ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ತ್ರಯೋವಿಂಶಸ್ಸರ್ಗಃ ।
ನಿಮಿತ್ತಾನಿನಿಮಿತ್ತಾಜ್ಞೋದೃಷ್ಟವಾಲಕ್ಷ್ಮಣಪೂರ್ವಜಃ ।
ಸೌಮಿತ್ರಿಂಸಂಪರಿಷ್ವಜ್ಯೈದಂವಚನಮಬ್ರವೀತ್ ॥ 1 ॥
ನಿಮಿತ್ತಾನಿಪರಿಗೃಹ್ಯೋದಕಂಶೀತಂವನಾನಿಫಲವಂತಿಚ ।
ಬಲೌಘಂಸಂವಿಭಜ್ಯೇಮಂವ್ಯೂಹ್ಯತಿಷ್ಠೇಮಲಕ್ಷ್ಮಣ ॥ 2 ॥
ಲೋಕಕ್ಷಯಕರಂಭೀಮಂಭಯಂಪಶ್ಯಾಮ್ಯುಪಸ್ಥಿತಮ್ ।
ನಿಬರ್ಹಣಂಪ್ರವೀರಾಣಾಮೃಕ್ಷವಾನರರಕ್ಷಸಾಮ್ ॥ 3 ॥
ವಾತಾಶ್ಚಕಲುಷಾವಾಂತಿಕಂಪತೇಚವಸುಂಧರಾಃ ।
ಪರ್ವತಾಗ್ರಾಣಿವೇಪಂತೇಪತಂತಿಚಮಹೀರುಹಾಃ ॥ 4 ॥
ಮೇಘಾಃಕ್ರವ್ಯಾದಸಂಕಾಶಾಃಪರುಷಾಃಪರುಷಸ್ವನಾಃ ।
ಕ್ರೂರಾಃಕ್ರೂರಂಪ್ರವರ್ಷಂತಿಮಿಶ್ರಂಶೋಣಿತಬಿಂದುಭಿಃ ॥ 5 ॥
ರಕ್ತಚಂದನಸಂಕಾಶಾಸಂಧ್ಯಾಪರಮದಾರುಣಾ ।
ಜ್ವಲತಃಪ್ರಪತತ್ಯೇತದಾದಿತ್ಯಾದಗ್ನಿಮಂಡಲಮ್ ॥ 6 ॥
ದೀನಾದೀನಸ್ವರಾಃಕ್ರೂರಾಸ್ಸರ್ವತೋಮೃಗಪಕ್ಷಿಣಃ ।
ಪ್ರತ್ಯಾದಿತ್ಯಂವಿನರ್ಧಂತಿಜನಯಂತೋಮಹಾದ್ಭಯಮ್ ॥ 7 ॥
ರಜನ್ಯಾಮಪ್ರಕಾಶಸ್ತುಸಂತಾಪಯತಿಚಂದ್ರಮಾಃ ।
ಕೃಷ್ಣರಕ್ತಾಂಶುಪರ್ಯಂತೋಲೋಕಕ್ಷಯೈವೋದಿತಃ ॥ 8 ॥
ಹ್ರಸ್ವೋರೂಕ್ಷೋಽಪ್ರಶಸ್ತಶ್ಚಪರಿವೇಷಸ್ಸುಲೋಹಿತಃ ।
ಆದಿತ್ಯೇವಿಮಲೇನೀಲಂಲಕ್ಷ್ಮಲಕ್ಷ್ಮಣದೃಶ್ಯತೇ ॥ 9 ॥
ರಜಸಾಮಹತಾಚಾಪಿನಕ್ಷತ್ರಾಣಿಹತಾನಿಚ ।
ಯುಗಾಂತಮಿವಲೋಕಾನಾಂಪಶ್ಯಶಂಸಂತೀವಲಕ್ಷ್ಮಣ ॥ 10 ॥
ಕಾಕಾಶ್ಶ್ಯೇನಾಸ್ತಥಾನೀಚಾಗೃಧ್ರಾಃಪರಿಪತಂತಿಚ ।
ಶಿವಾಶ್ಚಾಪ್ಯಶಿವಾನ್ನಾದಾನ್ನದಂತಿಸುಮಹಾಭಯಾನ್ ॥ 11 ॥
ಶೈಲೈಶ್ಶೂಲೈಶ್ಚಖಢಗೈಶ್ಚವಿಸೃಷ್ಟೈಃಕಪಿರಾಕ್ಷಸೈಃ ।
ಭವಿಷ್ಯತ್ಯಾವೃತಾಭೂಮಿರ್ಮಾಂಸಶೋಣಿತಕರ್ದಮಾ ॥ 12 ॥
ಕ್ಷಿಪ್ರಮದ್ಯೈವದುರ್ದರ್ಷಾಂಪುರೀಂರಾವಣಪಾಲಿತಾಮ್ ।
ಅಭಿಯಾಮಜನೇನೈವಸರ್ವತೋಹರಿಭಿರ್ವವೃತಾಃ ॥ 13 ॥
ಇತ್ಯೇವಮುಕ್ತ್ವಾಧರ್ಮಾತ್ಮಾಧನವೀಸಂಗ್ರಾಮಹರ್ಷಣಃ ।
ಪ್ರತಸ್ಥೇಪುರತೋರಾಮೋಲಂಕಾಮಭಿಮುಖೋವಿಭುಃ ॥ 14 ॥
ಸವಿಭೀಷಣಸುಗ್ರೀವಾಸ್ತತಸ್ತೇವಾನರರ್ಷಭಾಃ ।
ಪ್ರತಸ್ಥಿರೇವಿನರ್ದಂತೋನಿಶ್ಚಿತಾದ್ವಿಷತಾಂವಧೇ ॥ 15 ॥
ರಾಘವಸ್ಯಪ್ರಿಯಾರ್ಥಂತುಸುತರಾಂವೀರ್ಯಶಾಲಿನಾಮ್ ।
ಹರೀಣಾಂಕರ್ಮಚೇಷ್ಟಾಭಿಸ್ತುತೋಷರಘುಪುಂಗವಃ ॥ 16 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ತ್ರಯೋವಿಂಶಸ್ಸರ್ಗಃ ॥
