ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಏಕೋನಾಶೀತಿತಮಸ್ಸರ್ಗಃ ।
ನಿರ್ಗತಂಮಕರಾಕ್ಷಂತೇದೃಷ್ಟವಾವಾನರಪುಂಗವಾಃ ।
ಆಪ್ಲುತ್ಯಸಹಸಾಸರ್ವೇಯೋದ್ಧುಕಾಮಾವ್ಯವಸ್ಥಿತಾಃ ॥ 1 ॥
ತತಃಪ್ರವೃತ್ತಂಸುಮಹತ್ತದ್ಯುದ್ಧಂರೋಮಹರ್ಷಣಮ್ ।
ನಿಶಾಚರೈಃಪ್ಲವಂಗಾನಾಂದೇವಾನಾಂದಾನವೈರಿವ ॥ 2 ॥
ವೃಕ್ಷಶೂಲನಿಪಾತೈಶ್ಚಶಿಲಾಪರಿಘಪಾತನೈಃ ।
ಅನ್ಯೋನ್ಯಂಮರ್ದಯಂತಿಸ್ಮತದಾಕಪಿನಿಶಾಚರಾಃ ॥ 3 ॥
ಶಕ್ತಿಖಡಗಗದಾಕುಂತೈಸ್ತೋಮರೈಶ್ಚನಿಶಾಚರಾಃ ।
ಪಟ್ಟಸೈರ್ಭಿಂಢಿಪಾಲೈಶ್ಚಬಾಣಪಾತೈಃಸಮಂತತಃ ॥ 4 ॥
ಪಾಶಮುದ್ಗರದಂಡೈಶ್ಚನಿಖಾತೈಶ್ಚಾಪರೇಸ್ತಥಾ ।
ಕದನಂಕಪಿಸಿಂಹಾನಾಂಚಕ್ರುಸ್ತೇರಜನೀಚರಾಃ ॥ 5 ॥
ಬಾಣೌಘೈರರ್ದಿತಾಶ್ಚಾಪಿಖರಪುತ್ರೇಣವಾನರಾಃ ।
ಸಂಭ್ರಾಂತಮನಸಸ್ಸರ್ವೇದುದ್ರುವುರ್ಭಯಪೀಡಿತಾಃ ॥ 6 ॥
ತಾಂದೃಷ್ಟವಾರಾಕ್ಷಸಾಸ್ಸರ್ವೇದ್ರವಮಾಣಾನ್ವಲೀಮುಖಾನ್ ।
ನೇದುಸ್ತೇಸಿಮ್ಹವದ್ದೃಷ್ಟಾರಾಕ್ಷಸಾಜಿತಕಾಶಿನಃ ॥ 7 ॥
ವಿದ್ರವತ್ಸುತದಾತೇಷುವಾನರೇಷುಸಮಂತತಃ ।
ರಾಮಸ್ತಾನ್ವಾರಮಾಯಾಸಶರವರ್ಷೇಣರಾಕ್ಷಸಾನ್ ॥ 8 ॥
ರಿತಾನ್ರಾಕ್ಷಸಾಂದೃಷ್ಟವಾಮಕರಾಕ್ಷೋನಿಶಾಚರಃ ।
ಕ್ರೋಧಾನಲಸಮಾವಿಷ್ಟೋವಚನಂಚೇದಮಬ್ರವೀತ್ ॥ 9 ॥
ತಿಷ್ಠರಾಮ ಮಯಾಸಾರ್ಧಂದ್ವಂದ್ವಯುದ್ಧಂದದಾಮಿತೇ ।
ತ್ಯಾಜಯಿಷ್ಯಾಮಿತೇಪ್ರಾಣಾನ್ ಧನುರ್ಮುಕ್ಸೈಶಶಿತೈಶ್ಶರೈಃ ॥ 10 ॥
