ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಪಂಚಾಶಸ್ಸರ್ಗಃ ।
ಅಥೋವಾಚಮಹಾತೇಜಾಹರಿರಾಜೋಮಹಾಬಲಃ ।
ಕಿಮಿಯಂವ್ಯಥಿತಾಸೇನಾಮೂಢವಾತೇವನೌರ್ಜಲೇ ॥ 1 ॥
ಸುಗ್ರೀವಸ್ಯವಚಶ್ಶ್ರುತ್ವಾವಾಲಿಪುತ್ರೋಽಂಗದೋಽಬ್ರವೀತ್ ।
ನತ್ವಂಪಶ್ಯಸಿರಾಮಂಚಲಕ್ಷ್ಮಣಂಚಮಹಾರಥಮ್ ॥ 2 ॥
ಶರಜಾಲಚಿತೌವೀರಾವುಭೌದಶರಥಾತ್ಮಜೌ ।
ಶರತಲ್ಪೇಮಹಾತ್ಮಾನೌಶಯಾನೌರುಧಿರೋಕ್ಷಿತೌ ॥ 3 ॥
ಅಥಾಬ್ರವೀದ್ವಾನರೇಂದ್ರಸ್ಸುಗ್ರೀವಃಪುತ್ರಮಂಗದಮ್ ।
ನಾನಿಮಿತ್ತಮಿದಂಮನ್ಯೇಭವಿತವ್ಯಂಭಯೇನತು ॥ 4 ॥
ವಿಷಣ್ಣವದನಾಹ್ಯೇತೇತ್ಯಕ್ತಪ್ರಹರಣಾದಿಶಃ ।
ಪ್ರಪಲಾಯಂತಿಹರಯಸ್ತ್ರಾಸಾದುತ್ಫುಲ್ಲಲೋಚನಾಃ ॥ 5 ॥
ಅನ್ಯೋನ್ಯಸ್ಯನಲಜ್ಜಂತೇನಿರೀಕ್ಷಂತಿಪೃಷ್ಠತಃ ।
ವಿಪ್ರಕರ್ಷಂತಿಚಾನ್ಯೋನ್ಯಂಪತಿತಂಲಂಘಯಂತಿಚ ॥ 6 ॥
ಏತಸ್ಮಿನ್ನಂತರೇವೀರೋಗದಾಪಾಣಿರ್ವಿಭೀಷಣಃ ।
ಸುಗ್ರೀವಂವರ್ಧಯಾಮಾಸರಾಘವಂಚನಿರೈಕ್ಷತ ॥ 7 ॥
ವಿಭೀಷಣಂಚಸುಗ್ರೀವೋದೃಷ್ಟವಾವಾನರಭೀಷಣಮ್ ।
ಋಕ್ಷರಾಜಂಮಹಾತ್ಮಾನಂಸಮೀಪಸ್ಥಮುವಾಚಹ ॥ 8 ॥
ವಿಭೀಷಣೋಽಯಂಸಂಪ್ರಾಪ್ತೋಯಂದೃಷ್ಟವಾವಾನರರ್ಷಭಾಃ ।
ವಿದ್ರವಂತಿಪರಿತತ್ರಸರಾವಣಾತ್ಮಜಶಂಕಯಾ ॥ 9 ॥
ಶೀಘ್ರಮೇತಾನ್ ಸುಸಂತ್ರಸ್ತಾನ್ಬಹುಧಾವಿಪ್ರಧಾವಿತಾನ್ ।
ಪರ್ಯವಸ್ಥಾಪಯಾಖ್ಯಾಹಿವಿಭೀಷಣಮುಪಸ್ಥಿತಮ್ ॥ 10 ॥
ಸುಗ್ರೀವೇಣೈವಮುಕ್ತಸ್ತುಜಾಂಬವಾನೃಕ್ಷಪಾರ್ಥಿವಃ ।
