𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌪𑌂𑌚𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ।
𑌸 𑌤𑍇𑌨𑌤𑍁𑌤𑌦𑌾𑌕𑍍𑌰𑍋𑌧𑌾𑌤𑍍𑌕𑌾𑌕𑍁𑌤𑍍𑌸𑍍𑌥𑍇𑌨𑌾𑌰𑍍𑌦𑌿𑌤𑍋𑌰𑌣𑍇 ।
𑌰𑌾𑌵𑌣𑌸𑍍𑌸𑌮𑌰𑌶𑍍𑌲𑌾𑌘𑌿𑌮𑌹𑌾𑌕𑍍𑌰𑍋𑌧𑌾𑌮𑍁𑌪𑌾𑌗𑌮𑌤𑍍 ॥ 1 ॥
𑌸 𑌦𑍀𑌪𑍍𑌤𑌨𑌯𑌨𑍋𑌰𑍋𑌷𑌾𑌚𑍍𑌚𑌾𑌪𑌮𑌾𑌯𑌾𑌮𑍍𑌯𑌵𑍀𑌰𑍍𑌯𑌵𑌾𑌨𑍍 ।
𑌅𑌭𑍍𑌯𑌰𑍍𑌦𑌯𑌤𑍍𑌸𑍁𑌸𑌂𑌕𑍃𑌦𑍍𑌧𑍋𑌰𑌾𑌘𑌵𑌂𑌪𑌰𑌮𑌾𑌹𑌵𑍇 ॥ 2 ॥
𑌰𑌾𑌮 𑌰𑌾𑌮 𑌮𑌹𑌾𑌬𑌾𑌹𑍋 𑌶𑍃𑌣𑍁 𑌗𑍁𑌹𑍍𑌯𑌂 𑌸𑌨𑌾𑌤𑌨𑌮𑍍 ।
𑌯𑍇𑌨 𑌸𑌰𑍍𑌵𑌾𑌨𑌰𑍀𑌨𑍍𑌵𑌤𑍍𑌸 𑌸𑌮𑌰𑍇 𑌵𑌿𑌜𑌯𑌿𑌷𑍍𑌯𑌸𑍇 ॥ 3 ॥
𑌪𑍂𑌰𑌿𑌤𑌃𑌶𑌰𑌜𑌾𑌲𑍇𑌨𑌧𑌨𑍁𑌰𑍍𑌮𑍁𑌕𑍍𑌤𑍇𑌨𑌸𑌮𑍍𑌯𑍁𑌗𑍇 ।
𑌮𑌹𑌾𑌗𑌿𑌰𑌿𑌰𑌿𑌵𑌾𑌕𑌂𑌪𑍍𑌯𑌃𑌕𑌾𑌕𑍁𑌤𑍍𑌸𑍍𑌥𑍋 𑌨 𑌪𑍍𑌰𑌕𑌂𑌪𑌤𑍇 ॥ 4 ॥
𑌸 𑌶𑌰𑍈𑌶𑍍𑌶𑌰𑌜𑌾𑌲𑌾𑌨𑌿𑌵𑌾𑌰𑌯𑌨𑍍 𑌸𑌮𑌰𑍇𑌸𑍍𑌥𑌿𑌤𑌃 ।
