ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ದಶಮಸ್ಸರ್ಗಃ ।
ತತಃಪ್ರತ್ಯುಷಸಿಪ್ರಾಪ್ತೇಪ್ರಾಪ್ತಧರ್ಮಾರ್ಥನಿಶ್ಚಯಃ ।
ರಾಕ್ಷಸಾಧಿಪತೇರ್ವೇಶ್ಮಭೀಮಕರ್ಮಾವಿಭೀಷಣಃ ॥ 1 ॥
ಶೈಲಾಗ್ರಚಯಸಂಕಾಶಂಶೈಲಶೃಂಗಮಿವೋನ್ನತಮ್ ।
ಸುವಿಭಕ್ತಮಹಾಕಕ್ಷಂಮಹಾಜನಪರಿಗ್ರಹಮ್ ॥ 2 ॥
ಮತಿಮದ್ಭಿರ್ಮಹಾಮಾತ್ರೈರನುರಕ್ತೈರಧಿಷ್ಠಿತಮ್ ।
ರಾಕ್ಷಸೈರಾಪ್ತಪರ್ಯಾಪ್ತೈಸ್ಸರ್ವತಃಪರಿರಕ್ಷಿತಮ್ ॥ 3 ॥
ಮತ್ತಮಾತಂಗನಿಶ್ಶ್ವಾಸೈರ್ವ್ಯಾಕುಲೀಕೃತಮಾರುತಮ್ ।
ಶಂಖಘೋಷಮಹಾಘೋಷಂತೂರ್ಯನಾದಾನುನಾದಿತಮ್ ॥ 4 ॥
ಪ್ರಮದಾಜನಸಂಬಾಧಂಪ್ರಜಲ್ಪಿತಮಹಾಪಥಮ್ ।
ತಪ್ತಕಾಂಚನನಿರ್ಯೂಹಂಭೂಷಣೋತ್ತಮಭೂಷಿತಮ್ ॥ 5 ॥
ಗಂಧರ್ವಾಣಾಮಿವಾಽವಾಸಮಾಲಯಂಮರುತಾಮಿವ ।
ರತ್ನಸಂಚಯಸಂಬಾಧಂಭವನಂಭೋಗಿನಾಮಿವ ॥ 6 ॥
ತಂಮಹಾಭ್ರಮಿವಾಽದಿತ್ಯಸ್ತೇಜೋವಿಸ್ತೃತರಶ್ಮಿಮಾನ್ ।
ಅಗ್ರಜಸ್ಯಾಲಯಂವೀರಃಪ್ರವಿವೇಶಮಹಾದ್ಯುತಿಃ ॥ 7 ॥
ಪುಣ್ಯಾನ್ಪುಣ್ಯಾಹಘೋಷಾಂಶ್ಚವೇದವಿದ್ಭಿರುದಾಹೃತಾನ್ ।
ಶುಶ್ರಾವಸುಮಹಾತೇಜಾಭ್ರಾತುರ್ವಿಜಯಸಂಶ್ರಿತಾನ್ ॥ 8 ॥
ಪೂಜಿತಾನ್ ದಧಿಪಾತ್ರೈಶ್ಚಸರ್ಪಿರ್ಭಿಸ್ಸುಮನೋಕ್ಷತೈಃ ।
ಮಂತ್ರವೇದವಿದೋವಿಪ್ರಾಂದದರ್ಶಸಮಹಾಬಲಃ ॥ 9 ॥
ಸಪೂಜ್ಯಮಾನೋರಕ್ಷೋಭಿದ್ದೀಪ್ಯಮಾನಸ್ಸ್ವತೇಜಸಾ ।
ಆಸನಸ್ಥಂಮಹಾಬಾಹುರ್ವವಂದೇಧನದಾನುಜಮ್ ॥ 10 ॥
ಸರಾಜದೃಷ್ಟಿಸಂಪನ್ನಮಾಸನಂಹೇಮಭೂಷಿತಮ್ ।
ಜಗಾಮಸಮುದಾಚಾರಂಪ್ರಯುಜ್ಯಾಚಾರಕೋವಿದಃ ॥ 11 ॥
ಸರಾವಣಂಮಹಾತ್ಮಾನಂವಿಜನೇಮಂತ್ರಿಸನ್ನಿಧೌ ।
ಉವಾಚಹಿತಮತ್ಯರ್ಥಂವಚನಂಹೇತುನಿಶ್ಚಿತಮ್ ॥ 12 ॥
ಪ್ರಸಾದ್ಯಭ್ರಾತರಂಜೇಷ್ಠಂಸಾಂತ್ವೇನೋಪಸ್ಥಿತಕ್ರಮಃ ।
ದೇಶಕಾಲಾರ್ಥಸಂವಾದಿದೃಷ್ಟಲೋಕಪರಾವರಃ ॥ 13 ॥
ಯದಾಪ್ರಭೃತಿವೈದೇಹೀಸಂಪ್ರಾಸ್ತೇಮಾಂಪುರೀಂತವ ।
ತದಾಪ್ರಭೃತಿದೃಶ್ಯಂತೇನಿಮಿತ್ತಾನ್ಯಶುಭಾನಿನಃ ॥ 14 ॥
ಸಸ್ಫುಲಿಂಗಸ್ಸಧೂಮಾರ್ಚಿಸ್ಸಧೂಮಕಲುಷೋದಯಃ ।
ಮಂತ್ರಸಂಘಹುತೋಽಪ್ಯಗ್ನಿರ್ನಸಮ್ಯಗಭಿವರ್ಥತೇ ॥ 15 ॥