ವಾನರಾನ್ಸಾಂತ್ವಯಾಮಾಸಸನ್ನಿರುಧ್ಯಪ್ರಧಾನತಃ ॥ 11 ॥
ತೇನಿವೃತ್ತಾಃಪುನಃಸರ್ವೇವಾನರಾಸ್ತ್ಯಕ್ತಸಂಭ್ರಮಾಃ ।
ಋಕ್ಷರಾಜವಚಶ್ಶ್ರುತ್ವಾತಂಚದೃಷ್ಟವಾವಿಭೀಷಣಮ್ ॥ 12 ॥
ವಿಭೀಷಣಸ್ತುರಾಮಸ್ಯದೃಷ್ಟವಾಗಾತ್ರಂಶರೈಶ್ಚಿತಮ್ ।
ಲಕ್ಷ್ಮಣಸ್ಯಚಧರ್ಮಾತ್ಮಾಬಭೂವವ್ಯಥಿತಸ್ತದಾ ॥ 13 ॥
ಜಲಕ್ಲಿನ್ನೇನಹಸ್ತೇನತಯೋರ್ನೇತ್ರೇಪ್ರಮೃಜ್ಯಚ ।
ಶೋಕಸಂಪೀಡಿತಮನಾರುರೋದವಿಲಲಾಪಚ ॥ 14 ॥
ಇಮೌತೌಸತ್ತ್ವಸಂಪನ್ನೌವಿಕ್ರಾಂತೌಪ್ರಿಯಸಮ್ಯುಗೌ ।
ಇಮಾಮವಸ್ಥಾಂಗಮಿತೌರಾಕ್ಷಸೈಃಕೂಟಯೋಧಿಭಿಃ ॥ 15 ॥
ಭ್ರಾತುಃಪುತ್ರೇಣಮೇತೇನದುಷ್ಪುತ್ರೇಣದುರಾತ್ಮನಾ ।
ರಾಕ್ಷಸ್ಯಾಜಿಹ್ಮಯಾಬುಧ್ಯಾಚಾಲಿತಾವೃಜುವಿಕ್ರಮೌ ॥ 16 ॥
ಶರೈರಿಮಾವಲಂವಿದ್ಧೌರುಧಿರೇಣಸಮುಕ್ಷಿತೌ ।
ವಸುಧಾಯಾಮಿಮೌಸುಪ್ತೌದೃಶ್ಯೇತೇಶಲ್ಯಕಾವಿವ ॥ 17 ॥
ಯಯೋರ್ವೀರ್ಯಮುಪಾಶ್ರಿತ್ಯಪ್ರತಿಷ್ಠಾಕಾಂಕ್ಷಿತಾಮಯಾ ।
ತಾವುಭೌದೇಹನಾಶಾಯಪ್ರಸುಪ್ತೌಪುರುಷರ್ಷಭೌ ॥ 18 ॥
ಜೀವನ್ನದ್ಯವಿಪನ್ನೋಽಸ್ಮಿನಷ್ಟರಾಜ್ಯಮನೋರಥಃ ।
ಪ್ರಾಪ್ತಪ್ರತಿಜ್ಞಶ್ಚರಿಪುಃಸಕಾಮೋರಾವಣಃಕೃತಃ ॥ 19 ॥
ಏವಂವಿಲಪಮಾನಂತಂಪರಿಷ್ವಜ್ಯವಿಭೀಷಣಮ್ ।
ಸುಗ್ರೀವಃಸತ್ತ್ವಸಂಪನ್ನೋಹರಿರಾಜೋಽಬ್ರವೀದಿದಮ್ ॥ 20 ॥
ರಾಜ್ಯಂಪ್ರಾಪ್ಸ್ಯಸಿಧರ್ಮಜ್ಞ ಲಂಕಾಯಾಂನಾತ್ರಸಂಶಯಃ ।
ರಾವಣಸ್ಸಹಪುತ್ರೇಣಸ್ವಕಾಮಂನೇಹಲಪ್ಸ್ಯತೇ ॥ 21 ॥
ನರುಜಾಪೀಡಿತಾವೇತಾವುಭೌರಾಘವಲಕ್ಷ್ಮಣೌ ।