𑌗𑌭𑌸𑍍𑌤𑍀𑌨𑌿𑌵𑌸𑍂𑌰𑍍𑌯𑌸𑍍𑌯𑌪𑍍𑌰𑌤𑌿𑌜𑌗𑍍𑌰𑌾𑌹𑌵𑍀𑌰𑍍𑌯𑌵𑌾𑌨𑍍 ॥ 5 ॥
𑌤𑌤𑌶𑍍𑌶𑌰𑌸𑌹𑌸𑍍𑌰𑌾𑌣𑌿𑌕𑍍𑌷𑌿𑌪𑍍𑌰𑌹𑌸𑍍𑌤𑍋𑌨𑌿𑌶𑌾𑌚𑌰𑌃 ।
𑌨𑌿𑌜𑌘𑌾𑌨𑍋𑌰𑌸𑌿𑌕𑍍𑌰𑍁𑌦𑍍𑌧𑍋𑌰𑌾𑌘𑌵𑌸𑍍𑌯𑌮𑌹𑌾𑌤𑍍𑌮𑌨𑌃 ॥ 6 ॥
𑌸𑌰𑍍𑌵𑌦𑍇𑌵𑌾𑌤𑍍𑌮𑌕𑍋 𑌹𑍍𑌯𑍇𑌷 𑌤𑍇𑌜𑌸𑍍𑌵𑍀 𑌰𑌶𑍍𑌮𑌿𑌭𑌾𑌵𑌨𑌃 ।
𑌏𑌷 𑌦𑍇𑌵𑌾𑌸𑍁𑌰𑌗𑌣𑌾𑌨𑍍 𑌲𑍋𑌕𑌾𑌨𑍍 𑌪𑌾𑌤𑌿 𑌗𑌭𑌸𑍍𑌤𑌿𑌭𑌿𑌃 ॥ ॥
𑌶𑌰𑌾𑌭𑌿𑌘𑌾𑌤𑌸𑌮𑍍𑌰𑌬𑍍𑌦𑌃𑌸𑍋𑌽𑌭𑌿𑌜𑌗𑍍𑌰𑌾𑌹𑌸𑌾𑌯𑌕𑌾𑌨𑍍 ।
𑌕𑌾𑌕𑍁𑌤𑍍𑌸𑍍𑌥𑌃 𑌸𑍁𑌮𑌹𑌾𑌤𑍇𑌜𑌾𑌯𑍁𑌗𑌾𑌂𑌤𑌾𑌦𑌿𑌤𑍍𑌯𑌤𑍇𑌜𑌸𑌃 ॥ ॥
𑌤𑌤𑍋𑌽𑌨𑍍𑌯𑍋𑌨𑍍𑌯𑌂𑌸𑍁𑌸𑌮𑍍𑌰𑌬𑍍𑌧𑍌𑌤𑌾𑌵𑍁𑌭𑍌𑌰𑌾𑌮𑌰𑌾𑌵𑌣𑍌 ।
𑌶𑌰𑌾𑌂𑌧𑌕𑌾𑌰𑍇𑌸𑌮𑌰𑍇𑌨𑍋𑌪𑌲𑌕𑍍𑌷𑍍𑌯𑌤𑌾𑌂𑌤𑌦𑌾 ॥ ॥
𑌤𑌤𑌃𑌕𑍍𑌰𑍋𑌧𑌸𑌮𑌾𑌵𑌿𑌷𑍍𑌟𑍋𑌰𑌾𑌮𑍋𑌦𑌶𑌰𑌥𑌾𑌤𑍍𑌮𑌜𑌃 ।
𑌉𑌵𑌾𑌚𑌰𑌾𑌵𑌣𑌂𑌵𑍀𑌰𑌃𑌪𑍍𑌰𑌹𑌸𑍍𑌯𑌪𑌰𑍁𑌷𑌂𑌵𑌚𑌃 ॥ 10 ॥
𑌮𑌮𑌭𑌾𑌰𑍍𑌯𑌾𑌜𑌨𑌸𑍍𑌥𑌾𑌨𑌾𑌦𑌜𑍍𑌞𑌾𑌨𑌾𑌦𑍍𑌰𑌾𑌕𑍍𑌷𑌸𑌾𑌧𑌮 ।
