ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಅಷ್ಟಾವಿಂಶತ್ಯಧಿಕಶತತಮಸ್ಸರ್ಗಃ ।
ಅಯೋಧ್ಯಾಂತುಸಮಾಲೋಕ್ಯಚಿಂತಯಾಮಾಸರಾಘವಃ ।
ಪ್ರಿಯಕಾಮಃಪ್ರಿಯಂರಾಮಸ್ತತಸ್ತ್ವರಿತವಿಕ್ರಮಃ ॥ 1 ॥
ಚಿಂತಯಿತ್ವಾತತೋದೃಷ್ಟಿಂವಾನರೇಷುನ್ಯಪಾತಯತ್ ।
ಉವಾಚಧೀಮಾಂಸ್ತೇಜಸ್ವೀಹನೂಮಂತಂಪ್ಲವಂಗಮಮ್ ॥ 2 ॥
ಅಯೋಧ್ಯಾಂತ್ವರಿತೋಗತ್ವಾಶೀಘ್ರಂಪ್ಲವಗಸತ್ತಮ ।
ಜಾನೀಹಿಕಛಚಿತ್ಕುಶಲೀಜನೋನೃಪತಿಮಂದಿರೇ ॥ 3 ॥
ಶೃಂಗಬೇರಿಪುರಂಪ್ರಾಪ್ಯಗುಹಂಗಹನಗೋಚರಮ್ ।
ನಿಷಾದಾಧಿಪತಿಂಬ್ರೂಹಿಕುಶಲಂವಚನಾನ್ಮಮ ॥ 4 ॥
ಶ್ರುತ್ವಾತುಮಾಂಕುಶಲಿನಮರೋಗಂವಿಗತಜ್ವರಮ್ ।
ಭವಿಷ್ಯತಿಗುಹಃಪ್ರೀತಸ್ಸಮಮಾತ್ಮಸಮಸ್ಸಖಾ ॥ 5 ॥
ಅಯೋಧ್ಯಾಯಾಶ್ಚತೇಮಾರ್ಗಂಪ್ರವೃತ್ತಿಂಭರತಸ್ಯ ಚ ।
ನಿವೇದಯಿಷ್ಯತಿಪ್ರೀತೋನಿಷಾದಾಧಿಪತಿರ್ಗುಹಃ ॥ 6 ॥
ಭರತಸ್ತುತ್ವಯಾವಾಚ್ಯಃಕುಶಲಂವಚನಾನ್ಮಮ ।
ಸಿದ್ಧಾರ್ಥಂಶಂಸಮಾಂತಸ್ಮೈಸಭಾರ್ಯಂಸಹಲಕ್ಷ್ಮಣಮ್ ॥ 7 ॥
ಹರಣಂಚಾಪಿವೈದೇಹ್ಯಾರಾವಣೇನಬಲೀಯಸಾ ।
ಸುಗ್ರೀವೇಣ ಚ ಸಮ್ವಾದಂವಾಲಿನಶ್ಚವಧಂರಣೇ ॥ 8 ॥
ಮೈಥಿಲ್ಯನ್ವೇಷಣಂಚೈವಯಥಾಚಾಧಿಗತಾತ್ವಯಾ ।
ಲಂಘಯಿತ್ವಾಮಹಾತೋಯಮಾಪಗಾಪತಿಮವ್ಯಯಮ್ ॥ 9 ॥
ಉಪಯಾನಂಸಮುದ್ರಸ್ಯಸಾಗರಸ್ಯ ಚ ದರ್ಶನಮ್ ।
ಯಥಾ ಚ ಕಾರಿತಸ್ಸೇತೂರಾವಣಶ್ಚಯಥಾಹತಃ ॥ 10 ॥
ವರದಾನಂಮಹೇಂದ್ರೇಣಬ್ರಹ್ಮಣಾವರುಣೇನ ಚ ।
ಮಹಾದೇವಪ್ರಸಾದಾಚ್ಛಪಿತ್ರಾಮಮಸಮಾಗಮಮ್ ॥ 11 ॥
ಉಪಯಾತಂ ಚ ಮಾಂಸೌಮ್ಯ ಭರತಾಯನಿವೇದಯ ।
ಸಹರಾಕ್ಷಸರಾಜೇನಹರೀಣಾಮೀಶ್ವರೇಣ ಚ ॥ 12 ॥
