ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಪಂಚಮಸ್ಸರ್ಗಃ ।
ಸಾತುನೀಲೇನವಿಧಿವತ್ಸ್ವಾರಕ್ಷಾಸುಸಮಾಹಿತಾ ।
ಸಾಗರಸ್ಯೋತ್ತರೇತೀರೇಸಾಧುಸೇನಾನಿವೇಶಿತಾ ॥ 1 ॥
ಮೈಂದಶ್ಚದ್ವಿವಿದಶ್ಚೋಭೌತತ್ರವಾನರಪುಂಗವೌ ।
ವಿಚೇರತುಶ್ಚತಾಂಸೇನಾಂರಕ್ಷಾರ್ಥಂಸರ್ವತೋದಿಶಮ್ ॥ 2 ॥
ನಿವಿಷ್ಟಾಯಾಂತುಸೇನಾಯಾಂತೀರೇನದನದೀಪತೇಃ ।
ಪಾರ್ಶ್ವಸ್ಥಂಲಕ್ಷ್ಮಣಂದೃಷ್ಟವಾರಾಮೋವಚನಮಬ್ರವೀತ್ ॥ 3 ॥
ಶೋಕಶ್ಚಕಿಲಕಾಲೇನಗಚ್ಛತಾಹ್ಯಪಗಚ್ಛತಿ ।
ಮಮಚಾಪಶ್ಯತಃಕಾಂತಾಮಹನ್ಯಹನಿವರ್ಧತೇ ॥ 4 ॥
ನಮೇದುಃಖಂಪ್ರಿಯಾದೂರೇನಮೇದುಃಖಂಹೃತೇತಿವಾ ।
ಏತದೇವಾನುಶೋಚಾಮಿವಯೋಸ್ಯಾಹ್ಯತಿವರ್ತತೇ ॥ 5 ॥
ವಾಹಿವಾತಯತಃಕಾಂತಾತಾಂಸ್ಪೃಷ್ಟವಾಮಾಮಪಿಸ್ಪೃಶ ।
ತ್ವಯಿಮೇಗಾತ್ರಸಂಸ್ಪರ್ಶಶ್ಚಂದ್ರೇದೃಷ್ಟಿಸಮಾಗಮಃ ॥ 6 ॥
ತನ್ಮೇದಹತಿಗಾತ್ರಾಣಿವಿಷಂಪೀತಮಿವಾಶಯೇ ।
ಹಾನಾಥೇತಿಪ್ರಿಯಾಸಾಮಾಂಹ್ರಿಯಮಾಣಾಯದಬ್ರವೀತ್ ॥ 7 ॥
ತದ್ವಿಯೋಗೇಂಧನವತಾತಚ್ಚಿಂತಾವಿಪುಲಾರ್ಚಿಷಾ ।
ರಾತ್ರಿಂದಿವಂಶರೀರಂಮೇದಹ್ಯತೇಮದನಾಗ್ನಿನಾ ॥ 8 ॥
ಅವಗಾಹ್ಯರ್ಣವಂಸ್ವಪ್ಸ್ಯೇಸೌಮಿತ್ರೇಭವತಾವಿನಾ ।
ಕಥಂಚಿತ್ಪ್ರಜ್ವಲನ್ಕಾಮಸ್ಸಮಾಂಸುಪ್ತಂಜಲೇದಹೇತ್ ॥ 9 ॥
ಬಹ್ವೇತತ್ಕಾಮಯಾನಸ್ಯಶಕ್ಯಮೇತೇನಜೀವಿತುಮ್ ।
ಯದಹಂಸಾಚವಾಮೋರೂರೇಕಾಂಧರಣಿಮಾಶ್ರಿತೌ ॥ 10 ॥
ಕೇದಾರಸ್ಯೇವಕೇದಾರಸ್ಸೋದಕಸ್ಯನಿರೂದಕಃ ।
ಉಪಸ್ನೇಹೇನಜೀವಾಮಿಜೀವಂತೀಂಯಚ್ಛೃಣೋಮಿತಾಮ್ ॥ 11 ॥
ಕದಾನುಖಲುಸುಶ್ರೋಣೀಂಶತಪತ್ತ್ರಾಯತೇಕ್ಷಣಾಮ್ ।