𑌹𑍃𑌤𑌾𑌤𑍇𑌵𑌿𑌵𑌶𑌾𑌯𑌸𑍍𑌮𑌾𑌤𑍍𑌤𑌸𑍍𑌮𑌾𑌤𑍍𑌤𑍍𑌵𑌂𑌨𑌾𑌸𑌿𑌵𑍀𑌰𑍍𑌯𑌵𑌾𑌨𑍍 ॥ 11 ॥
𑌮𑌯𑌾𑌵𑌿𑌰𑌹𑌿𑌤𑌾𑌂𑌦𑍀𑌨𑌾𑌂𑌵𑌰𑍍𑌤𑌮𑌾𑌨𑌾𑌂𑌮𑌹𑌾𑌵𑌨𑍇 ।
𑌵𑍈𑌦𑍇𑌹𑍀𑌂𑌪𑍍𑌰𑌸𑌭𑌂𑌹𑍃𑌤𑍍𑌵𑌾𑌶𑍂𑌰𑍋𑌽𑌹𑌮𑌿𑌤𑌿𑌮𑌨𑍍𑌯𑌸𑍇 ॥ 12 ॥
𑌸𑍍𑌤𑍍𑌰𑍀𑌷𑍁𑌶𑍂𑌰𑌵𑌿𑌨𑌾𑌥𑌾𑌸𑍁𑌪𑌰𑌦𑌾𑌰𑌾𑌭𑌿𑌮𑌰𑍍𑌶𑌕 ।
𑌕𑍃𑌤𑍍𑌵𑌾𑌕𑌾𑌪𑍁𑌰𑍁𑌷𑌂𑌕𑌰𑍍𑌮𑌶𑍂𑌰𑍋𑌽𑌹𑌮𑌿𑌤𑌿𑌮𑌨𑍍𑌯𑌸𑍇 ॥ 13 ॥
𑌭𑌿𑌨𑍍𑌨𑌮𑌰𑍍𑌯𑌾𑌦𑌨𑌿𑌰𑍍𑌲𑌜𑍍𑌜 𑌚𑌾𑌰𑌿𑌤𑍍𑌰𑍇𑌷𑍍𑌵𑌨𑌵𑌸𑍍𑌥𑌿𑌤 ।
𑌦𑌰𑍍𑌪𑌾𑌨𑍍𑌮𑍃𑌤𑍍𑌯𑍁𑌮𑍁𑌪𑌾𑌦𑌾𑌯𑌶𑍂𑌰𑍋𑌽𑌹𑌮𑌿𑌤𑌿𑌮𑌨𑍍𑌯𑌸𑍇 ॥ 14 ॥
𑌶𑍂𑌰𑍇𑌣𑌧𑌨𑌦𑌭𑍍𑌰𑌾𑌤𑍍𑌰𑌾𑌬𑌲𑍈𑌃𑌸𑌮𑍁𑌦𑌿𑌤𑍇𑌨 𑌚 ।
𑌶𑍍𑌲𑌾𑌘𑌨𑍀𑌯𑌂𑌮𑌹𑌤𑍍𑌕𑌰𑍍𑌮𑌯𑌶𑌸𑍍𑌯𑌂 𑌚 𑌕𑍃𑌤𑌂𑌤𑍍𑌵𑌯𑌾 ॥ 15 ॥
𑌉𑌤𑍍𑌸𑍇𑌕𑌾𑌨𑌾𑌭𑌿𑌪𑌨𑍍𑌨𑌸𑍍𑌯𑌗𑌰𑍍𑌹𑌿𑌤𑌸𑍍𑌯𑌾𑌹𑌿𑌤𑌸𑍍𑌯 𑌚 ।
𑌕𑌰𑍍𑌮𑌣𑌃𑌪𑍍𑌰𑌾𑌪𑍍𑌨𑍁𑌹𑍀𑌦𑌾𑌨𑌾𑌂𑌤𑌸𑍍𑌯𑌾𑌦𑍍𑌯𑌸𑍁𑌮𑌹𑌤𑍍𑌫𑌲𑌮𑍍 ॥ 16 ॥
