ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಏಕೋನತ್ರಿಂಶಸ್ಸರ್ಗಃ ।
ಶುಕೇನತುಸಮಾಖ್ಯಾತಾಂದೃಷ್ಟ್ವಾಸಹರಿಯೂಥಪಾನ್ ।
ಸಮೀಪಸ್ಥಂಚರಾಮಸ್ಯಭ್ರಾತರಂಸ್ವಂವಿಭೀಷಣಮ್ ॥ 1 ॥
ಲಕ್ಷ್ಮಣಂಚಮಹಾವೀರ್ಯಂಭುಜಂರಾಮಸ್ಯದಕ್ಷಿಣಮ್ ।
ಸರ್ವವಾನರರಾಜಂಚಸುಗ್ರೀವಂಭೀಮವಿಕ್ರಮಮ್ ॥ 2 ॥
ಅಂಗದಂಚಾಪಿಬಲಿನಂವಜ್ರಹಸ್ತಾತ್ಮಜಾತ್ಮಜಮ್ ।
ಹನೂಮಂತಂಚವಿಕ್ರಾಂತಂಜಾಂಬವಂತಂಚದುರ್ಜಯಮ್ ॥ 3 ॥
ಸುಷೇಣಂಕುಮುದಂನೀಲಂನಲಂಚಪ್ಲವಗರ್ಷಭಮ್ ।
ಗಜಂಗವಾಕ್ಷಂಶರಭಂಮೈಂದಂಚದ್ವಿವಿದಂತಥಾ ॥ 4 ॥
ಕಿಂಚಿದಾವಿಗ್ನಹೃದಯೋಜಾತಕ್ರೋಧಶ್ಚರಾವಣಃ ।
ಭರ್ತ್ಸಯಾಮಾಸತೌವೀರೌಕಥಾಂತೇಶುಕಸಾರಣೌ ॥ 5 ॥
ಅಧೋಮುಖೌತೌಪ್ರಣತಾವಬ್ರವೀಚ್ಛುಕಸಾರಣೌ ।
ರೋಷಗದ್ಗದಯಾವಾಚಾಸಂರಬ್ಧಂಪರುಷಂವಚಃ ॥ 6 ॥
ನತಾವತ್ಸದೃಶಂನಾಮಸಚಿವೈರುಪಜೀವಿಭಿಃ ।
ವಿಪ್ರಿಯಂನೃಪತೇರ್ವಕ್ತುಂನಿಗ್ರಹೇಪ್ರಗ್ರಹೇಪ್ರಭೋಃ ॥ 7 ॥
ರಿಪೂಣಾಂಪ್ರತಿಕೂಲಾನಾಂಯುದ್ಧಾರ್ಥಮಭಿವರ್ತತಾಮ್ ।
ಉಭಾಭ್ಯಾಂಸದೃಶಂನಾಮವಕ್ತುಮಪ್ರಸ್ತವೇಸ್ತವಮ್ ॥ 8 ॥
ಆಚಾರ್ಯಾಗುರವೋವೃದ್ಧಾವೃಥಾವಾಂಪರ್ಯುಪಾಸಿತಾಃ ।
ಸಾರಂಯದ್ರಾಜಶಾಸ್ತ್ರಾಣಾಮನುಜೀವ್ಯಂನಗೃಹ್ಯತೇ ॥ 9 ॥
ಗೃಹೀತೋವಾನವಿಜ್ಞಾತೋಭಾರೋಽಜ್ಞಾನಸ್ಯವಾಹ್ಯತೇ ।
ಈದೃಶೈಃ ಸಚಿವೈರ್ಯುಕ್ತೋಮೂರ್ಖೈರ್ದಿಷ್ಟ್ಯಧರಾಮ್ಯಹಮ್ ॥ 10 ॥
