ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಚತುಃಪಂಚಾಶಸ್ಸರ್ಗಃ ।
ಸ್ವಬಲಸ್ಯ ಚ ಘಾತೇನ ಅಂಗದಸ್ಯ ಬಲೇನ ಚ ।
ರಾಷಸಃ ಕ್ರೋಧಮಾವಿಷ್ಟೋ ವಜ್ರದಂಷ್ಟ್ರೋ ಮಹಾಬಲಃ ॥ 1 ॥
ವಿಷ್ಪಾರ್ಯಚಧನುರ್ಘೋರಂಶಕ್ರಾಶನಿಸಮಸ್ವನಮ್ ।
ವಾನರಾಣಾಮನೀಕಾನಿಪ್ರಾಕಿರಚ್ಛರವೃಷ್ಟಿಭಿಃ ॥ 2 ॥
ರಾಕ್ಷಸಾಶ್ಚಾಪಿಮುಖ್ಯಾಸ್ತೇರಥೇಷುಸಮವಸ್ಥಿತಾಃ ।
ನಾನಾಪ್ರಹರಣಾಶ್ಶೂರಾಃಪ್ರಾಯುಧ್ಯಂತಸ್ತದಾರಣೇ ॥ 3 ॥
ವಾನರಾಣಾಂಚಶೂರಾಯೇತೇಸರ್ವೇಪ್ಲವಗರ್ಷಭಾಃ ।
ಆಯುಧ್ಯಂತಶಿಲಾಹಸ್ತಾಸ್ಸಮವೇತಾಸ್ಸಮಂತತಃ ॥ 4 ॥
ತತ್ರಾಯುಧಸಹಸ್ರಾಣಿತಸ್ಮಿನ್ನಾಯೋಧನೇಭೃಶಮ್ ।
ರಾಕ್ಷಸಾಃಕಪಿಮುಖ್ಯೇಷುಪಾತಯಾಂಚಕ್ರಿರೇತದಾ ॥ 5 ॥
ವಾನರಾಶ್ಚಾಪಿರಕ್ಷಸ್ಸುಗಿರವೃಕ್ಷಾನ್ಮಹಾಶಿಲಾಃ ।
ಪ್ರವೀರಾಃಪಾತಯಾಮಾಸುರ್ಮತ್ತಮಾತಂಗಸನ್ನಿಭಾಃ ॥ 6 ॥
ಶೂರಾಣಾಂಯುದ್ಯಮಾನಾನಾಂಸಮರೇಷ್ನ್ವಿವರ್ತಿನಾಮ್ ।
ತದ್ರಾಕ್ಷಸಗಣಾನಾಂಚಸುಯುದ್ಧಂಸಮವರ್ತತ ॥ 7 ॥
ಪ್ರಭಿನ್ನಶಿರಸಃಕೇಚಿಛಚಿನ್ನೈಃಪಾದೈಶ್ಚಬಾಹುಭಿಃ ।
ಶಸ್ಸ್ರೈರರ್ದಿತದೇಹಾಭ್ಯರುಧಿರೇಣಸಮುಕ್ಷಿತಾಃ ॥ 8 ॥
ಹರಯೋ ರಾಕ್ಷಸಾಶ್ಚೈನ ಶೇರತೇ ಗಾಂ ಸಮಾಶ್ರಿತಾಃ ।
ಕಂಕಗೃಧ್ರಾಬಲಾಢ್ಯಶ್ಚ ಗೋಮಾಯುಕುಲಸಂಕುಲಾಃ ॥ 9 ॥
ಕಬಂಧಾನಿಸಮುತ್ಪೇತುರ್ಭೀಮಾಣಾಂಭೀಷಣಾನಿವೈ ।
ಭುಜಪಾಣಿಶಿರಶ್ಛಿನ್ನಕಾಯಾಶ್ಚಭೂತಲೇ ॥ 10 ॥
ವಾನರಾರಾಕ್ಷಸಾಶ್ಚಾಪಿನಿಪೇತುಸ್ತತ್ರವೈರಣೇ ।
ತತೋವಾನರಸೈನ್ಯೇನಹನ್ಯಮಾನಂನಿಶಾಚರಮ್ ॥ 11 ॥
ಪ್ರಾಭಜ್ಯತಬಲಂಸರ್ವಂವಜ್ರದಂಷ್ಟ್ರಸ್ಯಪಶ್ಯತಃ ।
ರಾಕ್ಷಸಾನ್ಭಯವಿತ್ರಸ್ತಾನ್ಹನ್ಯಮಾನಾನ್ ಪ್ಲವಂಗಮೈಃ ॥ 12 ॥
ದೃಷ್ಟವಾಸರೋಷತಾಮ್ರಾಕ್ಷೋವಜ್ರದಂಷ್ಟ್ರಃಪ್ರತಾಪವಾನ್ ।
