ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಏಕಸಪ್ತತಿತಮಸ್ಸರ್ಗಃ ।
ಸ್ವಬಲಂವ್ಯಥಿತಂದೃಷ್ಟವಾತುಮುಲಂರೋಮಹರ್ಷಣಮ್ ।
ಭ್ರಾತೃಂಶ್ಚನಿಹತಾನ್ ದೃಷ್ಟವಾಶಕ್ರತುಲ್ಯಪರಾಕ್ರಮಾನ್ ॥ 1 ॥
ಪಿತೃವ್ಯೌಚಾಪಿಸನೃದೃಶ್ಯಸಮರೇಸನ್ನಿಘಾದಿತೌ ।
ಯುದ್ಧೋನ್ಮತ್ತಂ ಚ ಮತ್ತಂ ಚ ಭ್ರಾತರೌರಾಕ್ಷಸರ್ಷಭೌ ॥ 2 ॥
ಚುಕೋಪ ಚ ಮಹಾತೇಜಾಬ್ರಹ್ಮದತ್ತವರೋಯುಧಿ ।
ಅತಿಕಾಯೋಽದ್ರಿಸಂಕಾಶೋದೇವದಾನವದರ್ಪಹಾ ॥ 3 ॥
ಸ ಭಾಸ್ಕರಸಹಸ್ರಸ್ಯಸಂಘಾತಮಿವಭಾಸ್ವರಮ್ ।
ರಥಮಾಸ್ಥಾಯಶಕ್ರಾರಿರಭಿದುದ್ರಾವವಾನರಾನ್ ॥ 4 ॥
ಸ ವಿಸ್ಫಾರ್ಯಮಹಾಚಾಪಂಕಿರೀಟೀಮೃಷ್ಟಕುಂಡಲಃ ।
ನಾಮವಿಶ್ರಾವಯಾಮಾಸನನಾದ ಚ ಮಹಾಸ್ವನಮ್ ॥ 5 ॥
ತೇನಸಿಂಹಪ್ರಣಾದೇನನಾಮವಿಶ್ರಾವಣೇನ ಚ ।
ಜ್ಯಾಶಬ್ದೇನ ಚ ಭೀಮೇನತ್ರಾಸಯಾಮಾಸವಾನರಾನ್ ॥ 6 ॥
ತೇದೃಷ್ಟವಾದೇಹಮಾಹಾತ್ಮ್ಯಂಕುಂಭಕರ್ಣೋಽಯಮುಥತಿತಃ ।
ಭಯಾರ್ತಾವಾನರಾಸ್ಸರ್ವೇಸಂಶ್ರಯಂತೇಪರಸ್ಪರಮ್ ॥ 7 ॥
ತೇತಸ್ಯರೂಪಮಾಲೋಕ್ಯಯಥಾವಿಷ್ಟೋಸ್ತ್ರಿವಿಕ್ರಮೇ ।
ಭಯಾದ್ವಾನರಯೂಧಾಸ್ತೇವಿದ್ರವಂತಿತತಸ್ತತಃ ॥ 8 ॥
ತೇಽತಿಕಾಯಂಸಮಾಸಾದ್ಯವಾನರಾಮೂಢಚೇತಸಃ ।
ಶರಣ್ಯಂಶರಣಂಜಗ್ಮುರ್ಲಕ್ಷ್ಮಣಾಗ್ರಜಮಾಹವೇ ॥ 9 ॥
ತೋಽತಿಕಾಯಂಕಾಕುತ್ಸ್ಥೋರಥಸ್ಥಂಪರ್ವತೋಪಮಮ್ ।
ದದರ್ಶಧವನಿನಂದೂರಾದ್ಗರ್ಜಂತಂಕಾಲಮೇಘವತ್ ॥ 10 ॥
ಸ ತಂದೃಷ್ಟವಾಮಹಾತ್ಮಾನಂರಾಘವಸ್ತುವಿಸಿಸ್ಮಿಯೇ ।
ವಾನರಾನ್ ಸಾಂತ್ವಯಿತ್ವಾ ಚ ವಿಭೀಷಣಮುವಾಚ ಹ ॥ 11 ॥
ಕೋಽಸೌಪರ್ವತಸಂಕಾಶೋಧನುಷ್ಮಾನ್ಹರಿಲೋಚನಃ ।
ಯುಕ್ತೇಹಯಸಹಸ್ರೇಣವಿಶಾಲೇಸ್ಯಂದನೇಸ್ಥಿತಃ ॥ 12 ॥
ಯ ಏಷನಿಶಿತೈಶ್ಶೂಲೈಸ್ಸುತೀಕ್ಣೈಃಪ್ರಾಸಮುದ್ಗರೈಃ ।
ಅರ್ಚಿಷ್ಮದ್ಭಿರ್ವೃತೋಭಾತಿಭೂತೈರಿವಮಹೇಶ್ವರಃ ॥ 13 ॥
ಕಾಲಜಿಹ್ವಾಪ್ರಕಾಶಾಭಿರ್ಯಏಷೋಽತಿವಿರಾಜತೇ ।
ಆವೃತೋರಥಶಕ್ತೀಭಿರ್ವಿದ್ಯುದ್ಭಿರಿವತೋಯದಃ ॥ 14 ॥
ಧನೂಂಷಿಚಾಸ್ಯಸಜ್ಜಾನಿಹೇಮಪೃಷ್ಠಾನಿಸರ್ವಶಃ ।
