શ્રીમદ્વાલ્મીકીય રામાયણે યુદ્ધકાંડમ્ ।
અથ એકવિંશત્યધિકશતતમસ્સર્ગઃ ।
એતચ્છ્રુત્વાશુભંવાક્યંપિતામહસમીરિતમ્ ।
અંકેનાદાયવૈદેહિમુત્પપાતવિભાવસુઃ ॥ 1 ॥
નવિધૂયાથચિતાંતાંતુવૈદેહીંહવ્યવાહનઃ ।
ઉત્તસ્થૌમૂર્તિમાનાશુગૃહીત્વાજનકાત્મજામ્ ॥ 2 ॥
તરુણાદિત્યસંકાશંતપ્તકાંચનભૂષણામ્ ।
રક્તાંબરધરાંબાલાંસીલકુંચિતમૂર્થજામ્ ॥ 3 ॥
અક્લિષ્ટમાલ્યાભરણાંતથારૂપામનિંદિતામ્ ।
દદૌરામાયવૈદેહીમંકેકૃત્વાવિભાવસુઃ ॥ 4 ॥
અબ્રવીત્તુતદારામંસાક્ષીલોકસ્યપાવકઃ ।
એષાતેરામ વૈદેહીપાપમસ્યાં ન વિદ્યતે ॥ 5 ॥
નૈવવાચા ન મનસાનૈવબુદ્ધ્યા ન ચક્ષુષા ।
સુવૃત્તાવૃત્તશૌંડીરન ત્વામત્યચરચ્છુભા ॥ 6 ॥
રાવણેનાપનીતૈષાવીર્યોસતિક્તેનરક્ષસા ।
ત્વયાવિરહિતાદીનાવિવશાનિર્જનાદ્વનાત્ ॥ 7 ॥
રુદ્ધાચાંતઃપુરેગુપ્તાત્વચ્છિત્તાત્વત્પરાયણા ।
રક્ષિતારાક્ષસીભિશ્ચઘોરાભિર્ઘોરબુદ્ધિભિઃ ॥ 8 ॥
પ્રલોભ્યમાનાવિવિધંભર્ત્સ્યમાના ચ મૈથિલી ।
નાચિંતયતતદ્રક્ષસ્ત્વદ્ગતેનાંતરાત્મના ॥ 9 ॥
વિશુદ્ધભાવાંનિષ્પાપાંપ્રતિગૃહ્ણીષ્વમૈથિલીમ્ ।
ન કિંચિરભિધાતવ્યાઅહમાજ્ઞાપયામિતે ॥ 10 ॥
તતઃપ્રીતિમાનારામઃશ્રુત્યૈવંવદતાંવરઃ ।
દધ્યૌમુહૂર્તંધર્માત્માબાષ્પવ્યાકુલલોચનઃ ॥ 11 ॥
એવમુક્તોમહાતેજાધૃતિમાંદૃઢવિક્રમઃ ।
ઉવાચત્રિદશશ્રેષ્ઠંરામોધર્મભૃતાંવરઃ ॥ 12 ॥
અવશ્યંત્રિષુલોકેષુ ન સીતાપાપમર્હતિ ।
દીર્ઘકાલોષિતાહીયંરાવણાંતઃપુરેશુભા ॥ 13 ॥
બાલિશોખલુકામાત્મારામોદશરથાત્મજઃ ।
ઇતિવક્ષ્યંતિમાંસંતોજાનકીમવિશોધ્યહિ ॥ 14 ॥
અનન્યહૃદયાંભક્તાંમચ્ચિત્તપરિવર્તિનીમ્ ।
અહમપ્યવગચ્છામિમૈથિલીંજનકાત્મજામ્ ॥ 15 ॥
ઇમામપિવિશાલાક્ષીંરક્ષિતાંસ્વેનતેજસા ।
રાવણોનાતિવર્તેતવેલામિવમહોદધિઃ ॥ 16 ॥
પ્રત્યયાર્થંતુલોકાનાંત્રયાણાંસત્યસંશ્રયઃ ।
ઉપેક્ષેચાપિવૈદેહીંપ્રવિશંતીંહુતાશનમ્ ॥ 17 ॥
ન હિશક્તઃસુદુષ્ટાત્મામનસાપિહિમૈથિલીમ્ ।
પ્રધર્ષયિતુમપ્રાપ્યાંદીપ્તામગ્નિશિખામિવ ॥ 18 ॥
નેયમર્હતિચૈશ્વર્યંરાવણાંતઃપુરેશુભા ।
અનન્યાહિમયાસીતાભાસ્કરેણપ્રભાયથા ॥ 19 ॥
વિશુદ્ધાત્રિષુલોકેષુમૈથિલીજનકાત્મજા ।
ન વિહાતુંમયાશક્યાકીર્તિરાત્વવતાયથા ॥ 20 ॥
અવશ્યં ચ મયાકાર્યંસર્વેષાંવોવચોહિતમ્ ।
સ્નિગ્ધાનાંલોકનાધાનામેવં ચ વદતાંહિતમ્ ॥ 21 ॥
ઇત્યેવમ્વિજયીમહાબલઃપ્રશસ્યમાનઃસ્વકૃતેનકર્મણા ।
સમેત્યરામઃપ્રિયયામહાયશાઃસુખંસુખાર્હોઽનુબભૂવરાઘવઃ ॥ 22 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે એકવિંશત્યધિકશતતમસ્સર્ગઃ ॥