ತ್ಯಕ್ತ್ವಾಮೋಹಂವಧಿಷ್ಯೇತೇಸಗಣಂರಾವಣಂರಣೇ ॥ 22 ॥
ತಮೇವಂಸಾಂತ್ವಯಿತ್ವಾತುಸಮಾಶ್ವಾಸ್ಯಚರಾಕ್ಷಸಮ್ ।
ಸುಷೇಣಂಶ್ವಶುರಂಪಾರ್ಶ್ವೇಸುಗ್ರೀವಸ್ತಮುವಾಚಹ ॥ 23 ॥
ಸಹಶೂರೈರ್ಹರಿಗಣೈರ್ಲಬ್ಧಸಂಜ್ಞಾವರಿಂದಮೌ ।
ಗಚ್ಛತ್ವಂಭ್ರಾತರಂಗೃಹ್ಯಕಿಷ್ಕಿಂಧಾಂರಾಮಲಕ್ಷ್ಮಣೌ ॥ 24 ॥
ಅಹಂತುರಾವಣಂಹತ್ವಾಸಪುತ್ರಂಸಹಬಾಂಧವಮ್ ।
ಮೈಥಿಲೀಮಾನಯಿಷ್ಯಾಮಿಶಕ್ರೋನಷ್ಟಾಮಿವಶ್ರಿಯಮ್ ॥ 25 ॥
ಶ್ರುತ್ವೈತದ್ವಾನರೇಂದ್ರಸ್ಯಸುಷೇಣೋವಾಕ್ಯಮಬ್ರವೀತ್ ।
ದೈವಾಸುರಂಮಹದ್ಯುದ್ಧಮನುಭೂತಂಸುದಾರುಣಮ್ ॥ 26 ॥
ತದಾಸ್ಮದಾನವಾಶರಸಮ್ಸ್ಪರ್ಶಕೋವಿದಾಃ ।
ನಿಜಘ್ನುಶ್ಶಸ್ತ್ರವಿದುಷಶ್ಚಾದಯಂತೋಮುಹುರ್ಮುಹುಃ ॥ 27 ॥
ತಾನಾರ್ತಾನ್ನಷ್ಟಸಂಜ್ಞಾಂಶ್ಚಗತಾಸೂಂಶ್ಚಬೃಹಸ್ಪತಿಃ ।
ವಿದ್ಯಾಭಿರ್ಮಂತ್ರಯುಕ್ತಾಭಿರೋಷಧೀಭಿಶ್ಚಿಕಿತ್ಸತಿ ॥ 28 ॥
ತಾನ್ಯೌಷಧಾನ್ಯಾನಯಿತುಂಕ್ಷೀರೋದಂಯಾಂತುಸಾಗರಮ್ ।
ಜವೇನವಾನರಾಃಶೀಘ್ರಂಸಂಪಾತಿಪನಸಾದಯಃ ॥ 29 ॥
ಹರಯಸ್ತುವಿಜಾನಂತಿಪಾರ್ವತೀಸ್ತಾಮಹೌಷಧೀಃ ।
ಸಂಜೀವಕರಣೀಂದಿವ್ಯಾಂವಿಶಲ್ಯಾಂದೇವನಿರ್ಮಿತಾಮ್ ॥ 30 ॥
ಚಂದ್ರಶ್ಚನಾಮದ್ರೋಣಶ್ಚಕ್ಷೀರೋದೇಸಾಗರೋತ್ತಮೇ ।
ಅಮೃತಂಯತ್ರಮಥಿತಂತತ್ರತೇಪರಮೌಷಧೀ ॥ 31 ॥
ತೌತತ್ರವಿಹಿತೇದೇವೈಃಪರ್ವತೌಮಹೋದಧೌ ।
ಅಯಂವಾಯುಸುತೋರಾಜನ್ ಹನೂಮಾಂಸ್ತತ್ರಗಚ್ಛತು ॥ 32 ॥
ಏತಸ್ಮಿನ್ನಂತರೇವಾಯುರ್ಮೇಗಾಂಶ್ಚಾಪಿಸವಿದ್ಯುತಃ ।
