ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಏಕವಿಂಶತ್ಯಧಿಕಶತತಮಸ್ಸರ್ಗಃ ।
ಏತಚ್ಛ್ರುತ್ವಾಶುಭಂವಾಕ್ಯಂಪಿತಾಮಹಸಮೀರಿತಮ್ ।
ಅಂಕೇನಾದಾಯವೈದೇಹಿಮುತ್ಪಪಾತವಿಭಾವಸುಃ ॥ 1 ॥
ನವಿಧೂಯಾಥಚಿತಾಂತಾಂತುವೈದೇಹೀಂಹವ್ಯವಾಹನಃ ।
ಉತ್ತಸ್ಥೌಮೂರ್ತಿಮಾನಾಶುಗೃಹೀತ್ವಾಜನಕಾತ್ಮಜಾಮ್ ॥ 2 ॥
ತರುಣಾದಿತ್ಯಸಂಕಾಶಂತಪ್ತಕಾಂಚನಭೂಷಣಾಮ್ ।
ರಕ್ತಾಂಬರಧರಾಂಬಾಲಾಂಸೀಲಕುಂಚಿತಮೂರ್ಥಜಾಮ್ ॥ 3 ॥
ಅಕ್ಲಿಷ್ಟಮಾಲ್ಯಾಭರಣಾಂತಥಾರೂಪಾಮನಿಂದಿತಾಮ್ ।
ದದೌರಾಮಾಯವೈದೇಹೀಮಂಕೇಕೃತ್ವಾವಿಭಾವಸುಃ ॥ 4 ॥
ಅಬ್ರವೀತ್ತುತದಾರಾಮಂಸಾಕ್ಷೀಲೋಕಸ್ಯಪಾವಕಃ ।
ಏಷಾತೇರಾಮ ವೈದೇಹೀಪಾಪಮಸ್ಯಾಂ ನ ವಿದ್ಯತೇ ॥ 5 ॥
ನೈವವಾಚಾ ನ ಮನಸಾನೈವಬುದ್ಧ್ಯಾ ನ ಚಕ್ಷುಷಾ ।
ಸುವೃತ್ತಾವೃತ್ತಶೌಂಡೀರನ ತ್ವಾಮತ್ಯಚರಚ್ಛುಭಾ ॥ 6 ॥
ರಾವಣೇನಾಪನೀತೈಷಾವೀರ್ಯೋಸತಿಕ್ತೇನರಕ್ಷಸಾ ।
ತ್ವಯಾವಿರಹಿತಾದೀನಾವಿವಶಾನಿರ್ಜನಾದ್ವನಾತ್ ॥ 7 ॥
ರುದ್ಧಾಚಾಂತಃಪುರೇಗುಪ್ತಾತ್ವಚ್ಛಿತ್ತಾತ್ವತ್ಪರಾಯಣಾ ।
ರಕ್ಷಿತಾರಾಕ್ಷಸೀಭಿಶ್ಚಘೋರಾಭಿರ್ಘೋರಬುದ್ಧಿಭಿಃ ॥ 8 ॥
ಪ್ರಲೋಭ್ಯಮಾನಾವಿವಿಧಂಭರ್ತ್ಸ್ಯಮಾನಾ ಚ ಮೈಥಿಲೀ ।
ನಾಚಿಂತಯತತದ್ರಕ್ಷಸ್ತ್ವದ್ಗತೇನಾಂತರಾತ್ಮನಾ ॥ 9 ॥
ವಿಶುದ್ಧಭಾವಾಂನಿಷ್ಪಾಪಾಂಪ್ರತಿಗೃಹ್ಣೀಷ್ವಮೈಥಿಲೀಮ್ ।
ನ ಕಿಂಚಿರಭಿಧಾತವ್ಯಾಅಹಮಾಜ್ಞಾಪಯಾಮಿತೇ ॥ 10 ॥
ತತಃಪ್ರೀತಿಮಾನಾರಾಮಃಶ್ರುತ್ಯೈವಂವದತಾಂವರಃ ।
ದಧ್ಯೌಮುಹೂರ್ತಂಧರ್ಮಾತ್ಮಾಬಾಷ್ಪವ್ಯಾಕುಲಲೋಚನಃ ॥ 11 ॥