ಯತ್ತದಾದಂಡಕಾರಣ್ಯೇಪಿತರಂಹತವಾನ್ಮಮ ।
ತದಗ್ರತಃಸ್ವಕರ್ಮಸ್ಥಂದೃಷ್ಟವಾರೋಷೋಽಭಿವರ್ಧತೇ ॥ 11 ॥
ದಹ್ಯಂತೇಧೃಶಮಂಗಾನಿದುರಾತ್ಮನ್ಮಮರಾಘವ ।
ಯನ್ಮಯಾಸಿ ನ ದೃಷ್ಟಸ್ತ್ವಂತಸ್ಮಿನ್ ಕಾಲೇಮಹಾವನೇ ॥ 12 ॥
ದಿಷ್ಟ್ಯಾಸಿದರ್ಶನಂರಾಮ ಮಮತ್ವಂಪ್ರಾಪ್ತವಾನಿಹ ।
ಕಾಂಕ್ಷಿತೋಽಸಿಕ್ಷುಧಾರ್ತಸ್ಯಸಿಂಹಸ್ಯೇವೇತರೋಮೃಗಃ ॥ 13 ॥
ಅದ್ಯಮದ್ಬಾಣವೇಗೇನಪ್ರೇತರಾಡಿವಷಯಂಗತಃ ।
ಯೇತ್ವಯಾನಿಹತಾಃಶೂರಾಃಸಹತೈಶ್ಚಸಮೇಷ್ಯಸಿ ॥ 14 ॥
ಬಹುನಾತ್ರಕಿಮುಕ್ತೇನಶೃಣುರಾಮ ವಚೋಮಮ ।
ಪಶ್ಯಂತುಸಕಲಾಲೋಕಾಸ್ತ್ವಾ, ಮಾಂಚೈವರಣಾಜಿರೇ ॥ 15 ॥
ಅಸ್ತ್ರೈರ್ವಾಗದಯಾವಾಪಿಬಾಹುಭ್ಯಾಂವಾಮಹಾಹವೇ ।
ಅಭ್ಯಸ್ತಂಯೇನವಾರಾಮ ತೇನೈವಯುಧಿವರ್ತತಾಮ್ ॥ 16 ॥
ಮಕರಾಕ್ಷ್ವಚಶ್ಶ್ರುತ್ವಾರಾಮೋದಶರಥಾತ್ಮಜಃ ।
ಅಬ್ರವೀತ್ಪ್ರಹಸನ್ವಾಕ್ಯಮುತ್ತರೋತ್ತರವಾದಿನಮ್ ॥ 17 ॥
ಕತ್ಥಸೇಕಿಂವೃಥಾರಕ್ಷೋ ಬಹೂನ್ಯಸದೃಶಾನಿತೇ ।
ನ ರಣೇಶಕ್ಯತೇಜೇತುಂವಿನಾಯುದ್ಧೇನವಾಗ್ಭಲಾತ್ ॥ 18 ॥
ಚತುರ್ದಶಸಹಸ್ರಾಣಿರಕ್ಷಸಾಂತ್ವತ್ಪಿತಾ ಚ ಯಃ ।
ತ್ರಿಶಿರಾದೂಷಣಶ್ಚಾಪಿದಂಡಕೇನಿಹತಾಮಯಾ ॥ 19 ॥
ಸ್ವಾಶಿತಾಸ್ತವಮಾಂಸೇನಗೃಧ್ರಗೋಮಾಯುವಾಯಸಾಃ ।
ಭವಿಷ್ಯಂತ್ಯದ್ಯವೈಪಾಪ ತೀಕ್ಷ್ಣತುಂಡನಖಾಂಕುರಾಃ ॥ 20 ॥
ರಾಘವೇಣೈವಮುಕ್ತಸ್ತುಮಕರಾಕ್ಷೋಮಹಾಬಲಃ ।
ಬಾಣೌಘಾನಮುಚತ್ತಸ್ಮೈರಾಘವಾಯರಣಾಜಿರೇ ॥ 21 ॥
