ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಸಪ್ತಪಂಚಾಶಸ್ಸರ್ಗಃ ।
ಅಕಂಪನವಧಂಶ್ರುತ್ವಾಕ್ರುದ್ಧೋವೈರಾಕ್ಷಸೇಶ್ವರಃ ।
ಕಿಂಚಿದದೀನಮುಖಶ್ಚಾಪಿಸಚಿವಾಂಸ್ತಾನುದೈಕ್ಷತ ॥ 1 ॥
ಸತುಧ್ಯಾತ್ವಾಮುಹೂರ್ತಂತುಮಂತ್ರಿಭಿಸ್ಸಂವಿಚಾರ್ಯಚ ।
ತತಸ್ತುರಾವಣಃಪೂರ್ವದಿವಸೇರಾಕ್ಷಸಾಧಿಪಃ ॥ 2 ॥
ಪುರೀಂಪರಿಯಯೌಲಂಕಾಂಸರ್ವಗುಲ್ಮಾನವೇಕ್ಷಿತುಮ್ ।
ತಾಂರಾಕ್ಷಸಗಣೈರ್ಗುಪ್ತಾಂಗುಲ್ಮೈರ್ಬಹುಭಿರಾವೃತಾಮ್ ॥ 3 ॥
ದದರ್ಶನಗರೀಂಲಂಕಾಂಪತಾಕಾಧ್ವಜಮಾಲಿನೀಮ್ ।
ರುದ್ಧಾಂತುನಗರೀಂದೃಷ್ಟವಾರಾವಣೋರಾಕ್ಷಸೇಶ್ವರಃ ॥ 4 ॥
ಉವಾಚಾತ್ಮಹಿತಂಕಾಲೇಪ್ರಹಸ್ತಂಯುದ್ಧಕೋವಿದಮ್ ।
ಪುರಸ್ಯೋಪನಿವಿಷ್ಟಸ್ಯಸಹಸಾಪೀಡಿತಸ್ಯವಾ ॥ 5 ॥
ನಾನ್ಯಂಯುದ್ಧಾತ್ಪ್ರಪಶ್ಯಾಮಿಮೋಕ್ಷಂಯುದ್ಧವಿಶಾರದ ।
ಅಹಂವಾಕುಂಭಕರ್ಣೋವಾತ್ವಂವಾಸೇನಾಪತಿರ್ಮಮ ॥ 6 ॥
ಇಂದ್ರಜಿದ್ವಾನಿಕುಂಭೋವಾವಹೇಯುರ್ಭಾರಮೀದೃಶಮ್ ।
ಸತ್ವಂಬಲಮತಶ್ಶೀಘ್ರಮಾದಾಯಪರಿಗೃಹ್ಯಚ ॥ 7 ॥
ವಿಜಯಾಯಾಭಿನಿರ್ಯಾಹಿಯತ್ರಸರ್ವೇವನೌಕಸಃ ।
ನಿರ್ಯಾಣಾಯಾದೇವತೇನೂನಂಚಪಲಾಹರಿವಾಹಿನೀ ॥ 8 ॥
ನರ್ದತಾಂರಾಕ್ಷಸೇಂದ್ರಾಣಾಂಶ್ರುತ್ವಾನಾದಂದ್ರವಿಷ್ಯತಿ ।
ಚಪಲಾಹ್ಯವಿನೀತಾಶ್ಚಚಲಚಿತ್ತಾಶ್ಚವಾನರಾಃ ॥ 9 ॥
ನಸಹಿಷ್ಯಂತಿತೇನಾದಂಸಿಂಹನಾದಮಿವದ್ವಿಪಾಃ ।
ವಿದ್ರುತೇಚಬಲೇತಸ್ಮಿನ್ ರಾಮಃಸೌಮಿತ್ರಿಣಾಸಹ ॥ 10 ॥
ಅವಶಸ್ತೇನಿರಾಲಂಬಃಪ್ರಹಸ್ತವಶಮೇಷ್ಯತಿ ।
ಆಪತ್ಸಂಶಯಿತಾಶ್ರೇಯೋನಾತ್ರನಿಸ್ಸಂಶಯೀಕೃತಾ ॥ 11 ॥
