ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಏಕೋನತ್ರಿಂಶದಧಿಕಶತತಮಸ್ಸರ್ಗಃ ।
ಬಹೂನಿನಾಮವರ್ಷಾಣಿಗತಸ್ಯಸುಮಹದ್ವನಮ್ ।
ಶೃಣೋಮ್ಯಹಂಪ್ರೀತಿಕರಂಮಮನಾಥಸ್ಯಕೀರ್ತನಮ್ ॥ 1 ॥
ಕಲ್ಯಾಣೀಬತಗಾಥೇಯಂಲೌಕಿಕೀಪ್ರತಿಭಾತಿಮೇ ।
ಏತಿಜೀವಂತಮಾನಂದೋನರಂವರ್ಷಶತಾದಪಿ ॥ 2 ॥
ರಾಘವಸ್ಯಹರೀಣಾಂ ಚ ಕಥಮಾಸೀತ್ಸಮಾಗಮಃ ।
ಕಸ್ಮಿನ್ ದೇಶೇಕಿಮಾಶ್ರಿತ್ಯತತ್ತ್ವಮಾಖ್ಯಾಹಿಪೃಚ್ಛತಃ ॥ 3 ॥
ಸ ಪೃಷ್ಟೋರಾಜಪುತ್ರೇಣಬೃಶ್ಯಾಂಸಮುಪವೇಶಿತಃ ।
ಆಚಚಕ್ಷೇತತಸ್ಸರ್ವಂರಾಮಸ್ಯಚರಿತಂವನೇ ॥ 4 ॥
ಯಥಾಪ್ರವ್ರಾಜಿತೋರಾಮೋಮಾತುರ್ದತ್ತೌವರೌತವ ।
ಯಥಾಪುತ್ರಶೋಕೇನರಾಜಾದಶರಥೋಮೃತಃ ॥ 5 ॥
ಯಥಾದೂತೈಸ್ತ್ವಮಾನೀತಸ್ತೂರ್ಣಂರಾಜಗೃಹಾತ್ಪ್ರಭೋ ।
ತ್ವಯಾಯೋಧ್ಯಾಂಪ್ರವಿಷ್ಟೇನಯಥಾರಾಜ್ಯಂ ನ ಚೇಪ್ಸಿತಮ್ ॥ 6 ॥
ಚಿತ್ರಕೂಟಗಿರಿಂಗತ್ವಾರಾಜ್ಯೇನಾಮಿತ್ರಕರ್ಶನಃ ।
ನಿಮಂತ್ರಿತಸ್ತ್ವಯಾಭ್ರಾತಾಧರ್ಮಮಾಚರತಾಸತಾಮ್ ॥ 7 ॥
ಸ್ಥಿತೇನರಾಜ್ಞೋವಚನೇಯಥಾರಾಜ್ಯಂವಿಸರ್ಜಿತಮ್ ।
ಆರ್ಯಸ್ಯಮಾದುಕೇಗೃಹ್ಯಯಥಾಸಿಪುನರಾಗತಃ ।
ಯ ॥ 8 ॥
ಸರ್ವಮೇತನ್ಮಹಾಬಾಹೋಯಥಾವದ್ವಿದಿತಂತವ ।
ತ್ವಯಿಪ್ರತಿಪ್ರಯಾತೇತುಯದ್ವೃತ್ತಂತನ್ನಿಬೋಧಮೇ ॥ 9 ॥
ಅಪಯಾತೇತ್ವಯಿತದಾಸಮುದ್ಭ್ರಾಂತಮೃಗದ್ವಿಜಮ್ ।
ಪರಿಧ್ಯುಈನಮಿವಾತ್ಯರ್ಥಂತದ್ವನಂಸಮಪದ್ಯತ ॥ 10 ॥
ತದಥಸ್ತಿಮೃದಿತಂಘೋರಂಸಿಂಹವ್ಯಾಘ್ರಮೃಗಾಕುಲಮ್ ।
