ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ತ್ರಿನವತಿತಮಸ್ಸರ್ಗಃ ।
ತತಃಪೌಲಸ್ತ್ಯಸಚಿವಾಶ್ರುತ್ವಾಚೇಂದ್ರಜಿತೋವಧಮ್ ।
ಆಚಚಕ್ಷುರಭಿಜ್ಞಾಯದಶಗ್ರೀವಾಯಸವ್ಯಥಾಃ ॥ 1 ॥
ಯುದ್ಧೇಹತೋಮಹಾರಾಜಲಕ್ಷ್ಮಣೇನತವಾತ್ಮಜಃ ।
ವಿಭೀಷಣಸಹಾಯೇನಮಿಷತಾಂನೋಮಹಾದ್ಯುತಿಃ ॥ 2 ॥
ಶೂರಂಶೂರೇಣಸಮ್ಗಮ್ಯಸಮ್ಯುಗೇಷ್ವಪರಾಜಿತಃ ।
ಲಕ್ಷ್ಮಣೇನಹತಶ್ಶೂರಃಪುತ್ರಸ್ತೇಮಹೇಂದ್ರಜಿತ್ ॥ 3 ॥
ಗತಸ್ಸಪರಮಾನ್ಲೋಕಾನ್ಶರೈಸ್ಸಂತಾಪ್ಯಲಕ್ಷ್ಮಣಮ್ ।
ಸ ತಂಪ್ರತಿಭಯಂಶ್ರುತ್ವಾವಧಂಪುತ್ರಸ್ಯದಾರುಣಮ್ ॥ 4 ॥
ಘೋರಮಿಂದ್ರಜಿತಃಸಂಖ್ಯೇಕಶ್ಮಲಂಪ್ರಾವಿಶನ್ಮಹತ್ ।
ಉಪಲಭ್ಯಚಿರಾತ್ಸಂಜ್ಞಾಂ ರಾಜಾರಾಕ್ಷಸಪುಂಗವ ॥ 5 ॥
ಪುತ್ರಶೋಕಾಕುಲೋದೀನೋವಿಲಲಾಪಾಕುಲೇಂದ್ರಿಯಃ ।
ಹಾರಾಕ್ಷಸಚಮೂಮುಖ್ಯಮಮವತ್ಸಮಹಾಬಲ ॥ 6 ॥
ಜಿತ್ವೇಂದ್ರಂಕಥಮದ್ಯತ್ವಂಲಕ್ಷ್ಮಣಸ್ಯವಶಂಗತಃ ।
ನನುತ್ವಮಿಷುಭಿಃಕ್ರುದ್ಧೋಭಿಂದ್ಯಾಃಕಾಲಾಂತಕಾವಪಿ ॥ 7 ॥
ಮಂದರಸ್ಯಾಪಿಶೃಂಗಾಣಿಕಿಂಪುನರ್ಲಕ್ಷ್ಮಣಂಯುಧಿ ।
ಅದ್ಯವೈನಸ್ವತೋರಾಜಾಭೂಯೋಬಹುಮತೋಮಮ ॥ 8 ॥
ಯೇನಾದ್ಯತ್ವಂಮಹಾಬಾಹೋ ಸಂಯುಕ್ತಃಕಾಲಧರ್ಮಣಾ ।
ಏಷಪಂಥಾಃಸುಯೋಧಾನಾಂಸರ್ವಾಮರಗಣೇಷ್ವಪಿ ॥ 9 ॥
ಯಃಕೃತೇಹನ್ಯತೇಭರ್ತುಸ್ಸಪುಮಾನ್ಸ್ವರ್ಗಮೃಚ್ಛತಿ ।
ಅದ್ಯದೇವಗಣಾಸ್ಸರ್ವೇಲೋಕಪಾಲಾಮಹರ್ಷಯಃ ॥ 10 ॥
ಹತಮಿಂದ್ರಜಿತಂದೃಷ್ಟವಾಸುಖಂಸ್ವಪ್ಸ್ಯಂತಿನಿರ್ಭಯಾಃ ।
ಅದ್ಯಲೋಕಾಸ್ತ್ರಯಃ ಕೃತ್ಸ್ನಾಪೃಥಿವೀ ಚ ಸಕಾನನಾ ॥ 11 ॥
