ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಏಕಾದಶಾಧಿಕಶತತಮಸ್ಸರ್ಗಃ ।
ಅಥಸಂಸ್ಮಾರಯಾಮಾಸಮಾತಲಿರಾಘವಂತದಾ ।
ಅಜಾನನ್ನಿವಕಿಂವೀರತ್ವಮೇನಮನುವರ್ತಸೇ ॥ 1 ॥
ವಿಸೃಜಾಸ್ಮೈವಧಾಯತ್ವಮಸ್ತ್ರಂಪೈತಾಮಹಂಪ್ರಭೋ ।
ವಿನಾಶಕಾಲಃಕಥಿತೋಃಯಃಸುರೈಃಸೋಽದ್ಯವರ್ತತೇ ॥ 2 ॥
ತತಃಸಂಸ್ಮಾರಿತೋರಾಮಸ್ತೇನವಾಕ್ಯೇನಮಾತಲೇಃ ।
ಜಗ್ರಾಹ ಸ ಶರಂದೀಪ್ತಂನಿಃಶ್ವಸಂತಮಿವೋರಗಮ್ ॥ 3 ॥
ಯಂತಸ್ಮೈಪ್ರಥಮಂಪ್ರಾದಾದಗಸ್ತ್ಯೋಭಗವಾನೃಷಿಃ ।
ಬ್ರಹ್ಮದತ್ತಂಮಹಾಬಾಣಮಮೋಘಂಯುಧಿವೀರ್ಯವಾನ್ ॥ 4 ॥
ಬ್ರಹ್ಮಣಾನಿರ್ಮಿತಂಪೂರ್ವಮಿಂದ್ರಾರ್ಥಮಮಿತೌಜಸಾ ।
ದತ್ತಂಸುರಪತೇಃಪೂರ್ವಂತ್ರಿಲೋಕಜಯಕಾಂಕ್ಷಿಣಃ ॥ 5 ॥
ಯಸ್ಯವಾಜೇಷುಪವನಃಫಲೇಪಾವಕಭಾಸ್ಕರೌ ।
ಶರೀರಮಾಕಾಶಮಯಂಗೌರವೇಮೇರುಮಂದರೌ ॥ 6 ॥
ಜಾಜ್ವಲ್ಯಮಾನಂವಪುಷಾಸುಪುಂಖಂಹೇಮಭೂಷಿತಮ್ ।
ತೇಜಸಾಸರ್ವಭೂತಾನಾಂಕೃತಂಭಾಸ್ಕರವರ್ಚಸಮ್ ॥ 7 ॥
ಸಧೂಮಮಿವಕಾಲಾನಗಿಂದೀಪ್ತಮಾಶೀವಿಷೋಪಮಮ್ ।
ನರನಾಗಾಶ್ವವೃದ್ಧಾನಾಂಭೇದನಂಕ್ಷಿಪ್ರಕಾರಿಣಮ್ ॥ 8 ॥
ದ್ವಾರಾಣಾಂಪರಿಘಾಣಾಂ ಚ ಗಿರೀಣಾಂಚಾಪಿಭೇದನಮ್ ।
ನಾನಾರುಧಿರದಿಗ್ಧಾಂಗಂಮೇದೋದಿಗ್ಧಂಸುದಾರುಣಮ್ ॥ 9 ॥
ವಜ್ರಸಾರಂಮಹಾನಾದಂನಾನಾಸಮಿತಿದಾರಣಮ್ ।
ಸರ್ವವಿತ್ರಾಸನಂಭೀಮಂಶ್ವಸಂತಮಿವಪನ್ನಗಮ್ ॥ 10 ॥
ಕಂಕಗೃಧ್ರಬಕಾನಾಂ ಚ ಗೋಮಾಯುಗಣರಕ್ಷಸಾಮ್ ।
ನಿತ್ಯಂಭಕ್ಷಪ್ರದಂಯುದ್ಧೇಯಮರೂಪಂಭಯಾಪಹಮ್ ॥ 11 ॥
ನಂದನಂವಾನರೇಂದ್ರಾಣಾಂರಕ್ಷಸಾಮವಸಾದನಮ್ ।