ಶೋಭಯಂತಿರಥಶ್ರೇಷ್ಠಂಶಕ್ರಚಾಪಮಿವಾಂಬರಮ್ ॥ 15 ॥
ಕ ಏಷರಕ್ಷಶ್ಶಾರ್ದೂಲೋರಣಭೂಮಿವಿರಾಜಯನ್ ।
ಅಭ್ಯೇತಿರಥಿನಾಂಶ್ರೇಷ್ಠೋರಥೇನಾದಿತ್ಯತೇಜಸಾ ॥ 16 ॥
ಧ್ವಜಶೃಂಗಪ್ರತಿಷ್ಠೇನರಾಹುಣಾಭಿವಿರಾಜತೇ ।
ಸೂರ್ಯರಮಶಿನಿಭೈರ್ಬಾಣೈರ್ದಿಶೋ ದಶ ವಿರಾಜಯನ್ ॥ 17 ॥
ತ್ರಿಣತಂಮೇಘಸನ್ನಾದಂಹೇಮಪೃಷ್ಠಮಲಂಕೃತಮ್ ।
ಶತಕ್ರತುಧನುಃಪ್ರಖ್ಯಂಧನುಶ್ಚಾಸ್ಯವಿರಾಜತೇ ॥ 18 ॥
ಸ ಧ್ವಜಸ್ಸಪತಾಕಶ್ಚಸಾನುಕರ್ಷೋಮಹಾರಥಃ ।
ಚತುಸ್ಸಾದಿಸಮಾಯುಕ್ತೋಮೇಘಸ್ತನಿತಾನಿ ॥ 19 ॥
ವಿಂಶತಿರ್ದಶ ಚಾಷ್ಟೌ ಚ ತೂಣೀರರಥಮಾಸ್ಥಿತಾಃ ।
ಕಾರ್ಮುಕಾಣಿ ಚ ಭೀಮಾನಿ ಜ್ಯಾಶ್ಚ ಕಾಂಚನಪಿಂಗಲಾಃ ॥ 20 ॥
ದ್ವೌ ಚ ಖಡಗೌರಥಗತೌಪಾರ್ಶ್ವಸ್ಥೌಪಾರ್ಶ್ವಶೋಭಿತೌ ।
ಚತುರ್ಹಸ್ತತ್ಸರುಯುತೌವ್ಯಕ್ತಹಸ್ತದಶಾಯತೌ ॥ 21 ॥
ರಕ್ತಕಂಠಗುಣೋ ಧೀರೋ ಮಹಾಪರ್ವತಸಂನಿಭಃ ।
ಕಾಲಃ ಕಾಲಮಹಾವಕ್ತ್ರೋ ಮೇಘಸ್ಥ ಇವ ಭಾಸ್ಕರಃ ॥ 22 ॥
ಕಾಂಚನಾಂಗದನದ್ಧಾಭ್ಯಾಂಭೂಜಾಭ್ಯಾಮೇಷಶೋಭತೇ ।
ಶೃಂಗಾಭ್ಯಾಮಿವತುಂಗಾಭ್ಯಾಂಹಿಮವಾನ್ ಪರ್ವತೋತ್ತಮಃ ॥ 23 ॥
ಕುಂಡಲಾಭ್ಯಾಂತುಯಸ್ಯೈತದ್ಭತಧ್ಭಾತಿಶುಭೇಕ್ಷ ।
ಪುನರ್ವಸ್ವಂತರಗತಂಪೂರ್ಣಂಭಿಂಬಮಿವೈಂದವಮ್ ॥ 24 ॥
ಆಚಕ್ಷ್ವಮೇಮಹಾಬಾಹೋತ್ವಮೇನಂರಾಕ್ಷಸೋತ್ತಮಮ್ ।
ಯಂದೃಷ್ಟವಾವಾನರಾಸ್ಸರ್ವೇಭಯಾರ್ತಾವಿದ್ರುತಾದಿಶಃ ॥ 25 ॥
ಸ ಪೃಷ್ಟೋರಾಜಪುತ್ರೇಣರಾಮೇಣಾಮಿತತೇಜಸಾ ।
ಆಚಚಕ್ಷೇಮಹಾತೇಜಾರಘವಾಯವಿಭೀಷಣಃ ॥ 26 ॥
ದಶಗ್ರೀವೋಮಹಾತೇಜಾರಾಜಾವೈಶ್ರವಣಾನುಜಃ ।
ಭೀಮಕರ್ಮಾಮಹೋತ್ಸಾಹೋರಾವಣೋರಾಕ್ಷಸಾಧಿಪಃ ॥ 27 ॥
ತಸ್ಯಾಸೀದ್ವೀರ್ಯವಾನ್ಪುತ್ರೋರಾವಣಪ್ರತಿಮೋರಣೇ ।
ವೃದ್ಧಸೇವೀಶ್ರುತಿಧರಸ್ಸರ್ವಾಸ್ತ್ರವಿದುಷಾಂವರಃ ॥ 28 ॥
ಅಶ್ವಪೃಷ್ಠೇರಥೇನಾಗೇಖಡಗೇಧನುಷಿಕರ್ಷಣೇ ।
ಭೇದೇಸಾಂತ್ವೇ ಚ ದಾನೇ ಚ ನಯೇಮಂತ್ರೇ ಚ ಸಮ್ಮತಃ ॥ 29 ॥
ಯಸ್ಯಬಾಹೂಸಮಾಶ್ರಿತ್ಯಲಂಕಾವಸತಿನಿರ್ಭಯಾ ।
ತನಯಂಧಾನ್ಯಮಾಲಿನ್ಯಾಅತಿಕಾಯಮಿಮಂವಿದುಃ ॥ 30 ॥
ಏತೇನಾರಾಧಿತೋಬ್ರಹ್ಮೋತಪಸಾಭಾವಿತಾತ್ಮನಾ ।