ಏಕೇನೇಂದ್ರಜಿತಾಹೀನಾಶೂನ್ಯೇವಪ್ರತಿಭಾತಿಮೇ ।
ಅದ್ಯನೈರೃತಕನ್ಯಾನಾಂಶ್ರೋಷ್ಯಾಮ್ಯಂತಃಪುರೇರವಮ್ ॥ 12 ॥
ಕರೇಣುಸಂಘಸ್ಯಯಥಾನಿನಾದಂಗಿರಿಗಹ್ವರೇ ।
ಯೌವರಾಜ್ಯಂ ಚ ಲಂಕಾಂ ಚ ರಕ್ಷಾಂಸಿ ಚ ಪರಂತಪ ॥ 13 ॥
ಮಾತರಂಮಾಂ ಚ ಭಾರ್ಯಾಶ್ಚಕ್ವಗತೋಽಸಿವಿಹಾಯನಃ ।
ಮಮನಾಮತ್ವಯಾವೀರಗತಸ್ಯಯಮಸಾದನಮ್ ॥ 14 ॥
ಪ್ರೇತಕಾರ್ಯಾಣಿಕಾರ್ಯಾಣಿವಿಪರೀತೇಹಿವರ್ತಸೇ ।
ಸ ತ್ವಂಜೀವತಿಸುಗ್ರೀವೇಲಕ್ಷ್ಮಣೇನ ಚ ರಾಘವೇ ॥ 15 ॥
ಮಮಶಲ್ಯಮನುದ್ಧೃತ್ಯಕ್ವಗತೋಽಸಿವಿಹಾಯನಃ ।
ಏವಮಾದಿವಿಲಾಪಾರ್ತಂರಾವಣಂರಾಕ್ಷಸಾಧಿಪಮ್ ॥ 16 ॥
ಆವಿವೇಶಮಹಾನ್ ಕೋಪಃಪುತ್ರವ್ಯಸನಸಂಭವಃ ।
ಪ್ರಕೃತ್ಯಾಕೋಪನಂಹ್ಯೇನಂಪುತ್ರಸ್ಯಪುನರಾಧಯಃ ॥ 17 ॥
ದೀಪ್ತಂಸಂದೀಪಯಾಮಾಸುರ್ಘರ್ಮೇಽರ್ಕಮಿವರಶ್ಮಯಃ ।
ಲಲಾಟೇಭ್ರುಕುಟೀಭಿಶ್ಚಸಂಗತಾಭಿರ್ವ್ಯರೋಚತ ॥ 18 ॥
ಯುಗಾಂತೇಸಹನಕ್ರೈಸ್ತುಮಹೋರ್ಮಿಭಿರಿವೋದಧಿಃ ।
ಕೋಪಾದ್ವಿಜೃಂಭಮಾಣಸ್ಯವಕ್ತ್ರಾದ್ವ್ಯಕ್ತಮಿವಜ್ವಲನ್ ॥ 19 ॥
ಉತ್ಪಪಾತಸಧೂಮಾನಗಿರ್ವೃತ್ರಸ್ಯವದನಾದಿವ ।
ಸ ಪುತ್ರವಧಸಂತಪ್ತಶ್ಶೂರಃಕ್ರೋಧವಶಂಗತಃ ॥ 20 ॥
ಸಮೀಕ್ಷ್ಯರಾವಣೋಬುದ್ಧ್ಯಾವೈದೇಹ್ಯಾರೋಚಯದ್ವಧಮ್ ।
ತಸ್ಯಪ್ರಕೃತ್ಯಾರಕ್ತೇ ಚ ರಕ್ತೇಕ್ರೋಥಾನಗಿನಾಪಿ ಚ ॥ 21 ॥
ರಾವಣಸ್ಯಮಹಾಘೋರೇದೀಪ್ತೇನೇತ್ರೇಬಭೂವತುಃ ।
ಘೋರಂಪ್ರಕೃತ್ಯಾರೂಪಂತತ್ತಸ್ಯಕ್ರೋಧಾಗ್ನಿಮೂರ್ಛಿತಮ್ ॥ 22 ॥
ಬಭೂವರೂಪಂಕ್ರುದ್ಧಸ್ಯರುದ್ರಸ್ಯೇವದುರಾಸದಮ್ ।
ತಸ್ಯಕ್ರುದ್ಧಸ್ಯನೇತ್ರಾಭ್ಯಾಂಪ್ರಾಪತನ್ನಾಶ್ರೃಬಿಂದವಃ ॥ 23 ॥