ಪರ್ಯಸ್ಯಸಾಗರೇತೋಯಂಕಂಪಯನನಿವಮೇದಿನೀಮ್ ॥ 33 ॥
ಮಹತಾಪಕ್ಷವಾತೇನಸರ್ವವದೀಪಮಹಾದ್ರುಮಾಃ ।
ನಿಪೇತುರ್ಭಗ್ನವಿಟಪಾಃಸಲಿಲೇಲವಣಾಂಭಸಿ ॥ 34 ॥
ಅಭವನ್ ಪನ್ನಗಾಸ್ತ್ರಸ್ತಾಭೋಗಿನಸ್ತತ್ರವಾಸಿನಃ ।
ಶೀಘ್ರಂಸರ್ವಾಣಿಯಾದಾಂಸಿಜಗ್ಮುಶ್ಚಲವಣಾರ್ಣವಮ್ ॥ 35 ॥
ತತೋಮುಹೂರ್ತಾರ್ಗರುಡಂವೈನತೇಯಂಮಹಾಬಲಮ್ ।
ವಾನರಾದದೃಶುಃಸರ್ವೇಜ್ವಲಂತಮಿವಪಾವಕಮ್ ॥ 36 ॥
ತಮಾಗತಮಭಿಪ್ರೇಕ್ಷ್ಯನಾಗಾಸ್ತೇಸಂಪ್ರದುದ್ರುವುಃ ।
ಯೈಸ್ತೌಸತ್ಪುರುಷೌಬದ್ಧೌಶರಭೂತೈರ್ಮಹಾಬಲೌ ॥ 37 ॥
ತತಸ್ಸುಪರ್ಣಃಕಾಕುತ್ಸ್ಥೌಸ್ಪೃಷ್ಟವಾಪ್ರತ್ಯಭಿನದನಿತಃ ।
ವಿಮಮರ್ಶಚಪಾಣಿಭ್ಯಾಂಮುಖೇಚಂದ್ರಸಮಪ್ರಭೇ ॥ 38 ॥
ವೈನತೇಯೇನಸಮ್ಸ್ಪೃಷ್ಟಾಸ್ತಯೋಃಸಮ್ರುರುಹುರ್ವ್ರಣಾಃ ।
ಸುವರ್ಣೇಚತನೂಸ್ನಿಗ್ಧೇತಯೋರಾಶುಬಭೂವತುಃ ॥ 39 ॥
ತೇಜೋ ವೀರ್ಯಂ ಬಲಂ ಚ ಓಜ;ಉತ್ಸಾಹಶ್ ಚ ಮಹಾ ಗುಣಾಃ ।
ಪ್ರದರ್ಶನಂ ಚ ಬುದ್ಧಿಶ್ ಚ ಸ್ಮೃತಿಶ್ ಚ ದ್ವಿಗುಣಂ ತಯೋಃ ॥ 40 ॥
ತಾವುತ್ಥಾಪ್ಯಮಹಾತೇಜಾಗರುಡೋವಾಸವೋಪಮೌ ।
ಉಭೌತೌಸಸ್ವಜೇಹೃಷ್ಟೋರಾಮಶ್ಚೈನಮುವಾಚಹ ॥ 41 ॥
ಭವತ್ಪ್ರಸಾದಾದ್ ವ್ಯಸನಂರಾವಣಿಪ್ರಭವಂಮಹತ್ ।
ಆವಾಮಿಹವ್ಯತಿಕ್ರಾಂತೌಪೂರ್ವವದ್ ಬಲಿನೌಕೃತೌ ॥ 42 ॥
ಯಥಾತಾತಂದಶರಥಂಯಥಾಽಜಂಚಪಿತಾಮಹಮ್ ।
ತಥಾಭವಂತಮಾಸಾದ್ಯಹೃದಯಂಮೇಪ್ರಸೀದತಿ ॥ 43 ॥
ಕೋಭವಾನ್ರೂಪಸಂಪನ್ನೋದಿವ್ಯಸ್ರಗನುಲೇಪನಃ ।