ಅಸ್ತ್ರಾಣಿಚಾಪ್ಯವಾಪ್ತಾನಿರಿಪವಶ್ಚಪರಾಜಿತಾಃ ॥ 31 ॥
ಸುರಾಸುರೈರವಧ್ಯತ್ವಂದತ್ತಮಸ್ಮೈಸ್ವಯಂಭುವಾ ।
ಏತಚ್ಚಕವಚಂದಿವ್ಯಂರಧಶ್ಚೈಷೋಽರಭಾಸ್ವರಃ ॥ 32 ॥
ಏತೇನಶತಶೋದೇವಾದಾನವಾಶ್ಚಪರಾಜಿತಾಃ ।
ರಕ್ಷಿತಾನಿ ಚ ರಕ್ಷಾಂಸಿಯಕ್ಷಾಶ್ಚಾಪಿನಿಷೂದಿತಾಃ ॥ 33 ॥
ವಜ್ರಂವಿಷ್ಟಂಭಿತಂಯೇನಬಾಣೈರಿಂದ್ರಸ್ಯಧೀಮತಃ ।
ಪಾಶಸ್ಸಲಿಲರಾಜಸ್ಯರಣೇಪ್ರತಿಹತಸ್ತಥಾ ॥ 34 ॥
ಏಷೋಽತಿಕಾಯೋಬಲವಾನ್ರಾಕ್ಷಸಾನಾಮಥರ್ಷಭಃ ।
ರಾವಣಸ್ಯತೋಧೀಮಾಂದೇವದಾನವದರ್ಪಹಾ ॥ 35 ॥
ತದಸ್ಮಿನ್ಕ್ರಿಯತಾಂಯತ್ನಃಕ್ಷಿಪ್ರಂಪುರುಷಪುಂಗವ ।
ಪುರಾವಾನರಸೈನ್ಯಾನಿಕ್ಷ್ಯಂನಯತಿಸಾಯಕೈಃ ॥ 36 ॥
ತತೋತಿಕಾಯೋಬಲವಾನ್ಪ್ರವಿಶ್ಯಹರಿವಾಹಿನೀಮ್ ।
ವಿಷ್ಫಾರಯಾಮಾಸಧನುರ್ನನಾದ ಚ ಪುನಃಪುನಃ ॥ 37 ॥
ತಂಭೀಮವಪುಷಂದೃಷ್ಟವಾರಥಸ್ಥಂರಥಿನಾಂವರಮ್ ।
ಅಭಿಪೇತುರ್ಮಹಾತ್ಮಾನೋಯೇಪ್ರಧಾನಾವನೌಕಸಃ ॥ 38 ॥
ಕುಮುದೋದ್ವಿವಿದೋಮೈಂದೋನೀಲಶ್ಶರಭಏವ ಚ ।
ಪಾದಪೈರ್ಗಿರಿಶೃಂಗೈಶ್ಚಯುಗಪತ್ಸಮಭಿದ್ರವನ್ ॥ 39 ॥
ತೇಷಾಂವೃಕ್ಷಾಂಶ್ಚಶೈಲಾಂಶ್ಚಶರೈಃಕಾಂಚನಭೂಷಣೈಃ ।
ಅತಿಕಾಯೋಮಹಾತೇಜಾಶ್ಚಿಚ್ಛೇದಾಸ್ತ್ರವಿದಾಂವರಃ ॥ 40 ॥
ತಾಂಶ್ಚೈವಸರ್ವಾನ್ ಸ ಹರೀನ್ ಶರೈಸ್ಸರ್ವಾಯಸೈರ್ಬಲೀ ।
ವಿವ್ಯಾಥಾಭಿಮುಖಸ್ಸಂಖ್ಯೇಭೀಮಕಾಯೋನಿಶಾಚರ ॥ 41 ॥
ತೇಽರ್ದಿತಾಂಬಾಣವರ್ಷೇಣಭಿನ್ನಗಾತ್ರಾಃಪ್ಲವಂಗಮಾಃ ।
ನ ಶೇಕುರತಿಕಾಯಸ್ಯಪ್ರತಿಕರ್ತುಂಮಹಾರಣೇ ॥ 42 ॥
ತತ್ ತ್ಸೈನ್ಯಂಹರಿವೀರಾಣಾಂತ್ರಾಸಯಾಮಾಸರಾಕ್ಷಸಃ ।
ಮೃಗಯೂಥಮಿವಕ್ರುದ್ಧೋಹರಿರ್ಯೌವನದರ್ಪಿತಃ ॥ 43 ॥
ಸರಾಕ್ಷಸೇಂದ್ರೋಹರಿಸೈನ್ಯಮಧ್ಯೇನಾಯುಧ್ಯಮಾನಂನಿಜಘಾನಕಂಚಿತ್ ।
ಉಪೇತ್ಯರಾಮಂಸಧಮಃ ಕಲಾಪೀ ಸ ಗರ್ವಿತಂವಾಕ್ಯಮಿದಂಬಭಾಷೇ ॥ 44 ॥
ರಥೇಸ್ಥಿತೋಹಂಶರಚಾಪಪಾಣಿರ್ನಪ್ರಾಕೃತಂಕಂಚನಯೋಧಯಾಮಿ ।
ಯಸ್ಯಾಸ್ತಿಕಶ್ಚಿದ್ವ್ಯವಸಾಯಯುಕ್ತೋದದಾತುಮೇಕ್ಷಿಪ್ರಮಿಹಾದ್ಯಯುದ್ಧಮ್ ॥ 45 ॥