ದೀಪಾಭ್ಯಾಮಿವದೀಪ್ತಾಭ್ಯಾಂಸಾರ್ಚಿಷಸ್ಸ್ನೇಹಬಿಂದವಃ ।
ದಂತಾವನಿದಶತಸ್ತಸ್ಯಶ್ರೂಯತೇದಶನಸ್ವನಃ ॥ 24 ॥
ಯಂತ್ರಸ್ಯಾವೇಷ್ಟ್ಯಮಾಣಸ್ಯ ಮಹತೋ ದಾನವೈರಿವ ।
ಕಾಲಾನಗಿರಿವಸಂಕ್ರುದ್ಧೋಯಾಂಯಾಂದಿಶಮವೈಕ್ಷತ ॥ 25 ॥
ತಸ್ಯಾಂತಸ್ಯಾಂಭಯತ್ರಸ್ತಾರಾಕ್ಷಸಾಸ್ಸನ್ವಿಲಿಯಲಿರೇ ।
ತಮಂತಕಮಿವಕ್ರುದ್ಧಂಚರಾಚರಚಿಖಾದಿಷುಮ್ ॥ 26 ॥
ವೀಕ್ಷಮಾಣಂದಿಶಸ್ಸರ್ವಾರಾಕ್ಷಸಾನೋಪಚಕ್ರಮುಃ ।
ತತಃಪರಮಸಂಕ್ರುದ್ಧೋರಾವಣೋರಾಕ್ಷಸಾಧಿಪಃ ॥ 27 ॥
ಅಬ್ರವೀದ್ರಕ್ಷಸಾಂಮಧ್ಯೇಸಂಸ್ತಂಭಯಿಷುರಾಹವೇ ।
ಮಯಾವರ್ಷಸಹಸ್ರಾಣಿಚರಿತ್ವಾಪರಮಂತಪಃ ॥ 28 ॥
ತೇಷುತೇಷ್ವವಕಾಶೇಷುಸ್ವಯಂಭೂಃಪರಿತೋಷಿತಃ ।
ತಸ್ಯೈವತಪಸೋವ್ಯುಷ್ಟ್ಯಾಪ್ರಸಾದಾಚ್ಛಸ್ವಯಂಭುವಃ ॥ 29 ॥
ನಾಸುರೇಭ್ಯೋ ನ ದೇವೇಭ್ಯೋಭಯಂಮಮಕದಾಚನ ।
ಕವಚಂಬ್ರಹ್ಮದತ್ತಂಮೇಯದಾದಿತ್ಯಸಮಪ್ರಭಮ್ ॥ 30 ॥
ದೇವಾಸುರವಿಮರ್ಧೇಷು ನ ಭಿನ್ನಂವಜ್ರಮುಷ್ಟಿಭಿಃ ।
ತೇನಮಾಮದ್ಯಸಮ್ಯುಕ್ತಂರಥಸ್ಥಮಿಹಸಮ್ಯುಗೇ ॥ 31 ॥
ಪ್ರತೀಯಾತ್ಕೋಽದ್ಯಮಾಮಾಜೌಸಾಕ್ಷಾದಪಿಪುರಂದರಃ ।
ತ್ತದಾತಿಪ್ರಸನ್ನೇನಸಶರಂಕಾರ್ಮುಕಂಮಹತ್ ॥ 32 ॥
ದೇವಾಸುರವಿಮರ್ಧೇಷುಮಮದತ್ತಂಸ್ವಯಂಭುವಾ ।
ಅದ್ಯತೂರ್ಯಶತೈರ್ಭೀಮಂಧನುರುತ್ಥಾಪ್ಯತಾಂಮಮ ॥ 33 ॥
ರಾಮಲಕ್ಷ್ಮಣಯೋರೇವವಧಾಯಪರಮಾಹವೇ ।
ಸ ಪುತ್ರವಧಸಂತಪ್ತಃಕ್ರೂರಃಕ್ರೋಧವಶಂಗತಃ ॥ 34 ॥
ಸಮೀಕ್ಷ್ಯರಾವಣೋಬುದ್ಧ್ಯಾಸೀತಾಂಹಂತುಂವ್ಯವಸ್ಯತ ।
ಪ್ರತ್ಯವೇಕ್ಷ್ಯತಾಮ್ರಾಕ್ಷಸ್ಸುಘೋರೋಘೋರದರ್ಶನಃ ॥ 35 ॥
