ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଏକଵିଂଶତ୍ୟଧିକଶତତମସ୍ସର୍ଗଃ ।
ଏତଚ୍ଛ୍ରୁତ୍ଵାଶୁଭଂଵାକ୍ୟଂପିତାମହସମୀରିତମ୍ ।
ଅଂକେନାଦାୟଵୈଦେହିମୁତ୍ପପାତଵିଭାଵସୁଃ ॥ 1 ॥
ନଵିଧୂୟାଥଚିତାଂତାଂତୁଵୈଦେହୀଂହଵ୍ୟଵାହନଃ ।
ଉତ୍ତସ୍ଥୌମୂର୍ତିମାନାଶୁଗୃହୀତ୍ଵାଜନକାତ୍ମଜାମ୍ ॥ 2 ॥
ତରୁଣାଦିତ୍ୟସଂକାଶଂତପ୍ତକାଂଚନଭୂଷଣାମ୍ ।
ରକ୍ତାଂବରଧରାଂବାଲାଂସୀଲକୁଂଚିତମୂର୍ଥଜାମ୍ ॥ 3 ॥
ଅକ୍ଲିଷ୍ଟମାଲ୍ୟାଭରଣାଂତଥାରୂପାମନିଂଦିତାମ୍ ।
ଦଦୌରାମାୟଵୈଦେହୀମଂକେକୃତ୍ଵାଵିଭାଵସୁଃ ॥ 4 ॥
ଅବ୍ରଵୀତ୍ତୁତଦାରାମଂସାକ୍ଷୀଲୋକସ୍ୟପାଵକଃ ।
ଏଷାତେରାମ ଵୈଦେହୀପାପମସ୍ୟାଂ ନ ଵିଦ୍ୟତେ ॥ 5 ॥
ନୈଵଵାଚା ନ ମନସାନୈଵବୁଦ୍ଧ୍ୟା ନ ଚକ୍ଷୁଷା ।
ସୁଵୃତ୍ତାଵୃତ୍ତଶୌଂଡୀରନ ତ୍ଵାମତ୍ୟଚରଚ୍ଛୁଭା ॥ 6 ॥
ରାଵଣେନାପନୀତୈଷାଵୀର୍ୟୋସତିକ୍ତେନରକ୍ଷସା ।
ତ୍ଵୟାଵିରହିତାଦୀନାଵିଵଶାନିର୍ଜନାଦ୍ଵନାତ୍ ॥ 7 ॥
ରୁଦ୍ଧାଚାଂତଃପୁରେଗୁପ୍ତାତ୍ଵଚ୍ଛିତ୍ତାତ୍ଵତ୍ପରାୟଣା ।
ରକ୍ଷିତାରାକ୍ଷସୀଭିଶ୍ଚଘୋରାଭିର୍ଘୋରବୁଦ୍ଧିଭିଃ ॥ 8 ॥
ପ୍ରଲୋଭ୍ୟମାନାଵିଵିଧଂଭର୍ତ୍ସ୍ୟମାନା ଚ ମୈଥିଲୀ ।
ନାଚିଂତୟତତଦ୍ରକ୍ଷସ୍ତ୍ଵଦ୍ଗତେନାଂତରାତ୍ମନା ॥ 9 ॥
ଵିଶୁଦ୍ଧଭାଵାଂନିଷ୍ପାପାଂପ୍ରତିଗୃହ୍ଣୀଷ୍ଵମୈଥିଲୀମ୍ ।
ନ କିଂଚିରଭିଧାତଵ୍ୟାଅହମାଜ୍ଞାପୟାମିତେ ॥ 10 ॥
ତତଃପ୍ରୀତିମାନାରାମଃଶ୍ରୁତ୍ୟୈଵଂଵଦତାଂଵରଃ ।
ଦଧ୍ୟୌମୁହୂର୍ତଂଧର୍ମାତ୍ମାବାଷ୍ପଵ୍ୟାକୁଲଲୋଚନଃ ॥ 11 ॥
