ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಅಶೀತಿತಮಸ್ಸರ್ಗಃ ।
ಮಕರಾಕ್ಷಂಹತಂಶ್ರುತ್ವಾರಾವಣಸ್ಸಮಿತಿಂಜಯಃ ।
ರೋಷೇಣಮಹತಾವಿಷ್ಟೋದಂತಾಂಕಟಕಟಾಯ್ಯ ಚ ॥ 1 ॥
ಕೋಪಿತಶ್ಚತದಾತತ್ರಕಿಂಕಾರ್ಯಮಿತಿಚಿಂತಯನ್ ।
ಆದಿದೇಶಾಥಸಂಕ್ರುದ್ಧೋರಣಾಯೇಜಿತಂಸುತಮ್ ॥ 2 ॥
ಜಹಿವೀರ ಮಹಾವೀರ್ಯೌಭ್ರಾತರೌರಾಮಲಕ್ಷ್ಮಣೌ ।
ಅದೃಶ್ಯೋದೃಶ್ಯಮಾನೋವಾಸರ್ವಥಾತ್ವಂಬಲಾಧಿಕಃ ॥ 3 ॥
ತ್ವಮಪ್ರತಿಮಕರ್ಮಾಣಮಿಂದ್ರಂಜಯಸಿಸಂಯುಗೇ ।
ಕಿಂಪುನರ್ಮಾನುಷೌದೃಷ್ಟವಾ ನ ವಧಿಷ್ಯಸಿಸಂಯುಗೇ ॥ 4 ॥
ತಥೋಕ್ತೋರಾಕ್ಷಸೇಂದ್ರೇಣಪ್ರತಿಗೃಹ್ಯಪಿತುರ್ವಚಃ ।
ಯಜ್ಞಭೂಮೌ ಸ ವಿಧಿವತ್ ಪಾವಕಂಜುಹವೇಂದ್ರಜಿತ್ ॥ 5 ॥
ಜುಹ್ವತಶ್ಚಾಪಿತತ್ರಾಗ್ನಿಂರಕ್ತೋಷ್ಣೀಷಧರಾಸ್ತ್ರಿರಿಯಃ ।
ಆಜಗ್ಮುಸ್ತತ್ರಸಂಭ್ರಾಂತಾರಾಕ್ಷಸ್ಯೋಯತ್ರರಾವಣಿಃ ॥ 6 ॥
ಶಸ್ತ್ರಾಣಿಶರಪತ್ರಾಣಿಸಮಿಧೋಽಥವಿಭೀತಕಾಃ ।
ಲೋಹಿತಾನಿ ಚ ವಾಸಾಂಹಿಸ್ರುವಂಕಾರ್ಷ್ಣಾಯಸಂತಥಾ ॥ 7 ॥
ಸರ್ವತೋ ।
ಅಗ್ನಿಂ ಸಮಾಸ್ತೀರ್ಯ ಶರಪತ್ರೈಃ ಸತೋಮರೈಃ ।
ಚಾಗಸ್ಯ ಸರ್ವಕೃಷ್ಣಸ್ಯ ಗಲಂ ಜಗ್ರಾಹ ಜೀವತಃ ॥ 8 ॥
ಸಕೃದೇವಸಮಿದ್ಧಸ್ಯವಿಧೂಮಸ್ಯಮಹಾರ್ಚಿಷಃ ।
ಬಭೂವುಸ್ತಾನಿಲಿಂಗಾನಿವಿಜಯಂದರ್ಶಯಂತಿ ಚ ॥ 9 ॥
ಪ್ರದಕ್ಷಿಣಾವರ್ತಶಿಖಸ್ತಪ್ತಹಾಟಕಸನ್ನಿಭಃ ।
ಹವಿಸ್ತತ್ಪ್ರತಿಜಗ್ರಾಹಪಾವಕಸ್ಸ್ವಯಮುತ್ಥಿತಃ ॥ 10 ॥
ಹುತ್ವಾಗ್ನಿಂತರ್ಪಯಿತ್ವಾಥದೇವದಾನವರಾಕ್ಷಸಾನ್ ।