ಪ್ರವಿವೇಶಧನುಷ್ಪಾಣಿಸ್ತ್ರಾಸಯನ್ಹರಿವಾಹಿನೀಮ್ ॥ 13 ॥
ಶರೈರ್ವಿದಾರಯಾಮಾಸಕಂಕಪತ್ರೈರಜಿಹ್ಮಗೈಃ ।
ಬಿಭೇದವಾನರಾಂಸ್ತತ್ರಸಪ್ತಾಷ್ಟೌನವಪಂಚಚ ॥ 14 ॥
ವಿವ್ಯಾಧಪರಮಕ್ರುದ್ಧೋವಜ್ರದಂಷ್ಟ್ರಃಪ್ರತಾಪವಾನ್ ।
ತ್ರಸ್ತಾಃಸರ್ವೇಹರಿಗಣಾಃಶರೈಃಸಂಕೃತ್ತಕಂದರಾಃ ॥ 15 ॥
ಅಂಗದಂಸಂಪ್ರಧಾವಂತಿಪ್ರಜಾಪತಿಮಿವಪ್ರಜಾಃ ।
ತತೋಹರಿಗಣಾನ್ ಭಗ್ನಾನ್ ದೃಷ್ಟವಾವಾಲಿಸುತಸ್ತದಾ ॥ 16 ॥
ಕ್ರೋಧೇನವಜ್ರದಂಷ್ಟ್ರಂತಮುದೀಕ್ಷಂತಮುದೈಕ್ಷತ ।
ವಜ್ರದಂಷ್ಟ್ರೋಽಂಗದಶ್ಚೋಭೌಸಂಗತೌಹರಿರಾಕ್ಷಸೌ ॥ 17 ॥
ಚೇರತುಃಪರಮಕ್ರುದ್ಧೌಹರಿಮತ್ತಗಜಾವಿವ ।
ತತಶ್ಶತಸಹಸ್ರೇಣಹರಿಪುತ್ರಂಮಹಾಬಲಃ ॥ 18 ॥
ಜಘಾನಮರ್ಮದೇಶೇಷುಮಾತಂಗಮಿವತೋಮರೈಃ ।
ರುಧಿರೋಕ್ಷಿತಸರ್ವಾಂಗೋವಾಲಿಸೂನುರ್ಮಹಾಬಲಃ ॥ 19 ॥
ಚಿಕ್ಷೇಪವಜ್ರದಂಷ್ಟ್ರಾಯವೃಕ್ಷಂಭೀಮಪರಾಕ್ರಮಃ ।
ದೃಷ್ಟಾಪತಂತಂತಂವೃಕ್ಷಮಸಂಭ್ರಾಂತಶ್ಚರಾಕ್ಷಸಃ ॥ 20 ॥
ಚಿಚ್ಛೇದಬಹುಧಾಸೋಽಪಿಮಥಿತಃಪ್ರಾದತದ್ಭುವಿ ।
ತಂದೃಷ್ಟವಾವಜ್ರದಂಷ್ಟ್ರಸ್ಯವಿಕ್ರಮಂಪ್ಲವಗರ್ಷಭ ॥ 21 ॥
ಪ್ರಗೃಹ್ಯವಿಪುಲಂಶೈಲಂಚಿಕ್ಷೇಪಚನನಾದಚ ।
ಸಮಾಪತಂತಂದೃಷ್ಟವಾಸರಥಾದಾಪ್ಲುತ್ಯವೀರ್ಯವಾನ್ ॥ 22 ॥
ಗದಾಪಾಣಿರಸಂಭ್ರಾಂತಃಪೃಥಿವ್ಯಾಂಸಮತಿಷ್ಠತ ।
ಸಾಂಗದೇನಗದಾಕ್ಷಿಪ್ತಾಗತ್ವಾತುರಣಮೂರ್ಧನಿ ॥ 23 ॥
ಸಚಕ್ರಕೂಬರಂಸಾಶ್ವಂಪ್ರಮಮಾಥರಥಂತದಾ ।
ತತೋಽನ್ಯಚ್ಛಿಖರಂಗೃಹ್ಯವಿಪುಲಂದ್ರುಮಭೂಷಿತಮ್ ॥ 24 ॥
ವಜ್ರದಂಷ್ಟ್ರಸ್ಯಶಿರಸಿಪಾತಯಾಮಾಸಸಾಽಂಗದಃ ।
ಅಭವಚ್ಛೋಣಿತೋದ್ಗಾರೀವಜ್ರದಂಷ್ಟ್ರಸ್ಸಮೂರ್ಛಿತಃ ॥ 25 ॥
ಮುಹೂರ್ತಮಭವನ್ಮೂಢೋಗದಾಮಾಲಿಙ್ ಗ್ಯನಿಶ್ಶ್ವಸನ್ ।
ಸಂಲಬ್ದಸಂಜ್ಞೋಗದಯಾವಾಲಿಪುತ್ರಮವಸ್ಥಿತಮ್ ॥ 26 ॥
