ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಏಕೋನಚತ್ವಾರಿಂಶಸ್ಸರ್ಗಃ ।
ತಾಂರಾತ್ರಿಮುಷಿತಾಸ್ತತ್ರಸುವೇಲೇಹರಿಪುಂಗವಾಃ ।
ಲಂಕಾಯಾಂದದೃಶುರ್ವೀರಾವನಾನ್ಯುಪವನಾನಿಚ ॥ 1 ॥
ಸಮಸೌಮ್ಯಾನಿರಮ್ಯಾಣಿವಿಶಾಲಾನ್ಯಾಯತಾನಿಚ ।
ದೃಷ್ಟಿರಮ್ಯಾಣಿತೇದೃಷ್ಟವಾಬಭೂವುರ್ಜಾತವಿಸ್ಮಯಾಃ ॥ 2 ॥
ಚಂಪಕಾಶೋಕಪುನ್ನಾಗಸಾಲತಾಲಸಮಾಕುಲಾ ।
ತಮಾಲವನಸಂಛನ್ನಾನಾಗಮಾಲಾಸಮಾವೃತಾ ॥ 3 ॥
ಹಿಂತಾಲೈರರ್ಜುನೈರ್ನೀಪೈಸ್ಸಪ್ತಪರ್ಣೈಶ್ಚಪುಷ್ಪಿತೈಃ ।
ತಿಲಕೈಃಕರ್ಣಿಕಾರೈಶ್ಚಪಾಟಲೈಶ್ಚಸಮಂತತಃ ॥ 4 ॥
ಶುಶುಭೇಪುಷ್ಪಿತಾಗ್ರೈಶ್ಚಲತಾಪರಿಗತೈರ್ದ್ರುಮೈಃ ।
ಲಂಕಾಬಹುವಿಧೈರ್ದಿವ್ಯೈರ್ಯಥೇಂದ್ರಸ್ಯಾಮರಾವತೀ ॥ 5 ॥
ವಿಚಿತ್ರಕುಸುಮೋಪೇತೈರಕ್ತಕೋಮಲಪಲ್ಲವೈಃ ।
ಶಾದ್ವಲೈಶ್ಚತಥಾನೀಪೈಶ್ಚಿತ್ರಾಭಿರ್ವನರಾಜಿಭಿಃ ॥ 6 ॥
ಗಂಧಾಢ್ಯಾನ್ಯಭಿರಮ್ಯಾಣಿಪುಷ್ಪಾಣಿಚಫಲಾನಿಚ ।
ಧಾರಯಂತ್ಯಗಮಾಸ್ತತ್ರಭೂಷಣಾನೀವಮಾನವಾಃ ॥ 7 ॥
ತಚ್ಚೈತ್ರರಥಸಂಕಾಶಂಮನೋಜ್ಞಂನಂದನೋಪಮಮ್ ।
ವನಂಸರ್ವರರ್ತುಕಂರಮ್ಯಂಶುಶುಭೇಷಟಪದಾಯುತಮ್ ॥ 8 ॥
ನತ್ಯೂಹಕೋಯಷ್ಟಿಮಕೈರ್ನೃತ್ಯಮಾನೈಶ್ಚಬರ್ಹಿಭಿ ।
ರುತಂಪರಭೃತಾನಾಂಚಶುಶ್ರುವುರ್ವನ್ನಿರ್ಝರೇ ॥ 9 ॥
ನಿತ್ಯಮತ್ತವಿಹಂಗಾನಿಭ್ರಮರಾಚರಿತಾನಿಚ ।
ಕೋಕಿಲಾಕುಲಷಂಡಾನಿವಿಹಗಾಭಿರುತಾನಿಚ ॥ 10 ॥
ಭೃಂಗರಾಜಾಭಿಗೀತಾನಿಭ್ರಮರೈಸ್ಸೇವಿತಾನಿಚ ।
ಕೋಣಾಲಕವಿಘುಷ್ಟಾನಿಸಾರಸಾಭಿರುತಾನಿಚ ॥ 11 ॥
ವಿವಿಶುಸ್ತೇತತಸ್ತಾನಿವನಾನ್ಯುಪವನಾನಿಚ ।
ಹೃಷ್ಟಾಃಪ್ರಮುದಿತಾವೀರಾಹರಯಃಕಾಮರೂಪಿಣಃ ॥ 12 ॥
ತೇಷಾಂಪ್ರವಿಶತಾಂತತ್ರವಾನರಾಣಾಂಮಹೌಜಸಾಮ್ ।
ಪುಷ್ಪಸಂಸರ್ಗಸುರಭಿರ್ವವೌಘ್ರಾಣಸುಖೋಽನಿಲಃ ॥ 13 ॥
ಅನ್ಯೇತುಹರಿವೀರಾಣಾಂಯೂಥಾನ್ನಿಷ್ಕ್ರಮ್ಯಯೂಥಪಾಃ ।
ಸುಗ್ರೀವೇಣಾಭ್ಯನುಜ್ಞಾತಾಲಂಕಾಂಜಗ್ಮುಃಪತಾಕಿನೀಮ್ ॥ 14 ॥
ವಿತ್ರಾಸಯಂತೋವಿಹಗಾಂಸ್ತ್ರಾಸಯಂತೋಮೃಗದ್ವಿಪಾನ್ ।
ಕಂಪಯಂತಶ್ಚತಾಂಲಂಕಾಂನಾದೈಸ್ತೇನದತಾಂವರಾಃ ॥ 15 ॥