ಆರುರೋಹರಥಶ್ರೇಷ್ಠಮಂತರ್ಥಾನಗತಂಶುಭಮ್ ॥ 11 ॥
ಸ ವಾಜಿಭಿಶ್ಚತುರ್ಭಿಸ್ತುಬಾಣೈಶ್ಚನಿಶಿತೈರ್ಯುತಃ ।
ಆರೋಪಿತಮಹಾಚಾಪಶ್ಶುಶುಭೇಸ್ಯಂದನೋತ್ತಮಃ ॥ 12 ॥
ಜಾಜ್ವಲ್ಯಮಾನೋವಪುಷಾತಪನೀಯಪರಿಚ್ಛದಃ ।
ಮೃಗೈಶ್ಚಂದ್ರಾರ್ಧಚಂದ್ರೈಶ್ಚ ಸ ರಥಸ್ಸಮಲಂಕೃತಃ ॥ 13 ॥
ಜಾಂಬೂನದಮಹಾಕಂಬುರ್ದೀಪ್ತಪಾವಕಸನ್ನಿಭಃ ।
ಬಭೂವೇಂದ್ರಜಿತಃಕೇತುರ್ವೈದೂರ್ಯಸಮಲಂಕೃತಃ ॥ 14 ॥
ತೇನಚಾದಿತ್ಯಕಲ್ಪೇನಬ್ರಹ್ಮಾಸ್ತ್ರಣ ಚ ಪಾಲಿತಃ ।
ಸ ಬಭೂವದುರಾಧರ್ಷೋರಾವಣಿಸ್ಸುಮಹಾಬಲಃ ॥ 15 ॥
ಸೋಽಭಿನಿರ್ಯಾಯನಗರಾದಿಂದ್ರಜಿತ್ಸಮಿತಿಂಜಯಃ ।
ಹತ್ವಾಗ್ನಿಂರಾಕ್ಷಸೈರ್ಮಂತ್ರೈರಂತರ್ಧಾನಗತೋಽಬ್ರವೀತ್ ॥ 16 ॥
ಅದ್ಯಹತ್ವಾರಣೇಯೌತೌಮಿಥ್ಯಾಪ್ರವ್ರಜಿತೌವನೇ ।
ಜಯಂಪಿತ್ರೇಪ್ರದಾಸ್ಯಾಮಿರಾವಣಾಯರಣಾರ್ಜಿತಮ್ ॥ 17 ॥
ಅದ್ಯನಿರ್ವಾನರಮುರ್ವೀಂಹತ್ವಾರಾಮಂಸಲಕ್ಷ್ಮಣಮ್ ।
ಕರಿಷ್ಯೇಪರಮಾಂಪ್ರೀತಿಮಿತ್ಯುಕ್ತ್ವಾಂತರಧೀಯತ ॥ 18 ॥
ಆಪಪಾತಥಸಂಕೃದ್ಧೋದಶಗ್ರೀವೇಣಚೋದಿತಃ ।
ತೀಕ್ಷಣಕಾರ್ಮುಕನಾರಾಚೈಸ್ತೀಕ್ಷಣಸ್ತ್ವಿಂದ್ರರಿಪೂರಣೇ ॥ 19 ॥
ಸ ದದರ್ಶಮಹಾವೀರ್ಯೌನಾಗೌತ್ರಿಶಿರಸಾನಿವ ।
ಸೃಜಂತಾವಿಷುಜಾಲಾನಿವೀರೌವಾನರಮಧ್ಯಗೌ ॥ 20 ॥
ಇಮೌ ತಾವಿತಿ ಸಂಚಿಂತ್ಯ ಸಜ್ಯಂ ಕೃತ್ವಾ ಚ ಕಾರ್ಮುಕಮ್ ।
ಸಂತತಾನೇಷುಧಾರಾಭಿಃ ಪರ್ಜನ್ಯ ಇವ ವೃಷ್ಟಿಮಾನ್ ॥ 21 ॥
ತುವೈಹಾಯಸಂಪ್ರಾಪ್ಯಸರಥೋರಾಮಲಕ್ಷ್ಮಣೌ ।