ಜಿತ್ವಾಶತ್ರುಗಣಾನ್ರಾಮಃಪ್ರಾಪ್ಯಚಾನುತ್ತಮಂಯಶಃ ।
ಉಪಾಯಾನಂಸಮೃದ್ಧಾರ್ಥಸ್ಸಹಮಿತ್ರೈರ್ಮಹಾಬಲೈಃ ॥ 13 ॥
ಏತಚ್ಛ್ರುತ್ವಾಯಮಾಕಾರಂಭಜತೇಭರತಸ್ತತಃ ।
ಸ ಚ ತೇವೇದಿತವ್ಯಃಸ್ಯಾತ್ಸರ್ವಂಯಚ್ಛಾಪಿಮಾಂಪ್ರತಿ ॥ 14 ॥
ಜ್ಞೇಯಾಃಸರ್ವೇ ಚ ವೃತ್ತಾಂತಾಃಭರತಸ್ಯೇಂಗಿತಾನಿ ಚ ।
ತತ್ತ್ವೇನಮುಖವರ್ಣೇನದೃಷ್ಟ್ಯಾವ್ಯಾಭಾಷಿತೇನ ಚ ॥ 15 ॥
ಸರ್ವಕಾಲಸಮೃದ್ಧಂಹಿಹಸ್ತ್ಯಶ್ವರಥಸಂಕುಲಮ್ ।
ಪಿತೃಪೈತಾಮಹಂರಾಜ್ಯಂಕಸ್ಯನಾವರ್ತಯೇನ್ಮನಃ ॥ 16 ॥
ಸಂಗತ್ಯಾಭರತ್ಶ್ರೀಮಾನ್ ರಾಜ್ಯೇನಾರ್ಥೀಸ್ವಯಂಭವೇತ್ ।
ಪ್ರಶಾಸ್ತುವಸುಧಾಂಸರ್ವಾಮಖಿಲಾಂರಘುನಂದನಃ ॥ 17 ॥
ತಸ್ಯಬುದ್ಧಿಂ ಚ ವಿಜ್ಞಾಯವ್ಯವಸಾಯಂ ಚ ವಾನರ ।
ಯಾವನ್ನದೂರಂಯಾತಾಃಸ್ಮಕ್ಷಿಪ್ರಮಾಗಂತುಮರ್ಹಸಿ ॥ 18 ॥
ಇತಿಪ್ರತಿಸಮಾದಿಷ್ಟೋಹನೂಮಾನ್ಮಾರುತಾತ್ಮಜಃ ।
ಮಾನುಷಃಧಾರಯನೃಪಮಯೋಧ್ಯಾಂತ್ವರಿತೋಯಯೌ ॥ 19 ॥
ಅತೋತ್ಪಪಾತವೇಗೇನಹನೂಮಾನ್ಮಾರುತಾತ್ಮಜಃ ।
ಗರುತ್ಮಾನಿವವೇಗೇನಜಿಘೃಕ್ಷನ್ಪನ್ನಗೋತ್ತಮಮ್ ॥ 20 ॥
ಲಂಘಯಿತ್ವಾಪಿತೃಪಥಂವಿಹಗೇಂದ್ರಾಲಯಂಶುಭಮ್ ।
ಗಂಗಾಯಮುನಯೋರ್ಭೀಮಂಸಮತೀತ್ಯಸಮಾಗಮಮ್ ॥ 21 ॥
ಶೃಂಗಬೇರಪುರಂಪ್ರಾಪ್ಯಗುಹಮಾಸಾದ್ಯವೀರ್ಯವಾನ್ ।
ಸ ವಾಚಾಶುಭಯಾಹೃಷ್ಟೋಹನುಮಾನಿದಮಬ್ರವೀತ್ ॥ 22 ॥
ಸಖಾತುತವಕಾಕುತ್ಸ್ಥೋರಾಮಸ್ಸತ್ಯಪರಾಕ್ರಮಃ ।
ಸಸೀತಸ್ಸಹಸೌಮಿತ್ರಿಸ್ಸತ್ವಾಂಕುಶಲಮಬ್ರವೀತ್ ॥ 23 ॥
ಪಂಚಮೀಮದ್ಯರಜನೀಮುಷಿತ್ವಾವಚನಾನ್ಮುನೇಃ ।
