ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ದ್ವಾಶೀತಿತಮಸ್ಸರ್ಗಃ ।
ಶ್ರುತ್ವಾತುಭೀಮನಿರ್ಹ್ರಾದಂಶಕ್ರಾಶನಿಸಮಸ್ವನಮ್ ।
ವೀಕ್ಷಮಾಣಾದಿಶಸ್ಸರ್ವಾದುದ್ರುವುರ್ವಾನರರ್ಷಭಾಃ ॥ 1 ॥
ತಾನುವಾಚತತಃಸರ್ವಾನ್ಹನುಮಾನ್ ಮಾರುತಾತ್ಮಜಃ ।
ವಿಷಣ್ಣವದನಾಂದೀನಾಂಸ್ತ್ರಸ್ತಾನ್ವಿದ್ರವತಃಪೃಥಕ್ ॥ 2 ॥
ಕಸ್ಮಾದ್ವಿಷಣ್ಣವದನಾವಿದ್ರವಧ್ವಂಪ್ಲವಂಗಮಾಃ ।
ತ್ಯಕ್ತಯುದ್ಧಸಮುತ್ಸಾಹಾಶ್ಶೂರತ್ವಂಕ್ವನುವೋಗತಮ್ ॥ 3 ॥
ಪೃಷ್ಠತೋಽನುವ್ರಜಧ್ವಂಮಾಮಗ್ರತೋಯಂತಮಾಹವೇ ।
ಶೂರೈರನಿಜನೋಪೇತೈರಯುಕ್ತಂಹಿನಿವರ್ತಿತುಮ್ ॥ 4 ॥
ಏವಮುಕ್ತಾಸ್ಸುಸಂಕ್ರುದ್ಧಾವಾಯುಪುತ್ರೇಣಧೀಮತಾ ।
ಶೈಲಶೃಂಗಾನ್ ದ್ರುಮಾಂಶ್ಚವಜಗೃಹುರ್ಹೃಷ್ಟಮಾನಸಾಃ ॥ 5 ॥
ಅಭಿಪೇತುಶ್ಚಗರ್ಜಂತೋರಾಕ್ಷಸಾನ್ವಾನರರ್ಷಭಾಃ ।
ಪರಿವಾರ್ಯಹನೂಮಂತಮನ್ವಯುಶ್ಚಮಹಾಹವೇ ॥ 6 ॥
ಸ ತೈರ್ವಾನರಮುಖ್ಯೈಸ್ತು ಹನೂಮಾನ್ಸರ್ವತೋ ವೃತಃ ।
ಹುತಾಶನ ಇವಾರ್ಚಿಷ್ಮಾನದಹಚ್ಛತ್ರುವಾಹಿನೀಮ್ ॥ 7 ॥
ಸ ರಾಕ್ಷಸಾನಾಂಕದನಂಚಕಾರಸುಮಹಾಕಪಿಃ ।
ವೃತೋವಾನರಸೈನ್ಯೇನಕಾಲಾಂತಕಯೋಮೋಪಮಃ ॥ 8 ॥
ಸ ತುಕೋಪೇನಚಾವಿಷ್ಟಃಶೋಕೇನ ಚ ಮಹಾಕಪಿಃ ।
ಹನೂಮಾನ್ರಾವಣಿರಥೇಮಹತೀಂಪಾತಯಚ್ಛಿಲಾಮ್ ॥ 9 ॥
ತಾಮಾಪತಂತೀಂದೃಷ್ಟವೈವರಥಸ್ಸಾರಥಿನಾತದಾ ।
ವಿಧೇಯಾಶ್ವಸಮಾಯುಕ್ತೋವಿದೂರಮಪವಾಹಿತಃ ॥ 10 ॥
ತಮಿಂದ್ರಜಿತಮಪ್ರಾಪ್ಯರಥಸ್ಥಂಸಹಸಾರಥಿಮ್ ।
ವಿವೇಶಧರಣೀಂಭಿತ್ತ್ವಾಸಾಶಿಲಾವ್ಯರ್ಥಮುದ್ಯತಾ ॥ 11 ॥
ಪತಿತಾಯಾಂಶಿಲಾಯಾಂತುವ್ಯಥಿತಾರಕ್ಷಸಾಂಚಮೂಃ ।
ನಿಪತಂತ್ಯಾ ಚ ಶಿಲಯಾರಾಕ್ಷಸಾಮಥಿತಾಭೃಶಮ್ ॥ 12 ॥
ತಮಭ್ಯಧಾವನ್ ಶತಶೋನದಂತಃಕಾನನೌಕಸಃ ।
ತೇದ್ರುಮಾಂಶ್ಚಮಹಾಕಾಯಾಗಿರಿಶೃಂಗಾಣಿಚೋದ್ಯತಾಃ ॥ 13 ॥
ಕ್ಷಿಪನೀಂದ್ರಜಿತಂಸಂಖ್ಯೇವಾನರಾಭೀಮವಿಕ್ರಮಾಃ ।
ವೃಕ್ಷಶೈಲಮಹಾವರ್ಷಂವಿಸೃಜಂತಃಪ್ಲವಂಗಮಾಃ ॥ 14 ॥
ಶತ್ರೂಣಾಂಕದನಂಚಕ್ರುರ್ನೇದುಶ್ಚವಿವಿಧೈಸ್ಸ್ವನೈಃ ।