ಪ್ರತಿಲೋಮಾನುಲೋಮಂವಾಯದ್ವಾನೋಮನ್ಯಸೇಹಿತಮ್ ।
ರಾವಣೇನೈವಮುಕ್ತಸ್ತುಪ್ರಹಸ್ತೋವಾಹಿನೀಪತಿಃ ॥ 12 ॥
ರಾಕ್ಷಸೇಂದ್ರಮುವಾಚೇದಮಸುರೇಂದ್ರಮಿವೋಶನಾ ।
ರಾಜನ್ಮಂತ್ರಿತಪೂರ್ವಂನಃಕುಶಲೈಸ್ಸಹಮಂತ್ರಿಭಿಃ ॥ 13 ॥
ವಿವಾದಶ್ಚಾಪಿನೋವೃತ್ತಸ್ಸಮವೇಕ್ಷ್ಯಪರಸ್ಪರಮ್ ।
ಪ್ರದಾನೇನತುಸೀತಾಯಾಃಶ್ರೇಯೋವ್ಯವಸಿತಂಮಯಾ ॥ 14 ॥
ಅಪ್ರದಾನೇಪುನರ್ಯುದ್ಧಂದೃಷ್ಟಮೇತ್ತಥೈವನಃ ।
ಸೋಽಹಂದಾನೈಶ್ಚಮಾನೈಶ್ಚಸತತಂಪೂಜಿತಸ್ತ್ವಯಾ ॥ 15 ॥
ಸಾಂತ್ವೈಶ್ಚವಿವಿಧೈಃಕಾಲೇಕಿಂನಕುರ್ಯಾಂಹಿತಂತವ ।
ನಹಿಮೇಜೀವಿತಂರಕ್ಷ್ಯಂಪುತ್ರದಾರಧನಾನಿಚ ॥ 16 ॥
ತ್ವಂಪಶ್ಯಮಾಂಜುಹೂಷಂತಂತ್ವದರ್ಥೇಜೀವಿತಂಯುಧಿ ।
ಏವಮುಕ್ತ್ವಾತುಭರ್ತಾರಂರಾವಣಂವಾಹಿನೀಪತಿಃ ॥ 17 ॥
ಉವಾಚೇದಂಬಲಾಧ್ಯಕ್ಷಾನ್ಪ್ರಹಸ್ತಃಪುರತಃಸ್ಥಿತಾನ್ ।
ಮೇಶೀಘ್ರಂರಾಕ್ಷಸಾನಾಂಮಹಾದ್ಬಲಮ್ ॥ 18 ॥
ಮದ್ಭಾಣಾಬ್ದಾವೇಗೇನಹತಾನಾಂಶನಿಚರಣಾಜಿರೇ ।
ಅದ್ಯಹೃಷ್ಯಂತುಮಾಂಸಾದಾಃಪಕ್ಷಿಣಃಕಾನನೌಕಸಾಮ್ ॥ 19 ॥
ಇತ್ಯುಕ್ತಾಸ್ತೇಪ್ರಹಸ್ತೇನಬಲಾಧ್ಯಕ್ಷಾಃ ಕೃತತ್ವರಾಃ ।
ಬಲಮುದ್ಯೋಜಯಾಮಾಸುಸ್ತಸ್ಮಿನ್ರಾಕ್ಷಸಮಂದಿರೇ ॥ 20 ॥
ಸಾಬಭೂವಮುಹೂರ್ತೇನನಿಗ್ಮರ್ನಾನಾವಿಧಾಯುಧೈಃ ।
ಲಂಕಾರಾಕ್ಷಸವೀರೈಸ್ತೈರ್ಗಜೈರಿವಸಮಾಕುಲಾ ॥ 21 ॥
ಹುತಾಶನಂತರ್ಪಯತಾಂಬ್ರಾಹ್ಮಣಾಂಶ್ಚನಮಸ್ಯತಾಮ್ ।
ಆಜ್ಯಗಂಧಪ್ರತಿವಹಃಸುರಭಿರ್ಮಾರುತೋವವೌ ॥ 22 ॥
ಸ್ರಜಶ್ಚವಿವಿಧಾಕಾರಾಜಗೃಹುಸ್ತ್ವಭಿಮಂತ್ರಿತಾಃ ।
ಸಂಗ್ರಾಮಸಜ್ಜಾಃಸಮ್ಹೃಷ್ಟಾಧರಾಯನ್ರಾಕ್ಷಸಾಸ್ತದಾ ॥ 23 ॥