ଏଵମୁକ୍ତୋମହାତେଜାଧୃତିମାଂଦୃଢଵିକ୍ରମଃ ।
ଉଵାଚତ୍ରିଦଶଶ୍ରେଷ୍ଠଂରାମୋଧର୍ମଭୃତାଂଵରଃ ॥ 12 ॥
ଅଵଶ୍ୟଂତ୍ରିଷୁଲୋକେଷୁ ନ ସୀତାପାପମର୍ହତି ।
ଦୀର୍ଘକାଲୋଷିତାହୀୟଂରାଵଣାଂତଃପୁରେଶୁଭା ॥ 13 ॥
ବାଲିଶୋଖଲୁକାମାତ୍ମାରାମୋଦଶରଥାତ୍ମଜଃ ।
ଇତିଵକ୍ଷ୍ୟଂତିମାଂସଂତୋଜାନକୀମଵିଶୋଧ୍ୟହି ॥ 14 ॥
ଅନନ୍ୟହୃଦୟାଂଭକ୍ତାଂମଚ୍ଚିତ୍ତପରିଵର୍ତିନୀମ୍ ।
ଅହମପ୍ୟଵଗଚ୍ଛାମିମୈଥିଲୀଂଜନକାତ୍ମଜାମ୍ ॥ 15 ॥
ଇମାମପିଵିଶାଲାକ୍ଷୀଂରକ୍ଷିତାଂସ୍ଵେନତେଜସା ।
ରାଵଣୋନାତିଵର୍ତେତଵେଲାମିଵମହୋଦଧିଃ ॥ 16 ॥
ପ୍ରତ୍ୟୟାର୍ଥଂତୁଲୋକାନାଂତ୍ରୟାଣାଂସତ୍ୟସଂଶ୍ରୟଃ ।
ଉପେକ୍ଷେଚାପିଵୈଦେହୀଂପ୍ରଵିଶଂତୀଂହୁତାଶନମ୍ ॥ 17 ॥
ନ ହିଶକ୍ତଃସୁଦୁଷ୍ଟାତ୍ମାମନସାପିହିମୈଥିଲୀମ୍ ।
ପ୍ରଧର୍ଷୟିତୁମପ୍ରାପ୍ୟାଂଦୀପ୍ତାମଗ୍ନିଶିଖାମିଵ ॥ 18 ॥
ନେୟମର୍ହତିଚୈଶ୍ଵର୍ୟଂରାଵଣାଂତଃପୁରେଶୁଭା ।
ଅନନ୍ୟାହିମୟାସୀତାଭାସ୍କରେଣପ୍ରଭାୟଥା ॥ 19 ॥
ଵିଶୁଦ୍ଧାତ୍ରିଷୁଲୋକେଷୁମୈଥିଲୀଜନକାତ୍ମଜା ।
ନ ଵିହାତୁଂମୟାଶକ୍ୟାକୀର୍ତିରାତ୍ଵଵତାୟଥା ॥ 20 ॥
ଅଵଶ୍ୟଂ ଚ ମୟାକାର୍ୟଂସର୍ଵେଷାଂଵୋଵଚୋହିତମ୍ ।
ସ୍ନିଗ୍ଧାନାଂଲୋକନାଧାନାମେଵଂ ଚ ଵଦତାଂହିତମ୍ ॥ 21 ॥
ଇତ୍ୟେଵମ୍ଵିଜୟୀମହାବଲଃପ୍ରଶସ୍ୟମାନଃସ୍ଵକୃତେନକର୍ମଣା ।
ସମେତ୍ୟରାମଃପ୍ରିୟୟାମହାୟଶାଃସୁଖଂସୁଖାର୍ହୋଽନୁବଭୂଵରାଘଵଃ ॥ 22 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଏକଵିଂଶତ୍ୟଧିକଶତତମସ୍ସର୍ଗଃ ॥
