ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಅಷ್ಟಚತ್ವಾರಿಂಶಸ್ಸರ್ಗಃ ।
ಭರ್ತಾರಂನಿಹತಂದೃಷ್ಟವಾಲಕ್ಷ್ಮಣಂಚಮಹಾಬಲಮ್ ।
ವಿಲಲಾಪಭೃಶಂಸೀತಾಕರುಣಂಶೋಕಕರ್ಶಿತಾ ॥ 1 ॥
ಊಚುರ್ಲಕ್ಷಣಿಕಾಯೇಮಾಂಪುತ್ರಿಣ್ಯವಿಧವೇತಿಚ ।
ತೇಽದ್ಯಸರ್ವೇಹತೇರಾಮೇಜ್ಞಾನಿನೋಽನೃತವಾದಿನಃ ॥ 2 ॥
ಯಜ್ವನೋಮಹಿಷೀಂಯೇಮಾಮೂಚುಃಪತ್ನೀಂಚಸತ್ತ್ರಿಣಃ ।
ತೇಽದ್ಯಸರ್ವೇಹತೇರಾಮೇಜ್ಞಾನಿನೋಽನೃತವಾದಿನಃ ॥ 3 ॥
ಊಚುಸ್ಸಂಶ್ರವಣೇಯೇಮಾಂದ್ವಿಜಾಃಕಾರ್ತಾಂತಿಕಾಶ್ಶುಭಾಮ್ ।
ತೇಽದ್ಯಸರ್ವೇಹತೇರಾಮೇಜ್ಞಾನಿನೋಽನೃತವಾದಿನಃ ॥ 4 ॥
ವೀರಪಾರ್ಥಿವಪತ್ನೀತ್ವಾಂಯೇವಿದುರ್ಭರ್ತೃಪೂಜಿತಾಮ್ ।
ತೇಽದ್ಯಸರ್ವೇಹತೇರಾಮೇಜ್ಞಾನಿನೋಽನೃತವಾದಿನಃ ॥ 5 ॥
ಇಮಾನಿಖಲುಪದ್ಮಾನಿಪಾದಯೋರ್ಯೈಃಕುಲಸ್ತ್ರಿಯಃ ।
ಅಧಿರಾಜ್ಯೇಽಭಿಷಿಚ್ಯಂತೇನರೇಂದ್ರೈಃಪತಿಭಿಃಸಹ ॥ 6 ॥
ವೈಧವ್ಯಂಯಾಂತಿಯೈರ್ನಾರ್ಯೋಽಲಕ್ಷಣೈರ್ಭಾಗ್ಯದುರ್ಲಭಾಃ ।
ನಾತ್ಮನಂತಾನಿಪಶ್ಯಾಮಿಪಶ್ಯಂತೀಹತಲಕ್ಷಣಾ ॥ 7 ॥
ಸತ್ಯನಾಮಾನಿಪದ್ಮಾನಿಸ್ತ್ರೀಣಾಮುಕ್ತಾನಿಲಕ್ಷಣೈಃ ।
ತಾನ್ಯದ್ಯನಿಹತೇರಾಮೇವಿತಥಾನಿಭವಂತಿಮೇ ॥ 8 ॥
ಕೇಶಾಹ್ ಸೂಕ್ಷ್ಮಾಹ್ ಸಮಾ ನೀಲಾ ಭ್ರುವೌ ಚ ಅಸಮ್ಗತೇ ಮಮ ।
ವೃತ್ತೇ ಚ ಅಲೋಮಶೇ ಜನ್ಘೇ ದಂತಾಶ್ ಚ ಅವಿರಲಾ ಮಮ ॥ 9 ॥
ಶಂಖೇನೇತ್ರೇಕರೌಪಾದೌಗುಲ್ಫಾವೂರೂಚಮೇಚಿತೌ ।
ಅನುವೃತ್ತನಖಾಸ್ಸ್ನಿಗ್ಧಾಸ್ಸಮಾಶ್ಚಾಂಗುಲಯೋಮಮ ॥ 10 ॥
ಸ್ತನೌ ಚ ಅವಿರಲೌ ಪೀನೌ ಮಮ ಇಮೌ ಮಗ್ನ ಚೂಚುಕೌ ।
ಮಗ್ನಾ ಚ ಉತ್ಸನ್ಗಿನೀ ನಾಭಿಹ್ ಪಾರ್ಶ್ವ ಉರಸ್ಕಂ ಚ ಮೇ ಚಿತಮ್ ॥ 11 ॥
ಮಮವರ್ಣೋಮಣಿನಿಭೋಮೃದೂನ್ಯಂಗರುಹಾಣಿಚ ।
