ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಪಂಚದಶಸ್ಸರ್ಗಃ ।
ಬೃಹಸ್ಪತೇಸ್ತುಲ್ಯಮತೇರ್ವಚಸ್ತನ್ನಿಶಮ್ಯಯತ್ನೇನವಿಭೀಷಣಸ್ಯ ।
ತತೋಮಹಾತ್ಮಾವಚನಂಬಭಾಷೇತತ್ರೇಂದ್ರಜಿನ್ನೈರೃತಯೂಥಮುಖ್ಯಃ ॥ 1 ॥
ಕಿಂನಾಮತೇತಾತಕನಿಷ್ಠವಾಕ್ಯಮನರ್ಥಕಂಚೇವೇಸುಬಸುಭೀತವಚ್ಚ ।
ಅಸ್ಮಿನ್ಕುಲೇಯೋಽಪಿಭವೇನ್ನಜಾತಸ್ಸೋಽಪೀದೃಶಂನೈವವದೇನ್ನಕುರ್ಯಾತ್ ॥ 2 ॥
ಸತ್ತ್ವೇನವೀರ್ಯೇಣಪರಾಕ್ರಮೇಣಶೌರ್ಯೇಣಧೈರ್ಯೇಣಚತೇಜಸಾಚ ।
ಏಕಃಕುಲೇಽಸ್ಮಿನ್ಪುರುಷೋವಿಮುಕ್ತೋವಿಭೀಷಣಸ್ತಾತಕನಿಷ್ಠಏಷಃ ॥ 3 ॥
ಕಿಂನಾಮತೌಮಾನುಷರಾಜಪುತ್ರಾವಸ್ಮಾಕಮೇಕೇನಹಿರಾಕ್ಷಸೇನ ।
ಸುಪ್ರಾಕೃತೇನಾಪಿರಣೇನಿಹಂತುಮೇತೌಶಕ್ಯೌಕುತೋಭೀಷಯಸೇಸ್ಮಭೀರೋ ॥ 4 ॥
ತ್ರಿಲೋಕನಾಥೋನನುದೇವರಾಜಶ್ಶಕ್ರೋಮಯಾಭೂಮಿತಲೇನಿವಿಷ್ಟಃ ।
ಭಯಾರ್ಪಿತಾಶ್ಚಾಪಿದಿಶಃಪ್ರಪನ್ನಾಸ್ಸರ್ವೇತಥಾದೇವಗಣಾಸ್ಸಮಗ್ರಾಃ ॥ 5 ॥
ಐರಾವತೋವಿಸ್ವರಮುನ್ನದನ್ ಸನಿಪಾತಿತೋಭೂಮಿತಲೇಮಯಾತು ।
ವಿಕೃಷ್ಯದಂತೌತುಮಯಾಪ್ರಸಹ್ಯವಿತ್ರಾಸಿತಾದೇವಗಣಾಸ್ಸಮಗ್ರಾಃ ॥ 6 ॥
ಸೋಽಹಂಸುರಾಣಾಮಪಿದರ್ಪಹಂತಾದೈತ್ಯೋತ್ತಮಾನಾಮಪಿಶೋಕದಾತಾ ।
ಕಥಂನರೇಂದ್ರಾತ್ಮಜಯೋರ್ನಶಕ್ತೋಮನುಷ್ಯಯೋಃಪ್ರಾಕೃತಯೋಸ್ಸುವೀರ್ಯಃ ॥ 7 ॥
ಅಥೇಂದ್ರಕಲ್ಪಸ್ಯದುರಾಸದಸ್ಯಮಹೌಜಸಸ್ತದ್ವಚನಂನಿಶಮ್ಯ ।
ತತೋಮಹಾರ್ಥವಚನಂಬಭಾಷೇವಿಭೀಷಣಶ್ಶಸ್ತ್ರಭೃತಾಂವರಿಷ್ಠಃ ॥ 8 ॥
ನತಾತಮಂತ್ರೇತವನಿಶ್ಚಯೋಽಸ್ತಿಬಾಲಸ್ತ್ವಮದ್ಯಾಪ್ಯವಿಪಕ್ವಬುದ್ಧಿಃ ।
ತಸ್ಮಾತ್ತ್ವಯಾಪ್ಯಾತ್ಮವಿನಾಶನಾಯವಚೋಽರ್ಧಹೀನಂಬಹುವಿಪ್ರಲಪ್ತಮ್ ॥ 9 ॥
ಪುತ್ರಪ್ರವಾದೇವತುರಾವಣಸ್ಯತ್ವಮಿಂದ್ರಜಿನ್ಮಿತ್ರಮುಖೋಽಸಿಶತ್ರುಃ ।
ಯಸ್ಯೇದೃಶಂರಾಘವತೋವಿನಾಶಂನಿಶಮ್ಯಮೋಹಾದನುಮನ್ಯಸೇತ್ವಮ್ ॥ 10 ॥
ತ್ವಮೇವ ವಧ್ಯಶ್ಚ ಸುದುರ್ಮತಿಶ್ಚ ।
ಸ ಚಾಪಿ ವಧ್ಯೋ ಯ ಐಹಾನಯತ್ತ್ವಾಮ್ ।
ಬಾಲಂ ದೃಢಂ ಸಾಹಾಸಿಕಂ ಚ ಯೋಽದ್ಯ ।
ಪ್ರಾವೇಶಯನ್ಮಂತ್ರಕ್Rತಾಂ ಸಮೀಪಮ್ ॥ 11 ॥
ಮೂಢೋಽಪ್ರಗಲ್ಭೋಽವಿನಯೋಪಪನ್ನಸ್ತೀಕ್ಷಣಸ್ವಭಾವೋಽಲ್ಪಮತಿರ್ದುರಾತ್ಮಾ ।
ಮೂರ್ಖಸ್ತ್ವಮತ್ಯರ್ಥಸುದುರ್ಮತಿಶ್ಚತ್ವಮಿಂದ್ರಜಿದ್ಬಾಲತಯಾಬ್ರವೀಷಿ ॥ 12 ॥
ಕೋಬ್ರಹ್ಮದಂಡಪ್ರತಿಮಪ್ರಕಾಶಾನರ್ಚಿಷ್ಮತಃಕಾಲನಿಕಾಶರೂಪಾನ್ ।
ಸಹೇತಬಾಣಾನ್ಯಮದಂಡಕಲ್ಪಾನ್ಸಮಕ್ಷಮುಕ್ತಾನ್ಯುಧಿರಾಘವೇಣ ॥ 13 ॥
ಧನಾನಿರತ್ನಾನಿಸುಭೂಷಣಾನಿವಾಸಾಂಸಿದಿವ್ಯಾನಿಮಣೀಂಶ್ಚ ।
ಚಿತ್ರಾನ್ ಸೀತಾಂಚರಾಮಾಯನಿವೇದ್ಯದೇವೀಂವಸೇಮರಾಜನ್ ನಿಹವೀತಶೋಕಾಃ ॥ 14 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಪಂಚದಶಸ್ಸರ್ಗಃ ॥
