ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ತ್ರ್ಯಧಿಕಶತತಮಸ್ಸರ್ಗಃ ।
ಲಕ್ಷ್ಮಣೇನತುತದ್ವಾಕ್ಯಮುಕ್ತಂಶ್ರುತ್ವಾ ಸ ರಾಘವಃ ।
ಸಂದಧೇಪರವೀರಘ್ನೋಧನುರಾದಾಯವೀರ್ಯವಾನ್ ॥ 1 ॥
ರಾವಣಾಯಶರಾನಘೋರಾನ್ವಿಸಸರ್ಜಚಮೂಮುಖೇ ।
ಅಧಾನ್ಯಂರಥಮಾಸ್ಥಾಯರಾವಣೋರಾಕ್ಷಸಾಧಿಪಃ ॥ 2 ॥
ಅಭ್ಯಧಾವತಕಾಕುತ್ಸ್ಥಂಸ್ವರ್ಭಾನುರಿವಭಾಸ್ಕರಮ್ ।
ದಶಗ್ರೀವೋರಧಸ್ಥಸ್ತುರಾಮಂವಜ್ರೋಪಮೈಶ್ಶರೈಃ ॥ 3 ॥
ಆಜಘಾನಮಹಾಶೈಲಂಧಾರಾಭಿರಿವತೋಯದಃ ।
ದೀಪ್ತಪಾವಕಸಂಕಾಶೈಃಶರೈಃಕಾಂಚನಭೂಷಣೈಃ ॥ 4 ॥
ಅಭ್ಯವರ್ಷದ್ರಣರಾಮೋದಶಗ್ರೀವಂಸಮಾಹಿತಃ ।
ಭೂಮೌಸ್ಥಿತಸ್ಯರಾಮಸ್ಯರಥಸ್ಥಸ್ಯ ಚ ರಕ್ಷಸಃ ॥ 5 ॥
ನ ಸಮಂಯುದ್ಧಮಿತ್ಯಾಹುರ್ದೇವಗಂಧರ್ವಕಿನ್ನರಾಃ ।
ತತೋದೇವವರರ್ಶ್ರೀಮಾನ್ ಶ್ರುತ್ವಾತೇಷಾಂವಚೋಽಮೃತಮ್ ॥ 6 ॥
ಆಹೂಯಮಾತಲಿಂಶಕ್ರೋವಚನಂಚೇದಮಬ್ರವೀತ್ ।
ರಥೇನಮಮಭೂಮಿಷ್ಠಂಶೀಘ್ರಂಯಾಹಿರಘೂತ್ತಮಮ್ ॥ 7 ॥
ಆಹೂಯಭೂತಲಂಯಾತಃಕುರುದೇವಹಿತಂಮಹತ್ ।
ಇತ್ಯುಕ್ತೋದೇವರಾಜೇನಮಾತಲಿರ್ದೇವಸಾರಥಿಃ ॥ 8 ॥
ಪ್ರಣಮ್ಯಶಿರಸಾದೇವಂತತೋವಚನಮಬ್ರವೀತ್ ।
ಶೀಘ್ರಂಯಾಸ್ಯಾಮಿದೇವೇಂದ್ರಸಾರಥ್ಯಂ ಚ ಕರೋಮ್ಯಹಮ್ ॥ 9 ॥
ತತೋಹಯೈಶ್ಚಸಮ್ಯೋಜ್ಯಹರಿತೈಃಸ್ಯಂದನೋತ್ತಮಮ್ ।
ತತಃಕಾಂಚನಚಿತ್ರಾಂಗಃಕಿಂಕಿಣೀಶತಭೂಷಿತಃ ॥ 10 ॥
ತರುಣಾದಿತ್ಯಸಂಕಾಶೋವೈದೂರ್ಯಮಯಕೂಬರಃ ।
ಸದಶ್ವೈಃಕಾಂಚನಾಪೀಡೈರ್ಯುಕ್ತಶ್ಶ್ವೇತಪ್ರಕೀರ್ಣಕೈಃ ॥ 11 ॥
ಹರಿಭಿಃಸೂರ್ಯಸಂಕಾಶೈರ್ಹೇಮಜಾಲವಿಭೂಷಿತೈಃ ।
ರುಕ್ಮವೇಣುಧ್ವಜ್ಶ್ರೀಮಂದೇವರಾಜರಥೋವರಃ ॥ 12 ॥
ದೇವರಾಜೇನಂದಿಷ್ಟೋರಥಮಾರುಹ್ಯಮಾತಲಿಃ ।
ಅಭ್ಯವರ್ತತಕಾಕುತ್ಸ್ಥಮವತೀರ್ಯತ್ರಿವಷ್ಟಪಾತ್ ॥ 13 ॥
ಅಬ್ರವೀಚ್ಚತದಾರಾಮಂಸಪ್ರತೋದೋರಥೇಸ್ಥಿತಃ ।
