ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಷಟ್ಪಂಚಾಶಸ್ಸರ್ಗಃ ।
ತದ್ದೃಷ್ಟವಾಸುಮಹತ್ಕರ್ಮಕೃತಂವಾನರತಸ್ತಮೈಃ ।
ಕ್ರೋಧಮಾಹಾರಯಾಮಾಸಯುಧಿತೀವ್ರಮಕಂಪನಃ ॥ 1 ॥
ಕ್ರೋಧಮೂರ್ಚಿತರೂಪಸ್ತುಧೂನ್ವನ್ಪರಮಕಾರ್ಮುಕಮ್ ।
ದೃಷ್ಟವಾತುಕರ್ಮಶತ್ರೂಣಾಂಸಾರಥಿಂವಾಕ್ಯಮಬ್ರವೀತ್ ॥ 2 ॥
ತತ್ತ್ತ್ವೈತಾವತ್ತ್ವರಿತಂರಥಂಪ್ರಾಪಯಸಾರಥೇ ।
ಯತ್ರೈತೇಬಹವೋಘ್ನಂತಿಸುಬಹೂನ್ರಾಕ್ಷಸಾನ್ರಣೇ ॥ 3 ॥
ಏತೇಽತ್ರಬಲವಂತೋಹಿಭೀಮಕೋಪಾಶ್ಚವಾನರಾಃ ।
ದ್ರುಮಶೈಲಪ್ರಹರಣಾಸ್ತಿಷ್ಠಂತಿಪ್ರಮುಖೇಮಮ ॥ 4 ॥
ಏತಾನ್ನಿಹಂತುಮಿಚ್ಛಾಮಿಸಮರಶ್ಲಾಘಿನೋಹ್ಯಹಮ್ ।
ಏತೈಃಪ್ರಮಥಿತಂಸರ್ವಂದೃಶ್ಯತೇರಾಕ್ಷಸಾಂಬಲಮ್ ॥ 5 ॥
ತತಃಪ್ರಜವನಾಶ್ವೇನರಥೇನರಥಿನಾಂವರಃ ।
ಹರೀನಭ್ಯಹನತ್ಕ್ರೋಧಾಚ್ಛರಜಾಲೈಕಂಪನಃ ॥ 6 ॥
ನಸ್ಥಾತುಂವಾನರಾಶ್ಶೇಕುಃಕಿಂಪುನರ್ಯೋದ್ಧುಮಾಹವೇ ।
ಅಕಂಪನಶರೈರ್ಭಗ್ನಾಸ್ಸರ್ವಏವವಿದುದ್ರುವುಃ ॥ 7 ॥
ತಾನ್ಮೃತ್ಯುವಶಮಾಪನ್ನಾನಕಂಪನವಂಶಗತಾನ್ ।
ಸಮೀಕ್ಷ್ಯಹನುಮಾನ್ಜ್ಞಾತೀನುಪತಸ್ಥೇಮಹಾಬಲಃ ॥ 8 ॥
ತಂಮಹಾಪ್ಲವಗಂದೃಷ್ಟವಾಸರ್ವೇತೇಪ್ಲವಗಯೂಥಪಾಃ ।
ಸಮೇತ್ಯಸಮರೇವೀರಾಸ್ಸಹಿತಾಃಪರ್ಯವಾರಯನ್ ॥ 9 ॥
ಅವಸ್ಥಿತಂಹನೂಮಂತಂತೇದೃಷ್ಟವಾಹರಿಯೂಥಪಾಃ ।
ಬಭೂವುರ್ಬಲವಂತೋಹಿಬಲವಂತಂಸಮಾಶ್ರಿತಾಃ ॥ 10 ॥
ಅಕಂಪನಸ್ ತು ಶೈಲ ಆಭಂ ಹನೂಮಂತಂ ಅವಸ್ಥಿತಮ್ ।
ಮಹಾ ಇಂದ್ರ;ಇವ ಧಾರಾಭಿಹ್ ಶರೈರ್ ಅಭಿವವರ್ಷ ಹ ॥ 11 ॥
ಅಚಿಂತಯಿತ್ವಾಬಾಣೌಘಾನ್ ಶರೀರೇಪತಿತಾನ್ಶಿತಾನ್ ।
ಅಕಂಪನವಧಾರ್ಥಾಯಮನೋದಧ್ರೇಮಹಾಬಲಃ ॥ 12 ॥
ಸಪ್ರಹಸ್ಯಮಹಾತೇಜಾಹನುಮಾನ್ ಮಾರುತಾತ್ಮಜಃ ।
ಅಭಿದುದ್ರಾವತದ್ರಕ್ಷಃಕಂಪಯನ್ನಿವಮೇದಿನೀಮ್ ॥ 13 ॥
ತಸ್ಯಾಭಿನರ್ದಮಾನಸ್ಯದೀಪ್ಯಮಾನಸ್ಯತೇಜಸಾ ।
