শ্রীমদ্বাল্মীকীয রামাযণে যুদ্ধকাংডম্ ।
অথ পংচাধিকশততমস্সর্গঃ ।
স তেনতুতদাক্রোধাত্কাকুত্স্থেনার্দিতোরণে ।
রাবণস্সমরশ্লাঘিমহাক্রোধামুপাগমত্ ॥ 1 ॥
স দীপ্তনযনোরোষাচ্চাপমাযাম্যবীর্যবান্ ।
অভ্যর্দযত্সুসংকৃদ্ধোরাঘবংপরমাহবে ॥ 2 ॥
রাম রাম মহাবাহো শৃণু গুহ্যং সনাতনম্ ।
যেন সর্বানরীন্বত্স সমরে বিজযিষ্যসে ॥ 3 ॥
পূরিতঃশরজালেনধনুর্মুক্তেনসম্যুগে ।
মহাগিরিরিবাকংপ্যঃকাকুত্স্থো ন প্রকংপতে ॥ 4 ॥
স শরৈশ্শরজালানিবারযন্ সমরেস্থিতঃ ।
গভস্তীনিবসূর্যস্যপ্রতিজগ্রাহবীর্যবান্ ॥ 5 ॥
ততশ্শরসহস্রাণিক্ষিপ্রহস্তোনিশাচরঃ ।
নিজঘানোরসিক্রুদ্ধোরাঘবস্যমহাত্মনঃ ॥ 6 ॥
সর্বদেবাত্মকো হ্যেষ তেজস্বী রশ্মিভাবনঃ ।
এষ দেবাসুরগণান্ লোকান্ পাতি গভস্তিভিঃ ॥ 7 ॥
শরাভিঘাতসম্রব্দঃসোঽভিজগ্রাহসাযকান্ ।
কাকুত্স্থঃ সুমহাতেজাযুগাংতাদিত্যতেজসঃ ॥ 8 ॥
ততোঽন্যোন্যংসুসম্রব্ধৌতাবুভৌরামরাবণৌ ।
শরাংধকারেসমরেনোপলক্ষ্যতাংতদা ॥ 9 ॥
ততঃক্রোধসমাবিষ্টোরামোদশরথাত্মজঃ ।
উবাচরাবণংবীরঃপ্রহস্যপরুষংবচঃ ॥ 10 ॥
মমভার্যাজনস্থানাদজ্ঞানাদ্রাক্ষসাধম ।
হৃতাতেবিবশাযস্মাত্তস্মাত্ত্বংনাসিবীর্যবান্ ॥ 11 ॥
মযাবিরহিতাংদীনাংবর্তমানাংমহাবনে ।
বৈদেহীংপ্রসভংহৃত্বাশূরোঽহমিতিমন্যসে ॥ 12 ॥
স্ত্রীষুশূরবিনাথাসুপরদারাভিমর্শক ।
কৃত্বাকাপুরুষংকর্মশূরোঽহমিতিমন্যসে ॥ 13 ॥
ভিন্নমর্যাদনির্লজ্জ চারিত্রেষ্বনবস্থিত ।
দর্পান্মৃত্যুমুপাদাযশূরোঽহমিতিমন্যসে ॥ 14 ॥
শূরেণধনদভ্রাত্রাবলৈঃসমুদিতেন চ ।
শ্লাঘনীযংমহত্কর্মযশস্যং চ কৃতংত্বযা ॥ 15 ॥
উত্সেকানাভিপন্নস্যগর্হিতস্যাহিতস্য চ ।
কর্মণঃপ্রাপ্নুহীদানাংতস্যাদ্যসুমহত্ফলম্ ॥ 16 ॥
শূরোঽহমিতিচাত্মানমবগচ্ছসিদুর্মতে ।
নৈবলজ্জাস্তিতেসীতাংচৌরবদ্বৃপকর্ষতঃ ॥ 17 ॥
যদিমত্সন্নিধৌসীতাধর্ষিতাস্যাত্ত্বযাবলাত্ ।
ভ্রাতরংতুখরংপশ্যেস্তদামত্সাযকৈর্হতঃ ॥ 18 ॥
দিষ্ট্যাসিমমদুষ্টাত্মশ্চক্ষুর্বিষযমাগতঃ ।
অদ্যত্বাংসাযকৈস্তীক্ষ্ণৈর্নযামিযমসাদনম্ ॥ 19 ॥
অদ্যতেমচ্ছরৈশ্চিন্নংশিরোজ্বলিতকুংডলম্ ।
ক্রব্যাদাব্যপকর্ষংতুবিকীর্ণংরণপাংসুষু ॥ 20 ॥
নিপত্যোরসিগৃধ্রাস্তেক্ষিতৌক্ষিপ্তস্যরাবণ ।
পিবংতুরুধিরংতর্ষাদ্বাণশল্যাংতরোত্থিতম্ ॥ 21 ॥
নাশযত্যেষ বৈ ভূতং তদেব সৃজতি প্রভুঃ ।
পাযত্যেষ তপত্যেষ বর্ষত্যেষ গভস্তিভিঃ ॥ 22 ॥
ইত্যেবং স বদন্বীরোরামশ্শত্রুনিবর্হণঃ ।
রাক্ষসেংদ্রংসমীপস্থংশরবর্ষৈরবাকিরত্ ॥ 23 ॥
বভূবদ্বিগুণংবীর্যংবলংহর্ষশ্চসংযুগে ।
রামস্যাস্ত্রবলংচৈবশত্রোর্নিধনকাংক্ষিণঃ ॥ 24 ॥
প্রাদুর্ভভূবুরস্ত্রাণিসর্বাণিবিদিতাত্মনঃ ।
প্রহর্ষাচ্চমহাতেজাশ্শীঘ্রহস্ততরোঽভবত্ ॥ 25 ॥
শুভান্যেতানিচিহ্নানিবিজ্ঞাযাত্মগতানিসঃ ।
ভূযএবার্দযদ্রামোরাবণংরাক্ষসাংতকৃত্ ॥ 26 ॥
হরীণাংচাশ্মনিকরৈশ্শরবর্ষাচ্চরাঘবাত্ ।
হন্যমানোদশগ্রীবোবিঘূর্ণহৃদযোঽভবত্ ॥ 27 ॥
যদা চ শস্ত্রংনারেভে ন চকর্ষশরাসনম্ ।
নাস্যপ্রত্যকরোবদীর্যংবিক্লবেনাংতরাত্মনা ॥ 28 ॥
ক্ষিপ্তাঃশ্চাশুশরাস্তেনশস্ত্রাণিবিবিধানি চ ।
মরণার্থাযবর্তংতেমৃত্যুকালোঽভ্যবর্তত ॥ 29 ॥
সূতস্তুরথনেতাস্যতদবস্থংনিরীক্ষ্যতম্ ।
শনৈর্যুদ্ধাসংভ্রাংতোরথংতস্যাপবাহযত্ ॥ 30 ॥
রথং চ তস্যাথজবেনসাথির্নিবার্যভীমংজলদস্বনংতদা ।
জগামভীত্যাসমরান্মহীপতিংনিরস্তবীর্যংপতিতংসমীক্ষ্য ॥ 31 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে পংচাধিকশততমস্সর্গঃ ॥
