ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಏಕತ್ರಿಂಶಸ್ಸರ್ಗಃ ।
ತತಸ್ತಮಕ್ಷೋಭ್ಯಬಲಂಲಂಕಾಧಿಪತಯೇಚರಾಃ ।
ಸುವೇಲೇರಾಘವಂಶೈಲೇನಿವಿಷ್ಟಂಪ್ರತ್ಯವೇದಯನ್ ॥ 1 ॥
ಚಾರಾಣಾಂರಾವಣಶ್ಶ್ರುತ್ವಾಪ್ರಾಪ್ತಂರಾಮಂಮಹಾಬಲಮ್ ।
ಜಾತೋದ್ವೇಗೋಽಭವತ್ಕಿಂಚಿತ್ಸಚಿವಾನಿದಮಬ್ರವೀತ್ ॥ 2 ॥
ಮಂತ್ರಿಣಶ್ಶೀಘ್ರಮಾಯಾಂತುಸರ್ವೇವೈಸುಸಮಾಹಿತಾಃ ।
ಅಯಂನೋಮಂತ್ರಕಾಲೋಹಿಸಂಪ್ರಪ್ತಾಇತಿರಾಕ್ಷಸಾಃ ॥ 3 ॥
ತಸ್ಯತದ್ವಚನಂಶ್ರುತ್ವಾಮಂತ್ರಿಣೋಽಭ್ಯಾಗಮನ್ ದ್ರುತಮ್ ।
ತತಸ್ಸಮಂತ್ರಯಾಮಾಸರಾಕ್ಷಸೈಸ್ಸಚಿವೈಸ್ಸಹ ॥ 4 ॥
ಮಂತ್ರಯಿತ್ವಾಸದುರ್ಧರ್ಷಃಕ್ಷಮಂಯತ್ಸಮನಂತರಮ್ ।
ವಿಸರ್ಜಯಿತ್ವಾಸಚಿವಾನ್ಪ್ರವಿವೇಶಸ್ವಮಾಲಯಮ್ ॥ 5 ॥
ತತೋರಾಕ್ಷಸಮಾಹೂಯವಿದ್ಯುಜ್ಜಿಹ್ವಂಮಹಾಬಲಮ್ ।
ಮಾಯಾವಿದಂಮಹಾಮಾಯಃಪ್ರಾವಿಶದ್ಯತ್ರಮೈಥಿಲೀ ॥ 6 ॥
ವಿದ್ಯುಜ್ಜಿಹ್ವಂಚಮಾಯಾಜ್ಞಮಬ್ರವೀದ್ರಾಕ್ಷಸಾಧಿಪಃ ।
ಮೋಹಯಿಷ್ಯಾವಹೇಸೀತಾಂಮಾಯಯಾಜನಕಾತ್ಮಜಾಮ್ ॥ 7 ॥
ಶಿರೋಮಾಯಾಮಯಂಗೃಹ್ಯರಾಘವಸ್ಯನಿಶಾಚರಃ ।
ತ್ವಂಮಾಂಸಮುತಿಷ್ಠಸ್ವಮಹಚ್ಚಸಶರಂಧನುಃ ॥ 8 ॥
ಏವಮುಕ್ತಸ್ತಥೇತ್ಯಾಹವಿದ್ಯುಜ್ಜಿಹ್ವೋನಿಶಾಚರಃ ।
ದರ್ಶಯಾಮಾಸತಾಂಮಾಯಾಂಸುಪ್ರಯುಕ್ತಾಂಸರಾವಣೇ ॥ 9 ॥
ತಸ್ಯತುಷ್ಟೋಽಭವದ್ರಾಜಾಪ್ರದದೌಚವಿಭೂಷಣಮ್ ।
ಅಶೋಕವನಿಕಾಯಾಂತುಸೀತಾದರ್ಶನಲಾಲಸಃ ।
ವೈರೃತಾನಾಮಧಿಪತಿಸ್ಸಂವಿವೇಶಮಹಾಬಲಃ ॥ 10 ॥
ತತೋದೀನಾಮದೈನ್ಯಾರ್ಹಾಂದದರ್ಶಧನದಾನುಜಃ ॥ 11 ॥