ಬಭೂವರೂಪಂದುರ್ಧರ್ಷಂದೀಪ್ತಸ್ಯೇವವಿಭಾವಸೋಃ ॥ 14 ॥
ಆತ್ಮಾನಂಮಪ್ರಹರಣಂಜ್ಞಾತ್ವಾಕ್ರೋಧಸಮನ್ವಿತಃ ।
ಶೈಲಮುತ್ಪಾಟಯಾಮಾಸವೇಗೇನಹರಿಪುಂಗವಃ ॥ 15 ॥
ಗೃಹೀತ್ವಾತಂಮಹಾಶೈಲಂಪಾಣಿನೈಕೇನಮಾರುತಿಃ ।
ಸವಿನದ್ಯಮಹಾನಾದಂಭ್ರಾಮಯಾಮಾಸವೀರ್ಯವಾನ್ ॥ 16 ॥
ತತಸ್ತಮಭಿದುದ್ರಾವರಾಕ್ಷಸೇಂದ್ರಮಕಂಪನಮ್ ।
ಪುರಾಹಿನಮುಚಿಂಸಙ್ ಖ್ಯೇವಜ್ರೇಣೇವಪುರಂದರಃ ॥ 17 ॥
ಅಕಂಪನಸ್ತುತದ್ದೃಷ್ಟವಾಗಿರಿಶೃಂಗಂಸಮುದ್ಯತಮ್ ।
ದೂರಾದೇವಮಹಾಬಾಣೈರರ್ಧಚಂದ್ರೈರ್ವ್ಯದಾರಯತ್ ॥ 18 ॥
ತತ್ಪರ್ವತಾಗ್ರಮಾಕಾಶೇರಕ್ಷೋಬಾಣವಿದಾರಿತಮ್ ।
ವಿಕೀರ್ಣಂಪತಿತಂದೃಷ್ಟವಾಹನುಮಾನ್ಕ್ರೋಧಮೂರ್ಛಿತಃ ॥ 19 ॥
ಸೋಽಶ್ವಕರ್ಣಂಸಮಾಸಾದ್ಯರೋಷದರ್ಪಾನ್ವಿತೋಹರಿಃ ।
ತೂರ್ಣಮುತ್ಪಾಟಯಾಮಾಸಮಹಾಗಿರಿಮಿವೋಚ್ಛ್ರಿತಮ್ ॥ 20 ॥
ತಂಗೃಹೀತ್ವಾಮಹಾಸ್ಕಂಧಂಸೋಽಶ್ವಕರ್ಣಂಮಹಾದ್ಯುತಿಃ ।
ಪ್ರಹಸ್ಯಪರಯಾಪ್ರೀತ್ಯಾಭ್ರಾಮಯಾಮಾಸಭೂತಲೇ ॥ 21 ॥
ಪ್ರಧಾವನ್ನೂರುವೇಗೇನಪ್ರಭಂಜಂಸ್ತರಸಾದ್ರುಮಾನ್ ।
ಹನೂಮಾನ್ಪರಮಕ್ರುದ್ಧಶ್ಚರಣೈರ್ದಾರಯತ್ಕ್ಷಿತಮ್ ॥ 22 ॥
ಗಜಾಂಶ್ಚಸಗಜಾರೋಹಾನ್ಸರಥಾನ್ರಥಿನಸ್ತಥಾ ।
ಜಘಾನಹನುಮಾನ್ ಭೀಮಾನ್ ರಾಕ್ಷಸಾಂಶ್ಚಪದಾತಿಗಾನ್ ॥ 23 ॥
ತಮಂತಕಮಿವಕ್ರುದ್ಧಂಸದ್ರುಮಂಪ್ರಾಣಹಾರಿಣಮ್ ।
ಹನೂಮಂತಮಭಿಪ್ರೇಕ್ಷ್ಯರಾಕ್ಷಸಾವಿಪ್ರದುದ್ರುವುಃ ॥ 24 ॥
ತಮಾಪತಂತಂಸಂಕೃದ್ಧಂರಾಕ್ಷಸಾನಾಂಭಯಾವಹಮ್ ।
ದದರ್ಶಾಕಂಪನೋವೀರಶ್ಚುಕ್ಷೋಧಚನನಾದಚ ॥ 25 ॥
ಸಚತುರ್ದಶಭಿರ್ಬಾಣೈಶ್ಶಿತೈರ್ದೇಹವಿದಾರಣೈಃ ।
ನಿರ್ಬಿಭೇದಹನೂಮಂತಂಮಹಾವೀರ್ಯಮಕಂಪನಃ ॥ 26 ॥
ಸ ತಥಾ ಪ್ರತಿವಿದ್ಧಸ್ ತು ಬಹ್ವೀಭಿಹ್ ಶರ ವೃಷ್ಟಿಭಿಃ ।
ಹನೂಮಾನ್ ದದೃಶೇ ವೀರಹ್ ಪ್ರರೂಢ;ಇವ ಸಾನುಮಾನ್ ॥ 27 ॥