ತಾನ್ಶರಾನ್ ಶರವರ್ಷೇಣರಾಮಶ್ಚಿಚ್ಛೇದನೈಕಧಾ ।
ನಿಪೇತುರ್ಭುವಿತೇಛಿನ್ನಾರುಕ್ಮಪುಂಖಾಸ್ಸಹಸ್ರಶಃ ॥ 22 ॥
ತದ್ಯುದ್ಧಮಭವತ್ತತ್ರಸಮೇತ್ಯಾನ್ಯೋನ್ಯಮೋಜಸಾ ।
ಖರರಾಕ್ಷಸಪುತ್ರಸ್ಯಸೂನೋರ್ಧಶರಥಸ್ಯ ಚ ॥ 23 ॥
ಜೀಮೂತಯೋರಿವಾಕಾಶೇಶಬ್ದೋಜ್ಯಾತಲಯೋಸ್ತದಾ ।
ಧನುರ್ಮುಕ್ತಃಸ್ವನೋತ್ಕೃಷ್ಟಶ್ಶ್ರೂಯತೇ ಚ ರಣಾಜಿರೇ ॥ 24 ॥
ದೇವದಾನವಗಂಧರ್ವಾಃಕಿನ್ನರಾಶ್ಚಮಹೋರಗಾಃ ।
ಅಂತರಿಕ್ಷಗತಾಸ್ಸರ್ವೇದ್ರಷ್ಟುಕಾಮಾಸ್ತದದ್ಭುತಮ್ ॥ 25 ॥
ವಿದ್ಧಮನ್ಯೋನ್ಯಗಾತ್ರೇಷುದ್ವಿಗುಣಂವರ್ಧತೇಪರಮ್ ।
ಕೃತಪ್ರತಿಕೃತಾನ್ಯೋನ್ಯಂಕುರುತಾಂತೌರಣಾಜಿರೇ ॥ 26 ॥
ರಾಮಮುಕ್ತಾಂಸ್ತುಬಾಣೌಘಾನ್ ರಾಕ್ಷಸಸ್ತ್ವಚ್ಛಿನದ್ರಣೇ ।
ರಕ್ಷೋಮುಕ್ತಾಂಸ್ತುರಾಮೋವೈನೈಕಥಾಪ್ರಾಚ್ಛಿನಚ್ಛರೈಃ ॥ 27 ॥
ಬಾಣೌಘೈರ್ವಿತತಾಸ್ಸರ್ವಾದಿಶಶ್ಚಪ್ರದಿಶಸ್ತಥಾ ।
ಸಂಛನ್ನಾವಸುಧಾಚೈವಸಮಂತಾನ್ನಪ್ರಕಾಶತೇ ॥ 28 ॥
ತಃಕ್ರುದ್ಧೋಮಹಾಬಾಹುರ್ಧನುಚ್ಶಿಚ್ಛೇದರಕ್ಷಸಃ ।
ಅಷ್ಟಾಭಿರಥನಾರಾಚೈಸ್ಸೂತಂವಿವ್ಯಾಧರಾಘವಃ ॥ 29 ॥
ಭಿತ್ತ್ವಾರಥಂಶರೈರಾಮೋಹತ್ವಾಆಶ್ವಾನಪಾತಯತ್ ।
ವಿರಥೋವಸುಧಾಸ್ಥಶ್ಚಮಕರಾಕ್ಷೋನಿಶಾಚರಃ ॥ 30 ॥
ತತ್ತಿಷ್ಠದ್ವಸುಧಾಂರಕ್ಷಶ್ಶೂಲಂಜಗ್ರಾಹಪಾಣಿನಾ ।
ತ್ರಾಸನಂಸರ್ವಭೂತಾನಾಂಯುಗಾಂತಾಗ್ನಿಸಮಪ್ರಭಮ್ ॥ 31 ॥
ದುರವಾಪಂ ಮಹಚ್ಛೂಲಂರುದ್ರದತ್ತಂಭಯಂಕರಮ್ ।
