ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಚತುಸ್ತ್ರಿಂಶಸ್ಸರ್ಗಃ ।
ಅಥತಾಂಜಾತಂತಾಪಾಂತೇನವಾಕ್ಯೇನಮೋಹಿತಾಮ್ ।
ಸರಮಾಹ್ಲಾದಯಾಮಾಸಮಹೀಂಘೌರೀಮಿವಾಂಭಸಾ ॥ 1 ॥
ತತಸ್ತಸ್ಯಾಹಿತಂಸಖ್ಯಾಶ್ಚಿಕೀರ್ಷಂತೀಸಖೀವಚಃ ।
ಉವಾಚಕಾಲೇಕಾಲಜ್ಞಾಸ್ಮಿತಪೂರ್ವಾಭಿಭಾಷಿಣೀ ॥ 2 ॥
ಉತ್ಸಹೇಯಮಹಂಗತ್ವಾತ್ವದ್ವಾಕ್ಯಮಸಿತೇಕ್ಷಣೇಃ ।
ನಿವೇದ್ಯಕುಶಲಂರಾಮೇಪ್ರತಿಚ್ಛನ್ನಾನಿವರ್ತಿತುಮ್ ॥ 3 ॥
ನಹಿಮೇಕ್ರಮಮಾಣಾಯಾನಿರಾಲಂಬೇವಿಹಾಯಸಿ ।
ಸಮರ್ಥೋಗತಿಮನ್ವೇತುಂಪವನೋಗರುಡೋಽಪಿವಾ ॥ 4 ॥
ಏವಂಬ್ರುವಾಣಾಂತಾಂಸೀತಾಸರಮಾಂಪುನರಬ್ರವೀತ್ ।
ಮಧುರಂಶ್ಲಕ್ಕ್ಷಣಯಾವಾಚಾಪೂರ್ವಶೋಕಾಭಿಪನ್ನಯಾ ॥ 5 ॥
ಸಮರ್ಥಾಗಗನಂಗಂತುಮಪಿವಾತ್ವಂರಸಾತಲಮ್ ।
ಅವಗಚ್ಛಾಮ್ಯಕರ್ತವ್ಯಂಕರ್ತವ್ಯಂತೇಮದಂತರೇ ॥ 6 ॥
ಮತ್ಪ್ರಿಯಂಯದಿಕರ್ತವ್ಯಂಯದಿಬುದ್ಧಿಃ ಸ್ಥಿರಾತವ ।
ಜ್ಞಾತುಮಿಚ್ಛಾಮಿತಂಗತ್ವಾಕಿಂಕರೋತೀತಿರಾವಣಃ ॥ 7 ॥
ಸಹಿಮಾಯಾಬಲಃಕ್ರೂರೋರಾವಣಶ್ಶತ್ರುರಾವಣಃ ।
ಮಾಂಮೋಹಯತಿದುಷ್ಟಾತ್ಮಾಪೀತಾಮಾತ್ರೇವವಾರುಣೀ ॥ 8 ॥
ತರ್ಜಾಪಯತಿಮಾಂನಿತ್ಯಂಭರ್ತ್ಸಾಪಯತಿಚಾಸಕೃತ್ ।
ರಾಕ್ಷಸೀಭಿಸ್ಸುಘೂರಾಭಿರ್ಯಾಮಾಂರಕ್ಷಂತಿನಿತ್ಯಶಃ ॥ 9 ॥
ಉದ್ವಿಗ್ನಾಶಂಕಿತಾಚಾಸ್ಮಿನಸ್ವಸ್ಥಂಚಮನೋಮಮ ।
ತದ್ಭಯಾಚ್ಚಾಹಮುದ್ವಿಗ್ನಾಅಶೋಕವನಿಕಾಂಗತಾ ॥ 10 ॥
ಯದಿನಾಮಕಥಾತಸ್ಯನಿಶ್ಚಿತಂವಾಪಿಯದ್ಭವೇತ್ ।
ನಿವೇದಯೇಥಾಸ್ಸರ್ವಂತತ್ಪರೋಮೇಸ್ಯಾದಮನುಗ್ರಹಃ ॥ 11 ॥
ಸಾತ್ವೇವಂಬ್ರುವತೀಂಸೀತಾಂಸರಮಾವಲ್ಗುಭಾಷಿಣೀ ।
ಉವಾಚವದನಂತಸ್ಯಾಸ್ಸ್ಪೃಶಂತೀಬಾಷ್ಪವಿಕ್ಲಬಮ್ ॥ 12 ॥
ಏಷತೇಯದ್ಯಭಿಪ್ರಾಯಸ್ತದಾಗಚ್ಛಾಮಿಜಾನಕೀಃ ।
ಗೃಹ್ಯಶತ್ರೋರಭಿಪ್ರಾಯಮುಪಾವೃತ್ತಾಂಚಪಶ್ಯಮಾಮ್ ॥ 13 ॥
ಏವಮುಕ್ತ್ವಾತತೋಗತ್ವಾಸಮೀಪಂತಸ್ಯರಕ್ಷಸಃ ।