ದೀನೋದೀನಸ್ವರಾನ್ಸರ್ವಾಂಸ್ತಾನುವಾಚನಿಶಾಚರಾನ್ ।
ಮಾಯಯಾಮಮವತ್ಸೇನವಂಚನಾರ್ಥಂವನೌಕಸಾಮ್ ॥ 36 ॥
ಕಿಂಚಿದೇವಹತಂತತ್ರಸೀತೇಯಮಿತಿದರ್ಶಿತಮ್ ।
ತದಿದಂತಥ್ಯಮೇವಾಹಂಕರಿಷ್ಯೇಪ್ರಿಯಮಾತ್ಮನಃ ॥ 37 ॥
ವೈದೇಹೀಂನಾಶಯಿಷ್ಯಾಮಿಕ್ಷತ್ರಬಂಧುಮನುವ್ರತಾಮ್ ।
ಇತ್ಯೇವಮುಕ್ತ್ವಾಸಚಿವಾನ್ಖಂಗಮಾಶುಪರಾಮೃಶತ್ ॥ 38 ॥
ಉತ್ಪ್ಲುತ್ಯಗುಣಸಂಪನ್ನಂವಿಮಲಾಂಬರವರ್ಚಸಮ್ ।
ನಿಷ್ಪಪಾತ ಸ ವೇಗೇನಸಭಾರ್ಯಃಸಚಿವೈರ್ವೃತಃ ॥ 39 ॥
ರಾವಣಃಪುತ್ರಶೋಕೇನಭೃಶಮಾಕುಲಚೇತನಃ ।
ಸಂಕ್ರುದ್ಧಃಖಡಗಮಾದಾಯಸಹಸಾಯತ್ರಮೈಥಿಲೀ ॥ 40 ॥
ವ್ರಜಂತಂರಾಕ್ಷಸಂಪ್ರೇಕ್ಷ್ಯಸಿಂಹನಾದಂವಿಚಕ್ರುಶುಃ ।
ಊಚುಶ್ಚಾನ್ಯೋನ್ಯಮಾಲಿಂಗ್ಯಸಂಕ್ರುದ್ಧಂಪ್ರೇಕ್ಷ್ಯರಾಕ್ಷಸಮ್ ॥ 41 ॥
ಅದ್ಯೈನಂತಾವುಭೌದೃಷ್ಟವಾಭ್ರಾತರೌಪ್ರವ್ಯಧಿಷ್ಯತಃ ।
ಲೋಕಪಾಲಾಹಿಚತ್ವಾರಃಕ್ರುದ್ಧೇನಾನೇನತರ್ಜಿತಾಃ ॥ 42 ॥
ಬಹವಃಶತ್ರವಶ್ಚಾನ್ಯೇಸಮ್ಯುಗೇಷ್ವಭಿಪಾತಿತಾಃ ।
ತ್ರಿಷುಲೋಕೇಷುರತ್ನಾನಿಭುಙಕ್ತೇಚಾಹೃತ್ಯರಾವಣಃ ॥ 43 ॥
ವಿಕ್ರಮೇ ಚ ಬಲೇಚೈವನಾಸ್ತ್ಯಸ್ಯಸದೃಶೋಭುವಿ ।
ತೇಷಾಂಸಂಜಲ್ಪಮಾನಾಮಶೋಕವನಿಕಾಂಗತಾಮ್ ॥ 44 ॥
ಅಭಿದುದ್ರಾವವೈದೇಹೀಂರಾವಣಃಕ್ರೋಧಮೂರ್ಛಿತಃ ।
ವಾರ್ಯಮಾಣಃಸುಸಂಕ್ರುದ್ಧಃಸುಹೃದ್ಭಿರ್ಹಿತಬುದ್ಧಿಭಿಃ ॥ 45 ॥
ಅಭ್ಯಧಾವತಸಂಕ್ರುದ್ಧಃಖೇಗ್ರಹೋರೋಹಿಣೀಮಿವ ।
ಮೈಥಿಲೀರಕ್ಷ್ಯಮಾಣಾತುರಾಕ್ಷಸೀರನಿಂದಿತಾ ॥ 46 ॥
ದದರ್ಶರಾಕ್ಷಸಂಕ್ರುದ್ಧಂನಿಸ್ತ್ರಿಂಶವರಧಾರಿಣಮ್ ।