ಪ್ರತಿಷ್ಠಿತಾಂದ್ವಾದಶಭಿರ್ಮಾಮೂಚುಶ್ಶುಭಲಕ್ಷಣಾಮ್ ॥ 12 ॥
ಸಮಗ್ರಯವಮಚ್ಛ್ರಿದ್ರಪಾಣಿಪಾದಂಚವರ್ಣವತ್ ।
ಮಂದಸ್ಮಿತೇತ್ಯೇವಚಮಾಂಕನ್ಯಾಲಾಕ್ಷಣಿನೋದ್ವಿಜಾಃ ॥ 13 ॥
ಆಧಿರಾಜ್ಯೇಽಭಿಷೇಕೋಮೇಬ್ರಾಹ್ಮಣೈಃಪತಿನಾಸಹ ।
ಕೃತಾಂತಕುಶಲೈರುಕ್ತಂತತ್ಸರ್ವಂವಿತಥೀಕೃತಮ್ ॥ 14 ॥
ಶೋಧಯಿತ್ವಾಜನಸ್ಥಾನಂಪ್ರವೃತತಿಮುಪಲಭ್ಯಚ ।
ತೀರ್ತ್ವಾಸಾಗರಮಕ್ಷೋಭ್ಯಂಭ್ರಾತರೌಗೋಷ್ಪದೇಹತೌ ॥ 15 ॥
ನನುವಾರುಣಮಾಗ್ನೇಯಮೈಂದ್ರಂವಾಯವ್ಯಮೇವಚ ।
ಅಸ್ತ್ರಂಬ್ರಹ್ಮಶಿರಶ್ಚೈವಪ್ರತ್ಯಪದ್ಯತಾಮ್ ॥ 16 ॥
ಅದೃಶ್ಯಮಾನೇನರಣೇಮಾಯಯಾವಾಸವೋಪಮೌ ।
ಮಮನಾಥಾವನಾಥಾಯಾನಿಹತೌರಾಮಲಕ್ಷ್ಮಣೌ ॥ 17 ॥
ನಹಿದೃಷ್ಟಿಪಥಂಪ್ರಾಪ್ಯರಾಘವಸ್ಯರಣೇರಿಪುಃ ।
ಜೀವನ್ಪ್ರಂತಿವರ್ತೇತಯದ್ಯಪಿಸ್ಯಾನ್ಮನೋಜವಃ ॥ 18 ॥
ನಕಲಸ್ಯಾತಿಭಾರೋಽಸ್ತಿಕೃತಾಂತಶ್ಚಸುದುರ್ಜಯಃ ।
ಯತ್ರರಾಮಃಸಹಭ್ರಾತ್ರಾಶೇತೇಯುಧಿನಿಪಾತಿತಃ ॥ 19 ॥
ನಶೋಚಾಮಿತಥಾರಾಮಂಲಕ್ಷ್ಮಣಂಚಮಹಾರಥಮ್ ।
ವಾತ್ಮಾನಂಜನನೀಂಚಾಪಿಯಥಾಶ್ವಶ್ರೂಂತಪಸ್ವಿನೀಮ್ ॥ 20 ॥
ಸಾತುಚಿಂತಯತೇನಿತ್ಯಂಸಮಾಪ್ತವ್ರತಮಾಗತಮ್ ।
ಕದಾದ್ರಕ್ಷ್ಯಾಮಿಸೀತಾಂಚಲಕ್ಷ್ಮಣಂಚಸರಾಘವಮ್ ॥ 21 ॥
ಪರಿದೇವಯಮಾನಾಂತಾಂರಾಕ್ಷಸೀತ್ರಿಜಟಾಬ್ರವೀತ್ ।
ಮಾವಿಷಾದಂಕೃಥಾದೇವೀ ಭರ್ತಾಽಯಂತವಜೀವತಿ ॥ 22 ॥
ಕಾರಣಾನಿಚವಕ್ಷ್ಯಾಮಿಮಹಾಂತಿಸದೃಶಾನಿಚ ।
ಯಥೇಮೌಜೀವತೋದೇವೀಭ್ರಾತರೌರಾಮಲಕ್ಷ್ಮಣೌ ॥ 23 ॥
ನಹಿಕೋಪಪರೀತಾನಿಹರ್ಷಪರ್ಯುತ್ಸುಕಾನಿಚ ।
ಭವಂತಿಯುಧಿಯೋಧಾನಾಂಮುಖಾನಿನಿಹತೇಪತೌ ॥ 24 ॥
ಇದಂವಿಮಾನಂವೈದೇಹೀ ಪುಷ್ಪಕಂನಾಮನಾಮತಃ ।
ದಿವ್ಯಂತ್ವಾಂದಾರಯನ್ನೈವಂಯದ್ಯೇತೌಗತಜೀವಿತೌ ॥ 25 ॥