ಜಾಜ್ವಲ್ಯಮಾನಮಾಕಾಶೇಸಂಹಾರಾಸ್ತ್ರಮಿವಾಪರಮ್ ॥ 32 ॥
ಯಂದೃಷ್ಟವಾದೇವತಾಃಸರ್ವಾಭಯಾರ್ತಾವಿದ್ರುತಾದಿಶಃ ।
ವಿಭ್ರಾಮ್ಯತುಮಹಚ್ಛೂಲಂಪ್ರಜ್ವಲಂತನ್ನಿಶಾಚರಃ ॥ 33 ॥
ಸ ಕ್ರೋಧಾಪ್ರಾಹಿಣೋತ್ತಸ್ಮೈರಾಘವಾಯಮಹಾತ್ಮನೇ ।
ತಮಾಪತಂತಂಜ್ವಲಿತಂಖರಪುತ್ರಕರಾಚ್ಚ್ಯುತಮ್ ॥ 34 ॥
ಬಾಣೈತ್ರಿಭಿರಾಕಾಶೇಶೂಲಂಚಿಚ್ಛೇದರಾಘವಃ ।
ಸಚ್ಛನ್ನೋನೈಕಥಾಶೂಲೋದಿವ್ಯಹಾಟಕಮಂಡಿತಃ ॥ 35 ॥
ವ್ಯಶೀರ್ಯತಮಹೋಲ್ಕೇವರಾಮಬಾಣಾರ್ದಿತೋಭುವಿ ।
ಚ್ಛೂಲಂನಿಹತಂದೃಷ್ಟವಾರಾಮೇಣಾಕ್ಲಿಷ್ಟಕರ್ಮಣಾ ॥ 36 ॥
ಸಾಧುಸಾವಧಿತಿಭೂತಾನಿವ್ಯಾಹರಂತಿನಭೋಗತಾಃ ।
ತಂದೃಷ್ಟವಾನಿಹತಂಶೂಲಂಮಕರಾಕ್ಷೋನಿಶಾಚರಃ ॥ 37 ॥
ಮುಷ್ಟಿಮುದ್ಯಮ್ಯಕಾಕುತ್ಸ್ಥಂತಿಷ್ಠತಿಷ್ಠೇತಿಚಾಬ್ರವೀತ್ ।
ಸಃತಂದೃಷ್ಟವಾಽಪತಂತಂವೈಪ್ರಹಸ್ಯರಘುನಂದನಃ ॥ 38 ॥
ಪಾವಕಾಸ್ತ್ರಂತತೋರಾಮಸ್ಸಂದಧೇತುಶರಾಸನೇ ।
ತೇನಾಸ್ತ್ರಣಹತಂರಕ್ಷಃಕಾಕುತ್ಥ್ಸೇನತದಾರಣೇ ॥ 39 ॥
ಸಂಚಿನ್ನಹೃದಯಂತತ್ರಪಪಾತ ಚ ಮಮಾರ ಚ ।
ದೃಷ್ಟವಾತೇರಾಕ್ಷಸಾಸ್ಸರ್ವೇಮಕರಾಕ್ಷಸ್ಯಪಾತನಮ್ ॥ 40 ॥
ಲಂಕಾಮೇವಪ್ರಧಾವಂತರಾಮಬಾಣಭಯಾರ್ದಿತಾಃ ।
ದಶರಥನೃಪಸೂನುಬಾಣವೇಗೈಃರಜನಿಚರಂನಿಹತಂಖರಾತ್ಮಜಂತಮ್ ।
ದದೃಶುರಥದೇವತಾಃಪ್ರಹೃಷ್ಟಾಗಿರಿಮವವಜ್ರಹತಂಕ್ಷಿತೌಕೀರ್ಣಮ್ ॥ 41 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಏಕೋನಾಶೀತಿತಮಸ್ಸರ್ಗಃ ॥