ಪ್ರಾಂಜಲಿರ್ಮಾತಲಿರ್ವಾಕ್ಯಂಸಹಸ್ರಾಕ್ಷಸ್ಯಸಾರಥಿಃ ॥ 14 ॥
ಸಹಸ್ರಾಕ್ಷೇಣಕಾಕುತ್ಥ್ಸರಥೋಽಯಂವಿಜಯಾಯತೇ ।
ದತ್ತಸ್ತವಮಹಾಸತ್ತ್ವಶ್ರೀಮನ್ ಶತ್ರುನಿಬರ್ಹಣ ॥ 15 ॥
ಇದಮೈಂದ್ರಂಮಹಚ್ಚಾಪಂಕವಚಂಚಾನಗಿಸನ್ನಿಭಮ್ ।
ಶರಾಶ್ಚಾದಿತ್ಯಸಂಕಾಶಾಃಶಕ್ತಿಶ್ಚವಿಮಲಾಶಿವಾ ॥ 16 ॥
ಶೂರೋಽಹಮಿತಿ ಚಾತ್ಮಾನಮವಗಚ್ಛಸಿ ದುರ್ಮತೇ ।
ನೈವ ಲಜ್ಜಾಸ್ತಿ ತೇ ಸೀತಾನ್ ಚೋರವದ್ವ್ಯಪಕರ್ಷತಃ ॥ 17 ॥
ಇತ್ಯುಕ್ತಃಸಂಪರಿಕ್ರಮ್ಯರಥಂತಮಭಿವಾದ್ಯ ಚ ।
ಆರುರೋಹತದಾರಾಮೋಲೋಕಾನ್ ಲಕ್ಷ್ಮವಿರಾಜಯನ್ ॥ 18 ॥
ತದ್ಭಭೂವಾದ್ಭುತಂಯುದ್ಧಂತುಮುಲಂರೋಮಹರ್ಷಣಮ್ ।
ರಾಮಸ್ಯ ಚ ಮಹಾಬಾಹೋರಾವಣಸ್ಯ ಚ ರಕ್ಷಸಃ ॥ 19 ॥
ಸ ಗಾಂಧರ್ವೇಣಗಾಂಧರ್ವಂದೈವಂದೈವೇನರಾಘವಃ ।
ಅಸ್ತ್ರಂರಾಕ್ಷಸರಾಜಸ್ಯಜಘಾನಪರಮಾಸ್ತ್ರವಿತ್ ॥ 20 ॥
ಅಸ್ತ್ರಂತುಪರಮಂಘೋರಂರಾಕ್ಷಸಂರಾಕ್ಷಸಾಧಿಪಃ ।
ಸಸರ್ಜಪರಮಕ್ರುದ್ಧಃಪುನರೇವನಿಶಾಚರಃ ॥ 21 ॥
ತೇರಾವಣಧನುರ್ಮುಕ್ತಾಃಶರಾಃಕಾಂಚನಭೂಷಣಾಃ ।
ಅಭ್ಯವರ್ತಂತಕಾಕುತ್ಸ್ಥಂಸರ್ಪಾಭೂತ್ವಾಮಹಾವಿಷಾಃ ॥ 22 ॥
ತೇದೀಪ್ತವದನಾದೀಪ್ತಂಸಮಂತೋಜ್ವಲನಂಮುಖೈಃ ।
ರಾಮಮೇವಾಭ್ಯವರ್ತಂತವ್ಯಾದಿತಾಸ್ಯಾಭಯಾನಕಾಃ ॥ 23 ॥
ತೈರ್ವಾಸುಕಿಸಮಸ್ಪರ್ಶೈರ್ದೀಪ್ತಭೋಗೈರ್ಮಹಾವಿಷೈಃ ।
ದಿಶಶ್ಚಸಂತತಾಸ್ಸರ್ವಾಪ್ರದಿಶಶ್ಚಸಮಾವೃತಾಃ ॥ 24 ॥
ತಾನ್ ದೃಷ್ಟವಾಪನ್ನಗಾನ್ ರಾಮಃಸಮಾಪತತಆಹವೇ ।
ಅಸ್ತ್ರಂಗಾರುತ್ಮತಂಘೋರಂಪ್ರಾದುಶ್ಚಕ್ರೇಭಯಾವಹಮ್ ॥ 25 ॥
ತೇರಾಘವಧನುರ್ಮುಕ್ತಾರುಕ್ಮಪುಂಖಾಃಶಿಖಿಪ್ರಭಾಃ ।
ಸುಪರ್ಣಾಃಕಾಂಚನಾಭೂತ್ವಾವಿಚೇರುಃಸರ್ಪಶತ್ರವಃ ॥ 26 ॥
ತೇತಾನ್ಸರ್ವಾನ್ ಜಘ್ನುಸ್ಸರ್ಪರೂಪಾನ್ಮಹಾಜವಾನ್ ।
ಸುಪರ್ಣರೂಪಾರಾಮಸ್ಯವಿಶಿಖಾಃಕಾಮರೂಪಿಣಃ ॥ 27 ॥
