ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಏಕೋನಪಂಚಾಶಸ್ಸರ್ಗಃ ।
ಘೋರೇಣಶರಬಂಧೇನಬದ್ಧೌದಶರಥಾತ್ಮಜೌ ।
ನಿಃಶ್ವಸಂತೌಯಥಾನಾಗೌಶಯಾನೌರುಧಿರೋಕ್ಷಿತೌ ॥ 1 ॥
ಸರ್ವೇತೇವಾನರಶ್ರೇಷ್ಠಾಸ್ಸಸುಗ್ರೀವಾಮಹಾಬಲಾಃ ।
ಪರಿವಾರ್ಯಮಹಾತ್ಮಾನೌತಸ್ಥುಶ್ಶೋಕಪರಿಪ್ಲುತಾಃ ॥ 2 ॥
ಏತಸ್ಮಿನ್ನಂತರೇರಾಮಃಪ್ರತ್ಯಬುಧ್ಯತವೀರ್ಯವಾನ್ ।
ಸ್ಥಿರತ್ವಾತ್ಸತ್ತ್ವಯೋಗಾಚ್ಚಶರೈಸ್ಸಂದಾನಿತೋಽಪಿಸನ್ ॥ 3 ॥
ತತೋದೃಷ್ಟವಾಸರುಧಿರಂನಿಷಣ್ಣಂಗಾಢಮರ್ಪಿತಮ್ ।
ಭ್ರಾತರಂದೀನವದನಂಪರ್ಯದೇವಯದಾತುರಃ ॥ 4 ॥
ಕಿಂನುಮೇಸೀತಯಾಕಾರ್ಯಂಕಿಂಕಾರ್ಯಂಜೀವಿತೇನವಾ ।
ಶಯಾನಂಯೋಽದ್ಯಪಶ್ಯಾಮಿಭ್ರಾತರಂಯುಧಿನಿರ್ಜಿತಮ್ ॥ 5 ॥
ಶಕ್ಯಾಸೀತಾಸಮಾನಾರೀಮರ್ತ್ಯಲೋಕೇವಿಚಿನ್ವತಾ ।
ನಲಕ್ಷ್ಮಣಸಮೋಭ್ರಾತಾಸಚಿವಸ್ಸಾಂಪಪರಾಯಿಕಃ ॥ 6 ॥
ಪರಿತ್ಯಕ್ಷಾಮ್ಯಹಂಪ್ರಾಣಾನ್ವಾನರಾಣಾಂತುಪಶ್ಯಾತಾಮ್ ।
ಯದಿಪಂಚತ್ವಮಾಪನ್ನಸ್ಸುಮಿತ್ರಾನಂದವರ್ಧನಃ ॥ 7 ॥
ಕಿಂನುವಕ್ಷ್ಯಾಮಿಕೌಸಲ್ಯಾಂಮಾತರಂಕಿಂನುಕೈಕಯೀಮ್ ।
ಕಥಮಂಬಾಂಸುಮಿತ್ರಾಂಚಪುತ್ರದರ್ಶನಲಾಲಸಾಮ್ ॥ 8 ॥
ವಿವತ್ಸಾಂವೇಪಮಾನಾಂಚಕ್ರೋಶಂತೀಂಕುರರೀಮಿವ ।
ಕಥಮಾಶ್ವಾಸಯಿಷ್ಯಾಮಿಯದಿಯಾಸ್ಯಾಮಿತಂವಿನಾ ॥ 9 ॥
ಕಥಂವಕ್ಷ್ಯಾಮಿಶತ್ರುಘ್ನಂಭರತಂಚಯಶಸ್ವಿನಮ್ ।
ಮಯಾಸಹವನಂಯಾತೋವಿನಾತೇನಾಪುನಮಾಗತಃ ॥ 10 ॥
ಉಪಾಲಂಬಂನಶಕ್ಷ್ಯಾಮಿಸೋಢುಂಬತಸುಮಿತ್ರಯಾ ।