ವಸಾನೋವಿರಜೇವಸ್ತ್ರದಿವ್ಯಾಭರಣಭೂಷಿತಃ ॥ 44 ॥
ತಮುವಾಚಮಹಾತೇಜಾವೈನತೇಯೋಮಹಾಬಲಃ ।
ಪತತ್ತ್ರಿರಾಜಃಪ್ರೀತಾತ್ಮಾಹರ್ಷಪರ್ಯಾಕುಲೇಕ್ಷಣಃ ॥ 45 ॥
ಅಹಂಸಖಾತೇಕಾಕುತ್ಸ್ಥ ಪ್ರಿಯಃಪ್ರಾಣೋಬಹಿಶ್ಚರಃ ।
ಗರುತ್ಮಾನಿಹಸಂಪ್ರಾಪ್ತೋಯುವಯೋಃಸಾಹ್ಯಕಾರಣಾತ್ ॥ 46 ॥
ಅಸುರಾವಾಮಹಾವೀರ್ಯಾವಾನರಾವಾಮಹಾಬಲಾಃ ।
ಸುರಾಶ್ಚಾಪಿಸಗಂಧ್ವರ್ವಾಃಪುರಸ್ಕೃತ್ಯಶತಕ್ರತುಮ್ ॥ 47 ॥
ನೇಮಂಮೋಕ್ಷಯಿತುಂಶಕ್ತಾಶ್ಶರಬಂಧಂಸುದಾರುಣಮ್ ।
ಮಾಯಾಬಲಾದಿಂದ್ರಜಿತಾನಿರ್ಮಿತಂಕ್ರೂರಕರ್ಮಣಾ ॥ 48 ॥
ಏತೇನಾಗಾಃಕಾದ್ರವೇಯಾಸ್ತೀಕ್ಷ್ಣದಂಷ್ಟ್ರಾವಿಷೋಲ್ಬಣಾಃ ।
ರಕ್ಷೋಮಾಯಾಪ್ರಭಾವೇಣಶರಾಭೂತ್ವಾಸ್ತ್ವದಾಶ್ರಿತಾಃ ॥ 49 ॥
ಸಭಾಗ್ಯಶ್ಚಾಸಿಧರ್ಮಜ್ಞ ರಾಮ ಸತ್ಯಪರಾಕ್ರಮ ।
ಲಕ್ಷ್ಮಣೇನಸಹಭ್ರಾತ್ರಾಸಮರೇರಿಪುಘಾತಿನಾ ॥ 50 ॥
ಇಮಂಶ್ರುತ್ವಾತುವೃತ್ತಾಂತಂತ್ವರಮಾಣೋಽಹಮಾಗತಃ ।
ಸಹಸಾಯುವಯೋಃಸ್ನೇಹಾತ್ಸಖಿತ್ವಮನುಪಾಲಯನ್ ॥ 51 ॥
ಮೋಕ್ಷಿತೌಚಮಹಾಘೋರಾದಸ್ಮಾತ್ಸಾಯಕಬಂಧನಾತ್ ।
ಅಪ್ರಮಾದಶ್ಚಕರ್ತವ್ಯೋಯುವಾಭ್ಯಾಂನಿತ್ಯಮೇವಚ ॥ 52 ॥
ಪ್ರಕೃತ್ಯಾರಾಕ್ಷಸಾಃಸರ್ವೇಸಂಗ್ರಾಮೇಕೂಟಯೋಧಿನಃ ।
ಶೂರಾಣಾಂಶುದ್ಧಭಾವಾನಾಂಭವತಾಮರಾರ್ಜವಂಬಲಮ್ ॥ 53 ॥
ತನ್ನವಿಶ್ವಸನೀಯಂವೋರಾಕ್ಷಸಾನಾಂರಣಾಜಿರೇ ।
ಏತೇನೈವೋಪಮಾನೇನನಿತ್ಯಂಜಿಹ್ಮಾಹಿರಾಕ್ಷಸಾಃ ॥ 54 ॥
ಏವಮುಕ್ತ್ವಾತದಾರಾಮಂಸುಪರ್ಣಸ್ಸುಮಹಾಬಲಃ ।