ಕುರ್ವಂತಸ್ತೇಮಹಾವೇಗಾಮಹೀಂಚರಣಪೀಡಿತಾಮ್ ।
ರಜಶ್ಚಸಹಸೈವೋರ್ಥ್ವಂಜಗಾಮಚರಣೋತ್ಥಿತಮ್ ॥ 16 ॥
ಋಕ್ಷಾಸ್ಸಿಂಹಾವರಾಹಾಶ್ಚಮಹಿಷಾವಾರಣಾಮೃಗಾಃ ।
ತೇನಶಬ್ದೇನವಿತ್ರಸ್ತಾಜಗ್ಮುರ್ಭೀತಾದಿಶೋದಶ ॥ 17 ॥
ಶಿಖರಂತತ್ತ್ರಿಕೂಟಸ್ಯಪ್ರಾಂಶುಚೈಕಂದಿವಿಸ್ಪೃಶಮ್ ।
ಸಮಂತಾತ್ಪುಷ್ಪಸಂಂಛನ್ನಂಮಹಾರಜತಸನ್ನಿಭಮ್ ॥ 18 ॥
ಶತಯೋಜನವಿಸ್ತೀರ್ಣಂವಿಮಲಂಚಾರುದರ್ಶನಮ್ ।
ಶ್ಲಕ್ಷ್ಣಂಶ್ರೀಮನ್ಮಹಚ್ಛೈವದುಷ್ಪ್ರಾಪಂಶಕುನೈರಪಿ ॥ 19 ॥
ಮನಸಾಽಪಿದುರಾರೋಹಂಕಿಂಪುನಃಕರ್ಮಣಾಜನೈಃ ।
ನಿವಿಷ್ಟಾತತ್ರಶಿಖರೇಲಂಕಾರಾವಣಪಾಲಿತಾ ॥ 20 ॥
ಶತಯೋಜನವಿಸ್ತೀರ್ಣಾತ್ರಿಂಶದ್ಯೋಜನಮಾಯತಾ ।
ಸಾಪುರೀಗೋಪುರೈರುಚ್ಚೈಃಪಾಂಡುರಾಂಬುದಸನ್ನಿಭೈಃ ।
ಕಾಂಚನೇನಚಶಾಲೇನರಾಜತೇನಚಶೋಭತೇ ॥ 21 ॥
ಪ್ರಾಸಾದೈಶ್ಚವಿಮಾನೈಶ್ಚಲಂಕಾಪರಮಭೂಷಿತಾ ।
ಘನೈರಿವಾಽತಪಾಪಾಯೇಮಧ್ಯಮಂವೈಷ್ಣವಂಪದಮ್ ॥ 22 ॥
ಯಸ್ಯಾಂಸ್ತಂಭಸಹಸ್ರೇಣಪ್ರಾಸಾದಸ್ಸಮಲಂಕೃತಃ ।
ಕೈಲಾಸಶಿಖರಾಕಾರೋದೃಶ್ಯತೇಖಮಿವೋಲಲಿಖನ್ ॥ 23 ॥
ಚೈತ್ಯಸ್ಸರಾಕ್ಷಸೇಂದ್ರಸ್ಯಬಭೂವಪುರಭೂಷಣಮ್ ।
ಶತೇನರಕ್ಷಸಾಂನಿತ್ಯಂಯಸ್ಸಮಗ್ರೇಣರಕ್ಷ್ಯತೇ ॥ 24 ॥
ಮನೋಜ್ಞಾಂ ಕಾಂಚನವತೀಂ ಸರ್ವತೈರುಪಶೋಭಿತಾಮ್ ।
ನಾನಾಧಾತುವಿಚಿತ್ರೈಶ್ಚ ಉದ್ಯಾನೈರುಪಶೋಭಿತಾಮ್ ॥ 25 ॥
ನಾನಾವಿಹಂಗಾಸಂಘುಷ್ಟಾಂನಾನಾಮೃಗನಿಷೇವಿತಾಮ್ ।
ನಾನಾಕುಸುಮಸಂಛನ್ನಾಂನಾನಾರಾಕ್ಷಸಸೇವಿತಾಮ್ ॥ 26 ॥
ತಾಂಸಮೃದ್ಧಾಂಸಮೃದ್ಧಾರ್ಧಾಂಲಕ್ಷ್ಮೀನಾನ್ಲಕ್ಷ್ಮಣಾಗ್ರಜಃ ।
ರಾವಣಸ್ಯಪುರೀಂರಾಮೋದದರ್ಶಸಹವಾನರೈಃ ॥ 27 ॥
ತಾಂಮಹಾಗೃಹಸಂಬಾಧಾಂದೃಷ್ಟವಾಲಕ್ಷ್ಮಣಪೂರ್ವಜಃ ।
ನಗರೀಮಮರಪ್ರಖ್ಯೋವಿಸ್ಮಯಂಪ್ರಾಪ್ಯವೀರ್ಯವಾನ್ ॥ 28 ॥
ತಾಂರತ್ನಪೂರ್ಣಾಂಬಹುಸಂವಿಧಾನಾಂಪ್ರಾಸಾದಮಾಲಾಭಿರಲಂಕೃತಾಂಚ ।
ಪುರೀಂಮಹಾಯಂತ್ರಕವಾಟಮುಖ್ಯಾಂದದರ್ಶರಾಮೋಮಹತಾಬಲೇನ ॥ 29 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಏಕೋನಚತ್ವಾರಿಂಶಸ್ಸರ್ಗಃ ॥