ತತ್ತಸ್ಯವಾಕ್ಯಂಬ್ರುವತೋನಿಶಮ್ಯಚುಕೋಪಸೌಮಿತ್ರಿರಮಿತ್ರಹಂತಾ ।
ಅಮೃಷ್ಯಮಾಣಶ್ಚಸಮುತ್ಪಪಾತಜಗ್ರಾಹಚಾಪಂ ಚ ತತಸ್ಸ್ಮಯಿತ್ವಾ ॥ 46 ॥
ಕ್ರುದ್ಧಸ್ಸೌಮಿತ್ರಿರುತ್ಪತ್ಯತೂಣಾದಾಕ್ಷಿಪ್ಯಸಾಯಕಮ್ ।
ಪುರಸ್ತಾದತಿಕಾಯಸ್ಯವಿಚಕರ್ಷಮಹದ್ಧನುಃ ॥ 47 ॥
ಪೂರಯನ್ ಸ ಮಹೀಂಶೈಲಾನಾಕಾಶಂಸಾಗರಂದಿಶಃ ।
ಜ್ಯಾಶಬ್ದೋಲಕ್ಷ್ಮಣಸ್ಯೋಗ್ರಸ್ತ್ರಾಸಯನ್ ರಜನೀಚರಾನ್ ॥ 48 ॥
ಸೌಮಿತ್ರೇಶ್ಚಾಪನಿರ್ಘೋಷಂಶ್ರುತ್ವಾಪ್ರತಿಭಯಂತದಾ ।
ವಿಸಿಷ್ಮಿಯೇಮಹಾತೇಜಾರಾಕ್ಷಸೇಂದ್ರಾತ್ಮಜೋಬಲೀ ॥ 49 ॥
ಅಥಾತಿಕಾಯಃಕುಪಿತೋದೃಷ್ಟವಾಲಕ್ಷ್ಮಣಮುತ್ಥಿತಮ್ ।
ಆದಾಯನಿಶಿತಂಬಾಣಮಿದಂವಚನಮಬ್ರವೀತ್ ॥ 50 ॥
ಬಾಲಸ್ತ್ವಮಸಿಸೌಮಿತ್ರೇವಿಕ್ರಮೇಷ್ವವಿಚಕ್ಷಣಃ ।
ಗಚ್ಛಕಿಂಕಾಲಸದೃಶಂಮಾಂಯೋಧಯತುಮಿಚ್ಛಸಿ ॥ 51 ॥
ನ ಹಿಮದ್ಬಾಹುಸೃಷ್ಟಾನಾಮಸ್ತ್ರಾಣಾಹಿಮವಾನಪಿ ।
ಸೋಢುಮುತ್ಸಹತೇವೇಗಮಂತರಿಕ್ಷಮಥೋಮಹೀ ॥ 52 ॥
ಸುಖಪ್ರಸುಪ್ತಂಕಾಲಾಗ್ನಿಂವಿಬೋಧಯಿತುಮಿಚ್ಛಸಿ ।
ನ್ಯಸ್ಯಚಾಪಂನಿವರ್ತಸ್ವಮಾಪ್ರಾಣಾನ್ ಜಹಿಮದ್ಗತಃ ॥ 53 ॥
ಅಥವಾತ್ವಂಪ್ರತಿಷ್ಟಬ್ಧೋ ನ ನಿವರ್ತಿತುಮಿಚ್ಛಸಿ ।
ತಿಷ್ಠಪ್ರಾಣಾನ್ ಪರಿತ್ಯಜ್ಯಗಮಿಷ್ಯಸಿಯಮಕ್ಷ್ಯಮ್ ॥ 54 ॥
ಪಶ್ಯಮೇನಿಶಿತಾನ್ಬಾಣಾನರಿದರ್ಪನಿಷೂದನಾನ್ ।
ಈಶ್ವರಾಯುಧಸಂಕಾಶಾಂಸ್ತಪ್ತಕಾಂಚನಭೂಷಣಾನ್ ॥ 55 ॥
ಏಷ ತೇ ಸರ್ಪಸಂಕಾಶೋ ಬಾಣಃ ಪಾಸ್ಯತಿ ಶೋಣಿತಮ್ ।
ಮೃಗರಾಜ ಇವ ಕ್ರುದ್ಧೋ ನಾಗರಾಜಸ್ಯ ಶೋಣಿತಮ್ ॥ 56 ॥
ಇತ್ಯೇವಮುಕ್ತ್ವಾಸಂಕ್ರುದ್ಧಶ್ಶರಂಧನುಷಿಸಂದಧೇ ।
ಶ್ರುತ್ವಾತಿಕಾಯಸ್ಯವಚಸ್ಸರೋಷಂಸಗರ್ವಿತಂಸಮ್ಯತಿರಾಜಪುತ್ರಃ ।
ಸ ಸಂಚುಕೋಪಾತಿಬಲೋಮನಸ್ವೀರುವಾಚವಾಕ್ಯಂ ಚ ತತೋಮಹಾರ್ಥಮ್ ॥ 57 ॥
ನ ವಾಕ್ಯಮಾತ್ರೇಣಭವಾನ್ ಪ್ರಧಾನೋ ನ ಕತ್ಥನಾತ್ಸತ್ಪುರುಷಾಭವಂತಿ ।
ಮಯಿಸ್ಥಿತೇಧನ್ವಿನಿಬಾಣಪಾಣೌನಿದರ್ಶಯಸ್ವಾತ್ಮಬಲಂದುರಾತ್ಮನ್ ॥ 58 ॥
ಕರ್ಮಣಾ ಸೂಚಯಾತ್ಮಾನಂ ನ ವಿಕತ್ಥಿತುಮರ್ಹಸಿ ।
ಪೌರುಷೇಣ ತು ಯೋ ಯುಕ್ತಃ ಸ ತು ಶೂರ ಇತಿ ಸ್ಮೃತಃ ॥ 59 ॥