ಅಧೋಮುಖೀಂಶೋಕಪರಾಮುಪವಿಷ್ಟಾಂಮಹೀತಲೇ ।
ಭರ್ತಾರಮೇವಧ್ಯಾಯಂತೀಮಶೋಕವವಿಕಾಂಗತಾಮ್ ॥ 12 ॥
ಉಪಾಸ್ಯಮಾನಾಂಘೋರಾಭೀರಾಕ್ಷಸೀಭಿರಿತಸ್ತತಃ ।
ಉಪಸೃತ್ಯತತಸ್ಸೀತಾಂಪ್ರಹರ್ಷಂನಾಮಕೀರ್ತಯನ್ ॥ 13 ॥
ಇದಂಚವಚನಂಧೃಷ್ಟಮುವಾಚಜನಕಾತ್ಮಜಾಮ್ ।
ಸಾಂತ್ವ್ಯಮಾನಾಮಯಾಭದ್ರೇಯಮುಪಾಶ್ರಿತ್ಯವಲ್ಗಸೇ ।
ಖರಹಂತಾಸತೇಭರ್ತಾರಾಘವಸ್ಸಮರೇಹತಃ ॥ 14 ॥
ಛಿನ್ನಂತೇಸರ್ವತೋಮೂಲಂದರ್ಪಸ್ತೇನಿಹತೋಮಯಾ ।
ವ್ಯಸನೇನಾತ್ಮನಸ್ಸೀತೇ ಮಮಭಾರ್ಯಾಭವಿಷ್ಯಸಿ ॥ 15 ॥
ವಿಸೃಜೇಮಾಂಮತಿಂಮೂಢೇಃ ಕಿಂಮೃತೇನಕರಿಷ್ಯಸಿ ।
ಭವಸ್ವಭದ್ರೇಃ ಭಾರ್ಯಾಣಾಂಸರ್ವೇಸಾಮೀಶ್ವರೀಮಮ ॥ 16 ॥
ಅಲ್ಪಪುಣ್ಯೇಃ ನಿವೃತ್ತಾರ್ಥೇಃ ಮೂಢೇಃ ಪಂಡಿತಮಾನಿನಿಃ ।
ಶೃಣುಭರ್ತೃವಧಂಸೀತೇಃ ಘೋರಂವೃತ್ರವಧಂಯಥಾ ॥ 17 ॥
ಸಮಾಯಾತಸ್ಸಮುದ್ರಾಂತಂಮಾಂಹಂತುಂಕಿಲರಾಘವಃ ।
ವಾನರೇಂದ್ರಪ್ರಣೀತೇನಬಲೇನಮಹತಾವೃತಃ ॥ 18 ॥
ಸನ್ನಿವಿಷ್ಟಸ್ಸಮುದ್ರಸ್ಯಪೀಡ್ಯತೀರಮಥೋತ್ತರಮ್ ।
ಬಲೇನಮಹತಾರಾಮೋವ್ರಜತ್ಯಸ್ತಂದಿವಾಕರೇ ॥ 19 ॥
ಅಥಾಧ್ವನಿಪರಿಶ್ರಾಂತಮರ್ಧರಾತ್ರೇಸ್ಥಿತಂಬಲಮ್ ।
ಸುಖಸುಪ್ತಂಸಮಾಸಾದ್ಯಚಾರಿತ್ರಂಪ್ರಥಮಂಚರೈಃ ॥ 20 ॥
ತತ್ಪ್ರಹಸ್ತಪ್ರಣೀತೇನಬಲೇನಮಹತಾಮಮ ।
ಬಲಮಸ್ಯಹತಂರಾತ್ರೌಯತ್ರರಾಮಸ್ಸಲಕ್ಷ್ಮಣಃ ॥ 21 ॥
ಪಟ್ಟಸಾನ್ಪರಿಘಾಂಶ್ಚಕ್ರಾಂದಂಡಾನ್ಮಹಾಯಶಾನ್ ।
ಬಾಣಜಾಲಾನಿಶೂಲಾನಿಭಾಸ್ವರಾನ್ಕೂಟಮುದ್ಗರಾನ್ ॥ 22 ॥
ಯಷ್ಟೀಶ್ಚತೋಮರಾನ್ ಶಕ್ತೀಶ್ಚಕ್ರಾಣಿಮುಸಲಾನಿಚ ।