ಇಹೈವದೇಹಂತ್ಯಕ್ಷ್ಯಾಮಿನಹಿಜೀವಿತುಮುತ್ಸಹೇ ॥ 11 ॥
ಧಿಙ್ಮಾಂದುಷ್ಕೃತಕರ್ಮಾಣಮನಾರ್ಯಂಮತ್ಕೃತೇಹ್ಯಸೌ ।
ಲಕ್ಷ್ಮಣಃಪತಿತಶ್ಶೇತೇಶರತಲ್ಪೇಗತಾಸುವತ್ ॥ 12 ॥
ತ್ವಂನಿತ್ಯಂಸುವಿಷಣ್ಣಂಮಾಮಾಶ್ವಾಸಯಸಿಲಕ್ಷ್ಮಣ ।
ಗತಾಸುರ್ನಾದ್ಯಶಕ್ತೋಽಸಿಮಾಮಾರ್ತಮಭಿಭಾಷಿತುಮ್ ॥ 13 ॥
ಯೇನಾದ್ಯಬಹವೋಯುದ್ಧೇನಿಹತಾರಾಕ್ಷಸಾವಿನಿಪಾತಿತಾಃ ।
ತಸ್ಯಾಮೇವಾದ್ಯಶೂರಸ್ತ್ವಂಶೇಷೇವಿನಿಹತಃಪರೈಃ ॥ 14 ॥
ಶಯಾನಃಶರತಲ್ಪೇಽಸ್ಮಿನ್ ಸಶೋಣಿತಪರಿಪ್ಲುತಃ ।
ಶರಜಾಲೈಚಶಿತೋಭಾಸಿಭಾಸ್ಕರೋಽಸ್ತಮಿವವ್ರಜನ್ ॥ 15 ॥
ಬಾಣಾಭಿಹತಮರ್ಮತ್ವಾನ್ನಶಕ್ನೋತ್ಯಭಿಭಾಷಿತುಮ್ ।
ರುಜಾಚಾಬ್ರುವತೋಽಪ್ಯಸ್ಯದೃಷ್ಟಿರಾಗೇಣಸೂಚ್ಯತೇ ॥ 16 ॥
ಯಥೈವಮಾಂವನಂಯಾಂತಮನುಯಾತೋಮಹಾದ್ಯುತಿಃ ।
ಅಹಮಪ್ಯನುಯಾಸ್ಯಾಮಿತಥೈವೈನಂಯಮಕ್ಷ್ಯಮ್ ॥ 17 ॥
ಇಷ್ಟಬಂಧುಜನೋನಿತ್ಯಂಮಾಂಚನಿತ್ಯಮನುವ್ರತಃ ।
ಇಮಾಮದ್ಯಗತೋಽವಸ್ಥಾಂಮಮಾನಾರ್ಯಸ್ಯದುರ್ನಯೈಃ ॥ 18 ॥
ಸುರುಷ್ಟೇನಾಪಿವೀರೇಣಲಕ್ಷ್ಮಣೇನನಸಂಸ್ಮರೇ ।
ಪರುಷಂವಿಪ್ರಿಯಂವಾಪಿಶ್ರಾವಿತಂನಕದಾಚನ ॥ 19 ॥
ವಿಸಸರ್ಜೈಕವೇಗೇನಪಂಚಬಾಣಶತಾನಿಯಃ ।
ಇಷ್ವಸ್ತ್ರಷ್ವಧಿಕಸ್ತಸ್ಮಾತ್ಕಾರ್ತವೀರ್ಯಾಚ್ಚಲಕ್ಷ್ಮಣಃ ॥ 20 ॥
ಅಸ್ಸ್ರೈರಸ್ತ್ರಾಣಿಯೋಹನ್ಯಾಚ್ಛಕ್ರಸ್ಯಾಪಿಮಹಾತ್ಮನಃ ।
ಸೋಽಯಮುರ್ವ್ಯಾಂಹತಶ್ಶೇತೇಮಹಾರ್ಹಶಯನೋಚಿತಃ ॥ 21 ॥
ತಚ್ಚಮಿಥ್ಯಾಪ್ರಲಪ್ತಂಮಾಂಪ್ರಧಕ್ಷ್ಯತಿನಸಂಶಯಃ ।