ಸರ್ವಾಯುಧಸಮಾಯುಕ್ತೋಧನ್ವೀತ್ವಂರಥಮಾಸ್ಥಿತಃ ।
ಶರೈರ್ವಾಯದಿವಾಪ್ಯಸ್ತ್ರೈರ್ದರ್ಶಯಸ್ವಪರಾಕ್ರಮಮ್ ॥ 60 ॥
ತತಃ ಶಿರಸ್ತೇ ನಿಶಿತೈಃ ಪಾತಯಿಷ್ಯಾಮ್ಯಹಂ ಶರೈಃ ।
ಮಾರುತಃ ಕಾಲಸಂಪಕ್ವಂ ವೃಂತಾತ್ತಾಲಫಲಂ ಯಥಾ ॥ 61 ॥
ಅದ್ಯತೇಮಾಮಕಾಬಾಣಾಸ್ತಪ್ತಕಾಂಚನಭೂಷಣಾಃ ।
ಪಾಸ್ಯಂತಿರುಧಿರಂಗಾತ್ರಾದ್ಬಾಣಶಲ್ಯಾಂತರೋತ್ಥಿತಮ್ ॥ 62 ॥
ಬಾಲೋಽಯಮಿತಿವಿಜ್ಞಾಯ ನ ಮಾವಜ್ಞಾತುಮರ್ಹಸಿ ।
ಬಾಲೋವಾಯದಿವಾವೃದ್ಧೋಮೃತ್ಯುಂಜಾನೀಹಿಸಂಯುಗೇ ॥ 63 ॥
ಬಾಲೇನವಿಷ್ಣುನಾಲೋಕಾಸ್ತ್ರಯಃಕ್ರಾಂತಾಸ್ತ್ರಿವಿಕ್ರಮೈಃ ।
ಲಕ್ಷ್ಮಣಸ್ಯವಚಶ್ಶ್ರುತ್ವಾಹೇತುಮತ್ಪರಮಾರ್ಥವತ್ ॥ 64 ॥
ಅತಿಕಾಯಃಪ್ರಚುಕ್ರೋಧಬಾಣಂಚೋತ್ತಮಮಾದದೇ ।
ತತೋವಿದ್ಯಾಧರಾಭೂತಾದೇವಾದೈತ್ಯಾಮಹರ್ಷಯಃ ॥ 65 ॥
ಗುಹ್ಯಕಾಶ್ಚಮಹಾತ್ಮಾನಸ್ತದ್ಯುದ್ಧಂದ್ರಷ್ಟುಮಾಗಮನ್ ।
ತೋಽತಿಕಾಯಃಕುಪಿತಶ್ಚಾಪಮಾರೋಪ್ಯಸಾಯಕಮ್ ॥ 66 ॥
ಲಕ್ಷ್ಮಣಾಯಪ್ರಚಿಕ್ಷೇಪಸಂಕ್ಷಿಪನ್ನಿವಚಾಂಬರಮ್ ।
ತಮಾಪತಂತಂನಿಶಿತಂಶರಮಾಶೀವಿಷೋಪಮಮ್ ॥ 67 ॥
ಅರ್ಧಚಂದ್ರೇಣಚಿಚ್ಛೇದಲಕ್ಷ್ಮಣಃಪರವೀರಹಾ ।
ತಂನಿಕೃತ್ತಂಶರಂದೃಷ್ಟವಾಕೃತ್ತಭೋಗಮಿವೋರಗಮ್ ॥ 68 ॥
ಅತಿಕಾಯೋಭೃಶಂಕ್ರುದ್ಧಃಪಂಚಬಾಣಾನ್ ಸಮಾದದೇ ।
ತಾನ್ಶರಾನ್ ಸಂಪ್ರಚಿಕ್ಷೇಪಲಕ್ಷ್ಮಣಾಯನಿಶಾಚರಃ ॥ 69 ॥
ತಾನಪ್ರಾಪ್ತಾನ್ ಶರೈಸ್ತೀಕ್ಷ್ಣೈಶ್ಚಿಚ್ಛೇದಭರತಾನುಜಃ ।
ಸತಾನ್ ಛಿತ್ತ್ವಾಶಿತೈರ್ಬಾಣೈರ್ಲಕ್ಷ್ಮಣಃಪರವೀರಹಾ ॥ 70 ॥
ಆದದೇನಿಶಿತಂಬಾಣಂಜ್ವಲಂತಮಿವತೇಜಸಾ ।
ತಮಾದಾಯಧನುಶ್ಶ್ರೇಷ್ಠೇಯೋಜಯಾಮಾಸಲಕ್ಷ್ಮಣಃ ॥ 71 ॥
ವಿಚಕರ್ಷ ಚ ವೇಗೇನವಿಸಸರ್ಜ ಚ ವೀರ್ಯವಾನ್ ।
ಪೂರ್ಣಾಯತವಿಸೃಷೇನಶರೇಣನತಪರ್ವಣಾ ॥ 72 ॥
ಲಲಾಟೇರಾಕ್ಷಸಶ್ರೇಷ್ಠಮಾಜಘಾನ ಸ ವೀರ್ಯವಾನ್ ।
ಸಲಲಾಟೇಶರೋಮಗ್ನಸ್ತಸ್ಯಭೀಮಸ್ಯರಕ್ಷಸಃ ॥ 73 ॥
ದದೃಶೇ ಶೋಣಿತೇನಾಕ್ತಃ ಪನ್ನಗೇಂದ್ರ ಇವಾಹವೇ ।
ರಾಕ್ಷಸಃ ಪ್ರಚಕಂಪೇ ಚ ಲಕ್ಷ್ಮಣೇಷು ಪ್ರಕಂಪಿತಃ ॥ 74 ॥