ಪ್ರವಿವೇಶಾಥವಿಜನಂ ಸ ಮಹದ್ದಂಡಕಾವನಮ್ ॥ 11 ॥
ತೇಷಾಂಪುರಸ್ತಾದ್ಭಲವಾನ್ ಗಚ್ಛತಾಂಗಹನೇವನೇ ।
ವಿನದನ್ ಸುಮಹಾನಾದಂವಿರಾಧಃಪ್ರತ್ಯದೃಶ್ಯತ ॥ 12 ॥
ತಮುತ್ಕ್ಷಿಪ್ಯಮಹಾನಾದಮೂರ್ಧ್ವಬಾಹುಮಧೋಮುಖಮ್ ।
ನಿಖಾತೇಪ್ರಕ್ಷಿಪಂತಿಸ್ಮವದಂತಮಿವಕುಂಜರಮ್ ॥ 13 ॥
ತತ್ಕೃತ್ವಾದುಷ್ಕರಂಕರ್ಮಭ್ರಾತರೌರಾಮಲಕ್ಷ್ಮಣೌ ।
ಸಾಯಾಹ್ನೇಶರಭಂಗಸ್ಯರಮ್ಯಮಾಶ್ರಮಮೀಯತುಃ ॥ 14 ॥
ಶರಭಂಗೇದಿವಂಪ್ರಾಪ್ತೇರಾಮಸ್ಸತ್ಯಪರಾಕ್ರಮಃ ।
ಅಭಿವಾದ್ಯಮುನೀನ್ಸರ್ವಾನ್ಜನಸ್ಥಾನಮುಪಾಗಮತ್ ॥ 15 ॥
ತತಃಪಶ್ಚಾಚ್ಛೂರ್ಪಣಖಾನಾಮರಾಮಪಾರ್ಶಮುಪಾಗತಾ ।
ತತೋರಾಮೇಣಸಂದಿಷ್ಟೋಲಕ್ಷ್ಮಣಸ್ಸಹಸೋತ್ಥಿತಃ ॥ 16 ॥
ಪ್ರಗೃಹ್ಯಖಂಗಂಚಿಚ್ಛೇದಕರ್ಣನಾಸೇಮಹಾಬಲಃ ।
ಚತುರ್ದಶಸಹಸ್ರಾಣಿಜನಸ್ತಾನ್ನಿವಾಸಿನಾಮ್ ॥ 17 ॥
ಹತಾನಿವಸತಾತತ್ರರಾಘವೇಣಮಹಾತ್ಮನಾ ।
ಏಕೇನಸಹಸಂಗಮ್ಯರಾಮೇಣರಣಮೂರ್ಧನಿ ॥ 18 ॥
ಅಹ್ನಶ್ಚತುರ್ಥಭಾಗೇನನಿಃಶೇಷಾರಾಕ್ಷಸಾಃಕೃತಾಃ ।
ಮಬಲಾಮಹಾವೀರ್ಯಾಸ್ತಪಸೋವಿಘ್ನಕಾರಿಣಃ ॥ 19 ॥
ನಿಹತಾರಾಘವೇಣಾಜೌದಂಡಕಾರಣ್ಯವಾಸಿನಃ ।
ರಾಕ್ಷಸಾಶ್ಚವಿನಿಷ್ಪಿಷ್ಟಾಃಖರಶ್ಚನಿಹತೋರಣೇ ॥ 20 ॥
ದೂಷಣಂಚಾಗ್ರತೋಹತ್ವಾತ್ರಿಶಿರಾಸ್ತದನಂತಮ್ ।
ತಸ್ತೇನಾರ್ದಿತಾಬಾಲಾರಾವಣಂಸಮುಪಾಗತಾ ॥ 21 ॥
ರಾವಣಾನುಚರೋಘೋರೋಮಾರೀಚೋನಾಮರಾಕ್ಷಸಃ ।
ಲೋಭಯಾಮಾಸವೈದೇಹೀಂಭೂತ್ವಾರತ್ನಮಯೋಮೃಗಃ ॥ 22 ॥
ಸಾರಾಮಮಬ್ರವೀದೃಷ್ಟವಾವೈದೇಸೀಗೃಹ್ಯತಾಮಿತಿ ।