ಉದ್ಯಮ್ಯೋದ್ಯಮ್ಯರಕ್ಷೋಭಿರ್ವಾನರೇಷುನಿಪಾತಿತಾಮ್ ॥ 23 ॥
ಅಥಸುಪ್ತಸ್ಯರಾಮಸ್ಯಪ್ರಹಸ್ತೇನಪ್ರಮಾಥಿನಾ ।
ಅಸಕ್ತಂಕೃತಹಸ್ತೇನಶಿರಶ್ಛಿನ್ನಂಮಹಾಸಿನಾ ॥ 24 ॥
ವಿಭೀಷಣಸ್ಸಮುತ್ಪತ್ಯನಿಗೃಹೀತೋಯದೃಚ್ಛಯಾ ।
ದಿಶಃಪ್ರವ್ರಾಜಿತಸ್ಸರ್ವೈಸ್ಸರ್ಲಕ್ಷ್ಮಣಃಪ್ಲವಗೈಸ್ಸಹಾ ॥ 25 ॥
ಸುಗ್ರೀವೋಗ್ರೀನಯಾಸೀತೇಭಗ್ನಯಾಪ್ಲವಗಾಧಿಪಃ ।
ನಿರಸ್ತಹನುಕಶ್ಶೇತೇಹನುಮಾನ್ರಾಕ್ಷಸೈರ್ಹತಃ ॥ 26 ॥
ಜಾಂಬವಾನಥಜಾನುಭ್ಯಾಮುತ್ಪತನ್ನಿಹತೋಯುಧಿ ।
ಪಟ್ಟಸೈರ್ಬಹುಭಿಶ್ಛಿನ್ನೋನಿಕೃತ್ತಃಪಾದಪೋಯಥಾ ॥ 27 ॥
ಮೈಂದಶ್ಚದ್ವಿವಿದಶ್ಚೋಭೌನಿಹತೌವಾನರರ್ಷಭೌ ॥ 28 ॥
ನಿಶ್ಶ್ವಸಂತೌರುದಂತೌಚರುಧಿರೇಣಸಮುಕ್ಷಿತೌ ।
ಅಸಿನಾವ್ಯಾಯತೌಛಿನ್ನೌಮಧ್ಯೇಹ್ಯರಿನಿಷೂದನೌ ॥ 29 ॥
ಅನುತಿಷ್ಠತಿಮೇದಿನ್ಯಾಂಪನಸಃಪನಸೋಯಥಾ ॥ 30 ॥
ನಾರಾಚೈರ್ಬಹುಭಿಶ್ಚಿನ್ನಶ್ಶೇತೇದರ್ಯಾಂದರೀಮುಖಃ ।
ಕುಮುದಸ್ತುಮಹಾತೇಜಾನಿಷ್ಕೂಜನ್ಸಾಯಕೈಃ ಕೃತಃ ॥ 31 ॥
ಅಂಗದೋಬಹುಭಿಶ್ಛಿನ್ನಶ್ಶರೈರಾಸಾದ್ಯರಾಕ್ಷಸೈಃ ।
ಪತಿತೋರುಧಿರೋದ್ಗಾರೀಕ್ಷಿತೌನಿಪತಿತಾಂಗದಃ ॥ 32 ॥
ಹರಯೋಮಥಿತಾನಾಗೈರಥಜಾತೈಸ್ತಥಾಪರೇ ।
ಶಯಿತಾಮೃದಿತಾಶ್ಚಾಶ್ವೈರ್ಯಾಯುವೇಗೈರಿವಾಂಬುದಾಃ ॥ 33 ॥
ಪ್ರಹೃತಾಶ್ಚಪರೇತ್ರಸ್ತಾಹಸ್ಯಮಾನಾಜಘನ್ಯತಃ ।
ಅಭಿದ್ರುತಾಸ್ತುರಕ್ಷೋಭಿಸ್ಸಿಂಹೈರಿವಮಹಾದ್ವಿಪಾಃ ॥ 34 ॥
ಸಾಗರೇಪತಿತಾಃಕೇಚಿತ್ಕೇಚಿಗ್ದಗನಮಾಶ್ರಿತಾಃ ।
ಋಕ್ಷಾವೃಕ್ಷಾನುಪಾರೂಢಾವಾನರೀಂವೃತ್ತಿಮಾಶ್ರಿತಾಃ ॥ 35 ॥
ಸಾಗರಸ್ಯಚತೀರೇಷುಶೈಲೇಷುಚವನೇಷುಚ ।
