸ್ಫೋಟಚರ್ಮಾಸ್ಯಪ್ರಸುಸ್ರಾವ ಚ ಶೋಣಿತಮ್ ॥ 16 ॥
ಮುಷ್ಟಿನಾತೇನಸಂಜಜ್ಞೇಮೇಘೇವಿದ್ಯುದಿವೋತ್ಥಿತಾ ।
ಸಃತುತೇನಪ್ರಹಾರೇಣನಿಕುಂಭೋವಿಚಚಾಲ ಹ ॥ 17 ॥
ಸ್ವಸ್ಥಶ್ಚಾಪಿನಿಜಗ್ರಾಹಹನೂಮಂತಂಮಹಾಬಲಮ್ ।
ಚುಕ್ರುಶುಸ್ತದಾಸಂಖ್ಯೇಭೀಮಂಲಂಕಾನಿವಾಸಿನಃ ॥ 18 ॥
ನಿಕುಂಭೇನೋದ್ಯತಂದೃಷ್ಟವಾಹನೂಮಂತಂಮಹಾಬಲಮ್ ।
ತದಾಹ್ರಿಯಮಾಣೋಽಪಿಕುಂಭಕರ್ಣಾತ್ಮಜೇನ ಹ ॥ 19 ॥
ಆಜಘಾನಾನಿಲಸುತೋವಜ್ರಕಲ್ಪೇನಮುಷ್ಟಿನಾ ।
ಆತ್ಮಾನಂಮೋಕ್ಷಯಿತ್ವಾಥಕ್ಷಿತಾವಭ್ಯವಪದ್ಯತ ॥ 20 ॥
ಹನೂಮಾನುನ್ಮಮಾಥಾಶುನಿಕುಂಭಂಮಾರುತಾತ್ಮಜಃ ।
ನಿಕ್ಷಿಪ್ಯಪರಮಾಯತ್ತೋನಿಕುಂಭಂನಿಷ್ಪಿಪೇಷ ಹ ॥ 21 ॥
ಉತ್ಪತ್ಯಚಾಸ್ಯವೇಗೇನಪಪಾತೋರಸಿವೀರ್ಯವಾನ್ ।
ಪರಿಗೃಹ್ಯ ಚ ಬಾಹುಭ್ಯಾಂಪರಿವೃತ್ಯಶಿರೋಧರಾಮ್ ॥ 22 ॥
ಉತ್ಪಾಟಯಾಮಾನಶಿರೋಭೈರವಂನದತೋಮಹತ್ ।
ಅಥನಿನದತಿಸಾದಿತೇನಿಕುಂಭೇಪವನಸುತೇನರಣೇಬಭೂವಯುದ್ಧಮ್ ।
ದಶರಥಸುತರಾಕ್ಷಸೇಂದ್ರಸೂನ್ವೋರ್ಭೃಶತರಮಾಗತರೋಷಯೋಸ್ಸುಭೀಮಮ್ ॥ 23 ॥
ವ್ಯಪೇತೇತುಜೀವೇನಿಕುಂಭಸ್ಯಹೃಷ್ಟಾವಿನೇದುಃಪ್ಲವಂಗಾದಿಶಸ್ಸಸ್ವನುಶ್ಚ ।
ಚಚಾಲೇವಚೋರ್ವೀಪಫಾಲೇವಚದ್ಯೌರ್ಭಯಂರಾಕ್ಷಸಾನಾಂಬಲಂಚಾವಿವೇಶ ॥ 24 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಸಪ್ತಸಪ್ತತಿತಮಸ್ಸರ್ಗಃ ॥