ತಂನಿಶಾಮ್ಯಸವಿಸ್ತ್ರಿಂಶಂವ್ಯಥಿತಾಜನಕಾತ್ಮಜಾ ॥ 47 ॥
ನಿವಾರ್ಯಮಾಣಂಬಹುಶಃಸುಹೃದ್ಭಿರನಿವರ್ತಿನಮ್ ।
ಸೀತಾದುಃಖಸಮಾವಿಷ್ಟಾವಿಲಪಂತೀದಮಬ್ರವೀತ್ ॥ 48 ॥
ಯಥಾಯಂಮಾಮಭಿಕ್ರುದ್ಧಃಸಮಭಿದ್ರವತಿಸ್ವಯಮ್ ।
ವಧಿಷ್ಯತಿಸನಾಥಾಂಮಾಮನಾಥಾಮಿವದುರ್ಮತಿಃ ॥ 49 ॥
ಬಹುಶಶ್ಚೋದಯಾಮಾಸಭರ್ತಾರಂಮಾಮನುವ್ರತಾಮ್ ।
ಭಾರ್ಯಾಭವರಮಸ್ವೇತಿಪ್ರತ್ಯಾಖ್ಯಾತೋಧ್ರುವಂಮಯಾ ॥ 50 ॥
ಸೋಽಯಂಮಾಮನುಪಸ್ಥಾನೇವ್ಯಕ್ತಂನೈರಾಶ್ಯಮಾಗತಃ ।
ಕ್ರೋಧಮೋಹಸಮಾವಿಷ್ಟೋನಿಹಂತುಂಮಾಂಸಮುದ್ಯತಃ ॥ 51 ॥
ಅಥವಾತೌನರವ್ಯಾಘ್ರೌಭ್ರಾತರೌರಾಮಲಕ್ಷ್ಮಣೌ ।
ಮನ್ನಿಮಿತ್ತಮನಾರ್ಯೇಣಸಮರೇಽದ್ಯನಿಪಾತಿತೌ ॥ 52 ॥
ಭೈರವೋಹಿಮಹಾನ್ನಾದೋರಾಕ್ಷಸಾನಾಂಶ್ರುತೋಮಯಾ ।
ಬಹೂನಾಮಿಹಹೃಷ್ಟಾನಾಂತಥಾವಿಕ್ರೋಶತಾಂಪ್ರಿಯಮ್ ॥ 53 ॥
ಅಹೋಧಿಙ್ಮನ್ನಿಮಿತ್ತೋಽಯಂವಿನಾಶೋರಾಜಪುತ್ರಯೋಃ ।
ಅಥವಾಪುತ್ರಶೋಕೇನಾಹತ್ಯಾರಾಮಲಕ್ಷ್ಮಣೌ ॥ 54 ॥
ವಿಧಮಿಷ್ಯತಿಮಾಂರೌದ್ರೋರಾಕ್ಷಸಃಪಾಪನಿಶ್ಚಯಃ ।
ಹನೂಮತಸ್ತುತದ್ವಾಕ್ಯಂ ನ ಕೃತಂಕ್ಷುದ್ರಯಾಮಯಾ ॥ 55 ॥
ಯದ್ಯಹಂತಸ್ಯಪೃಷ್ಠೇವತದಾಯಾಸಮನಿರ್ಜಿತಾ ।
ನಾದ್ಯೈವಮನುಶೋಚೇಯಂಭರ್ತುರಂಕಗತಾಸತೀ ॥ 56 ॥
ಮನ್ಯೇತುಹೃದಯಂತಸ್ಯಾಃಕೌಸಲ್ಯಾಯಾಃಫಲಿಷ್ಯತಿ ।
ಏಕಪುತ್ರಾಯದಾಪುತ್ರಂವಿನಷ್ಟಂಶ್ರೋಷ್ಯತೇಯುಧಿ ॥ 57 ॥
ಸಾಹಿಜನ್ಮ ಚ ಬಾಲ್ಯಂ ಚ ಯೌವನಂ ಚ ಮಹಾತ್ಮನಃ ।
ಧರ್ಮಕಾರ್ಯಾಣಿರೂಪಂ ಚ ರುದತೀಸಂಸ್ಮರಿಷ್ಯತಿ ॥ 58 ॥
ನಿರಾಶಾನಿಹತೇಪುತ್ರೇದತ್ತ್ವಾಶ್ರಾದ್ಧಮಚೇತನಾ ।