ಆಚಕ್ಷುರ್ವಿಷಯೇತಿಷ್ಠವನಿವ್ಯಾಧನಿಶಿತೈಶ್ಶರೈಃ ॥ 22 ॥
ತೌತಸ್ಯಶರವೇಗೇನಪರೀತೌರಾಮಲಕ್ಷ್ಮಣೌ ।
ಧನುಷೀಸಶರೇಕೃತ್ವಾದಿವ್ಯಮಸ್ತ್ರಂಪ್ರಚಕ್ರತುಃ ॥ 23 ॥
ಪ್ರಚ್ಛಾದಯಂತೌಗಗನಂಶರಜಾಲೈರ್ಮಹಾಬಲೌ ।
ತಮಸ್ತ್ರಃಸೂರ್ಯಸಂಕಾಶೈರ್ನೈವಪಸ್ಪೃಶತುಶ್ಶರೈಃ ॥ 24 ॥
ಸ ಹಿಧೂಮಾಂಧಕಾರಂ ಚ ಚಕ್ರೇಪ್ರಚ್ಚಾದಯನ್ನಭಃ ।
ದಿಶಶ್ಚಾಂತರ್ದಧೇಶ್ರೀಮಾನ್ನೀಹಾರತಮಸಾವೃತಾಃ ॥ 25 ॥
ನೈವಜ್ಯಾತಲನಿರ್ಘೋಷಾ ನ ಚ ನೇಮಿಖುರಸ್ವನಃ ।
ಶುಶ್ರುವೇಚರತಸ್ತಸ್ಯ ನ ಚ ರೂಪಂಪ್ರಕಾಶತೇ ॥ 26 ॥
ಘನಾಂಧಕಾರೇತಿಮಿರೇಶರಾವರ್ಷಮಿವಾದ್ಭುತಮ್ ।
ಸ ವವರ್ಷಮಹಾಬಾಹುರ್ನಾರಾಚಶರವೃಷ್ಟಿಭಿಃ ॥ 27 ॥
ಸ ರಾಮಂಸೂರ್ಯಸಂಕಾಶೈಶ್ಶರೈರ್ಧತ್ತವರೋರ್ಭೃಶಮ್ ।
ವಿವ್ಯಾಧಸಮರೇಕ್ರುದ್ಧಃಸರ್ವಗಾತ್ರೇಷುರಾವಣಿಃ ॥ 28 ॥
ತೌಹನ್ಯಮಾನೌನಾರಾಚೈರ್ಧಾರಾಭಿರಿವಪರ್ವತೌ ।
ಹೇಮಪುಂಖಾನ್ನರವ್ಯಾಘ್ರೌತಿಗ್ಮಾನ್ಮುಮುಚತುಃಶರಾನ್ ॥ 29 ॥
ಅಂತರಿಕ್ಷೇಸಮಾಸಾದ್ಯರಾವಣಿಂಕಂಕಪತ್ರಿಣಃ ।
ನಿಕೃತ್ಯಪತಗಾಭೂಮೌಸೇತುಸ್ತೇಶೋಣಿತೋಕ್ಷಿತಾಃ ॥ 30 ॥
ಅತಿಮಾತ್ರಂಶರೌಘೇಣಪೀಡ್ಯಮಾನೌನರೋತ್ತಮೌ ।
ತಾನಿಷೂನ್ಪತತೋಭಲ್ಲೈರನೇಕೈರ್ವಿಚಕರ್ತತುಃ ॥ 31 ॥
ಯತೋಹಿದದೃಶಾತೇತೌಶರಾನ್ ನಿಪತಿತಾನ್ಶಿತಾನ್ ।
ತತಸ್ತುತೌದಾಶರಥೀಸಸೃಜಾತೇಽಸ್ತ್ರಮುತ್ತಮಮ್ ॥ 32 ॥
ರಾವಣಿಸ್ತುದಿಶಸ್ಸರ್ವಾರಥೇನಾತಿರಥೋಽಪತತ್ ।
ವಿವ್ಯಾಧತೌದಾಶರಥೀಲಘ್ವಸ್ತ್ರನಿಶಿತೈಃಶರೈಃ ॥ 33 ॥