ವಾಜಿತಂವಿವಿಧೈರ್ವಾಜೈಶ್ಚಾರುಚಿತ್ರೈರ್ಗರುತ್ಮತಃ ॥ 12 ॥
ತಮುತ್ತಮೇಷುಂಲೋಕಾನಾಮಿಕ್ಷ್ವಾಕುಭಯನಾಶನಮ್ ।
ದ್ವಿಷತಾಂಕೀರ್ತಿಹರಣಂಪ್ರಹರ್ಷಕರಮಾತ್ಮನಃ ॥ 13 ॥
ಅಭಿಮ್ನತ್ಯತತೋರಾಮಸ್ತಂಮಹೇಷುಂಮಹಾಬಲಃ ।
ವೇದಪ್ರೋಕ್ತೇನವಿಧಿನಾಸಂದಧೇಕಾರ್ಮುಕೇಬಲೀ ॥ 14 ॥
ತಸ್ಮಿನ್ ಸಧನೀಯಮಾನೇತುರಾಘವೇಣಶರೋತ್ತಮೇ ।
ಸರ್ವಭೂತಾನಿಸಂತ್ರೇಸುಶ್ಚಚಾಲ ಚ ವಸುಂಧರಾ ॥ 15 ॥
ಸ ರಾವಣಾಯಸಙ್ರುದ್ಧೋಭೃಶಮಾಯಮ್ಯಕಾರ್ಮುಕಮ್ ।
ಚಿಕ್ಷೇಪಪರಮಾಯತ್ತಃಶರಂಮರ್ಮವಿದಾರಣಮ್ ॥ 16 ॥
ಸರ್ವಲೋಕೇಶ್ವರಃ ಶ್ರೀಮಾನ್ ಲೋಕಾನಾಂ ಹಿತಕಾಮ್ಯಯಾ ।
ಸರಾಕ್ಷಸ ಪರೀವಾರಂ ಹತವಾಂಸ್ತ್ವಾಂ ಮಹಾದ್ಯುತಿಃ ॥ 17 ॥
ಸ ವಿಸೃಷ್ಟೋಮಹಾವೇಗಶ್ಶರೀರಾಂತಕರಶ್ಶರಃ ।
ಚಿಚ್ಛೇದಹೃದಯಂತಸ್ಯರಾವಣಸ್ಯದುರಾತ್ಮನಃ ॥ 18 ॥
ರುಧಿರಾಕ್ತಸ್ಸವೇಗೇನಶರೀರಾಂತಕರಃಶರಃ ।
ರಾವಣಸ್ಯಹರನ್ಪ್ರಾಣಾನ್ವಿವೇಶಧರಣೀತಲಮ್ ॥ 19 ॥
ಸ ಶರೋರಾವಣಂಹತ್ವಾರುಧಿರಾರ್ದ್ರೀಕೃತಚ್ಛವಿಃ ।
ಕೃತಕರ್ಮಾನಿಭೃತವತ್ಸ್ವತೂಣೀಂಪುನರಾವಿಶತ್ ॥ 20 ॥
ತಸ್ಯಹಸ್ತಾದ್ಧತಸ್ಯಾಶುಕಾರ್ಮುಕಂ ಚ ಸಸಾಯಕಮ್ ।
ನಿಪಪಾತಸಹಪ್ರಾಣೈರ್ಭ್ರಶ್ಯಮಾನಸ್ಯಜೀವಿತಾತ್ ॥ 21 ॥
ಗತಾಸುರ್ಭೀಮವೇಗಸ್ತುನೈರೃತೇಂದ್ರೋಮಹಾದ್ಯುತಿಃ ।
ಪಪಾತಸ್ಯಂದನಾದ್ಭೂಮೌವೃತ್ರೋವಜ್ರಹತೋಯಥಾ ॥ 22 ॥
ತಂದೃಷ್ಟವಾಪತಿತಂಭೂಮೌಹತಶೇಷಾನಿಶಾಚರಾಃ ।
ಹತನಾಧಾಭಯತ್ರಸ್ತಾಸ್ಸರ್ವತಸ್ಸಂಪ್ರದುದ್ರುವುಃ ॥ 23 ॥
ಸರ್ವತಶ್ಚಾಭಿಪೇತುಸ್ತಾನ್ವಾನರಾದ್ರುಮಯೋಧಿನಃ ।
ದಶಗ್ರೀವವಧಂದೃಷ್ಟವಾವಾನರಾಜಿತಕಾಶಿನಃ ॥ 24 ॥
