ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಅಷ್ಟತ್ರಿಂಶಸ್ಸರ್ಗಃ ।
ಸತುಕೃತ್ವಾಸುವೇಲಸ್ಯಮತಿಮಾರೋಹಣಂಪ್ರತಿ ।
ಲಕ್ಷ್ಮಣಾನುಗತೋರಾಮಃಸುಗ್ರೀವಮಿದಮಬ್ರವೀತ್ ॥ 1 ॥
ವಿಭೀಷಣಂಚಧರ್ಮಜ್ಞಮನುರಕ್ತಂನಿಶಾಚರಮ್ ।
ಮಂತ್ರಜ್ಞಂಚವಿಧಿಜ್ಞಂಚಶ್ಲಕ್ಕ್ಷ್ಣಯಾಪರಯಾಗಿರಾ ॥ 2 ॥
ಸುವೇಲಂಸಾಧುಶೈಲೇಂದ್ರಮಿಮಂಧಾತುಶತೈಶ್ಚಿತಮ್ ।
ಅಧ್ಯಾರೋಹಾಮಹೇಸರ್ವೇವತ್ಸ್ಯಾಮೋಽತ್ರನಿಶಾಮಿಮಾಮ್ ॥ 3 ॥
ಲಂಕಾಂಚಾಲೋಕಯಿಷ್ಯಾಮೋನಿಲಯಂತಸ್ಯರಕ್ಷಸಃ ।
ಯೇನಮೇಮರಣಾಂತಾಯಹೃತಾಭಾರ್ಯಾದುರಾತ್ಮನಾ ॥ 4 ॥
ಯೇನಧರ್ಮೋನವಿಜ್ಞಾತೋನತದ್ವೃತ್ತಂನಕುಲಂತಥಾ ।
ರಾಕ್ಷಸ್ಯಾನೀಚಯಾಬುದ್ ಧ್ಯಾಯೇನತದ್ಗರ್ಹಿತಂಕೃತಮ್ ॥ 5 ॥
ತಸ್ಮಿನ್ಮೇವರ್ತತೇರೋಷಃಕೀರ್ತಿತೇರಾಕ್ಷಸಾಧಮೇ ।
ಯಸ್ಯಾಪರಾಧಾನನೀಚಸ್ಯವಧಂದ್ರಕ್ಷ್ಯಾಮಿರಕ್ಷಸಾಮ್ ॥ 6 ॥
ಏಕೋಹಿಕುರುತೇಪಾಪಂಕಾಲಪಾಶವಶಂಗತಃ ।
ನೀಚೇನಾತ್ಮಾಪಚಾರೇಣಕುಲಂತೇನವಿನಶ್ಯತಿ ॥ 7 ॥
ಏವಂಸಮ್ಮಂತ್ರಯನ್ನೇವಸಕ್ರೋಧೋರಾವಣಂಪ್ರತಿ ।
ರಾಮಃಸುವೇಲಮಾಸಾದ್ಯಚಿತ್ರಸಾನುಮುಪಾರುಹತ್ ॥ 8 ॥
ಪೃಷ್ಠತೋಲಕ್ಷ್ಮಣಶ್ಚೈವಮನ್ವಗಚ್ಛತ್ಸಮಾಹಿತಃ ।
ಸಶರಂಚಾಪಮುದ್ಯಮ್ಯಸುಮಹದ್ವಿಕ್ರಮೇರತಃ ॥ 9 ॥
ಅನ್ವಾರೋಹತ್ಸುಗ್ರೀವಸ್ಸಾಮಾತ್ಯಸ್ಸವಿಭೀಷಣಃ ।
ಹನುಮಾನಂಗದೋನೀಲೋಮೈಂದೋದ್ವಿವಿದಏವಚ ॥ 10 ॥
ಗಜೋಗವಾಕ್ಷೋಗವಯಶ್ಶರಭೋಗಂಧಮಾದನಃ ।
ಪನಸಃಕುಮುದಶ್ಚೈವಹರೋರಂಭಶ್ಚಯೂಥಪಃ ॥ 11 ॥
ಜಾಂಬವಾಂಶ್ಚಸುಷೇಣಶ್ಚಋಷಭಶ್ಚಮಹಾಮತಿಃ ।
ದುರ್ಮುಖಶ್ಚಮಹಾತೇಜಾಸ್ತಥಾಶತವಲಿಃಕಪಿಃ ॥ 12 ॥
ಏತೇಚಾನ್ಯೇಚಬಹವೋವಾನರಾಶಶೀಘ್ರಗಾಮಿನಃ ।
ತೇವಾಯುವೇಗಪ್ರವಣಾಸ್ತಂಗಿರಿಗಿರಿಚಾರಿಣಃ ॥ 13 ॥
ಅಧ್ಯಾರೋಹಂತಶತಶಸ್ಸುವೇಲಂಯತ್ರರಾಘವಃ ।
ತೇತ್ವದೀರ್ಘೇಣಕಾಲೇನಗಿರಿಮಾರುಹ್ಯಸರ್ವತಃ ॥ 14 ॥
ದದೃಶುಶಶಿಖರೇತಸ್ಯವಿಷಕ್ತಾಮಿವಖೇಪುರೀಮ್ ।
ತಾಂಶುಭಾಂಪ್ರವರದ್ವಾರಾಂಪ್ರಾಕಾರಪರಿಶೋಭಿತಾಮ್ ॥ 15 ॥
ಲಂಕಾಂರಾಕ್ಷಸಸಂಪೂರ್ಣಾಂದದೃಶುರ್ಹರಿಯೂಥಪಾಃ ।
ಪ್ರಾಕಾರವರಸಂಸ್ಥೈಶ್ಚತಥಾನೀಲೈಶ್ಚರಾಕ್ಷಸೈಃ ॥ 16 ॥
ದದೃಶುಸ್ತೇಹರಿಶ್ರೇಷ್ಠಾಃಪ್ರಾಕಾರಮಪರಂಕೃತಮ್ ।
ತೇದೃಷ್ಟವಾವಾನರಾಃಸರ್ವೇರಾಕ್ಷಸಾನ್ ಯುದ್ಧಕಾಙ್ ಕ್ಷಿಣಃ ॥ 17 ॥
ಮುಮುಚುರ್ವಿವಿಧಾನ್ನಾದಾಂತತ್ರರಾಮಸ್ಯಪಶ್ಯತಃ ।
ತತೋಽಸ್ತಮಗಮತ್ಪೂರ್ಯಃಸಂಧ್ಯಯಾಪ್ರತಿರಂಜಿತಃ ॥ 18 ॥
ಪೂರ್ಣಚಂದ್ರಪ್ರದೀಪ್ತಾಚಕ್ಷಪಾಸಮಭಿವರ್ತತೇ ।
ತತಸ್ಸರಾಮೋಹರಿವಾಹಿನೀಪತಿರ್ವಿಭೀಷಣೇನಪ್ರತಿನಂದ್ಯಸತ್ಕೃತಃ ।
ಸಲಕ್ಷ್ಮಣೋಯೂಥಪಯೂಥಸಮ್ವೃತಸ್ಸುವೇಲಪೃಷ್ಠೇನ್ಯವಸದ್ಯಥಾಸುಖಮ್ ॥ 19 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಅಷ್ಟತ್ರಿಂಶಸ್ಸರ್ಗಃ ॥
