శ్రీమద్వాల్మీకీయ రామాయణే యుద్ధకాండమ్ ।
అథ ఏకవింశత్యధికశతతమస్సర్గః ।
ఏతచ్ఛ్రుత్వాశుభంవాక్యంపితామహసమీరితమ్ ।
అంకేనాదాయవైదేహిముత్పపాతవిభావసుః ॥ 1 ॥
నవిధూయాథచితాంతాంతువైదేహీంహవ్యవాహనః ।
ఉత్తస్థౌమూర్తిమానాశుగృహీత్వాజనకాత్మజామ్ ॥ 2 ॥
తరుణాదిత్యసంకాశంతప్తకాంచనభూషణామ్ ।
రక్తాంబరధరాంబాలాంసీలకుంచితమూర్థజామ్ ॥ 3 ॥
అక్లిష్టమాల్యాభరణాంతథారూపామనిందితామ్ ।
దదౌరామాయవైదేహీమంకేకృత్వావిభావసుః ॥ 4 ॥
అబ్రవీత్తుతదారామంసాక్షీలోకస్యపావకః ।
ఏషాతేరామ వైదేహీపాపమస్యాం న విద్యతే ॥ 5 ॥
నైవవాచా న మనసానైవబుద్ధ్యా న చక్షుషా ।
సువృత్తావృత్తశౌండీరన త్వామత్యచరచ్ఛుభా ॥ 6 ॥
రావణేనాపనీతైషావీర్యోసతిక్తేనరక్షసా ।
త్వయావిరహితాదీనావివశానిర్జనాద్వనాత్ ॥ 7 ॥
రుద్ధాచాంతఃపురేగుప్తాత్వచ్ఛిత్తాత్వత్పరాయణా ।
రక్షితారాక్షసీభిశ్చఘోరాభిర్ఘోరబుద్ధిభిః ॥ 8 ॥
ప్రలోభ్యమానావివిధంభర్త్స్యమానా చ మైథిలీ ।
నాచింతయతతద్రక్షస్త్వద్గతేనాంతరాత్మనా ॥ 9 ॥
విశుద్ధభావాంనిష్పాపాంప్రతిగృహ్ణీష్వమైథిలీమ్ ।
న కించిరభిధాతవ్యాఅహమాజ్ఞాపయామితే ॥ 10 ॥
తతఃప్రీతిమానారామఃశ్రుత్యైవంవదతాంవరః ।
దధ్యౌముహూర్తంధర్మాత్మాబాష్పవ్యాకులలోచనః ॥ 11 ॥
ఏవముక్తోమహాతేజాధృతిమాందృఢవిక్రమః ।
ఉవాచత్రిదశశ్రేష్ఠంరామోధర్మభృతాంవరః ॥ 12 ॥
అవశ్యంత్రిషులోకేషు న సీతాపాపమర్హతి ।
దీర్ఘకాలోషితాహీయంరావణాంతఃపురేశుభా ॥ 13 ॥
బాలిశోఖలుకామాత్మారామోదశరథాత్మజః ।
ఇతివక్ష్యంతిమాంసంతోజానకీమవిశోధ్యహి ॥ 14 ॥
అనన్యహృదయాంభక్తాంమచ్చిత్తపరివర్తినీమ్ ।
అహమప్యవగచ్ఛామిమైథిలీంజనకాత్మజామ్ ॥ 15 ॥
ఇమామపివిశాలాక్షీంరక్షితాంస్వేనతేజసా ।
రావణోనాతివర్తేతవేలామివమహోదధిః ॥ 16 ॥
ప్రత్యయార్థంతులోకానాంత్రయాణాంసత్యసంశ్రయః ।
ఉపేక్షేచాపివైదేహీంప్రవిశంతీంహుతాశనమ్ ॥ 17 ॥
న హిశక్తఃసుదుష్టాత్మామనసాపిహిమైథిలీమ్ ।
ప్రధర్షయితుమప్రాప్యాందీప్తామగ్నిశిఖామివ ॥ 18 ॥
నేయమర్హతిచైశ్వర్యంరావణాంతఃపురేశుభా ।
అనన్యాహిమయాసీతాభాస్కరేణప్రభాయథా ॥ 19 ॥
విశుద్ధాత్రిషులోకేషుమైథిలీజనకాత్మజా ।
న విహాతుంమయాశక్యాకీర్తిరాత్వవతాయథా ॥ 20 ॥
అవశ్యం చ మయాకార్యంసర్వేషాంవోవచోహితమ్ ।
స్నిగ్ధానాంలోకనాధానామేవం చ వదతాంహితమ్ ॥ 21 ॥
ఇత్యేవమ్విజయీమహాబలఃప్రశస్యమానఃస్వకృతేనకర్మణా ।
సమేత్యరామఃప్రియయామహాయశాఃసుఖంసుఖార్హోఽనుబభూవరాఘవః ॥ 22 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే ఏకవింశత్యధికశతతమస్సర్గః ॥