ಅಯಂಮನೋಹರಃಕಾಂತಆಶ್ರಮೋನೋಭವಿಷ್ಯತಿ ॥ 23 ॥
ತತೋರಾಮೋಧನುಷ್ಪಾಣಿರ್ಮೃಗಂತಮನುಧಾವತಿ ।
ಸ ತಂಜಘಾನಧಾವಂತಂಶರೇಣಾನತಪರ್ವಣಾ ॥ 24 ॥
ಅಥಸೌಮ್ಯ ದಶಗ್ರೀವೋಮೃಗಂಯಾತೇತುರಾಘವೇ ।
ಲಕ್ಷ್ಮಣೇಚಾಪಿನಿಷ್ಕ್ರಾಂತೇಪ್ರವಿವೇಶಾಶ್ರಮಂತದಾ ॥ 25 ॥
ಜಗ್ರಾಹತರಸಾಸೀತಾಂಗ್ರಹಃಖೇರೋಹಿಣೀಮಿವ ।
ತ್ರಾತುಕಾಮಂತತೋಯುದ್ಧೇಹತ್ವಾಗೃಧ್ರಂಜಟಾಯುಷಮ್ ॥ 26 ॥
ಪ್ರಗೃಹ್ಯಸಹಸಾಸೀತಾಂಜಗಾಮಾಶು ಸ ರಾಕ್ಷಸಃ ।
ತಸ್ತ್ವದ್ಭುತಸಂಕಾಶಾಸ್ಸ್ಥಿತಾಃಪರ್ವತಮೂರ್ಧನಿ ॥ 27 ॥
ಸೀತಾಂಗೃಹೀತ್ವಾಗಚ್ಛಂತಂವಾನರಾಃಪರ್ವತೋಪಮಾಃ ।
ದದೃಶುರ್ಮಿಸ್ಮಿತಾಕಾರಾರಾವಣಂರಾಕ್ಷಸಾಧಿಪಮ್ ॥ 28 ॥
ತತಶೀಘ್ರತರಂಗತ್ವಾತದ್ವಿಮಾನಂಮನೋಜವಮ್ ।
ಆರುಹ್ಯಸಹವೈದೇಹ್ಯಾಪುಷ್ಪಕಂ ಸ ಮಹಾಬಲಃ ॥ 29 ॥
ಪ್ರವಿವೇಶತದಾಲಂಕಾಂರಾವಣೋರಾಕ್ಷಸೇಶ್ವರಃ ।
ತಾಂಸುವರ್ಣಪರಿಷ್ಕಾರೇಶುಭೇಮಹತಿವೇಶ್ಮನಿ ॥ 30 ॥
ಪ್ರವೇಶ್ಯಮೈಥಿಲೀಂವಾಕ್ಯೈಸ್ಸಾಂತ್ವಯಾಮಾಸರಾವಣಃ ।
ತೃಣವದ್ಭಾಷಿತಂತಸ್ಯತಂ ಚ ನೈರೃತಪುಂಗವಮ್ ॥ 31 ॥
ಅಚಿಂತಯಂತೀವೈದೇಹೀಹ್ಯಶೋಕವನಿಕಾಂಗತಾ ।
ನ್ಯವರ್ತತತದಾರಾಮೋಮೃಗಂಹತ್ವಾತದಾವನೇ ॥ 32 ॥
ನಿವರ್ತಮಾನಃಕಾಕುತ್ಸ್ಥೋದೃಷ್ಟವಾಗೃಧ್ರಂ ಸ ವಿವ್ಯಥೇ ।
ಗೃಧ್ರಂಹತಂತದಾದೃಷ್ಟವಾರಾಮಃಪ್ರಿಯತರಂಪಿತುಃ ॥ 33 ॥
ಮಾರ್ಗಮಾಣಸ್ತುವೈದೇಹೀಂರಾಘವಂಸಹಲಕ್ಷ್ಮಣಃ ।
ಗೋದಾವರೀಮನ್ವಚರದ್ವನೋದ್ಧೇಶಾಂಶ್ಚಪುಷ್ಪಿತಾನ್ ॥ 34 ॥