ಪಿಂಗಲಾಸ್ತೇವಿರೂಪಾಕ್ಷೈರ್ಬಹುಭಿರ್ಬಹವೋಹತಾಃ ॥ 36 ॥
ಏವಂತವಹತೋಭರ್ತಾಸಸೈನ್ಯೋಮಮಸೇನಯಾ ।
ಕ್ಷತಜಾರ್ದ್ರಂರಜೋಧ್ವಸ್ತಮಿದಂಚಸ್ಯಾಹೃತಂಶಿರಃ ॥ 37 ॥
ತತಃಪರಮದುರ್ಧರ್ಷೋರಾವಣೋರಾಕ್ಷಸೇಶ್ವರಃ ।
ಸೀತಾಯಾಮುಪಶಂತ್ಯಾಂರಾಕ್ಷಸೀಮಿದಮಬ್ರವೀತ್ ॥ 38 ॥
ರಾಕ್ಷಸಂಕ್ರೂರಕರ್ಮಾಣಂವಿದ್ಯುಜ್ಜಿಹ್ವಂತ್ವಮಾನಯ ।
ಯೇನತದ್ರಾಘವಶಿರಸ್ಸಂಗ್ರಾಮಾತ್ಸ್ವಯಮಾಹೃತಮ್ ॥ 39 ॥
ವಿದ್ಯುಜ್ಜಿಹ್ವಸ್ತತೋಗೃಹ್ಯಶಿರಸ್ತತ್ಸಶರಾಸನಮ್ ।
ಪ್ರಣಾಮಂಶಿರಸಾಕೃತ್ವಾರಾವಣಸ್ಯಾಗ್ರತಸ್ಥಿತಃ ॥ 40 ॥
ತಮಬ್ರವೀತ್ತತೋರಾಜಾರಾವಣೋರಾಕ್ಷಸಂಸ್ಥಿತಮ್ ।
ವಿದ್ಯುಜ್ಜಿಹ್ವಂಮಹಾಜಿಹ್ವಂಸಮೀಪಪರಿವರ್ತಿನಮ್ ॥ 41 ॥
ಅಗ್ರತಃಕುರುಸೀತಾಯಾಶ್ಶೀಘ್ರಂದಾಶರಧೇಶಶಿರಃ ।
ಅವಸ್ಥಾಂಪಶ್ಚಿಮಾಂಭರ್ತುಃಕೃಪಣಾಸಾಧುಪಶ್ಯತು ॥ 42 ॥
ಏವಮುಕ್ತಂತುತದ್ರಕ್ಷಶಶಿರಸ್ತತ್ಪ್ರಿಯದರ್ಶನಮ್ ।
ಉಪನಿಕ್ಷಿಪ್ಯಸೀತಾಯಾಃಕ್ಷಿಪ್ರಮಂತರಧೀಯತ ॥ 43 ॥
ರಾವಣಶ್ಚಾಪಿಚಿಕ್ಷೇಪಭಸ್ವರಂಕಾರ್ಮುಕಂಮಹತ್ ।
ತ್ರಿಷುಲೋಕೇಷುವಿಖ್ಯಾತಂಸೀತಾಮಿದಮುವಾಚಹ ॥ 44 ॥
ಇದಂತುತವರಾಮಸ್ಯಕಾರ್ಮುಕಂಜ್ಯಾಸಮಾಯುತಮ್ ।
ಇಹಪ್ರಹಸ್ತೇನಾನೀತಂಹತ್ವಾತಂನಿಶಿಮಾನುಷಮ್ ॥ 45 ॥
ಸವಿದ್ಯುಜ್ಜಿಹ್ವೇನಸಹೈವತಚ್ಛಿರೋಧನುಶ್ಚಭೂಮೌವಿನಿಕೀರ್ಯರಾವಣಃ ।
ವಿದೇಹರಾಜಸ್ಯಸುತಾಂಯಶಸ್ವಿನೀಂತತೋಽಬ್ರವೀತ್ತಾಂಭವಮೇವಶಾನುಗಾ ॥ 46 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಏಕತ್ರಿಂಶಸ್ಸರ್ಗಃ ॥