ಶುಶ್ರಾವಕಥಿತಂತಸ್ಯರಾವಣಸ್ಯಸಮಂತ್ರಿಣಃ ॥ 14 ॥
ಸಾಶ್ರುತ್ವಾನಿಶ್ಚಯಂತಸ್ಯನಿಶ್ಚಯಜ್ಞಾದುರಾತ್ಮನಃ ।
ಪುನರೇವಾಗಮತ್ಕ್ಷಿಪ್ರಮಶೋಕವನಿಕಾಂಶುಭಾಮ್ ॥ 15 ॥
ಸಾಪ್ರವಿಷ್ಟಾತತಸ್ತತ್ರದದರ್ಶಜನಕಾತ್ಮಜಾಮ್ ।
ಪ್ರತೀಕ್ಷಮಾಣಾಂಸ್ವಾಮೇವಭ್ರಷ್ಟಪದ್ಮಾಮಿವಶ್ರಿಯಮ್ ॥ 16 ॥
ತಾಂತುಸೀತಾಪುನಃಪ್ರಾಪ್ತಾಂಸರಮಾಂವಲ್ಗುಭಾಷಿಣೀಮ್ ।
ಪರಿಷ್ವಜ್ಯಚಸುಸ್ನಿಗ್ಧಂದದೌಚಸ್ವಯಮಾಸನಮ್ ॥ 17 ॥
ಇಹಾಸೀನಾಸುಖಂಸರ್ವಮಾಖ್ಯಾಹಿಮಮತತ್ತ್ವತಃ ।
ಕ್ರೂರಸ್ಯನಿಶ್ಚಯಂತಸ್ಯರಾವಣಸ್ಯದುರಾತ್ಮನಃ ॥ 18 ॥
ದೀಯತಾಮಭಿಸತ್ಕೃತ್ಯಮನುಜೇಂದ್ರಾಯಮೈಥಿಲೀ ।
ನಿದರ್ಶನಂತೇಪರ್ಯಾಪ್ತಂಜನಸ್ಥಾನೇಯದದ್ಭುತಮ್ ॥ 19 ॥
ಲಂಘನಂಚಸಮುದ್ರಸ್ಯದರ್ಶನಂಚಹನೂಮತಃ ।
ವಧಂಚರಕ್ಷಸಾಂಯುದ್ಧೇಕಃಕುರ್ಯಾನ್ಮಾನುಷೋಭುವಿ ॥ 20 ॥
ಏವಂಸಮಂತ್ರಿವೃದ್ಧೈಶ್ಚಾವಿದ್ಧೇನಬಹುಭಾಷಿತಃ ।
ನತ್ವಾಮುತ್ಪನಿಹತೇಮೋಕ್ತುಮರ್ಥಮರ್ಥಪರೋಯಥಾ ॥ 21 ॥
ನೋತ್ಸಹತ್ಯಮೃತೋಮೋಕ್ತುಂಯುದ್ಧೇತ್ವಾಮಿತಿಮೈಥಿಲೀಃ ।
ಸಾಮಾತ್ಯಸ್ಯನೃಶಂಸಸ್ಯನಿಶ್ಚಯೋಹ್ಯೇಷವರ್ತತೇ ॥ 22 ॥
ತದೇಷಾಸುಸ್ಥಿರಾಬುದ್ಧಿರ್ಮೃತ್ಯುಲೋಭಾದುಪಸ್ಥಿತಾ ।
ಭಯಾನ್ನಶಕ್ತಸ್ತ್ವಾಂಮೋಕ್ತುಮನಿರಸ್ತಸ್ಸಂಯುಗೇ ॥ 23 ॥
ರಕ್ಷಸಾನಾಂಚಸರ್ವೇಷಾಮಾತ್ಮನಶ್ಚವಧೇನಹಿ ।
ನಿಹತ್ಯರಾವಣಂಸಙ್ ಖ್ಯೇಸರ್ವಥಾನಿಶಿತೈಶ್ಶರೈಃ ॥ 24 ॥
ಪ್ರತಿನೇಷ್ಯತಿರಾಮಸ್ತ್ವಾಮಯೋಧ್ಯಾಮಸಿತೇಕ್ಷಣೇಃ ।
ಏತಸ್ಮಿನ್ನಂತರೇಶಬ್ದೋಭೇರೀಶಂಖಸಮಾಕುಲಃ ॥ 25 ॥
ಶ್ರುತೋವಾನರಸೈನ್ಯಾನಾಂಕಂಪಯನ್ ಧರಣೀತಲಮ್ ।
ಶ್ರುತ್ವಾತುತದ್ವಾನರಸೈನ್ಯಶಬ್ದಂಲಂಕಾಗತಾರಾಕ್ಷಸರಾಜಭೃತ್ಯಾಃ ।
ನಷ್ಟೌಜಸೋದೈನ್ಯರೀತಚೇಷ್ಟಾಃಶ್ರೇಯೋನಪಶ್ಯಂತಿನೃಪಸ್ಯದೋಷೈಃ ॥ 26 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಚತುಸ್ತ್ರಿಂಶಸ್ಸರ್ಗಃ ॥