ಸಧನುಷ್ಕಾಃಕವಚಿನೋವೇಗಾದಾಪ್ಲುತ್ಯರಾಕ್ಷಸಾಃ ।
ರಾವಣಂಪ್ರೇಕ್ಷ್ಯರಾಜಾನಂಪ್ರಹಸ್ತಂಪರ್ಯವಾರಯನ್ ॥ 24 ॥
ಅಥಾಮಂತ್ಱ್ಯತುರಾಜಾನಂಭೇರೀಮಾಹತ್ಯಭೈರವಾಮ್ ।
ಆರುರೋಹರಥಂಯುಕ್ತಃಪ್ರಹಸ್ತಸ್ಸಜ್ಜಕಲ್ಪಿತಮ್ ॥ 25 ॥
ಹಯೈರ್ಮಹಾಜವೈರ್ಯುಕ್ತಂಸಮ್ಯಕ್ಸೂತಸುಸಂಯತಮ್ ।
ಮಹಾಜಲದನಿರ್ಘೋಷಂಸಾಕ್ಷಾಚ್ಚಂದ್ರಾರ್ಕಭಾಸ್ವರಮ್ ॥ 26 ॥
ಉರಗಧ್ವಜದುರ್ಧರ್ಷಂಸುವರೂಥಂಸ್ವವಸ್ಕರಮ್ ।
ಸುವರ್ಣಜಾಲಸಂಯುಕ್ತಂಪ್ರಹಸಂತಮಿವಶ್ರಿಯಾ ॥ 27 ॥
ತತಸ್ತಂರಥಮಾಸ್ಥಾಯರಾವಣಾರ್ಪಿತಶಾಸನಃ ।
ಲಂಕಾಯಾನಿರ್ಯಯೌತೂರ್ಣಂಬಲೇನಮಹತಾವೃತಃ ॥ 28 ॥
ತತೋದುಂಧುಭಿನಿರ್ಘೋಷಃಪರ್ಜನ್ಯನಿನದೋಪಮಃ ।
ವಾದಿತ್ರಾಣಾಂಚನಿನದಃಪೂರಯನ್ನಿವಮೇದಿನೀಮ್ ॥ 29 ॥
ಶುಶ್ರುವೇಶಂಖಶಬ್ದಶ್ಚಪ್ರಯಾತೇವಾಹಿನೀಪತೌ ।
ನಿನದಂತಸ್ಸ್ವರಾನ್ಘೋರಾನ್ರಾಕ್ಷಸಾಜಗ್ಮುರಗ್ರತಃ ॥ 30 ॥
ಭೀಮರೂಪಾಮಹಾಕಾಯಾಃಪ್ರಹಸ್ತಸ್ಯಪುರಸ್ಸರಾಃ ।
ನರಾಂತಕಃಕುಂಭಹನುರ್ಮಹಾನಾದಸ್ಸಮುನ್ನತಃ ॥ 31 ॥
ಪ್ರಹಸ್ತಸಚಿವಾಹ್ಯೇತೇನಿರ್ಯಯುಃಪರಿವಾರ್ಯತಮ್ ।
ವ್ಯೂಢೇನೇವಸುಘೋರೇಣಪೂರ್ವದ್ವಾರಾತ್ಸನಿರ್ಯಯೌ ॥ 32 ॥
ಗಜಯೂಥನಿಕಾಶೇನಬಲೇನಮಹತಾವೃತಃ ।
ಸಾಗರಪ್ರತಿಮೌಘೇನವೃತಸ್ತೇನಬಲೇನಸಃ ॥ 33 ॥
ಪ್ರಹಸ್ತೋನಿರ್ಯಯೌಕ್ರುದ್ಧಃಕಾಲಾಂತಕಯಮೋಪಮಃ ।
ತಸ್ಯನಿರ್ಯಾಣಘೋಷೇಣರಾಕ್ಷಸಾನಾಂಚನರ್ದತಾಮ್ ॥ 34 ॥
ಲಂಕಾಯಾಂಸರ್ವಭೂತಾನಿವಿನೇದುರ್ವಿಕೃತೈಸ್ಸ್ವರೈಃ ।
ವ್ಯಭ್ರಮಾಕಾಶಮಾವಿಶ್ಯಮಾಂಸಶೋಣಿತಭೋಜನಾಃ ॥ 35 ॥