ಆಸೇದತುರ್ಮಹಾರಣ್ಯೇಕಬಂಧಂನಾಮರಾಕ್ಷಸಮ್ ।
ತತಃಕಬಂದವಚನಾದ್ರಾಮಸ್ಸತ್ಯಪರಾಕ್ರಮಃ ॥ 35 ॥
ಋಷ್ಯಮೂಕಗಿರಿಂಗತ್ವಾಸುಗ್ರೀವೇಣಸಮಾಗತಃ ।
ತಯೋಸ್ಸಮಾಗಮಃಪೂರ್ವಂಪ್ರೀತ್ಯಹಾರ್ದೋವ್ಯಜಾಯತ ॥ 36 ॥
ಭ್ರಾತ್ರಾನಿರಸ್ತಃಕ್ರುದ್ಧೇನಸುಗ್ರೀವೋವಾಲಿನಾಪುರಾ ।
ಇತರೇತರಸಂವಾದಾತ್ಪ್ರಗಾಢಃಪ್ರಣಯಸ್ತಯೋಃ ॥ 37 ॥
ರಾಮಸ್ಸ್ವಬಾಹುವೀರ್ಯೇಣಸ್ವರಾಜ್ಯಂಪ್ರತ್ಯಪಾದಯತ್ ।
ವಾಲಿನಂಸಮರೇಹತ್ವಾಮಹಾಕಾಯಂಮಹಾಬಲಮ್ ॥ 38 ॥
ಸುಗ್ರೀವಸ್ಸ್ಥಾಪಿತೋರಾಜ್ಯೇಸಹಿತಸ್ಸರ್ವವಾನರೈಃ ।
ರಾಮಾಯಪ್ರತಿಜಾನೀತೇರಾಜಪುತ್ಯ್ರಾಸ್ತುಮಾರ್ಗಣಮ್ ॥ 39 ॥
ಅದಿಷ್ಟಾವಾನರೇಂದ್ರೇಣಸುಗ್ರೀವೇಣಮಹಾತ್ಮನಾ ।
ದಶಕೋಟ್ಯಃಪ್ಲವಂಗಾನಾಂಸರ್ವಾಃಪ್ರಸ್ಥಾಪಿತಾಃದಿಶಃ ॥ 40 ॥
ತೇಷಾಂನೋವಿಪ್ರನಷ್ಟಾನಾಂವಿಂಧ್ಯೇಪರ್ವತಸತ್ತಮೋ ।
ಭೃಶಂಶೋಕಾನಿತಪ್ತಾನಾಂಮಹಾನ್ಕಾಲೋ ತ್ಯವರ್ತತ ॥ 41 ॥
ಭ್ರಾತಾತುಗೃಧ್ರರಾಜಸ್ಯಸಂಪಾತಿರ್ನಾಮವೀರ್ಯವಾನ್ ।
ಸಮಾಖ್ಯಾತಿಸ್ಮವಸತೀಂಸೀತಾಂರಾವಣಮಂದಿರೇ ॥ 42 ॥
ಸೋಹಂದುಃಖಪರೀತಾನಾಂದುಃಖಂತದ್ ಜ್ಞಾತೀನಾಂನುದನ್ ।
ಆತ್ಮವೀರ್ಯಂಸಮಾಸ್ಥಾಯಯೋಜನಾನಾಂಶತಂಪ್ಲುತಃ ॥ 43 ॥
ತತ್ರಾಹಮೇಕಾಮದ್ರಾಕ್ಷಮಶೋಕವನಿಕಾಂಗತಾಮ್ ।
ಕೌಶೇಯವಸ್ತ್ರಾಂಮಲಿನಾಂನಿರನಂದಾಂದೃಢವ್ರತಾಮ್ ॥ 44 ॥
ತಯಾಸಮೇತ್ಯವಿಧಿವತ್ ಪೃಷ್ಟವಾಸರ್ವಮನಿಂದಿತಾಮ್ ।
ಅಭಿಜ್ಞಾನಂಮಯಾದತ್ತಂರಾಮನಾಮಾಂಗುಲೀಯಕಮ್ ॥ 45 ॥
ಅಭಿಜ್ಞಾನಂಮಣಿಂಲಬ್ದ್ವಾಚರಿತಾರ್ಧೋ ಹಮಾಗತಃ ।