𑌶𑍂𑌰𑍋𑌽𑌹𑌮𑌿𑌤𑌿𑌚𑌾𑌤𑍍𑌮𑌾𑌨𑌮𑌵𑌗𑌚𑍍𑌛𑌸𑌿𑌦𑍁𑌰𑍍𑌮𑌤𑍇 ।
𑌨𑍈𑌵𑌲𑌜𑍍𑌜𑌾𑌸𑍍𑌤𑌿𑌤𑍇𑌸𑍀𑌤𑌾𑌂𑌚𑍌𑌰𑌵𑌦𑍍𑌵𑍃𑌪𑌕𑌰𑍍𑌷𑌤𑌃 ॥ 1 ॥
𑌯𑌦𑌿𑌮𑌤𑍍𑌸𑌨𑍍𑌨𑌿𑌧𑍌𑌸𑍀𑌤𑌾𑌧𑌰𑍍𑌷𑌿𑌤𑌾𑌸𑍍𑌯𑌾𑌤𑍍𑌤𑍍𑌵𑌯𑌾𑌬𑌲𑌾𑌤𑍍 ।
𑌭𑍍𑌰𑌾𑌤𑌰𑌂𑌤𑍁𑌖𑌰𑌂𑌪𑌶𑍍𑌯𑍇𑌸𑍍𑌤𑌦𑌾𑌮𑌤𑍍𑌸𑌾𑌯𑌕𑍈𑌰𑍍𑌹𑌤𑌃 ॥ 1 ॥
𑌦𑌿𑌷𑍍𑌟𑍍𑌯𑌾𑌸𑌿𑌮𑌮𑌦𑍁𑌷𑍍𑌟𑌾𑌤𑍍𑌮𑌶𑍍𑌚𑌕𑍍𑌷𑍁𑌰𑍍𑌵𑌿𑌷𑌯𑌮𑌾𑌗𑌤𑌃 ।
𑌅𑌦𑍍𑌯𑌤𑍍𑌵𑌾𑌂𑌸𑌾𑌯𑌕𑍈𑌸𑍍𑌤𑍀𑌕𑍍𑌷𑍍𑌣𑍈𑌰𑍍𑌨𑌯𑌾𑌮𑌿𑌯𑌮𑌸𑌾𑌦𑌨𑌮𑍍 ॥ 1 ॥
𑌅𑌦𑍍𑌯𑌤𑍇𑌮𑌚𑍍𑌛𑌰𑍈𑌶𑍍𑌚𑌿𑌨𑍍𑌨𑌂𑌶𑌿𑌰𑍋𑌜𑍍𑌵𑌲𑌿𑌤𑌕𑍁𑌂𑌡𑌲𑌮𑍍 ।
𑌕𑍍𑌰𑌵𑍍𑌯𑌾𑌦𑌾𑌵𑍍𑌯𑌪𑌕𑌰𑍍𑌷𑌂𑌤𑍁𑌵𑌿𑌕𑍀𑌰𑍍𑌣𑌂𑌰𑌣𑌪𑌾𑌂𑌸𑍁𑌷𑍁 ॥ 20 ॥
𑌨𑌿𑌪𑌤𑍍𑌯𑍋𑌰𑌸𑌿𑌗𑍃𑌧𑍍𑌰𑌾𑌸𑍍𑌤𑍇𑌕𑍍𑌷𑌿𑌤𑍌𑌕𑍍𑌷𑌿𑌪𑍍𑌤𑌸𑍍𑌯𑌰𑌾𑌵𑌣 ।
𑌪𑌿𑌬𑌂𑌤𑍁𑌰𑍁𑌧𑌿𑌰𑌂𑌤𑌰𑍍𑌷𑌾𑌦𑍍𑌬𑌾𑌣𑌶𑌲𑍍𑌯𑌾𑌂𑌤𑌰𑍋𑌤𑍍𑌥𑌿𑌤𑌮𑍍 ॥ 21 ॥
𑌨𑌾𑌶𑌯𑌤𑍍𑌯𑍇𑌷 𑌵𑍈 𑌭𑍂𑌤𑌂 𑌤𑌦𑍇𑌵 𑌸𑍃𑌜𑌤𑌿 𑌪𑍍𑌰𑌭𑍁𑌃 ।
