শ্রীমদ্বাল্মীকীয রামাযণে যুদ্ধকাংডম্ ।
অথ একবিংশত্যধিকশততমস্সর্গঃ ।
এতচ্ছ্রুত্বাশুভংবাক্যংপিতামহসমীরিতম্ ।
অংকেনাদাযবৈদেহিমুত্পপাতবিভাবসুঃ ॥ 1 ॥
নবিধূযাথচিতাংতাংতুবৈদেহীংহব্যবাহনঃ ।
উত্তস্থৌমূর্তিমানাশুগৃহীত্বাজনকাত্মজাম্ ॥ 2 ॥
তরুণাদিত্যসংকাশংতপ্তকাংচনভূষণাম্ ।
রক্তাংবরধরাংবালাংসীলকুংচিতমূর্থজাম্ ॥ 3 ॥
অক্লিষ্টমাল্যাভরণাংতথারূপামনিংদিতাম্ ।
দদৌরামাযবৈদেহীমংকেকৃত্বাবিভাবসুঃ ॥ 4 ॥
অব্রবীত্তুতদারামংসাক্ষীলোকস্যপাবকঃ ।
এষাতেরাম বৈদেহীপাপমস্যাং ন বিদ্যতে ॥ 5 ॥
নৈববাচা ন মনসানৈববুদ্ধ্যা ন চক্ষুষা ।
সুবৃত্তাবৃত্তশৌংডীরন ত্বামত্যচরচ্ছুভা ॥ 6 ॥
রাবণেনাপনীতৈষাবীর্যোসতিক্তেনরক্ষসা ।
ত্বযাবিরহিতাদীনাবিবশানির্জনাদ্বনাত্ ॥ 7 ॥
রুদ্ধাচাংতঃপুরেগুপ্তাত্বচ্ছিত্তাত্বত্পরাযণা ।
রক্ষিতারাক্ষসীভিশ্চঘোরাভির্ঘোরবুদ্ধিভিঃ ॥ 8 ॥
প্রলোভ্যমানাবিবিধংভর্ত্স্যমানা চ মৈথিলী ।
নাচিংতযততদ্রক্ষস্ত্বদ্গতেনাংতরাত্মনা ॥ 9 ॥
বিশুদ্ধভাবাংনিষ্পাপাংপ্রতিগৃহ্ণীষ্বমৈথিলীম্ ।
ন কিংচিরভিধাতব্যাঅহমাজ্ঞাপযামিতে ॥ 10 ॥
ততঃপ্রীতিমানারামঃশ্রুত্যৈবংবদতাংবরঃ ।
দধ্যৌমুহূর্তংধর্মাত্মাবাষ্পব্যাকুললোচনঃ ॥ 11 ॥
এবমুক্তোমহাতেজাধৃতিমাংদৃঢবিক্রমঃ ।
উবাচত্রিদশশ্রেষ্ঠংরামোধর্মভৃতাংবরঃ ॥ 12 ॥
অবশ্যংত্রিষুলোকেষু ন সীতাপাপমর্হতি ।
দীর্ঘকালোষিতাহীযংরাবণাংতঃপুরেশুভা ॥ 13 ॥
বালিশোখলুকামাত্মারামোদশরথাত্মজঃ ।
ইতিবক্ষ্যংতিমাংসংতোজানকীমবিশোধ্যহি ॥ 14 ॥
অনন্যহৃদযাংভক্তাংমচ্চিত্তপরিবর্তিনীম্ ।
অহমপ্যবগচ্ছামিমৈথিলীংজনকাত্মজাম্ ॥ 15 ॥
ইমামপিবিশালাক্ষীংরক্ষিতাংস্বেনতেজসা ।
রাবণোনাতিবর্তেতবেলামিবমহোদধিঃ ॥ 16 ॥
প্রত্যযার্থংতুলোকানাংত্রযাণাংসত্যসংশ্রযঃ ।
উপেক্ষেচাপিবৈদেহীংপ্রবিশংতীংহুতাশনম্ ॥ 17 ॥
ন হিশক্তঃসুদুষ্টাত্মামনসাপিহিমৈথিলীম্ ।
প্রধর্ষযিতুমপ্রাপ্যাংদীপ্তামগ্নিশিখামিব ॥ 18 ॥
নেযমর্হতিচৈশ্বর্যংরাবণাংতঃপুরেশুভা ।
অনন্যাহিমযাসীতাভাস্করেণপ্রভাযথা ॥ 19 ॥
বিশুদ্ধাত্রিষুলোকেষুমৈথিলীজনকাত্মজা ।
ন বিহাতুংমযাশক্যাকীর্তিরাত্ববতাযথা ॥ 20 ॥
অবশ্যং চ মযাকার্যংসর্বেষাংবোবচোহিতম্ ।
স্নিগ্ধানাংলোকনাধানামেবং চ বদতাংহিতম্ ॥ 21 ॥
ইত্যেবম্বিজযীমহাবলঃপ্রশস্যমানঃস্বকৃতেনকর্মণা ।
সমেত্যরামঃপ্রিযযামহাযশাঃসুখংসুখার্হোঽনুবভূবরাঘবঃ ॥ 22 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে একবিংশত্যধিকশততমস্সর্গঃ ॥