ಮಯಾ ಚ ಪುನರಾಗಮ್ಯರಾಮಸ್ಯಾಕ್ಲಿಷ್ಟಕರ್ಮಣಃ ॥ 46 ॥
ಅಭಿಜ್ಞಾನಂಮಯಾದತ್ತಮರ್ಚಿಷ್ಮಾನ್ ಸ ಮಹಾಮಣಿಃ ।
ಶ್ರುತ್ವಾತಾಂಮೈಥಿಲೀಂರಾಮಸ್ತ್ವಾಶಶಂಸೇ ಚ ಜೀವಿತಮ್ ॥ 47 ॥
ಜೀವಿತಾಂತಮನುಪ್ರಾಪ್ತಃಪೀತ್ವಾಮೃತಮಿವಾತುರಃ ।
ಉದ್ಯೋಜಯಿಷ್ಯನ್ನುದ್ಯೋಗಂದಧ್ರೇಕಾಮಂವಧೇಮನಃ ॥ 48 ॥
ಜಿಘಾಂಸುರಿವಲೋಕಾಂತೇಸರ್ವಾನ್ಲೋಕಾನ್ವಿಭಾವಸುಃ ।
ತತಸ್ಸಮುದ್ರಮಾಸಾದ್ಯನಲಂಸೇತುಮಕಾರಯತ್ ॥ 49 ॥
ಅತರತ್ಕಪಿವೀರಾಣಾಂ ವಾಹಿನೀ ತೇನ ಸೇತುನಾ ।
ಪ್ರಹಸ್ತಮ್ವಧೀನ್ನೀಲಃಕುಂಭಕರ್ಣಂತುರಾಘವಃ ॥ 50 ॥
ಲಕ್ಷ್ಮಣೋರಾವಣಸುತಂಸ್ವಯಂರಾಮಸ್ತುರಾವಣಮ್ ।
ಸಶಕ್ರೇಣಸಮಾಗಮ್ಯಯಮೇನವರುಣೇನ ಚ ॥ 51 ॥
ಮಹೇಶ್ವರಸ್ವಯಂಭೂಭ್ಯಾಂ ತಥಾ ದಶರಥೇನ ಚ ।
ತೈಶ್ಚದತ್ತವರ್ಶ್ರೀಮಾನೃಷಿಭಿಶ್ಚಸಮಾಗತೈಃ ॥ 52 ॥
ಸುರರ್ಷಿಭಿಶ್ಚಕಾಕುತ್ಸ್ಥೋವರಾನ್ಲೇಭೇಪರಂತಪಃ ।
ಸತುದತ್ತವರಃಪ್ರೀತ್ಯಾವಾನರೈಶ್ಚಸಮಾಗತಃ ॥ 53 ॥
ಪುಷ್ಪಕೇನವಿಮಾನೇನಕಿಷ್ಕಿನಷ್ಧಾಮಭ್ಯುಪಾಗಮತ್ ।
ತಂಗಂಗಾಂಪುನಾರಾಸಾದ್ಯವಸಂತಂಮುನಿಸನ್ನಿಧೌ ॥ 54 ॥
ಅವಿಘ್ನಂಪುಷ್ಯಯೋಗೇನಶ್ವೋರಾಮಂದ್ರಷ್ಟುಮರ್ಹಸಿ ।
ತತಸ್ಸವಾಕ್ಯೈರ್ಮಧುರೈರ್ಹನುಮತೋನಿಶಮ್ಯಹೃಷ್ಟೋಭರತಃಕೃತಾಂಜಲಿಃ ।
ಉವಾಚವಾಣೀಂಮನಸಃಪ್ರಹರ್ಷಣೀಂಚಿರಸ್ಯಪೂರ್ಣಃಖಲುಮೇಮನೋರಥಃ ॥ 55 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಏಕೋನತ್ರಿಂಶದಧಿಕಶತತಮಸ್ಸರ್ಗಃ ॥
