ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಅಷ್ಟಮಸ್ಸರ್ಗಃ ।
ತತೋನೀಲಾಂಬುದನಿಭಃ ಪ್ರಹಸ್ತೋನಾಮರಾಕ್ಷಸಃ ।
ಅಬ್ರವೀತ್ಪ್ರಾಂಜಲಿರ್ವಾಕ್ಯಂಶೂರಸ್ಸೇನಾಪತಿಸ್ತದಾ ॥ 1 ॥
ದೇವದಾನವಗಂಧರ್ವಾಃಪಿಶಾಚಪತಗೋರಗಾಃ ।
ನತ್ವಾಂಧರ್ಷಯಿತುಂಶಕ್ಯಾಃಕಿಂಪುನರ್ವಾನರಾರಣೇ ॥ 2 ॥
ಸರ್ವೇಪ್ರಮತ್ತಾವಿಶ್ವಸ್ತಾವಂಚಿತಾಸ್ಸ್ಮಹನೂಮತಾ ।
ನಹಿಮೇಜೀವತೋಗಚ್ಛೇಜ್ಜೀವನ್ ಸವನಗೋಚರಃ ॥ 3 ॥
ಸರ್ವಾಂಸಾಗರಪರ್ಯಂತಾಂಸಶೈಲವನಕಾನನಾಮ್ ।
ಕರೋಮ್ಯವಾನರಾಂಭೂಮಿಮಾಜ್ಞಾಪಯತುಮಾಂಭವಾನ್ ॥ 4 ॥
ರಕ್ಷಾಂಚೈವವಿಧಾಸ್ಯಾಮಿವಾನರಾದ್ರಜನೀಚರ ।
ನಾಗಮಿಷ್ಯತಿತೇದುಃಖಂಕಿಂಚಿದಾತ್ಮಾಪರಾಧಜಮ್ ॥ 5 ॥
ಅಬ್ರವೀಚ್ಚಸುಸಂಕೃದ್ಧೋದುರ್ಮುಖೋನಾಮರಾಕ್ಷಸಃ ।
ಇದಂನಕ್ಷಮಣೀಯಂಹಿಸರ್ವೇಷಾಂನಃಪ್ರಧರ್ಷಣಮ್ ॥ 6 ॥
ಅಯಂಪರಿಭವೋಭೂಯಃಪುರಸ್ಯಾಂತಃಪುರಸ್ಯಚ ।
ಶ್ರೀಮತೋರಾಕ್ಷಸೇಂದ್ರಸ್ಯವಾನರೇಣಪ್ರಧರ್ಷಣಮ್ ॥ 7 ॥
ಅಸ್ಮಿನ್ ಮುಹೂರ್ತೇಗತ್ವೈಕೋನಿವರ್ತಿಷ್ಯಾಮಿವಾನರಾನ್ ।
ಪ್ರವಿಷ್ಟಾನ್ ಸಾಗರಂಭೀಮಮಂಬರಂವಾರಸಾತಲಮ್ ॥ 8 ॥
ತತೋಽಬ್ರವೀತ್ಸುಸಂಕೃದ್ಧೋವಜ್ರದಂಷ್ಟ್ರೋಮಹಾಬಲಃ ।
ಪ್ರಗೃಹ್ಯಪರಿಘಂಘೋರಂಮಾಂಸಶೋಣಿತರೂಷಿತಮ್ ॥ 9 ॥
ಕಿಂವೋಹನುಮತಾಕಾರ್ಯಂಕೃಪಣೇನತಪಸ್ವಿನಾ ।
ರಾಮೇತಿಷ್ಠತಿದುರ್ಧರ್ಷೇಸಸುಗ್ರೀವೇಽಪಿಸಲಕ್ಷ್ಮಣೇ ॥ 10 ॥
ಅದ್ಯರಾಮಂಸಸುಗ್ರೀವಂಪರಿಘೇಣಸಲಕ್ಷ್ಮಣಮ್ ।
ಆಗಮಿಷ್ಯಾಮಿಹತ್ವೈಕೋವಿಕ್ಷೋಭ್ಯಹರಿವಾಹಿನೀಮ್ ॥ 11 ॥
ಇದಂಮಮಾಪರಂವಾಕ್ಯಂಶೃಣುರಾಜನ್ ಯದೀಚ್ಛಸಿ ।
ಉಪಾಯಕುಶಲೋಹ್ಯೇವಜಯೇಚ್ಛತ್ರೂನತಂದ್ರಿತಃ ॥ 12 ॥