ವಿಜಿತ್ಯಶತ್ರೂಂದ್ರಕ್ಷ್ಯಾಮಿಸೀತಾಸ್ಫೀತಾಮಿವಶ್ರಿಯಮ್ ॥ 12 ॥
ಕದಾನುಚಾರುಬಿಂಬೋಷ್ಠಂತಸ್ಯಾಃಪದ್ಮಮಿವಾನನಮ್ ।
ಈಷದುನ್ನಮ್ಯಪಾಸ್ಯಾಮಿರಸಾಯನಮಿವಾತುರಃ ॥ 13 ॥
ತಸ್ಯಾತ್ತುಸಂಹಿತೌಪೀನೌಸ್ತನೌತಾಲಫಲೋಪಮೌ ।
ಕದಾನುಖಲುಸೋತ್ಕಂಪೌಶ್ಲಿಷ್ಯಂತ್ಯಾಮಾಂಭಜಿಷ್ಯತಃ ॥ 14 ॥
ಸಾನೂನಮಸಿತಾಪಾಂಗೀರಕ್ಷೋಮಧ್ಯಗತಾಸತೀ ।
ಮನ್ನಾಥಾನಾಥಹೀನೇವತ್ರಾತಾರಂನಾಧಿಗಚ್ಛತಿ ॥ 15 ॥
ಕಥಂಜನಕರಜಸ್ಯದುಹಿತಾಮಮಚಪ್ರಿಯಾ ।
ರಾಕ್ಷಸೀಮಧ್ಯಗಾಶೇತೇಸ್ನುಷಾದಶರಥಸ್ಯಚ ॥ 16 ॥
ಕದಾಽವಿಕ್ಷೋಭ್ಯರಕ್ಷಾಂಸಿಸಾವಿಧೂಯೋತ್ಪತಿಷ್ಯತಿ ।
ವಿಧೂಯಜಲದಾನ್ನೀಲಾನ್ ಶಶಿರೇಖಾಶರತ್ಸ್ವಿವ ॥ 17 ॥
ಸ್ವಭಾವತನುಕಾನೂನಂಶೋಕೇನಾನಶನೇನಚ ।
ಭೂಯಸ್ತನುತರಾಸೀತಾದೇಶಕಾಲವಿಪರ್ಯಯಾತ್ ॥ 18 ॥
ಕದಾನುರಾಕ್ಷಸೇಂದ್ರಸ್ಯನಿಧಾಯೋರಸಿಸಾಯಕಾನ್ ।
ಸೀತಾಂಪ್ರತ್ಯಾಹರಿಷ್ಯಾಮಿಶೋಕಮುತ್ಸೃಜ್ಯಮಾನಸಮ್ ॥ 19 ॥
ಕದಾನುಖಲುಮಾಂಸಾಧ್ವೀಸೀತಾಸುರಸುತೋಪಮಾ ।
ಸೋತ್ಕಂಠಾಕಂಠಮಾಲಂಬ್ಯಮೋಕ್ಷ್ಯತ್ಯಾನಂದಜಂಜಲಮ್ ॥ 20 ॥
ಕದಾಶೋಕಮಿಮಂಘೋರಂಮೈಥಿಲೀವಿಪ್ರಯೋಗಜಮ್ ।
ಸಹಸಾವಿಪ್ರಮೋಕ್ಷ್ಯಾಮಿವಾಸಶ್ಶುಕ್ಲೇತರಂಯಥಾ ॥ 21 ॥
ಏವಂವಿಲಪತಸ್ತಸ್ಯತತ್ರರಾಮಸ್ಯಧೀಮತಃ ।
ದಿನಕ್ಷಯಾನ್ಮಂದವಪುರ್ಭಾಸ್ಕರೋಽಸ್ತಮುಪಾಗತಃ ॥ 22 ॥
ಆಶ್ವಾಸಿತೋಲಕ್ಷ್ಮಣೇನರಾಮಸ್ಸಂಧ್ಯಾಮುಪಾಸತ ।
ಸ್ಮರನ್ಕಮಲಪತ್ರಾಕ್ಷೀಂಸೀತಾಂಶೋಕಾಕುಲೀಕೃತಃ ॥ 23 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಪಂಚಮಸ್ಸರ್ಗಃ ॥