ವಿರರಾಜ ಮಹಾವೀರ್ಯೋ ಮಹಾಕಾಯೋ ಮಹಾಬಲಃ ।
ಪುಷ್ಪಿತಾಶೋಕಸಮ್ಕಾಶೋ ವಿಧೂಮ ಇವ ಪಾವಕಃ ॥ 28 ॥
ತತೋಽನ್ಯಂವೃಕ್ಷಮುತ್ಪಾಟ್ಯಕೃತ್ವಾವೇಗಮನುತ್ತಮಮ್ ।
ಶಿರಸ್ಯಭಿಜಘಾನಾಶುರಾಕ್ಷಸೇಂದ್ರಮಕಂಪನಮ್ ॥ 29 ॥
ಸವೃಕ್ಷೇಣಹತಸ್ತೇನಸಕ್ರೋಧೇನಮಹಾತ್ಮನಾ ।
ರಾಕ್ಷಸೋವಾನರೇಂದ್ರೇಣಪಪಾತಚಮಮಾರಚ ॥ 30 ॥
ತಂ ದೃಷ್ಟ್ವಾ ನಿಹತಂ ಭೂಮೌ ರಾಕ್ಷಸ ಇಂದ್ರಂ ಅಕಂಪನಮ್ ।
ವ್ಯಥಿತಾ ರಾಕ್ಷಸಾಹ್ ಸರ್ವೇ ಕ್ಷಿತಿ ಕಂಪ;ಇವ ದ್ರುಮಾಃ ॥ 31 ॥
ತ್ಯಕ್ತಪ್ರಹರಣಾಸ್ಸರ್ವೇರಾಕ್ಷಸಾಸ್ತೇಪರಾಜಿತಾಃ ।
ಲಂಕಾಮಭಿಯಯುಸ್ತ್ರಸ್ತಾವಾನರಾಸ್ತೈಭಿದ್ರುತಾಃ ॥ 32 ॥
ತೇಮುಕ್ತಕೇಶಾಃಸಂಭ್ರಾಂತಾಭಗ್ನಮಾನಾಃಪರಾಜಿತಾಃ ।
ಸ್ರವಚ್ಛ್ರಮಜಲೈರಂಗೈಶ್ಶ್ವಸಂತೋವಿಪ್ರದುದ್ರುವುಃ ॥ 33 ॥
ಅನ್ಯೋನ್ಯಂಪ್ರಮಮಂಥುಸ್ತೇವಿವಿಶುರ್ನಗರಂಭಯಾತ್ ।
ಪೃಷ್ಠತಸ್ತೇತುಸಮ್ಮೂಢಾಃಪ್ರೇಕ್ಷಮಾಣಾಮುಹುರ್ಮುಹುಃ ॥ 34 ॥
ತೇಷುಲಂಕಾಂಪ್ರವಿಷ್ಟೇಷುರಾಕ್ಷಸೇಷುಮಹಾಬಲಾಃ ।
ಸಮೇತ್ಯಹರಯಸ್ಸರ್ವೇಹನೂಮಂತಮಪೂಜಯನ್ ॥ 35 ॥
ಸೋಽಪಿಪ್ರಹೃಷ್ಟಸ್ತಾನ್ ಸರ್ವಾನ್ ಹರೀನ್ ಸಂಪ್ರತ್ಯಪೂಜಯತ್ ।
ಹನುಮಾನ್ಸತ್ತ್ವಸಂಪನ್ನೋಯಥಾರ್ಹಮನುಕೂಲತಃ ॥ 36 ॥
ವಿನೇದುಶ್ಚಯಥಾಪ್ರಾಣಂಹರಯೋಜಿತಕಾಶಿನಃ ।
ಚಕರ್ಷುಶ್ಚಪುನಸ್ತತ್ರಸಪ್ರಾಣಾನಪಿರಾಕ್ಷಸಾನ್ ॥ 37 ॥
ಸವೀರಶೋಭಾಮಭಜನ್ಮಹಾಕಪಿಃಸಮೇತ್ಯರಕ್ಷಾಂಸಿನಿಹತ್ಯಮಾರುತಿಃ ।
ಮಹಾಸುರಂಭೀಮಮಮಿತ್ರನಾಶನಃಯಥೈವವಿಷ್ಣುರ್ಬಲಿನಂಚಮೂಮುಖೇ ॥ 38 ॥
ಅಪೂಜಯಂದೇವಗಣಾಸ್ತದಾಕಪಿಂಸ್ವಯಂಚರಾಮೋಽತಿಬಲಶ್ಚಲಕ್ಷ್ಮಣಃ ।
ತಥೈವಸುಗ್ರೀವಮುಖಾಃಪ್ಲವಂಗಮಾವಿಭೀಷಣಶ್ಚೈವಮಹಾಬಲಸ್ತಥಾ ॥ 39 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಷಟ್ಪಂಚಾಶಸ್ಸರ್ಗಃ ॥