ರುದ್ರಬಾಣಹತಂಘೋರಂಯಥಾತ್ರಿಪುರಗೋಪುರಮ್ ।
ಚಿಂತಯಾಮಾಸಚಾಶ್ವಾಸ್ಯವಿಮೃಶ್ಯ ಚ ಮಹಾಬಲಃ ॥ 75 ॥
ಸಾಧುಬಾಣನಿಪಾತೇನಶ್ಲಾಘನೀಯೋಽಸಿಮೇರಿಪುಃ ।
ವಿಧಾಯೈವಂವಿನಮ್ಯಾಸ್ಯಂನಿಯಮ್ಯ ಚ ಭುಜಾವುಭೌ ॥ 76 ॥
ಸ ರಥೋಪಸ್ಥಮಾಸ್ಥಾಯರಥೇನಪ್ರಚಚಾರ ಹ ।
ಕಂತ್ರೀನ್ಪಂಚಸಪ್ತೇತಿಸಾಯನ್ರಾಕ್ಷಸರ್ಷಭಃ ॥ 77 ॥
ಆದದೇಸಂದಧೇಚಾಪಿವಿಚಕರ್ಷೋತ್ಸಸರ್ಜ ಚ ।
ತೇಬಾಣಾಃಕಾಲಸಂಕಾಶಾರಾಕ್ಷಸೇಂದ್ರಧುನುಶ್ಚ್ಯುತಾಃ ॥ 78 ॥
ಹೇಮಪುಂಖಾರವಿಪ್ರಖ್ಯಾಶ್ಚಕ್ರುರ್ದೀಪ್ತಮಿವಾಂಬರಮ್ ।
ತಸ್ತಾನ್ರಾಕ್ಷಸೋತ್ಸೃಷ್ಟಾನ್ಶರೌಘಾನ್ರಾಘವಾನುಜಃ ॥ 79 ॥
ಅಸಂಬ್ರಾಂತಃಪ್ರಚಿಚ್ಛೇದನಿಶಿತೈರ್ಬಹುಭಿಶ್ಶರೈಃ ।
ತಾನ್ ಶರಾನ್ಯುಧಿಸಂಪ್ರೇಕ್ಷ್ಯನಿಕೃತ್ತಾನ್ರಾವಣಾತ್ಮಜಃ ॥ 80 ॥
ಚುಕೋಪತ್ರಿದಶೇಂದ್ರಾರಿರ್ಜಗ್ರಾಹನಿಶಿತಂಶರಮ್ ।
ಸಸಂಧಾಯಮಹಾತೇಜಾಸ್ತಂಬಾಣಂಸಹಸೋತ್ಸೃಜತ್ ॥ 81 ॥
ತೇನಸ್ಸೌಮಿತ್ರಿಮಾಯಾಂತಮಾಜಘಾನಸ್ತನಾಂತರೇ ।
ಅತಿಕಾಯೇನಸೌಮಿತ್ರಿಸ್ತಾಡಿತೋಯುಧಿವಕ್ಷಸಿ ॥ 82 ॥
ಸುಸ್ರಾವ ರುಧಿರಂ ತೀವ್ರಂ ಮದಂ ಮತ್ತ ಇವ ದ್ವಿಪಃ ।
ಸ ಚಕಾರ ತದಾತ್ಮಾನಂ ವಿಶಲ್ಯಂ ಸಹಸಾ ವಿಭುಃ ॥ 83 ॥
ಜಗ್ರಾಹ ಚ ಶರಂತೀಕ್ಷ್ಣಮಸ್ತ್ರೇಣಾಪಿಚಸಂದಧೇ ।
ಆಗ್ನೇಯೇನತದಾಽಸ್ತ್ರೇಣಯೋಜಯಾಮಾಸಸಾಯಕಮ್ ॥ 84 ॥
ಸ ಜಜ್ವಾಲತದಾಬಾಣೋಧನುಷ್ಯಸ್ಯಮಹಾತ್ಮನಃ ।
ಅತಿಕಾಯೋತಿತೇಜಸ್ವೀಸೌರಮಸ್ತ್ರಂಸಮಾದಧೇ ॥ 85 ॥
ತೇನಬಾಣಂಭುಜಂಗಾಭಂಹೇಮಪುಂಖಮಯೋಜಯತ್ ।
ತದಸ್ತ್ರಂಜ್ವಲಿತಂಘೋರಂಲಕ್ಷ್ಮಣಶ್ಶರಮಾಹಿತಮ್ ॥ 86 ॥
ಅತಿಕಾಯಾಯಚಿಕ್ಷೇಪಕಾಲದಂಡಮಿವಾಂತಕಃ ।
ಆಗ್ನೇಯೇನಾಭಿಸಂಯುಕ್ತಂದೃಷ್ಟವಾಬಾಣಂನಿಶಾಚರಃ ॥ 87 ॥
ಉತ್ಸಸರ್ಜತದಾಬಾಣಂದೀಪ್ತಂಸೂರ್ಯಾಸ್ತ್ರಯೋಜಿತಮ್ ।
ತಾವುಭಾವಂಬರೇಬಾಣಾವನ್ಯೋನ್ಯಮಭಿಜಘ್ನತುಃ ॥ 88 ॥
ತೇಜಸಾಸಂಪ್ರದೀಪ್ತಾಗ್ರೌಕ್ರುದ್ಧಾವಿವಭುಜಂಗಮೌ ।
ತಾವನ್ಯೋನ್ಯಂವಿನಿರ್ದಹ್ಯಪೇತತುರ್ಧರಣೀತಲೇ ॥ 89 ॥
ನಿರರ್ಚಿಷೌಭಸ್ಮಕೃತೌ ನ ಭ್ರಾಜೇತೇಶರೋತ್ತಮೌ ।