ತೇನಾತಿವಿದ್ಧೌತೌವೀರೌರುಕ್ಮಪುಂಖೈಃಸುಸಮ್ಹತೈಃ ।
ಬಭೂವತುರ್ಧಾಶರಥೀಪುಷ್ಪಿತಾಮಿವಕಿಂಶುಕೌ ॥ 34 ॥
ನಾಸ್ಯವೇಗಗತಿಂಕಚಶಿನ್ನ ಚ ರೂಪಂಧನುಶ್ಶರಾನ್ ।
ನ ಚಾನ್ಯದ್ವಿದಿತಂಕಿಂಚಿತ್ಸೂರ್ಯಸ್ಯೇವಾಭ್ರಸಂಪ್ಲವೇ ॥ 35 ॥
ತೇನವಿದ್ಧಾಶ್ಚಹರಯೋನಿಹತಾಶ್ಚಗತಾಸವಃ ।
ಬಭೂವುಃಶತಶಸ್ತತ್ರಪತಿತಾಧರಣೀತಲೇ ॥ 36 ॥
ಲಕ್ಷ್ಮಣಸ್ತುತತಸ್ಸುಂಕ್ರೃದ್ಧೋಭ್ರಾತರಂವಾಕ್ಯಮಬ್ರವೀತ್ ।
ಬ್ರಾಹ್ಮಮಸ್ತ್ರಂಪ್ರಯೋಕ್ಷ್ಯಾಮಿವಧಾರ್ಥಂಸರ್ವರಕ್ಷಸಾಮ್ ॥ 37 ॥
ತಮುವಾಚತತೋರಾಮೋಲಕ್ಷ್ಮಣಂಶುಭಲಕ್ಷಣಮ್ ।
ನೈಕಸ್ಯಹೇತೋರಕ್ಷಾಂಸಿಪೃಥಿವ್ಯಾಂಹಂತುಮರ್ಹಸಿ ॥ 38 ॥
ಅಯುಧ್ಯಮಾನಂಪ್ರಚ್ಛನ್ನಂಪ್ರಾಂಜಲಿಂಶರಣಾಗತಮ್ ।
ಪಲಾಯಮಾನಂಮತ್ತಂವಾ ನ ಹಂತುಂತ್ವಮಿಹಾರ್ಹಸಿ ॥ 39 ॥
ಅಸ್ಯೈವತುವಧೇಯತ್ನಂಕರಿಷ್ಯಾವೋಮಹಾಭುಜ ।
ಆದೇಕ್ಷ್ಯಾವೋಮಹಾವೇಗಾವಸ್ತ್ರಾನಾಶೀವಿಷೋಪಮಾನ್ ॥ 40 ॥
ತಮೇನಂಮಾಯಿನಂಕ್ಷುದ್ರಮಂತರ್ಹಿತರಥಂಬಲಾತ್ ।
ರಾಕ್ಷಸಂನಿಹನಿಷ್ಯಂತಿದೃಷ್ಟವಾವಾನರಯೂಥಪಾಃ ॥ 41 ॥
ಯದ್ಯೇಷಭೂಮಿಂವಿಶತೇದಿವಂವಾರಸಾತಲಂವಾಪಿನಭಸ್ಸ್ಥಲಂವಾ ।
ಏವಂನಿಗೂಢೋಽಮಮಾಸ್ತ್ರದಗ್ಧಃಪತಿಷ್ಯತೇಭೂಮಿತಲೇಗತಾಸುಃ ॥ 42 ॥
ಇತ್ಯೇವಮುಕ್ತ್ವಾವಚನಂಮಹಾತ್ಮಾರಘುಪ್ರವೀರಃಪ್ಲವಗರ್ಷಭೈರ್ವೃತಃ ।
ವಧಾಯರೌದ್ರಸ್ಯನೃಶಂಸಕರ್ಮಣಸ್ತದಾಮಹಾತ್ಮಾತ್ವರಿತಂನಿರೀಕ್ಷತೇ ॥ 43 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಅಶೀತಿತಮಸ್ಸರ್ಗಃ ॥