ಭರದ್ವಾಜಾಭ್ಯನುಜ್ಞಾತಂದ್ರಕ್ಷ್ಯಸ್ಯದ್ಯೈವರಾಘವಮ್ ॥ 24 ॥
ಏವಮುಕ್ತ್ವಾಮಹಾತೇಜಾಸ್ಸಂಪ್ರಹೃಷ್ಟತನೂರುಹಃ ।
ಉತ್ಪಪಾತಮಹಾವೇಗಾದ್ವೇಗವಾನ್ವಿಚಾರಯನ್ ॥ 25 ॥
ಸೋಽಪಶ್ಯದ್ರಾಮತೀರ್ಥಂ ಚ ನದೀಂವಾಲುಕಿನೀಂತಥಾ ।
ವರೂಥೀಂಗೋಮತೀಂಚೈವಭೀಮಂಶಾಲವನಂತಥಾ ॥ 26 ॥
ಪ್ರಜಾಶ್ಚಬಹುಸಾಹಸ್ರೀಃಸ್ಫೀತಾನ್ಜನಪದಾನಪಿ ।
ಸಃಗತ್ವಾದೂರಮಧ್ವಾನಂತ್ವರಿತಃಕಪಿಕುಂಜರಃ ॥ 27 ॥
ಆಸಸಾದದ್ರುಮಾನ್ ಫುಲ್ಲಾನ್ನಂದಿಗ್ರಾಮಸಮೀಪಗಾನ್ ।
ಸ್ತ್ರೀಭಿಸ್ಸಪುತ್ರೈರ್ವೃದ್ಧೈಶ್ಚರಮಮಾಣೈಃಸ್ವಲಂಕೃತೈಃ ।
ಸುರಾಧಿಪಸ್ಯೋಪವನೇಯಥಾಚೈತ್ರರಥೇದ್ರುಮಾನ್ ॥ 28 ॥
ಕ್ರೋಶಮಾತ್ರೇತ್ವಯೋಧ್ಯಾಯಾಚಶೀರಕೃಷ್ಣಾಜಿನಂಬರಮ್ ॥ 29 ॥
ದದರ್ಶಭರತಂದೀನಂಕೃಶಮಾಶ್ರಮವಾಸಿನಮ್ ।
ಜಟಿಲಂಮಲದಿಗ್ಧಾಂಗಂಭ್ರಾತೃವ್ಯಸನಕರ್ಶಿತಮ್ ॥ 30 ॥
ಫಲಮೂಲಾಶಿನಂದಾಂತಂತಾಪಸಂಧರ್ಮಚಾರಿಣಮ್ ।
ಸಮುನ್ನತಜಟಾಭಾರಂವಲ್ಕಲಾಜಿನವಾಸಸಮ್ ॥ 31 ॥
ನಿಯತಂಭಾವಿತಾತ್ಮಾನಂಬ್ರಹ್ಮರ್ಷಿಸಮತೇಜಸಮ್ ।
ಪಾದುಕೇತೇಪುರಸ್ಕೃತ್ಯಪ್ರಶಾಸಂತಂವಸುಂಧರಾಮ್ ॥ 32 ॥
ಚಾತುರ್ವರ್ಣಸ್ಯಲೋಕಸ್ಯತ್ರಾತಾರಂಮಹತೋಭಯಾತ್ ।
ಉಪಸ್ಥಿತಮಮಾತ್ಯೈಶ್ಚಶುಚಿಭಿಶ್ಚಪುರೋಹಿತೈಃ ॥ 33 ॥
ಬಲಮುಖ್ಯೈಶ್ಚಯುಕ್ತೈಶ್ಚಕಾಷಾಯಾಂಬರದಾರಿಭಿಃ ।
ನಹಿತೇರಾಜಪುತ್ರಂತಂಚೀರಕೃಷ್ಣಾಜಿನಾಂಬರಮ್ ॥ 34 ॥
ಪರಿಭೋಕ್ತುಂವ್ಯವಸ್ಯಂತಿಪೌರಾವೈಧರ್ಮವತ್ಸಲಾಃ ।
ತಮ್ಧರ್ಮಮಿವಧರ್ಮಜ್ಞಂದೇಹವಂತಮಿವಾಪರಮ್ ॥ 35 ॥
ಉವಾಚಪ್ರಾಂಜಲಿರ್ವಾಕ್ಯಂಹನೂಮಾನ್ಮಾರುತಾತ್ಮಜಃ ।
ವಸಂತಂದಂಡಕಾರಣ್ಯೇಯಂತ್ವಂಚೀರಜಟಾಧರಮ್ ॥ 36 ॥