ತಾವುಭೌದೀಪ್ಯಮಾನೌಸ್ಮ ನ ಭ್ರಾಜೇತೇಮಹೀತಲೇ ॥ 90 ॥
ತತೋಽತಿಕಾಯಸ್ಸಂಕೃದ್ಧಸ್ತ್ವಸ್ತ್ರಮೈಷೀಕಮುತ್ಸೃಜತ್ ।
ತತ್ಪ್ರಚಿಚ್ಛೇದಸೌಮಿತ್ರಿರಸ್ತ್ರಮೈಂದ್ರೇಣವೀರ್ಯವಾನ್ ॥ 91 ॥
ಐಷೀಕಂನಿಹತಂದೃಷ್ಟವಾರುಷಿತೋರಾವಣಾತ್ಮಜಃ ।
ಯಾಮ್ಯೇನಾರ್ಸ್ತೇಣಸಂಕೃದ್ಧೋಯೋಜಯಾಮಾಸಸಾಯಕಮ್ ॥ 92 ॥
ತತಸ್ತದಸ್ತ್ರಂಚಿಕ್ಷೇಪಲಕ್ಷ್ಮಣಾಯನಿಶಾಚರಃ ।
ವಾಯವ್ಯೇನತದಸ್ತ್ರೇಣನಿಜಘಾನ ಸ ಲಕ್ಷ್ಮಣಃ ॥ 93 ॥
ಅಥೈನಂಶರಧಾರಾಭಿರ್ಧಾರಾಭಿರಿವತೋಯದಃ ।
ಅಭ್ಯವರ್ಷತ್ಸುಸಂಕೃದ್ಧೋಲಕ್ಷ್ಮಣೋರಾವಣಾತ್ಮಜಮ್ ॥ 94 ॥
ತೇಽತಿಕಾಯಂಸಮಾಸಾದ್ಯಕವಚೇವಜ್ರಭೂಷಿತೇ ।
ಭಗ್ನಾಗ್ರಶಲ್ಯಾಸ್ಸಹಸಾಪೇತುರ್ಬಾಣಾಮಹೀತಲೇ ॥ 95 ॥
ತಾನ್ಮೋಘಾನಭಿಸಂಪ್ರೇಕ್ಷ್ಯಲಕ್ಷ್ಮಣಃಪರವೀರಹಾ ।
ಅಭ್ಯವರ್ಷನ್ಮಹೇಷೂಣಾಂಸಹಸ್ರೇಣಮಹಾಯಶಾಃ ॥ 96 ॥
ಸ ವೃಷ್ಯಮಾಣೋಬಾಣೌಘೈರತಿಕಾಯೋಮಹಾಬಲಃ ।
ಅವಧ್ಯಕವಚಸ್ಸಂಖ್ಯೇರಾಕ್ಷಸೋನೈವವಿವ್ಯಥೇ ॥ 97 ॥
ಶರಂಚಾಶೀವಿಷಾಕಾರಂಲಕ್ಷ್ಮಣಾಯವ್ಯಪಾಸೃಜತ್ ।
ಸ ತೇನವಿದ್ಧಸ್ಸೌಮಿತ್ರಿರ್ಮರ್ಮದೇಶೇಶರೇಣ ಹ ॥ 98 ॥
ಮುಹೂರ್ತಮಾತ್ರಂನಿಸ್ಸಂಜ್ಞೋಹ್ಯಭವಚ್ಛತ್ರುತಾಪನಃ ।
ತತಃಸ್ಸಂಜ್ಞಾಮುಪಾಲಭ್ಯಚತುರ್ಭಿಸ್ಸಾಯಕೋತ್ತಮೈಃ ॥ 99 ॥
ನಿಜಘಾನಹಯಾನ್ಸಂಖ್ಯೇಸಾರಥಿಂ ಚ ಮಹಾಬಲಃ ।
ಧ್ವಜಸ್ಯೋನ್ಮಥನಂಕೃತ್ವಾಶರವರ್ಷೈರರಿಂದಮಃ ॥ 100 ॥
ಅಸಂಭ್ರಾಂತಸ್ಸಸೌಮಿತ್ರಿಸ್ತಾನ್ಶರಾನಭಿಲಕ್ಷಿತಾನ್ ।
ಮುಮೋಚಲಕ್ಷ್ಮಣೋಬಾಣಾನ್ವಧಾರ್ಥಂತಸ್ಯರಕ್ಷಸಃ ॥ 101 ॥
ನ ಶಶಾಕರುಜಂಕರ್ತುಂಯುಧಿತಸ್ಯನರೋತ್ತಮಃ ।
ಅಥೈನಮಭ್ಯುಪಾಗಮ್ಯವಾಯುರ್ವಾಕ್ಯಮುವಾಚ ಹ ॥ 102 ॥
ಬ್ರಹ್ಮದತ್ತವರೋ ಹ್ಯೇಷ ಅವಧ್ಯ ಕವಚಾವೃತಃ ।
ಬ್ರಾಹ್ಮೇಣಾಸ್ತ್ರೇಣ ಭಿಂಧ್ಯೇನಮೇಷ ವಧ್ಯೋ ಹಿ ನಾನ್ಯಥಾ ॥ 103 ॥
ಅವಧ್ಯಏಷಹ್ಯನ್ಯೇಷಾಮಸ್ತ್ರಾಣಾಂಕವಚೀಬಲೀ ।
ತತಸ್ತುವಾಯೋರ್ವಚನಂನಿಶಮ್ಯಸೌಮಿತ್ರಿರಿಂದ್ರಪ್ರತಿಮಾನವೀರ್ಯಃ ।
ಸಮಾದದೇಬಾಣಮಮೋಘವೇಗಂತದ್ಬ್ರಾಹ್ಮಮಸ್ತ್ರಂಸಹಸಾನಿಯೋಜ್ಯ ॥ 104 ॥