ಅಗ್ನಿಷ್ಠೇಷ್ವಗ್ನಿಶಲಾಸುತಥಾಬ್ರಹ್ಮಸ್ಥಾಲೀಷುಚ ।
ಸರೀಸೃಪಾಣಿದೃಶ್ಯಂತೇಹನ್ಯೇಷುಚಪಿಪೀಲಿಕಾಃ ॥ 16 ॥
ಗವಾಂಸಯಾಂಸಿಸ್ಕನ್ನಾನಿವಿಮದಾವೀರಕುಂಜರಾಃ ।
ದೀನಮಶ್ವಾಃಪ್ರಹೇಷಂತೇನಚಗ್ರಾಸಾಭಿನಂದಿನಃ ॥ 17 ॥
ಖರೋಷ್ಟ್ರಾಶ್ವತರಾರಾಜಭನಭಿನ್ನರೋಮಾಸ್ಸ್ರವಂತಿಚ ।
ನಸ್ವಭಾವೇಽವತಿಷ್ಠಂತಿವಿಧಾನೈರಪಿಚಿಂತಿತಾಃ ॥ 18 ॥
ವಾಯಸಾಃಸಂಘಶಃಕ್ರೂರಾವ್ಯಾಹರಂತಿಸಮಂತತಃ ।
ಸಮವೇತಾಶ್ಚದೃಶ್ಯಂತೇವಿಮಾನಾಗ್ರೇಷುಸಂಘಶಃ ॥ 19 ॥
ಗೃಧ್ರಾಶ್ಚಪರಿಲೀಯಂತೇಪುರೀಮುಪರಿಪಿಂಡಿತಾಃ ।
ಉಪಪನ್ನಾಶ್ಚಸ್ನಧ್ಯೇದ್ವೇವ್ಯಾಹಱ್ನತ್ಯಶಿವಂಶಿವಾಃ ॥ 20 ॥
ಕ್ರವ್ಯಾದಾನಾಂಮೃಗಾಣಾಂಚಪುರೀದ್ವಾರೇಷುಸಂಘಶಃ ।
ಶ್ರೂಯಂತೇವಿಪುಲಾಘೋಷಾಸ್ಸವಿಸ್ಫೂರ್ಜಿತನಿಸ್ಸ್ವನಾಃ ॥ 21 ॥
ತದೇವಂಪ್ರಸ್ತುತೇಕಾರ್ಯೇಪ್ರಾಯಶ್ಚಿತ್ತಮಿದಂಕ್ಷಮಮ್ ।
ರೋಚತೇಯದಿವೈದೇಹೀರಾಘವಾಯಪ್ರದೀಯತಾಮ್ ॥ 22 ॥
ಇದಂಚಯದಿವಾಮೋಹಾಲ್ಲೋಭಾದ್ವಾವ್ಯಾಹೃತಂಮಯಾ ।
ತತ್ರಾಪಿಚಮಹಾರಾಜ ನದೋಷಂಕರ್ತುಮರ್ಹಸಿ ॥ 23 ॥
ಅಯಂಹಿದೋಷಸ್ಸರ್ವಸ್ಯಜನಸ್ಯಾಸ್ಯೋಪಲಕ್ಷ್ಯತೇ ।
ರಕ್ಷಸಾಂರಾಕ್ಷಸೀನಾಂಚಪುರಸ್ಯಾಂತಃಪುರಸ್ಯಚ ॥ 24 ॥
ಶ್ರಾವಣೇಚಾಸ್ಯಮಂತ್ರಸ್ಯನಿವೃತ್ತಾಸ್ಸರ್ವಮಂತ್ರಿಣಃ ।
ಅವಶ್ಯಂಚಮಯಾವಾಚ್ಯಂಯದ್ದೃಷ್ಟಮಪಿವಾಶ್ರುತಮ್ ॥ 25 ॥
ಹಿತಂಮಹಾರ್ಥಂಮೃದುಹೇತುಸಂಹಿತಂವ್ಯತೀತಕಾಲಾಯತಿಸಂಪ್ರತಿಕ್ಷಮಮ್ ।
ನಿಶಮ್ಯತದ್ವಾಕ್ಯಮುಪಸ್ಥಿತಜ್ವರಃಪ್ರಸಂಗವಾನುತ್ತರಮೇತದಬ್ರವೀತ್ ॥ 26 ॥
ಭಯಂನಪಶ್ಯಾಮಿಕುತಶ್ಚಿದಪ್ಯಹಂನರಾಘವಃಪ್ರಾಪ್ಸ್ಯತಿಜಾತುಮೈಥಿಲೀಮ್ ।
ಸುರೈಸ್ಸಹೇಂದ್ರೈರಪಿಸಂಗರೇಕಥಂಮಮಾಗ್ರತಸ್ಸ್ಥಾಸ್ಯತಿಲಕ್ಷ್ಮಣಾಗ್ರಜಃ ॥ 27 ॥
ಇತ್ಯೇವಮುಕ್ತ್ವಾಸುರಸೈನ್ಯನಾಶನೋಮಹಾಬಲಸ್ಸಂಯತಿಚಂಡವಿಕ್ರಮಃ ।
ದಶಾನನೋಭ್ರಾತರಮಾಪ್ತವಾದಿನಂವಿಸರ್ಜಯಾಮಾಸತದಾವಿಭೀಷಣಮ್ ॥ 28 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ದಶಮಸ್ಸರ್ಗಃ ॥