ಯನ್ಮಯಾನಕೃತೋರಾಜಾರಾಕ್ಷಸಾನಾಂವಿಭೀಷಣಃ ॥ 22 ॥
ಅಸ್ಮಿನ್ಮುಹೂರ್ತೇಸುಗ್ರೀವ ಪ್ರತಿಯಾತುಮಿತೋಽರ್ಹಸಿ ।
ಮತ್ವಾಹೀನಂರಾಜನ್ ರಾವಣೋಽಭಿದ್ರವೇದ್ಬಲೀ ॥ 23 ॥
ಅಂಗದಂತುಪುರಸ್ಕತ್ಯಸಸೈನ್ಯಸ್ಸಪರಿಚ್ಛದಮ್ ।
ಸಾಗರಂತರಸುಗ್ರೀವ ನೀಲೇನಚನಲೇನಚ ॥ 24 ॥
ಕೃತಂಹನುಮತಾಕಾರ್ಯಂಯದನ್ಯೈರ್ದುಷ್ಕರಂರಣೇ ।
ಋಕ್ಷರಾಜೇನತುಷ್ಯಾಮಿಗೋಲಾಂಗೂಲಾಧಿಪೇನಚ ॥ 25 ॥
ಅಂಗದೇನಕೃತಂಕರ್ಮಮೈಂದೇನದ್ವಿವಿದೇನಚ ।
ಯುದ್ಧಂಕೇಸರಿಣಾಸಙ್ ಖ್ಯೇಘೋರಂಸಂಪಾತಿನಾಕೃತಮ್ ॥ 26 ॥
ಗವಯೇನಗವಾಕ್ಷೇಣಶರಭೇಣಗಜೇನಚ ।
ಅನ್ಯೈಶ್ಚಹರಿಭಿರ್ಯುದ್ಧಂಮದರ್ಥೇತ್ಯಕ್ತಜೀವಿತೈಃ ॥ 27 ॥
ನಚಾತಿಕ್ರಮಿತುಂಶಕ್ಯಂದೈವಂಸುಗ್ರೀವ ಮಾನುಷೈಃ ।
ಯತ್ತುಶಕ್ಯಂವಯಸ್ಯೇನಸುಹೃದಾಚಪರಂತಪ ॥ 28 ॥
ಕೃತಂಸುಗ್ರೀವ ತತ್ಸರ್ವಂಭವತಾಧರ್ಮಭೀರುಣಾ ।
ಮಿತ್ರಕಾರ್ಯಂಕೃತಮಿದಂಭವದ್ಭಿರ್ವಾನರರ್ಷಭಾಃ ॥ 29 ॥
ಅನುಜ್ಞಾತಾಮಯಾಸರ್ವೇಯಥೇಷ್ಟಂಗಂತುಮರ್ಹಥ ।
ಶುಶ್ರುವುಸ್ತಸ್ಯತೇಸರ್ವೇವಾನರಾಃಪರಿದೇವನಮ್ ॥ 30 ॥
ವರ್ತಯಾಂಚಕ್ರೂರಶ್ರೂಣಿನೇತ್ರೈಃಕೃಷ್ಣೇತರೇಕ್ಷಣಾಃ ।
ತತಸ್ಸರ್ವಾಣ್ಯನೀಕಾನಿಸ್ಥಾಪಯಿತ್ವಾವಿಭೀಷಣಃ ॥ 31 ॥
ಆಜಗಾಮಗದಾಪಾಣಿಸ್ತ್ವರಿತಂಯತ್ರರಾಘವಃ ।
ತಂದೃಷ್ಟವಾತ್ವರಿತಂಯಾಂತಂನೀಲಾಂಜನಚಯೋಪಮಮ್ ॥ 32 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಏಕೋನಪಂಚಾಶಸ್ಸರ್ಗಃ ॥