ಏವಮುಕ್ತೋಮಹಾತೇಜಾಧೃತಿಮಾಂದೃಢವಿಕ್ರಮಃ ।
ಉವಾಚತ್ರಿದಶಶ್ರೇಷ್ಠಂರಾಮೋಧರ್ಮಭೃತಾಂವರಃ ॥ 12 ॥
ಅವಶ್ಯಂತ್ರಿಷುಲೋಕೇಷು ನ ಸೀತಾಪಾಪಮರ್ಹತಿ ।
ದೀರ್ಘಕಾಲೋಷಿತಾಹೀಯಂರಾವಣಾಂತಃಪುರೇಶುಭಾ ॥ 13 ॥
ಬಾಲಿಶೋಖಲುಕಾಮಾತ್ಮಾರಾಮೋದಶರಥಾತ್ಮಜಃ ।
ಇತಿವಕ್ಷ್ಯಂತಿಮಾಂಸಂತೋಜಾನಕೀಮವಿಶೋಧ್ಯಹಿ ॥ 14 ॥
ಅನನ್ಯಹೃದಯಾಂಭಕ್ತಾಂಮಚ್ಚಿತ್ತಪರಿವರ್ತಿನೀಮ್ ।
ಅಹಮಪ್ಯವಗಚ್ಛಾಮಿಮೈಥಿಲೀಂಜನಕಾತ್ಮಜಾಮ್ ॥ 15 ॥
ಇಮಾಮಪಿವಿಶಾಲಾಕ್ಷೀಂರಕ್ಷಿತಾಂಸ್ವೇನತೇಜಸಾ ।
ರಾವಣೋನಾತಿವರ್ತೇತವೇಲಾಮಿವಮಹೋದಧಿಃ ॥ 16 ॥
ಪ್ರತ್ಯಯಾರ್ಥಂತುಲೋಕಾನಾಂತ್ರಯಾಣಾಂಸತ್ಯಸಂಶ್ರಯಃ ।
ಉಪೇಕ್ಷೇಚಾಪಿವೈದೇಹೀಂಪ್ರವಿಶಂತೀಂಹುತಾಶನಮ್ ॥ 17 ॥
ನ ಹಿಶಕ್ತಃಸುದುಷ್ಟಾತ್ಮಾಮನಸಾಪಿಹಿಮೈಥಿಲೀಮ್ ।
ಪ್ರಧರ್ಷಯಿತುಮಪ್ರಾಪ್ಯಾಂದೀಪ್ತಾಮಗ್ನಿಶಿಖಾಮಿವ ॥ 18 ॥
ನೇಯಮರ್ಹತಿಚೈಶ್ವರ್ಯಂರಾವಣಾಂತಃಪುರೇಶುಭಾ ।
ಅನನ್ಯಾಹಿಮಯಾಸೀತಾಭಾಸ್ಕರೇಣಪ್ರಭಾಯಥಾ ॥ 19 ॥
ವಿಶುದ್ಧಾತ್ರಿಷುಲೋಕೇಷುಮೈಥಿಲೀಜನಕಾತ್ಮಜಾ ।
ನ ವಿಹಾತುಂಮಯಾಶಕ್ಯಾಕೀರ್ತಿರಾತ್ವವತಾಯಥಾ ॥ 20 ॥
ಅವಶ್ಯಂ ಚ ಮಯಾಕಾರ್ಯಂಸರ್ವೇಷಾಂವೋವಚೋಹಿತಮ್ ।
ಸ್ನಿಗ್ಧಾನಾಂಲೋಕನಾಧಾನಾಮೇವಂ ಚ ವದತಾಂಹಿತಮ್ ॥ 21 ॥
ಇತ್ಯೇವಮ್ವಿಜಯೀಮಹಾಬಲಃಪ್ರಶಸ್ಯಮಾನಃಸ್ವಕೃತೇನಕರ್ಮಣಾ ।
ಸಮೇತ್ಯರಾಮಃಪ್ರಿಯಯಾಮಹಾಯಶಾಃಸುಖಂಸುಖಾರ್ಹೋಽನುಬಭೂವರಾಘವಃ ॥ 22 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಏಕವಿಂಶತ್ಯಧಿಕಶತತಮಸ್ಸರ್ಗಃ ॥