ಮಂಡಲಾನ್ಯಪಸವ್ಯಾನಿಖಗಾಶ್ಚಕ್ರೂರಥಂಪ್ರತಿ ।
ಸಮ್ನತ್ಯಃಪಾವಕಜ್ವಾಲಾಃಶಿವಾಘೋರಾವವಾಶಿರೇ ॥ 36 ॥
ಅಂತರಿಕ್ಷಾತ್ಪಪಾತೋಲ್ಕಾವಾಯುಶ್ಚಪರುಷಂವನೌ ।
ಅನ್ಯೋನ್ಯಮಭಿಸಂರಬ್ಧಾಗ್ರಹಾಶ್ಚನಚಕಾಶಿರೇ ॥ 37 ॥
ಮೇಘಾಶ್ಚಖರನಿರ್ಘೋಷಾರಥಸ್ಯೋಪರಿರಕ್ಷಸಃ ।
ವವೃಷಂರುಧಿರಂಚಾಸ್ಯಸಿಷಿಚುಶ್ಚಪುರಸ್ಸರಾನ್ ॥ 38 ॥
ಕೇತುರ್ಮೂರ್ಧನಿಗೃಧ್ರೋಽಸ್ಯನಿಲೀನೋದಕ್ಷಿಣಾಮುಖಃ ।
ತುದನ್ನುಭಯತಃಪಾರ್ಶ್ವಂಸಮಗ್ರಾಮಹರತ್ಪ್ರಭಾಮ್ ॥ 39 ॥
ಸಾರಥೇರ್ಭಹುಶಶ್ಚಾಸ್ಯಸಂಗ್ರಾಮಮವಗಾಹತಃ ।
ಪ್ರತೋದೋನ್ಯಪತದ್ಧಸ್ತಾತ್ಸೂತಸ್ಯಹಯಸಾದಿನಃ ॥ 40 ॥
ನಿರ್ಯಾಣಶ್ರೀಶ್ಚಯಾಽಸ್ಯಾಸೀದ್ಭಾಸ್ವರಾವಸುದುರ್ಲಭಾಃ ।
ಸಾನನಾಶಮುಹೂರ್ತೇನಸಮೇಚಸ್ಖಲಿತಾಹಯಾಃ ॥ 41 ॥
ಪ್ರಹಸ್ತಂತ್ವಭಿನಿರ್ಯಾಂತಂಪ್ರಖ್ಯಾತಬಲಪೌರುಷಮ್ ।
ಯುಧಿನಾನಾಪ್ರಹರಣಾಕಪಿಸೇನಾಽಭ್ಯವರ್ತತ ॥ 42 ॥
ಅಥಘೋಷಸ್ಸುತುಮುಲೋಹರೀಣಾಂಸಮಜಾಯತ ।
ವೃಕ್ಷಾನಾರುಜತಾಂಚೈವಗುರ್ವೀರಾಗೃಹ್ಣತಾಂಶಿಲಾಃ ॥ 43 ॥
ನದತಾಂರಾಕ್ಷಸಾನಾಂಚವಾನರಾಣಾಂಚಗರ್ಜತಾಮ್ ।
ಉಭೇಪ್ರಮುದಿತೇಸೈನ್ಯೇರಕ್ಷೋಗಣವನೌಕಸಾಮ್ ॥ 44 ॥
ವೇಗಿತಾನಾಂಸಮರ್ಥಾನಾಮನ್ಯೋನ್ಯವಧಕಾಙ್ ಕ್ಷಿಣಾಮ್ ।
ಪರಸ್ಪರಂಚಾಹ್ವಯತಾಂನಿನಾದ್ಶೂಯತೇಮಹಾನ್ ॥ 45 ॥
ತತಃಪ್ರಹಸ್ತಃಕಪಿರಾಜವಾಹಿನೀಮಭಿಪ್ರತಸ್ಥೇವಿಜಯಾಯದುರ್ಮತಿಃ ।
ವಿವೃದ್ಧವೇಗಂಶ್ಚವಿವೇಶತಾಂಚಮೂಂಯಥಾಮುಮೂರ್ಷುಶ್ಶಲಭೋವಿಭಾವಸುಮ್ ॥ 46 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಸಪ್ತಪಂಚಾಶಸ್ಸರ್ಗಃ ॥