𑌪𑌾𑌯𑌤𑍍𑌯𑍇𑌷 𑌤𑌪𑌤𑍍𑌯𑍇𑌷 𑌵𑌰𑍍𑌷𑌤𑍍𑌯𑍇𑌷 𑌗𑌭𑌸𑍍𑌤𑌿𑌭𑌿𑌃 ॥ 22 ॥
𑌇𑌤𑍍𑌯𑍇𑌵𑌂 𑌸 𑌵𑌦𑌨𑍍𑌵𑍀𑌰𑍋𑌰𑌾𑌮𑌶𑍍𑌶𑌤𑍍𑌰𑍁𑌨𑌿𑌬𑌰𑍍𑌹𑌣𑌃 ।
𑌰𑌾𑌕𑍍𑌷𑌸𑍇𑌂𑌦𑍍𑌰𑌂𑌸𑌮𑍀𑌪𑌸𑍍𑌥𑌂𑌶𑌰𑌵𑌰𑍍𑌷𑍈𑌰𑌵𑌾𑌕𑌿𑌰𑌤𑍍 ॥ 23 ॥
𑌬𑌭𑍂𑌵𑌦𑍍𑌵𑌿𑌗𑍁𑌣𑌂𑌵𑍀𑌰𑍍𑌯𑌂𑌬𑌲𑌂𑌹𑌰𑍍𑌷𑌶𑍍𑌚𑌸𑌂𑌯𑍁𑌗𑍇 ।
𑌰𑌾𑌮𑌸𑍍𑌯𑌾𑌸𑍍𑌤𑍍𑌰𑌬𑌲𑌂𑌚𑍈𑌵𑌶𑌤𑍍𑌰𑍋𑌰𑍍𑌨𑌿𑌧𑌨𑌕𑌾𑌂𑌕𑍍𑌷𑌿𑌣𑌃 ॥ 24 ॥
𑌪𑍍𑌰𑌾𑌦𑍁𑌰𑍍𑌭𑌭𑍂𑌵𑍁𑌰𑌸𑍍𑌤𑍍𑌰𑌾𑌣𑌿𑌸𑌰𑍍𑌵𑌾𑌣𑌿𑌵𑌿𑌦𑌿𑌤𑌾𑌤𑍍𑌮𑌨𑌃 ।
𑌪𑍍𑌰𑌹𑌰𑍍𑌷𑌾𑌚𑍍𑌚𑌮𑌹𑌾𑌤𑍇𑌜𑌾𑌶𑍍𑌶𑍀𑌘𑍍𑌰𑌹𑌸𑍍𑌤𑌤𑌰𑍋𑌽𑌭𑌵𑌤𑍍 ॥ 25 ॥
𑌶𑍁𑌭𑌾𑌨𑍍𑌯𑍇𑌤𑌾𑌨𑌿𑌚𑌿𑌹𑍍𑌨𑌾𑌨𑌿𑌵𑌿𑌜𑍍𑌞𑌾𑌯𑌾𑌤𑍍𑌮𑌗𑌤𑌾𑌨𑌿𑌸𑌃 ।
𑌭𑍂𑌯𑌏𑌵𑌾𑌰𑍍𑌦𑌯𑌦𑍍𑌰𑌾𑌮𑍋𑌰𑌾𑌵𑌣𑌂𑌰𑌾𑌕𑍍𑌷𑌸𑌾𑌂𑌤𑌕𑍃𑌤𑍍 ॥ 26 ॥
𑌹𑌰𑍀𑌣𑌾𑌂𑌚𑌾𑌶𑍍𑌮𑌨𑌿𑌕𑌰𑍈𑌶𑍍𑌶𑌰𑌵𑌰𑍍𑌷𑌾𑌚𑍍𑌚𑌰𑌾𑌘𑌵𑌾𑌤𑍍 ।
𑌹𑌨𑍍𑌯𑌮𑌾𑌨𑍋𑌦𑌶𑌗𑍍𑌰𑍀𑌵𑍋𑌵𑌿𑌘𑍂𑌰𑍍𑌣𑌹𑍃𑌦𑌯𑍋𑌽𑌭𑌵𑌤𑍍 ॥ 2 ॥