ಕಿಂನುಮೃತ್ಯೋರ್ಭಯಂನಾಸ್ತಿವಕ್ತುಂಮಾಂಪರುಷಂವಚಃ ।
ಯಸ್ಯಮೇಶಾಸತೋಜಿಹ್ವಾಪ್ರಯಚ್ಛತಿಶುಭಾಶುಭಮ್ ॥ 11 ॥
ಅಪ್ಯೇವದಹನಂಸ್ಪೃಷ್ಟವಾವನೇತಿಷ್ಠಂತಿಪಾದಪಾಃ ।
ರಾಜದೋಷಪರಾಮೃಷ್ಟಾಸ್ತಿಷ್ಠಂತೇನಾಪರಾಧಿನಃ ॥ 12 ॥
ಹನ್ಯಾಮಹಂತ್ವಿಮೌಪಾಪೌಶತ್ರುಪಕ್ಷಪ್ರಶಂಸಕೌ ।
ಯದಿಪೂರ್ವೋಪಕಾರೈಸ್ತುನಕ್ರೋಧೋಮೃದುತಾಂವ್ರಜೇತ್ ॥ 13 ॥
ಅಪಧ್ವಂಸತ ಗಚ್ಚಧ್ವಂ ಸಮ್ನಿಕರ್ಷಾದ್ ಇತೋ ಮಮ ।
ನ ಹಿ ವಾಂ ಹಂತುಂ ಇಚ್ಚಾಮಿ ಸ್ಮರನ್ನ್ ಉಪಕೃತಾನಿ ವಾಮ್ ॥ 14 ॥
ಹತಾವ್ ಏವ ಕೃತಘ್ನೌ ತೌ ಮಯಿ ಸ್ನೇಹ ಪರಾನ್ ಮುಖೌ ।
ಏವಂ ಉಕ್ತೌ ತು ಸವ್ರೀಡೌ ತಾವ್ ಉಭೌ ಶುಕ ಸಾರಣೌ ॥ 15 ॥
ಅಬ್ರವೀತ್ಸದಶಗ್ರೀವಃ ಸಮೀಪಸ್ಥಂಮಹೋದರಮ್ ।
ಉಪಸ್ತಾಪಯಮೇಶೀಘ್ರಂಚಾರಾನ್ನೀತಿವಿಶಾರದಾನ್ ॥ 16 ॥
ಮಹೋದರಸ್ತಥೋಕ್ತಸ್ತುಶೀಘ್ರಮಾಜ್ಞಾಪಯಚ್ಚರಾನ್ ॥ 17 ॥
ತತಶ್ಚಾರಾಸ್ಸಂತ್ವರಿತಾಃಪ್ರಾಪ್ತಾಃಪಾರ್ಥಿವಶಾಸನಾತ್ ।
ಉಪಸ್ಥಿತಾಃಪ್ರಾಂಜಲಯೋವರ್ಧಯಿತ್ವಾಜಯಶಿಷಾಃ ॥ 18 ॥
ತಾನಬ್ರವೀತ್ತತೋವಾಕ್ಯಂರಾವಣೋರಾಕ್ಷಸಾಧಿಪಃ ।
ಚಾರಾನ್ಪ್ರತ್ಯಾಯಿತಾನ್ ಶೂರಾನ್ಭಕ್ತಾನ್ವಿಗತಸಾಧ್ವಸಾನ್ ॥ 19 ॥
ಇತೋಗಚ್ಛತರಾಮಸ್ಯವ್ಯವಸಾಯಂಪರೀಕ್ಷಥ ।
ಮಂತ್ರಿಷ್ವಭ್ಯಂತರಾಯೇಽಸ್ಯಪ್ರೀತ್ಯಾತೇನಸಮಾಗತಾಃ ॥ 20 ॥
ಕಥಂಸ್ವಪಿತಿಜಾಗರ್ತಿಕಿಮನ್ಯಚ್ಚಕರಿಷ್ಯತಿ ।
ವಿಜ್ಞಾಯನಿಪುಣಂಸರ್ವಮಾಗಂತವ್ಯಮಶೇಷತಃ ॥ 21 ॥