ನಿಯುಜ್ಯಮಾನೇಸೌಮಿತ್ರಿಣಾಬಾಣವರೇಶಿತಾಗ್ರೇ ।
ದಿಶಶ್ಚಚಂದ್ರರ್ಕಮಹಾಗ್ರಹಾಶ್ಚನಭಶ್ಚತತ್ರಾಸಚಚಾಲಚೋರ್ವೀ ॥ 105 ॥
ತಂಬ್ರಹ್ಮಣೋಽಸ್ತ್ರೇಣನಿಯುಜ್ಯಚಾಪೇಶರಂಸುಪುಂಖಂಯಮದೂತಕಲ್ಪಮ್ ।
ಸೌಮಿತ್ರಿರಿಂದ್ರಾರಿಸುತಸ್ಯತಸ್ಯಸಸರ್ಜಬಾಣಂಯುಧಿವಜ್ರಕಲ್ಪಮ್ ॥ 106 ॥
ತಂಲಕ್ಷ್ಮಣೋತ್ಸೃಷ್ಟಮಮೋಘವೇಗಂಸಮಾಪತಂತಂಜ್ಯಲನಪ್ರಕಾಶಮ್ ।
ಸುಪರ್ಣವಜ್ರೋತ್ತಮಚಿತ್ರಪುಂಖಂತದಾಽತಿಕಾಯಸ್ಸಮರೇದದರ್ಶ ॥ 107 ॥
ತಂಪ್ರೇಕ್ಷಮಾಣಸ್ಸಹಸಾಽತಿಕಾಯೋಜಘಾನಬಾಣೈರ್ನಿಶಿತೈರನೇಕೈಃ ।
ಸ ಸಾಯಕಸ್ತಸ್ಯಸುಪರ್ಣವೇಗಸ್ತದಾತಿಕಾಯಸ್ಯಜಗಾಮಪಾರ್ಶ್ವಮ್ ॥ 108 ॥
ತಮಾಗತಂಪ್ರೇಕ್ಷ್ಯತದಾತಿಕಾಯೋಬಾಣಂಪ್ರದೀಪ್ತಾಂತಕಕಾಲಕಲ್ಪಮ್ ।
ಜಘಾನಕ್ತ್ಯೃಷ್ಟಿಗದಾಕುಠಾರೈಶೂಲೈರ್ಹುಲೈಶ್ಚಾಪ್ಯವಿಪನ್ನಚೇತಾ ॥ 109 ॥
ತಾನ್ಯಾಯುಧಾನ್ಯದ್ಭುತವಿಗ್ರಹಾಣಿಮೋಘಾನಿಕೃತ್ವಾ ಸ ಶರೋಽಗ್ನಿದೀಪ್ತಃ ।
ಪ್ರಗೃಹ್ಯತಸ್ಯೈವಕಿರೀಟಜುಷ್ಟಂ ತತೋಽತಿಕಾಯಸ್ಯಶಿರೋಜಹಾರ ॥ 110 ॥
ತಛಚಿರಸ್ಸಶಿರಸ್ತ್ರಾಣಂಲಕ್ಷ್ಮಣೇಷುಪ್ರಪೀಡಿತಮ್ ।
ಪಪಾತಸಹಸಾಭೂಮೌಶೃಂಗಂಹಿಮವತೋಯಥಾ ॥ 111 ॥
ತಂಭೂಮೌನಿಪತಿತಂದೃಷ್ಟವಾವಿಕ್ಷಿಪ್ತಭೂಷಣಂ ಬಭೂವುರ್ವ್ಯಥಿತಾಸ್ಸರ್ವೇಹತಶೇಷಾನಿಶಾಚರಾಃ ॥ 112 ॥
ತೇವಿಷಣ್ಣಮುಖಾದೀನಾಃಪ್ರಹಾರಜನಿತಶ್ರಮಾಃ ।
ವಿನೇದುರುಚ್ಚೈರ್ಬಹವಸ್ಸಹಸಾವಿಸ್ವರೈಸ್ಸ್ವರೈಃ ॥ 113 ॥
ತತಸ್ತೇತ್ವರಿತಂಯಾತಾನಿರಪೇಕ್ಷಾನಿಶಾಚರಾಃ ।
ಪುರೀಮಭಿಮುಖಾಭೀತಾದ್ರವಂತೋನಾಯಕೇಹತೇ ॥ 114 ॥
ಪ್ರಹರ್ಷಯುಕ್ತಾಬಹವಸ್ತುವಾನರಾಃಪ್ರಬುದ್ದಪದ್ಮಪ್ರತಿಮಾನನಾಸ್ತದಾ ।
ಅಪೂಜಯನ್ಲಕ್ಷ್ಮಣವಿಷ್ಟಭಾಗಿನಂಹತೇರಿಪೌಭೀಮಬಲೇದುರಾಸದೇ ॥ 115 ॥
ಅತಿಬಲಮತಿಕಾಯಮಭ್ರಕಲ್ಪಂಯುಧಿವಿನಿಪಾತ್ಯ ಸ ಲಕ್ಷ್ಮಣಃಪ್ರಹೃಷ್ಟಃ ।
ತ್ವರಿತಮಥತದಾ ಸ ರಾಮಪಾರ್ಶ್ವಂಕಪಿನಿವಹೈಶ್ಚಸುಪೂಜಿತೋಜಗಾಮ ॥ 116 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಏಕಸಪ್ತತಿತಮಸ್ಸರ್ಗಃ ॥