ಅರ್ದಿತಾವಾನರೈರ್ಭ್ರಷ್ಟಾಲಂಕಾಮಭ್ಯಪತನ್ ಭಯಾತ್ ।
ಹತಾಶ್ರಯಾತ್ವಾತ್ಕರುಣೈರ್ಭಾಷ್ಪಪ್ರಸ್ರವಣೈರ್ಮುಖೈಃ ॥ 25 ॥
ತತೋವಿನೇದುಃಸಮ್ಹೃಷ್ಟಾವಾನರಾಃಜಿತಕಾಶಿನಃ ।
ವದಂತೋರಾಘವಜಯಂರಾವಣಸ್ಯ ಜ ತದ್ವಧಮ್ ॥ 26 ॥
ಅಥಾಂತರಿಕ್ಷೇವ್ಯನದತ್ಸೌಮ್ಯಸ್ತ್ರಿದಶದುಂಧುಭಿಃ ।
ದಿವ್ಯಗಂಧಶಹಸ್ತತ್ರಮಾರುತಸ್ಸುಸುಕೋವವೌ ॥ 27 ॥
ನಿಪಪಾತಾಂತರಿಕ್ಷಾಚ್ಚಪುಷ್ಪವೃಷ್ಟಿಸ್ತದಾಭುವಿ ।
ಕಿರಂತೀರಾಘವರಥಂದುರವಾಪಾಮನೋಹರಾ ॥ 28 ॥
ರಾಘವಸ್ತವಸಂಯುಕ್ತಾಗಗನೇ ಚ ವಿಶುಶ್ರುವೇ ।
ಸಾಧುಸಾಧ್ವಿತಿವಾಗಗ್ಯ್ರಾದೇವತಾನಾಂಮಹಾತ್ಮನಾಮ್ ॥ 29 ॥
ಅವಿವೇಶಮಹಾನ್ ಹರ್ಷೋದೇವಾನಾಂಚಾರಣೈಃಸಹ ।
ರಾವಣೇನಿಹತೇರೌದ್ರೇಸರ್ವಲೋಕಭಯಂಕರೇ ॥ 30 ॥
ತತಃಸಕಾಮಂಸುಗ್ರೀವಮಂಗದಂ ಚ ವಿಭೀಷಣಮ್ ।
ಚಕಾರರಾಘವಃಪ್ರೀತೋಹತ್ವಾರಾಕ್ಷಸಪುಂಗವಮ್ ॥ 31 ॥
ತತಃಪ್ರಜಗ್ಮುಃಪ್ರಶಮಂಮರುದ್ಗಣಾದಿಶಃಪ್ರಸೇದುರ್ವಿಮಲಂನಭೋಽಭವತ್ ।
ಮಹೀಚಕಂಪೇ ನ ಚ ಮಾರುತೋವವೌಸ್ಥಿರಪ್ರಭಶ್ಚಾಪ್ಯಭವದ್ದಿವಾಕರಃ ॥ 32 ॥
ತತಸ್ತುಸುಗ್ರೀವವಿಭೀಷಣಾಂಗದಾಃಸುಹೃದ್ವಿಶಿಷ್ಟಾಸ್ಸಹಲಕ್ಷ್ಮಣಾಸ್ತದಾ ।
ಸಮೇತ್ಯಹೃಷ್ಟಾವಿಜಯೇನರಾಘವಂರಣೇಽಭಿರಾಮಂವಿಧಿನಾಭ್ಯಪೂಜಯನ್ ॥ 33 ॥
ಸ ತುನಿಹತರಿಪುಸ್ಸ್ಥಿರಪ್ರತಿಜ್ಞಃಸ್ವಜನಬಲಾಭಿವೃತೋರಣೇರರಾಜ ।
ರಘುಕುಲನೃಪನಂದನೋಮಹೌಜಾಸ್ತ್ರಿದಶಗಣೈರಭಿಸಂವೃತೋಯಥೇಂದ್ರಃ ॥ 34 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಏಕಾದಶಾಧಿಕಶತತಮಸ್ಸರ್ಗಃ ॥