ಹತವೀರಪ್ರಧಾನಾಹಿಗತೋತ್ಸಾಹಾನಿರುದ್ಯಮಾ ।
ಸೇನಾಭ್ರಮತಿಸಙ್ ಖ್ಯೇಷುಹತಕರ್ಣೇವನೌರ್ಜಲೇ ॥ 26 ॥
ಇಯಂಪುನರಸಂಭ್ರಾಂತಾನಿರುದ್ವಿಗ್ನಾತರಸ್ವಿನೀ ।
ಸೇನಾರಕ್ಷತಿಕಾಕುತ್ಸ್ಥೌಮಯಾಪ್ರೀತ್ಯಾನಿವೇದಿತೌ ॥ 27 ॥
ಸಾತ್ವಂಭವಸುವಿಸ್ರಬ್ಧಾಅನುಮಾನೈಸ್ಸುಖೋದಯೈಃ ।
ಅಹತೌಪಶ್ಯಕಾಕುತ್ಸ್ಥೌಸ್ನೇಹಾದೇತದ್ಬ್ರ್ರವೀಮಿತೇ ॥ 28 ॥
ಅನೃತಂನೋಕ್ತಪೂರ್ವಂಮೇನಚವಕ್ಷ್ಯೇಕದಾಚನ ।
ಚಾರಿತ್ರಸುಖಶೀಲತ್ವಾತ್ ಪ್ರವಿಷ್ಟಾಅಸಿಮನಃಮಮ ॥ 29 ॥
ನೇಮೌಶಕ್ಯಾರಣೇಜೇತುಂಸೇಂದ್ರೈರಪಿಸುರಾಸುರೈಃ ।
ತಾದೃಶಂದರ್ಶನಂದೃಷ್ಟವಾಮಯಾಚಾವೇದಿತಂತವ ॥ 30 ॥
ಇದಂಚಸುಮಹಚಚಿತ್ರಂಶರೈಃಪಶ್ಯಸ್ವಮೈಥಿಲಿ ।
ನಿಸ್ಸಂಜ್ಞಾವಪ್ಯುಭಾವೇತೌನೈವಲಕ್ಷ್ಮೀರ್ವಿಮುಂಚತಿ ॥ 31 ॥
ಪ್ರಾಯೇಣಗತಸತ್ತ್ವಾನಾಂಪುರುಷಾಣಾಂಗತಾಯುಷಾಮ್ ।
ದೃಶ್ಯಮಾನೇಷುವಕ್ತ್ರೇಷುಪರಂಭವತಿವೈಕೃತಮ್ ॥ 32 ॥
ತ್ಯಜಶೋಕಂಚಮೋಹಂಚದುಃಖಂಚಜನಕಾತ್ಮಜೇ ।
ರಾಮಲಕ್ಷ್ಮಣಯೋರರ್ಥೇನಾದ್ಯಶಕ್ಯಮಜೀವಿತುಮ್ ॥ 33 ॥
ಶುತ್ವಾತುವಚನಂತಸ್ಯಾಃಸೀತಾಸುರಸುತೋಪಮಾ ।
ಕೃತಾಂಜಲಿರುವಾಚೇಮಾಮೇವಮಸ್ತ್ವಿತಿಮೈಥಿಲಿ ॥ 34 ॥
ವಿಮಾನಂಪುಷ್ಪಕಂತತ್ತುಸನ್ನಿವರ್ತ್ಯಮನೋಜವಮ್ ।
ದೀನಾತ್ರಿಜಟಯಾಸೀತಾಲಂಕಾಮೇವಪ್ರವೇಶಿತಾ ॥ 35 ॥
ತತಸ್ತ್ರಿಜಟಯಾಸಾರ್ಥಂಪುಷ್ಪಕಾದವರುಹ್ಯಸಾ ।
ಅಶೋಕವನಿಕಾಮೇವರಾಕ್ಷಸೀಭಿಃಪ್ರವೇಶಿತಾ ॥ 36 ॥
ಪ್ರವಿಶ್ಯಸೀತಾಬಹುವೃಕ್ಷಷಂಡಾಂತಾಂರಾಕ್ಷಸೇಂದ್ರಸ್ಯವಿಹಾರಭೂಮಿಮ್ ।
ಸಂಪ್ರೇಕ್ಷ್ಯಸಂಚಿಂತ್ಯಚರಾಜಪುತ್ರೌಪರಂವಿಷಾದಂಸಮುಪಾಜಗಾಮ ॥ 37 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಅಷ್ಟಚತ್ವಾರಿಂಶಸ್ಸರ್ಗಃ ॥