ಚಾರೇಣವಿದಿತಶ್ಶತ್ರುಃಪಂಡಿತೈರ್ವಸುಧಾಧಿಪೈಃ ।
ಯುದ್ಧೇಸ್ವಲ್ಪೇನಯತ್ನೇನಸಮಾಸಾದ್ಯನಿರಸ್ಯತೇ ॥ 22 ॥
ಚಾರಾಸ್ತುತೇತಥೇತ್ಯುಕ್ತ್ವಾಪ್ರಹೃಷ್ಟಾರಾಕ್ಷಸೇಶ್ವರಮ್ ।
ಶಾರ್ದೂಲಮಗ್ರತಃಕೃತ್ವಾತತಶ್ಚಕ್ರುಃಪ್ರದಕ್ಷಿಣಮ್ ॥ 23 ॥
ತತಸ್ತೇತಂಮಹಾತ್ಮಾನಂಚಾರಾರಾಕ್ಷಸಸತ್ತಮಮ್ ।
ಕೃತ್ವಾಪ್ರದಕ್ಷಿಣಂಜಗ್ಮುರ್ಯತ್ರರಾಮಸ್ಸಲಕ್ಷ್ಮಣಃ ॥ 24 ॥
ತೇಸುವೇಲಸ್ಯಶೈಲಸ್ಯಸಮೀಪೇರಾಮಲಕ್ಷ್ಮಣೌ ।
ಪ್ರಚ್ಛನ್ನಾದದೃಶುರ್ಗತ್ವಾಸಸುಗ್ರೀವವಿಭೀಷಣೌ ॥ 25 ॥
ಪ್ರೇಕ್ಷಮಾಣಾಶ್ಚಮೂಂತಾಂತುಬಭೂವುರ್ಭಯವಿಕ್ಲಬಾಃ ।
ತೇತುಧರ್ಮಾತ್ಮನಾದೃಷ್ಟಾರಾಕ್ಷಸೇಂದ್ರೇಣರಾಕ್ಷಸಾ ॥ 26 ॥
ವಿಭೀಷಣೇನತತ್ರಸ್ಥಾನಿಗೃಹೀತಾಯದೃಚ್ಛಯಾ ।
ಶಾರ್ದೂಲೋಗ್ರಾಹಿತಸ್ತ್ವೇಕಃಪಾಪೋಽಯಮಿತಿರಾಕ್ಷಸಃ ॥ 27 ॥
ಮೋಚಿತಸ್ಸೋಽಪಿರಾಮೇಣವಧ್ಯಮಾನಃಪ್ಲವಂಗಮೈಃ ।
ಅನೃಶಂಸ್ಯೇನರಾಮೇಣಮೋಚಿತಾರಾಕ್ಷಸಾಃಪರೇ ॥ 28 ॥
ವಾನರೈರರ್ದಿತಾಸ್ತೇತುವಿಕ್ರಾಂತೈರ್ಲಘುವಿಕ್ರಮೈಃ ।
ಪುನರ್ಲಂಕಾಮನುಪ್ರಾಪ್ತಾಶ್ವಸಂತೋನಷ್ಟಚೇತಸಃ ॥ 29 ॥
ತತೋದಶಗ್ರೀವಮುಪಸ್ಥಿತಾಸ್ತೇಚಾರಾಬಹಿರ್ನಿತ್ಯಚರಾನಿಶಾಚರಾಃ ।
ಗಿರೇಸ್ಸುವೇಲಸ್ಯಸಮೀಪವಾಸಿನಂನ್ಯವೇದಯನ್ಭೀಮಬಲಂಮಹಾಬಲಾಃ ॥ 30 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಏಕೋನತ್ರಿಂಶಸ್ಸರ್ಗಃ ॥