𑌯𑌦𑌾 𑌚 𑌶𑌸𑍍𑌤𑍍𑌰𑌂𑌨𑌾𑌰𑍇𑌭𑍇 𑌨 𑌚𑌕𑌰𑍍𑌷𑌶𑌰𑌾𑌸𑌨𑌮𑍍 ।
𑌨𑌾𑌸𑍍𑌯𑌪𑍍𑌰𑌤𑍍𑌯𑌕𑌰𑍋𑌵𑌦𑍀𑌰𑍍𑌯𑌂𑌵𑌿𑌕𑍍𑌲𑌬𑍇𑌨𑌾𑌂𑌤𑌰𑌾𑌤𑍍𑌮𑌨𑌾 ॥ 2 ॥
𑌕𑍍𑌷𑌿𑌪𑍍𑌤𑌾𑌃𑌶𑍍𑌚𑌾𑌶𑍁𑌶𑌰𑌾𑌸𑍍𑌤𑍇𑌨𑌶𑌸𑍍𑌤𑍍𑌰𑌾𑌣𑌿𑌵𑌿𑌵𑌿𑌧𑌾𑌨𑌿 𑌚 ।
𑌮𑌰𑌣𑌾𑌰𑍍𑌥𑌾𑌯𑌵𑌰𑍍𑌤𑌂𑌤𑍇𑌮𑍃𑌤𑍍𑌯𑍁𑌕𑌾𑌲𑍋𑌽𑌭𑍍𑌯𑌵𑌰𑍍𑌤𑌤 ॥ 2 ॥
𑌸𑍂𑌤𑌸𑍍𑌤𑍁𑌰𑌥𑌨𑍇𑌤𑌾𑌸𑍍𑌯𑌤𑌦𑌵𑌸𑍍𑌥𑌂𑌨𑌿𑌰𑍀𑌕𑍍𑌷𑍍𑌯𑌤𑌮𑍍 ।
𑌶𑌨𑍈𑌰𑍍𑌯𑍁𑌦𑍍𑌧𑌾𑌸𑌂𑌭𑍍𑌰𑌾𑌂𑌤𑍋𑌰𑌥𑌂𑌤𑌸𑍍𑌯𑌾𑌪𑌵𑌾𑌹𑌯𑌤𑍍 ॥ 30 ॥
𑌰𑌥𑌂 𑌚 𑌤𑌸𑍍𑌯𑌾𑌥𑌜𑌵𑍇𑌨𑌸𑌾𑌥𑌿𑌰𑍍𑌨𑌿𑌵𑌾𑌰𑍍𑌯𑌭𑍀𑌮𑌂𑌜𑌲𑌦𑌸𑍍𑌵𑌨𑌂𑌤𑌦𑌾 ।
𑌜𑌗𑌾𑌮𑌭𑍀𑌤𑍍𑌯𑌾𑌸𑌮𑌰𑌾𑌨𑍍𑌮𑌹𑍀𑌪𑌤𑌿𑌂𑌨𑌿𑌰𑌸𑍍𑌤𑌵𑍀𑌰𑍍𑌯𑌂𑌪𑌤𑌿𑌤𑌂𑌸𑌮𑍀𑌕𑍍𑌷𑍍𑌯 ॥ 31 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌪𑌂𑌚𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ॥