ಅನುಶೋಚಸಿಕಾಕುತ್ಸ್ಥಂ ಸ ತ್ವಾಂಕೌಶಲಮಬ್ರವೀತ್ ।
ಪ್ರಿಯಮಾಖ್ಯಾಮಿತೇದೇವಶೋಕಂತ್ಯಜಸುದಾರುಣಮ್ ॥ 37 ॥
ಅಸ್ಮಿನ್ಮುಹೂರ್ತೇಭ್ರಾತ್ರಾತ್ವಂರಾಮೇಣಸಹಸಂಗತಃ ।
ನಿಹತ್ಯರಾವಣಂರಾಮಃಪ್ರತಿಲಭ್ಯ ಚ ಮೈಥಿಲೀಮ್ ॥ 38 ॥
ಉಪಯಾತಿಸಮೃದ್ಧಾರ್ಥಃಸಹಮಿತ್ರೈರ್ಮಹಾಬಲೈಃ ।
ಲಕ್ಷ್ಮಣಶ್ಚಮಹಾತೇಜಾವೈದೇಹೀ ಚ ಯಶಸ್ವಿನೀ ॥ 39 ॥
ಸೀತಾಸಮಗ್ರಾರಾಮೇಣಮಹೇಂದ್ರೇಣಶಚೀಯಥಾ ।
ಏವಮುಕ್ತೋಹನುಮತಾಭರತಃಕೈಕಯೀಸುತಃ ॥ 40 ॥
ಪಪಾತಸಹಸಾಹೃಷ್ಟೋಹರ್ಷಾನ್ಮೋಹಮುಪಾಗಮತ್ ।
ತತೋಮುಹೂರ್ತಾದುತ್ಥಾಯಪ್ರತ್ಯಾಶ್ವಸ್ಯ ಚ ರಾಘವಃ ॥ 41 ॥
ಹನೂಮಂತಮುವಾಚೇದಂಭರತಃಪ್ರಿಯವಾದಿನಮ್ ।
ಅಶೋಕಜೈಃಪ್ರೀತಿಮಯೈಃಕಪಿಮಾಲಿಂಗ್ಯಸಂಭ್ರಮಾತ್ ॥ 42 ॥
ಸಿಷೇಚಭರತಃಶ್ರೀಮಾನ್ವಿಪುಲೈರಶ್ರುಬಿಂಧುಭಿಃ ।
ದೇವೋವಾಮಾನುಷೋವಾತ್ವಮನುಕ್ರೋಶಾದಿಹಾಗತಃ ॥ 43 ॥
ಪ್ರಿಯಾಖ್ಯಾನಸ್ಯತೇಸೌಮ್ಯದದಾಮಿಬ್ರುವತಃಪ್ರಿಯಮ್ ।
ಗವಾಂಶತಸಹಸ್ರಂ ಚ ಗ್ರಾಮಾಣಾಂ ಚ ಶತಂಪರಮ್ ॥ 44 ॥
ಸಕುಂಡಲಾಶ್ಶುಭಾಚಾರಾಭಾರ್ಯಾಃಕನ್ಯಾಸ್ತುಷೋಡಶ ।
ಹೇಮವರ್ಣಾಸ್ಸುನಾಸೋರೂಶ್ಶಶಿಸೌಮ್ಯಾನನಾಃಸ್ತ್ರಿಯಃ ॥ 45 ॥
ಸರ್ವಾಭರಣಸಂಪನ್ನಾಸ್ಸಂಪನ್ನಾಃಕುಲಜಾತಿಭಿಃ ।
ನಿಶಮ್ಯರಾಮಾಗಮನಂನೃಪಾತ್ಮಜಃಕಪಿಪ್ರವೀರಸ್ಯತದಾದ್ಭುತೋಪಮಮ್ ।
ಪ್ರಹರ್ಷಿತೋರಾಮದಿದೃಕ್ಷ್ಯಾಽಭವತ್ಪುನಶ್ಚಹರ್ಷಾದಿದಮಬ್ರವೀದ್ವಚಃ ॥ 46 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಅಷ್ಟಾವಿಂಶತ್ಯಧಿಕಶತತಮಸ್ಸರ್ಗಃ ॥