ಕಾಮರೂಪಧರಾಶ್ಶೂರಾಸ್ಸುಭೀಮಾಭೀಮದರ್ಶನಾಃ ।
ರಾಕ್ಷಸಾವೈಸಹಸ್ರಾಣಿರಾಕ್ಷಸಾಧಿಪನಿಶ್ಚಿತಾಃ ॥ 13 ॥
ಕಾಕುತ್ಸ್ಥಮುಪಸಂಗಮ್ಯಬಿಭ್ರತೋಮಾನುಷಂವಪುಃ ।
ಸರ್ವೇಹ್ಯಸಂಭ್ರಮಾಭೂತ್ವಾಬ್ರುವಂತುರಘುಸತ್ತಮಮ್ ॥ 14 ॥
ಪ್ರೇಷಿತಾಭರತೇನೈವಭ್ರಾತ್ರಾತವಯವೀಯಸಾ ।
ಸಹಿಸೇನಾಂಸಮುತ್ಥಾಪ್ಯಕ್ಷಿಪ್ರಮೇವೋಪಯಾಸ್ಯತಿ ॥ 15 ॥
ತತೋವಯಮಿತಸ್ತೂರ್ಣಂಶೂಲಶಕ್ತಿಗದಾಧರಾಃ ।
ಚಾಪಬಾಣಾಸಿಹಸ್ತಾಶ್ಚತ್ವರಿತಾಸ್ತತ್ರಯಾಮಹೇ ॥ 16 ॥
ಆಕಾಶೇಗಣಶಸ್ಥ್ಸಿತ್ವಾಹತ್ವಾತಾಂಹರಿವಾಹಿನೀಮ್ ।
ಅಶ್ಮಶಸ್ತ್ರಮಹಾವೃಷ್ಟ್ಯಾಪ್ರಾಪಯಾಮಯಮಕ್ಷಯಮ್ ॥ 17 ॥
ಏವಂಚೇದುಪಸರ್ಪೇತಾಮನಯಂರಾಮಲಕ್ಷ್ಮಣೌ ।
ಅವಶ್ಯಮಪನೀತೇನಜಹತಾಮೇವಜೀವಿತಮ್ ॥ 18 ॥
ಕೌಂಭಕರ್ಣಿಸ್ತತೋವೀರೋನಿಕುಂಭೋನಾಮವೀರ್ಯವಾನ್ ।
ಅಬ್ರವೀತ್ಪರಮಕ್ರುದ್ಧೋರಾವಣಂಲೋಕರಾವಣಮ್ ॥ 19 ॥
ಸರ್ವೇಭವಂತಸ್ತಿಷ್ಠಂತುಮಹಾರಾಜೇನಸಂಗತಾಃ ।
ಅಹಮೇಕೋಹನಿಷ್ಯಾಮಿರಾಘವಂಸಹಲಕ್ಷ್ಮಣಮ್ ॥ 20 ॥
ಸುಗ್ರೀವಂಚಹನೂಮಂತಂಸರ್ವಾಂನೇವಚವಾನರಾನ್ ।
ತತೋವಜ್ರಹನುರ್ನಾಮರಾಕ್ಷಸಃಪರ್ವತೋಪಮಃ ॥ 21 ॥
ಕ್ರುದ್ಧಃ ಪರಿಲಿಹನ್ಸೃಕ್ಕಾಂಜಿಹ್ವಯಾವಾಕ್ಯಮಬ್ರವೀತ್ ।
ಸ್ವೈರಂಕುರ್ವಂತುಕರ್ಮಾಣಿಭವಂತೋವಿಗತಜ್ವರಾಃ ॥ 22 ॥
ಏಕೋಽಹಂಭಕ್ಷಯಿಷ್ಯಾಮಿತಾಂಸರ್ವಾಂಹರಿಯೂಥಪಾನ್ ।
ಸ್ವಸ್ಥಾಃಕ್ರೀಡಂತುನಿಶ್ಚಿಂತಾಃಪಿಬಂತುಮಧುವಾರುಣೀಮ್ ॥ 23 ॥
ಅಹಮೇಕೋವಧಿಷ್ಯಾಮಿಸುಗ್ರೀವಂಸಹಲಕ್ಷ್ಮಣಮ್ ।
ಸಾಂಗದಂಚಹನೂಮಂತಂರಾಮಂಚರಣಕುಂಜರಮ್ ॥ 24 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಅಷ್ಟಮಸ್ಸರ್ಗಃ ॥