ಅಗ್ನಿಮಾವೇಕ್ಷ್ಯತೇನೂನಮಾಪೋವಾಪಿಪ್ರವೇಕ್ಷ್ಯತಿ ॥ 59 ॥
ಧಿಗಸ್ತುಕುಬ್ಜಾಮಸತೀಂಮಂಥರಾಂಪಾಪನಿಶ್ಚಯಾಮ್ ।
ಯನ್ನಿಮಿತ್ತಮಿಮಂಶೋಕಂಕೌಸಲ್ಯಾಪ್ರತಿಪತ್ಸ್ಯತೇ ॥ 60 ॥
ಇತ್ಯೇವಂಮೈಥಿಲೀಂದೃಷ್ಟವಾವಿಲಪಂತೀಂತಪಸ್ವಿನೀಮ್ ।
ರೋಹಿಣೀಮಿವಚಂದ್ರೇಣವಿನಾಗ್ರಹವಶಂಗತಾಮ್ ॥ 61 ॥
ಏತಸ್ಮಿನ್ನಂತರೇತಸ್ಯಾಮಾತ್ಯಃಶೀಲವಾನ್ ಶುಚಿಃ ।
ಸುಪಾರ್ಶ್ವೋನಾಮಮೇಧಾವೀರಾವಣಂರಕ್ಷಸೇಶ್ವರಮ್ ॥ 62 ॥
ನಿವಾರ್ಯಮಾಣಃಸಚಿವೈರಿದಂವಚನಮಬ್ರವೀತ್ ।
ಕಥಂನಾಮದಶಗ್ರೀವ ಸಾಕ್ಷದ್ವೈಶ್ರವಣಾನುಜ ॥ 63 ॥
ಹಂತುಮಿಚ್ಛಸಿವೈದೇಹೀಂಕ್ರೋಧಾದ್ಧರ್ಮಮಪಾಸ್ಯ ಚ ।
ವೇದವಿದ್ಯಾವ್ರತಸ್ನಾತಃಸ್ವಕರ್ಮನಿರತಸ್ತಥಾ ॥ 64 ॥
ಸ್ತ್ರಿಯಃಕಸ್ಮಾದ್ವಧಂವೀರಮನ್ಯಸೇರಾಕ್ಷಸೇಶ್ವರ ।
ಮೈಥಿಲೀಂರೂಪಸಂಪನ್ನಾಂಪ್ರತ್ಯವೇಕ್ಷಸ್ವಪಾರ್ಥಿವ ॥ 65 ॥
ತಸ್ಮಿನ್ನೇವಸಹಾಸ್ಮಾಭಿರಾಹೇವಕ್ರೋಧಮುತ್ಸೃಜ ।
ಅಭ್ಯುತ್ಥಾನಂತ್ವಮದ್ಯೈವಕೃಷ್ಣಪಕ್ಷಚತುರ್ಧಶೀಮ್ ॥ 66 ॥
ಕೃತ್ವಾನಿರ್ಯಾಹ್ಯಮಾವಾಸ್ಯಾಂವಿಜಯಾಯಬಲೈರ್ವೃತಃ ।
ಶೂರಃಧೀಮಾನ್ ರಥೀಖಡಗೀರಥಪ್ರವಮಾಸ್ಥಿತಃ ॥ 67 ॥
ಹತ್ವಾದಾಶರಥಿಂರಾಮಂಭವಾನ್ ಪ್ರಾಪ್ಸ್ಯಸಿಮೈಥಿಲೀಮ್ ।
ಸ ತದ್ದುರಾತ್ಮಾಸುಹೃದಾನಿವೇದಿತಂವಚಃಸುಧರ್ಮ್ಯಂಪ್ರತಿಗೃಹ್ಯರಾವಣಃ ।
ಗೃಹಂಜಗಾಮಥತತಶ್ಚವೀರ್ಯವಾನ್ ಪುನಃಸಭಾಂ ಚ ಪ್ರಯಯೌಸುಹೃದ್ವೃತಃ ॥ 68 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ತ್ರಿನವತಿತಮಸ್ಸರ್ಗಃ ॥