ಜಘಾನಪರಮಕ್ರುದ್ಧೋವಕ್ಷೋದೇಶೇನಿಶಾಚರಃ ।
ಗದಾಂತ್ಯಕ್ತ್ವಾತತಸ್ತತ್ರಮುಷ್ಟಿಯುದ್ಧಮವರ್ತತ ॥ 27 ॥
ಅನ್ಯೋನ್ಯಂಜಘ್ನತುಸ್ತತ್ರತಾವುಭೌಹರಿರಾಕ್ಷಸೌ ।
ರುಧಿರೋದ್ಗಾರಿಣೌತೌತುಪ್ರಹಾರೈರ್ಜನಿತಶ್ರಮೌ ॥ 28 ॥
ಬಭೂವತುಸ್ಸುವಿಕ್ರಾಂತಾವಂಗಾರಕಬುಧಾವಿವ ।
ತತಃಪರಮತೇಜಸ್ವೀಅಂಗದಃಪ್ಲವಗರ್ಷಭಃ ॥ 29 ॥
ಉತ್ಪಾಟ್ಯವೃಕ್ಷಂಸ್ಥಿತವಾನ್ ಬಹುಪುಷ್ಪಫಲಾಂಚಿತಮ್ ।
ಜಗ್ರಾಹಚಾರ್ಷಭಂಚರ್ಮಖಡಗಂಚವಿಪುಲಂಶುಭಮ್ ॥ 30 ॥
ಕಿಂಕಿಣಾಜಾಲಸಂಛನ್ನಂಚರ್ಮಣಾಚಪರಿಷ್ಕೃತಮ್ ।
ಚಿತ್ರಾಂಶ್ಚರುಚಿರಾನ್ಮಾರ್ಗಾಂಶ್ಚೇರತುಃಕಪಿರಾಕ್ಷಸೌ ॥ 31 ॥
ಜಘ್ನತುಶ್ಚತದಾನ್ಯೋನ್ಯಂನಿರ್ದಯಂಜಯಕಾಙ್ ಕ್ಷಿಣೌ ।
ವ್ರಣೈಸ್ಸಾಸ್ತ್ರೈರಶೋಭೇತಾಂಪುಷ್ಪಿತಾವಿವಕಿಂಶುಕೌ ॥ 32 ॥
ಯುಧ್ಯಮಾನೌ ಪರಿಶ್ರಾನೌ ಜಾನುಭ್ಯಾಮವನೀಂ ಗತೌ ।
ನಿಮೇಷಾಂತರಮಾತ್ರೇಣ ಅಂಗದಹ್ ಕಪಿಕುಂಜರಃ ॥ 33 ॥
ಉದತಿಷ್ಠತ ದೀಪ್ತಾಕ್ಷೋ ದಂಡಾಹತ ಇವೋರಗಃ ।
ನಿರ್ಮಲೇನ ಸುಧೌತೇನ ಖಡ್ಗೇನಾಸ್ಯ ಮಹಚ್ಛಿರಃ ॥ 34 ॥
ಜಘಾನವಜ್ರದಂಷ್ಟ್ರಸ್ಯವಾಲಿಸೂಮರ್ಮಹಾಬಲಃ ।
ರುಧಿರೋಕ್ಷಿತಗಾತ್ರಸ್ಯಬಭೂವಪತಿತಂದ್ವಿಧಾ ॥ 35 ॥
ಸರೋಷಪರಿವೃತ್ತಾಕ್ಷಂಶುಭಂಖಡಗಹತಂಶಿರಃ ।
ವಜ್ರದಂಷ್ಟ್ರಂಹತಂದೃಷ್ಟವಾರಾಕ್ಷಸಾಭಯಮೋಹಿತಾಃ ॥ 36 ॥
ತ್ರಸ್ತಾಹ್ಯಭ್ಯದ್ರವನ್ ಲಂಕಾಂವಧ್ಯಮಾನಾಃಪ್ಲವಂಗಮೈಃ ।
ವಿಷಣ್ಣವದನಾಃ ದೀನಾಹ್ರಿಯಾಕಿಂಚಿದವಾಙ್ಮುಖಾಃ ॥ 37 ॥
ನಿಹತ್ಯತಂವಜ್ರಧರಪ್ರತಾಪಃಸವಾಲಿಸೂನುಃಕಪಿಸೈನ್ಯಮಧ್ಯೇ ।
ಜಗಾಮಹರ್ಷಂಮಹಿತೋಮಹಾಬಲಃಸಹಸ್ರನೇತ್ರಸ್ತ್ರಿದಶೈರಿವಾವೃತಃ ॥ 38 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಚತುಃಪಂಚಾಶಸ್ಸರ್ಗಃ ॥