ಪರಿಷ್ವಜ್ಯಚಸುಹೃತ್ಸ್ನಿಗ್ಧಮಾಪ್ರಷ್ಟುಮುಪಚಕ್ರಮೇ ॥ 55 ॥
ಸಖೇ ರಾಘವ ಧರ್ಮಜ್ಞ ರಿಪೂಣಾಮಪಿವತ್ಸಲ ।
ಅಭ್ಯನುಜ್ಞಾತುಮಿಚ್ಛಾಮಿಗಮಿಷ್ಯಾಮಿಯಥಾಮತಮ್ ॥ 56 ॥
ನಚಕೌತೂಹಲಂಕಾರ್ಯಂಸಖಿತ್ವಂಪ್ರತಿರಾಘವ ।
ಕೃತಕರ್ಮಾರಣೇವೀರ ಸಖಿತ್ವಂಪ್ರತಿವೇತ್ಸ್ಯಸಿ ॥ 57 ॥
ಬಾಲವೃದ್ಧಾವಶೇಷಾಂತುಕೃತ್ವಾಲಂಕಾಂಶರೋರ್ಮಿಭಿಃ ।
ರಾವಣಂಚರಿಪುಂಹತ್ವಾಸೀತಾಂತ್ವಂಸಮುಲಪ್ಸ್ಯತೇ ॥ 58 ॥
ಪ್ರದಕ್ಷಿಣಂತತಃಕೃತ್ವಾಪರಿಷ್ವಜ್ಯಚವೀರ್ಯವಾನ್ ।
ಜಗಾಮಾಕಾಶಮಾವಿಶ್ಯಸುಪರ್ಣಃಪವನೋಯಥಾ ॥ 59 ॥
ವಿರುಜೌರಾಘವೌದೃಷ್ಟವಾತತೋವಾನರಯೂಥಪಾಃ ।
ಸಿಂಹನಾದಾಂಸ್ತದಾನೇದುರ್ಲಂಗೂಲಂಂದುಧುವುಸ್ತದಾ ॥ 60 ॥
ತತೋಭೇರೀಸ್ಸಮಾಜಘ್ನುರ್ಮೃದಂಗಾಂಶ್ಚಾಪ್ಯನಾದಯನ್ ।
ದಧ್ಮುಶ್ಶಂಖಾನ್ಸಂಪ್ರಹೃಷ್ಟಾಃಕ್ಷೇವಲಂತ್ಯಪಿಯಥಾಪುರಮ್ ॥ 61 ॥
ಆಸ್ಫೋಟ್ಯಾಃಸ್ಪೋಟ್ಯವಿಕ್ರಾಂತಾಃವಾನರಾಃನಗಯೋಧಿನಃ ।
ದ್ರುಮಾನುತ್ಪಟ್ಯವಿವಿಧಾಂಸ್ತಸ್ಥುಶ್ಶತಸಹಸ್ರಶಃ ॥ 62 ॥
ವಿಸೃಜಂತೋಮಹಾನಾದಾಂಸ್ತ್ರಾಸಯಂತೋನಿಶಾಚರಾನ್ ।
ಲಂಕಾದ್ವಾರಾಣ್ಯುಪಾಜಗ್ಮುರ್ಯುದ್ಧಕಾಮಾಃಪ್ಲವಂಗಮಾಃ ॥ 63 ॥
ತೇಷಾಂಸುಖೀಮಸ್ತುಮುಲೋನಿನಾದೋಬಭೂವಶಾಖಾಮೃಗಯೂಥಪಾನಾಮ್ ।
ಕ್ಷಯೇನಿದಾಘಸ್ಯಯಥಾಘನಾನಾಂನಾದಸ್ಸುಭೀಮೋನದತಾಂನಿಶೀಥೇ ॥ 64 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಪಂಚಾಶಸ್ಸರ್ಗಃ ॥