ವಾನರೈಸೈರ್ಮಹಾಭೀಮೈರ್ಘೋರರೂಪಾನಿಶಾಚರಾಃ ॥ 15 ॥
ವೀರ್ಯಾದಭಿಹತಾವೃಕ್ಷೈರ್ವ್ಯಚೇಷ್ಟಂತರಣಕ್ಷಿತೌ ।
ಸ್ವಸೈನ್ಯಮಭಿವೀಕ್ಷ್ಯಾಥವಾನರಾರ್ದಿತಮಿಂದ್ರಜಿತ್ ॥ 16 ॥
ಪ್ರಗೃಹೀತಾಯುಧಃಕ್ರುದ್ಧಃಪರಾನಭಿಮುಖೋಯಯೌ ।
ಸಃಶರೌಘಾನವಸೃಜನ್ಸ್ವಸೈನ್ಯೇನಾಭಿಸಮ್ವೃತಃ ॥ 17 ॥
ಜಘಾನಕಪಿಶಾರ್ದೂಲಾನ್ಸುಬಹೂಂದೃಷ್ಟವಿಕ್ರಮಃ ।
ಶೂಲೈಃರಶನಿಭಿಃಖಂಗೈಃ ಪಟ್ಟಸೈಃ ಕೂಟಮುದ್ಗರೈಃ ॥ 18 ॥
ತೇಚಾಪ್ಯನುಚರಾಸ್ತಸ್ಯವಾನರಾನ್ಜಘ್ನುರಾಹವೇ ।
ಸ್ಕಂಧವಿಟಪೈಶ್ಶಾಲೈಶ್ಶಿಲಾಭಿಶ್ಚಮಹಾಬಲಃ ॥ 19 ॥
ಹನೂಮಾನ್ಕದನಂಚಕ್ರೇರಕ್ಷಸಾಂಭೀಮಕರ್ಮಣಾಮ್ ।
ಸನಿವಾರ್ಯಪರಾನೀಕಮಬ್ರವೀತ್ತಾನ್ವನೌಕಸಃ ॥ 20 ॥
ಹನೂಮಾನ್ ಸನ್ನಿವರ್ತಧ್ವಂ ನ ನಸ್ಸಾಧ್ಯಮಿದಂಬಲಮ್ ।
ತ್ಯಕ್ತ್ವಾಪ್ರಾಣಾನ್ವಿವೇಷ್ಟಂತೋರಾಮಪ್ರಿಯಚಿಕೀರ್ಷವಃ ॥ 21 ॥
ಯನ್ನಿಮಿತ್ತಂಹಿಯುಧ್ಯಾಮೋಹತಾಸಾಜನಕಾತ್ಮಜಾ ।
ಇಮಮರ್ಥಂಹಿವಿಜ್ಞಾಪ್ಯರಾಮಂಸುಗ್ರೀವಮೇವ ಚ ॥ 22 ॥
ತೌಯತ್ಪ್ರತಿವಿಧಾಸ್ಯೇತೇತತ್ಕರಿಷ್ಯಾಮಹೇವಯಮ್ ।
ತ್ಯುಕ್ತ್ವಾವಾನರಶ್ರೇಷ್ಠೋವಾರಯನ್ಸರ್ವವಾನರಾನ್ ॥ 23 ॥
ಶನೈಶ್ಶನೈರಸಂತ್ರಸ್ತಸ್ಸಬಲಸ್ಸನ್ಯವರ್ತತ ।
ತತಃಪ್ರೇಕ್ಷ್ಯಹನೂಮಂತಂವ್ರಜಂತಂಯತ್ರರಾಘವಃ ॥ 24 ॥
ಸ ಹೋತುಕಾಮೋದುಷ್ಟಾತ್ಮಾಗತಶ್ಚೈತ್ಯಂನಿಕುಂಭಿಲಾಮ್ ।
ನಿಕುಂಭಿಲಾಮಧಿಷ್ಠಾಯಪಾವಕಂಜುಹವೇಂದ್ರಜಿತ್ ॥ 25 ॥
ಯಜ್ಞಭೂಮ್ಯಾಂತತೋಗತ್ವಾಪಾವಕಸ್ತೇನರಕ್ಷಸಾ ।
ಹೂಯಮಾನಃಪ್ರಜಜ್ವಾಲಮಾಂಸಶೋಣಿತಭುಕ್ತದಾ ॥ 26 ॥
ಅಥೇಂದ್ರಜಿದ್ರಾಕ್ಷಸಭೂತಯೇ ತು ।
ಜುಹಾವ ಹವ್ಯಂ ವಿಧಿನಾ ವಿಧಾನವತ್ ।
ದೃಷ್ಟ್ವಾ ವ್ಯತಿಷ್ಠಂತ ಚ ರಾಕ್ಷಸಾಸ್ತೇ ।
ಮಹಾಸಮೂಹೇಷು ನಯಾನಯಜ್ಞಾಃ ॥ 27 ॥
ಅಥೇಂದ್ರಜಿದ್ರಾಕ್ಷಭೂತಯೇತುಜುಹಾವಹವ್ಯಂವಿಧಿನಾವಿಧಾನವಿತ್ ।
ದೃಷ್ಟವಾವ್ಯತಿಷ್ಠಂತ ಚ ರಾಕ್ಷಸಾಸ್ತೇಮಹಾಸಮೂಹೇಷುಸಮಾನಯಜ್ಞಾಃ ॥ 28 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ದ್ವಾಶೀತಿತಮಸ್ಸರ್ಗಃ ॥