ಅಸ್ತ್ರೇಪ್ರತಿಹತೇಕ್ರುದ್ಧೋರಾವಣೋರಾಕ್ಷಸಾಧಿಪಃ ।
ಅಭ್ಯವರ್ಷತ್ತದಾರಾಮಂಘೋರಾಭಿಃಶರವೃಷ್ಟಿಭಿಃ ॥ 28 ॥
ತತಶ್ಶರಸಹಸ್ರೇಣರಾಮಮಕ್ಲಿಷ್ಟಕಾರಿಣಮ್ ।
ಅರ್ದಯಿತ್ವಾಶರೌಘೇಣಮಾತಲಿಂಪ್ರತ್ಯವಿಧ್ಯತ ॥ 29 ॥
ಚಿಚ್ಛೇದಕೇತುಮುದ್ಧಿಶ್ಯಶರೇಣೈಕೇನರಾವಣಃ ।
ಪಾತಯಿತ್ವಾರಥೋಪಸ್ಥೇರಥಾತ್ಕೇತುಂ ಚ ಕಾಂಚನಮ್ ॥ 30 ॥
ಐಂದ್ರಾನಪಿಜಘಾನಾಶ್ವಾನ್ಶರಜಾಲೇನರಾವಣಃ ।
ತದೃಷ್ಟ್ವಾಸುಮಹಾತತ್ಕರ್ಮರಾವಣಸ್ಯದುರಾತ್ಮನಾಃ ।
ವಿಷೇದುರ್ದೇವಗಂಧರ್ವಾಚಾರಣಾದಾನವೈಸ್ಸಹ ॥ 31 ॥
ರಾಮಮಾರ್ತಂತದಾದೃಷ್ಟವಾಸಿದ್ಧಾಶ್ಚಪರಮರ್ಷಯಃ ।
ವ್ಯಥಿತಾವಾನರೇಂದ್ರಾಶ್ಚಬಭೂವುಸ್ಸವಿಭೀಷಣಾಃ ॥ 32 ॥
ರಾಮಚಂದ್ರಮಸಂದೃಷ್ಟವಾಗ್ರಸ್ತಂರಾವಣರಾಹುಣಾ ।
ಪ್ರಾಜಾತ್ಯಂ ಚ ನಕ್ಷತ್ರಂರೋಹಿಣೀಂಕಶಶಿನಃಪ್ರಿಯಾಮ್ ॥ 33 ॥
ಸಮಾಕ್ರಮ್ಯಬುಧಸ್ತಸ್ಥೌಪ್ರಜಾನಾಮಶುಭಾವಹಃ ।
ಸಧೂಮಪರಿವೃತ್ತೋರ್ಮಿಃಪ್ರಜ್ವಲನ್ನಿವಸಾಗರಃ ॥ 34 ॥
ಉತ್ಪಪಾತತದಾಕ್ರುದ್ಧಸ್ಸ್ಪೃಶನ್ನಿವದಿವಾಕರಮ್ ।
ಶಸ್ತ್ರವರ್ಣಸ್ಸುಪರುಷೋಮಂದರಶ್ಮಿದ್ದಿವಾಕರಃ ॥ 35 ॥
ಅದೃಶ್ಯತಕಬಂಧಾಂಕಃಸಂಸಕ್ತೋಧೂಮಕೇತುನಾ ।
ಕೋಸಲಾನಾಂ ಚ ನಕ್ಷತ್ರಂವ್ಯಕ್ತಮಿಂದ್ರಾಗ್ನಿದೈವತಮ್ ॥ 36 ॥
ಆಕ್ರಮ್ಯಾಂಗಾರಕಸ್ತಸ್ಥೌವಿಶಾಖಾಮಪಿಚಾಂಬರೇ ।
ದಶಾಸ್ಯೋವಿಂಶತಿಭುಜಃಪ್ರಗೃಹೀತಶರಾಸನಃ ॥ 37 ॥
ಅದೃಶಾಸ್ಯಃದಶಗ್ರೀವಃಮೈನಾಕಃಪರ್ವತಃಇವ ನಿರಸ್ಯಮಾನೋರಾಮಸ್ತುದಶಗ್ರೀವೇಣರಕ್ಷಸಾ ॥ 38 ॥
ನಾಶಕ್ನೋದಭಿಸಂಧಾತುಂಸಾಯಕಾನ್ರಣಮೂರ್ಧನಿ ।
ಸಃಕೃತ್ವಾಭ್ರುಕುಟಿಂಕ್ರುದ್ಧಃಕಿಂಚಿತ್ಸಮ್ರಕ್ತಲೋಚನಃ ॥ 39 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ತ್ರ್ಯಧಿಕಶತತಮಸ್ಸರ್ಗಃ ॥
